ވަޓަނަބޭ އަށް 112 އަހަރު؛ ސިއްރަކީ ހިނިތުންވުން

އަހުމަދު އަދްޝަން، މިހާރު

17 ފެބުރުއަރީ 2020 - 07:23

މިއީ އުމުރުން ދުވަސްވީ މީހުން ބަލަހައްޓާ ޖަޕާނުގެ ނިގާޓާގެ ނާސިން ހޯމެއްގައި ދިރިއުޅުން އަންނަ ޗިޓެޓްސޫ ވަޓަނަބޭ އެވެ. އުމުރުން މިހާރު 112 އަހަރެވެ. މި ވަގުތު ދުނިޔޭގައި ހުރި އެންމެ ދުވަސްވީ ފިރިހެން މީހާގެ ރެކޯޑް ވެސް ރަސްމީކޮށް އޭނާ އަށް ވަނީ ލިބިފަ އެވެ.

މިއާ އެކު އޭނާ ބުނަން އޮތް ވާހަކަ އަކީ މިއެވެ؛ ދިގު އުމުރަކަށް އެދޭ ނަމަ އުފާވެރިކަން އިސްކުރާށެވެ. އަބަދު ވެސް ހިނިތުންވެފައި ހުންނާށެވެ. ރުޅި ނާންނާށެވެ. ވަޓަނަބޭގެ ދިގު އުމުރުގެ ސިއްރަކީ މި އެވެ. އެ ނޫން ވަކި އެހެން ހާއްސަކަމެއް ނެތް ކަމަށް އޭނާ ގަބޫލުކުރެ އެވެ.

What's the secret to a long life? "Not to get angry and keep a smile on your face," says our new oldest living man record holder, 112 year old Chitetsu Watanabe from Japan https://t.co/rSAz65nIl1
— GuinnessWorldRecords (@GWR) February 12, 2020

ވަޓަނަބޭ އުފަންވީ މާޗް 5، 1907 ގަ އެވެ. އަދި އޭނާ އަކީ މައިންބަފައިންނަށް ލިބުނު އަށް ކުދިންގެ ތެރެއިން ދޮށީ ދަރިފުޅެވެ. ދަނޑުވެރިކަމުގެ ދާއިރާ އިން ގްރެޖްއޭޓްވުމަށް ފަހު، ވަޓަނަބޭ ފަހުން ދިރިއުޅން ބަދަލުކުރީ ޓައިވާނަށެވެ. އެގޮތުން އެ ގައުމުގައި ޝުގަ ޕްލާންޓޭޝަނެއްގައި ކޮންޓްރެކްޓެއްގެ ދަށުން މަސައްކަޔްކުރި އެވެ.

ވަޓަނަބޭ ޓައިވާނުގައި ހޭދަކުރި 18 އަހަރުގެ ތެރޭގައި ލިބުނު ފަސް ދަރިންގެ ތެރެއިން ހަތަރު ދަރިން ވެސް އުފަންވީ ވެސް އެތަނުގަ އެވެ.

ޓައިވާނުގައި މަސައްކަތްކުރުމަށް ފަހު 1944 ގައި އޭނާ ޕެސިފިލް ހަނގުރާމައިގެ ދުވަސްވަރި އަސްކަރިއްޔާގައި ވެސް މަަސައްކަތްކުރި އެވެ. ފަހުން ރިޓަޔާކުރުމަށް ފަހު 1974 ގައި ވަޓަނަވޭ ކުރަން ފެށި މަސައްކަތަކީ އަމިއްލަ އަށް ދަނޑުވެރިކލަން ކުރުމެވެ. އުމުރުން 104 އަހަރު ވަންދެން އޭނާ އެ މަސައްކަތުގައި އުޅުނެވެ.

މި ވަގުތު ދުނިޔޭގައި ހުރި އެންމެ ދުވަސްވީ މީހަކީ ޖަޕާނުގެ 117 އަހަރުގެ އަންހެނެކެވެ. އެއީ ކޭން ޓަނާކާ އެވެ.

ޖަޕާން ގިނިސް ވޯލްޑް ރެކޯޑްސް އުމުރުން ދުވަސްވީ މީހުން

4 ކޮމެންޓް, 12 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ވަތަނަބޭ

17 February 2020

ދިރިއުޅުމަކީމީ (ސުބް ގަރާޖު ބައިގަ) ޔޫސޭ ޖަޕާނަށް ގުޅައިގެން ވާހަކަ ދައްކަނީ މިވަތަނަބޭއާކަން އަދިކިރިޔާ މިއެނގުނީ?

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަރުހަމް

17 February 2020

ވަތަނަބޭ! ކުޑައިރު އެކަކު އަނެކަކަށް ދިމާކުރަން ކިޔައި އުޅުނު ވަނަމެއް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހިކުމަތް

17 February 2020

ބަޓަނަބޭ އަށް 112 އަހަރު ވެއްޖެ އެވެ.އެކަމަކު ވަޓަނަބޭ ގެ ވެސް އެެއްމެ ބޮޑު ކެކުޅުމަކަށް އަދި ވެސް އޮންނާނީ "މަރު ވެދާނެ" ކަމެވެ. ދުނިޔާގައި 112 އަހަރު ހުރި މީހާ ވެސް މަރުވާއިރު އޮންނާނީ އުމުރު ކުރުވެފައެވެ.އުމުރަކީ ކިތައްމެ ދިގަސް ކުރު އެެއްޗެކެވެ.ދުނިޔޭގެ ނިސްބަތުން 112 އަހަރަކީ " ތިއްކެކެ" ވެ. ދިގު ދެމިގެންދާ މަންފާ ކުރަނިވި އެއްޗަކީ ދުނިޔާގައި ހުރެ ކުރެވުނު ހެޔޮ ކަމެކެވެ.