ކައިޒީން: އޭނާގެ ބައްޕައާ ދެކޮޅަށް އޭނާ ދައުވާކުރީ އޭނާގެ ހުއްދަ ނެތި ބައްޕަގެ ނަމަށް ބޯޓެއް ރަޖިސްޓްރީ ކުރުމުން
22 ޑިސެމްބަރ 2022 - 18:06
97 comments
މަޝްހޫރު މޮޑެލެއް ކަމަށްވާ ފާތިމަތު ޒަޔާން (ކައިޒީން) އޭނާގެ ބައްޕައާ ދެކޮޅަށް ބޯޓެއްގެ މައްސަލާގައި ދައުވާކޮށްފި އެވެ.
ޅ. ނައިފަރަށް އުފަން ކައިޒީން ދައުވާކުރީ އޭނާ 3.6 މިލިއަން ރުފިޔާ ދީގެން ބައްޕަ ލައްވައި ބޯޓު ގަތުމުން އެ ބޯޓު އޭނާގެ ރުހުން ނެތި ބައްޕަގެ ނަމަށް ރަޖިސްޓްރީކުރި ކަމަށް ބުނެ އެވެ. ކައިޒީން ދައުވާކުރީ އެ ބޯޓު އޭނާގެ ނަމަށް ބަދަލު ކުރުމަށެވެ.
ސިވިލް ކޯޓުން އިއްޔެ ވަނީ އެ މައްސަލަ ނިމެންދެން، ބޯޓުގެ މިލްކުވެރިކަން ބަދަލު ނުކުރުމަށާއި އަދި ކުއްޔަށް ދިނުން ފަދަ އެއްވެސް ކަމެއް ނުކުރަން ކައިޒީންގެ ބައްޕަ އާއި ޓްރާންސްޕޯޓް މިނިސްޓްރީގެ މައްޗަށް އަމުރެއް ނެރެފަ އެވެ.
ކޯޓުގެ އަމުރުގައިވަނީ ބޯޓު ގަތުމަށް ފައިސާ ދިނީ ކައިޒީން ކަން ސާބިތުކުރަން ހެކިތަކެއް ހުށަހަޅާފައިވާ ކަމަށެވެ. އަދި އެކަމަށް ފައިސާ ދިނީ ކައިޒީން ކަމާ މެދު އޭނާގެ ބައްޕަ އިންކާރު ކޮށްފައި ނުވާ ކަމަށް ވެސް އެ ނިންމުމުގައިވެ އެވެ.
އެހެންވެ މައްސަލާގައި ކައިޒީނަށް ހިމާޔަތް ލިބެންޖެހޭ ހައްގެއް އެބައޮތް ކަމަށާއި އަދި އެ މައްސަލަ ނިމުމުގެ ކުރިން ބޯޓުގެ މިލްކުވެރިކަން އެހެން ފަރާތަކަށް ބަދަލުވެއްޖެ ނަމަ ކައިޒީނަށް އިއާދަ ނުކުރެވޭނެ ގެއްލުންތަކެއް ލިބިދާނެ ކަމަށް އެ ނިންމުމުގައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސޮރުބެ
24 December 2022
މީނާއަށް އަސްލުވެސް ކިޔަނީ ކައިޒީންތަ؟ ބައްޕަ ދިން ނަމުން މުޚާޠަބުކުރަން ލަދުގަންނަނީބާ؟
ދޮންކަބިލި
25 December 2022
ކަލެޔަށް ކިޔަނީ ސޮރުބެ ތަ؟!
ބައްޕައަށް ދޭނީ
24 December 2022
މަނަމަ ތީތި ބައްޕަ އަށް ދޭނީ ދައުވާ ނުކޮށް. ސަވާބާ ދަރުމައަށް ޓަކައި. ﷲ އަށްޓަކައި.
މޯޑިސް.
24 December 2022
ބަލަ ފައިސާލިބޭނީ ގަދައަޅާ މަސައްކަތްކުރާމީހުނަށް، ގޭގަނިދަންއޮވެފަ ނޫނީ އަބަދު ކޮފީގަ އިންނަމީހަކަށް ފައިސާއެއްނުލިބޭނެ. އެކަހަލަމީހުން އެހެންމީހަކަށް ފައިސާއެއްލިބޭކަންއެގުނީމަ ޖޭ ވަނީ؟!! ދިސްއިޒް މޯޑިސް. ޗެކިޓައުޓްއެވްރިބަޑީ!!
ކޮރަލް
23 December 2022
ބައްޕަ އަށް ތިޔަ ބޯތް ދޭން ވީ އެވެ. ބައްޕަ ކައިޒީން ބަލާ ބޮޑޫ ކުރަން ކުރި މަސައްކަތައް ބަލާއިރު ތިޔަ 3.6 މިލިއަން ރުފިޔާ އަކީ މާ ބޮޑޫ އެއްޗެއް ނޫނެވެ.
ދޮންކަބިލި
24 December 2022
ކައި ގެ ނަމުގައި ބޯޓް އިނަސް ބައްޕައަށް ބޯޓް ދުއްވޭނެ.
ސަމުގާ
23 December 2022
ދިވެހިންގެ މެދުގައި ހަސަދަވެރިކަން ހުރިވަރުފެނިފަ އަންތަރީސް ވެއްޖައީމުއެވެ. ދިވެހި ޒުވާން އަންހެންކުއްޖަކާ ދިމާލަން ނުކިޔާކަށް ވަކިއެއްޗެއްނެތެވެ. ކައިލީނީ އަކީ ތިމަންމީހާގެ ދަރިއަކަށް ނުވަތަ ދައްތައަކަށް ނުވަތަ ކޮއްކޮއަކަށް ވިނަމަވެސް ތިޔަގޮތަށް އަމަލު ކުރީސް ހެއްޔެވެ. ހަމަ ހިތުލަފައަކަށް މީހާކާ ދިމާލަށް މިފަދަ އިބާރާތްތަކުން ގޮވާކަށް ނުވާނެއެވެ.
ހަފުސް
23 December 2022
މިތިބައުޅޭ ގަމާރު ފަގީރު ހަސަދަވެރި ކޮމެންޓޭޓަރުނަށް ބުނެލަން! މަސައްކަތެއް ދަންނަ މުރާކި ހޭޖެހޭ ޒުވާނަކަށް 3 4 މިލިޔަން ހޯދައިގެން ރަނގަޅު ހަރުމުދަލެއް ގަނެވިދާނެ. މަގޭ އެކައުންޓްގައި ބައިލައްކަ ވެސް ހަމަނުވޭ. މިދިޔަ 16 އަހަރުތެރޭ 2 މިލިޔަން ރުފިޔާ ކޮޓެރިކުއްޔަށް ހޭދަކުރިން. އާއިލާގަ ކޮޓަރިގަނޑެއް ހުރިނަމަ ވަރަށް ބޮޑުވަރު އެއީ.
އެއްކަލަ އިބުރާ
23 December 2022
ކައިޒީން ބޯޓް ވެސް ދުއްވާތަ؟
ޑޮކްޓާރ. ބަނާނާ
23 December 2022
ކަލޯ ގަޔާ މީމަންޖެ އަތުގައި ހާދަ ފައިސާއެކޭދޯ.. އެހާ ބުރަ މަސައްކަތެއް ކޮށް ޅައުމުތުގައި އެކައުންޓް ގައިި މިލިއަން ހުރުމުން ދެންބައްޕަވެސް ގޮވައިގެން ކޯޓަށް ދާނެތާ ދޯ..
ރަދީފު ބިން ރަފައިދާ
23 December 2022
މިއަދު ބައްޕައަކަށް އިތުބާރުކޮށްގެންނުވާނެ. އެކަމަކު މަށަށް ލިބުނީ އެއްވަނައިގެ ބަފައެއް. މަށަށް ވަރަށް ހަދިޔާ ދޭނެ.
އާދަނު33
23 December 2022
ގިނަދިވެހިންނަކީ ކޮންކަހަލަބައެއްކަން ކޮމެންޓްތަކުންއެގޭ. ހާއްސަކޮށް ފޭސްބުކު ގަ މީހުންކޮށްފަހުންނަ ކޮމެންޓްތަކުން. ފޭސްބުކުން ކާކުކަމާ ވަޒީފާގަ އުޅޭތްނާ ބަލާއިރު….. ބުނާނެއެއްޗެއްނެތް!!