ކޮމަންޑޫ ދާއިރާގެ ބައި އިލެކްޝަނަށް ނައިބް ރައީސް ފައިސަލް ނަސީމް ކޮމަންޑޫގައި.-- ފޮޓޯ: އެމްޑީޕީ
15 ޖެނުއަރީ 2022 - 12:32
26 comments
އަންނަ މަހު ފަހެއްގައި ބާއްވާ ކޮމަންޑޫ ދާއިރާގެ ބައި އިލެކްޝަންގައި އެމްޑީޕީގެ ފަރާތުން ވާދަކުރާ ކެންޑިޑޭޓަށް ތައީދު ހޯއްދެވުމަށް ނައިބް ރައީސް ފައިސަލް ނަސީމް ވެސް މިއަދު އެ ރަށަށް ވަޑައިގެންފި އެވެ.
ނައިބު ރައީސް އެ ރަށަށް ވަޑައިގަތް އިރު ސަރުކާރުގެ ވަޒީރުންނާއި ރައްޔިތުންގެ މަޖިލީހުގެ އެމްޑީޕީގެ މެމްބަރުން ހިމެނޭ ގޮތަށް ބޮޑު ޓީމަކުން މިހާރު ވެސް އަންނަނީ އެ ދާއިރާގައި ހަރަކާތްތެރިވަމުންނެވެ.
ޖުމްހޫރީ ޕާޓީ މެމްބަރެއްގެ ގޮތުގައި ހުންނެވި ނައިބު ރައީސް ފައިސަލް ގެންދަވަނީ ކޮމަންޑުއަށް ވަޑައިގެން ސަރުކާރު ކޯލިޝަންގެ މައި ޕާޓީ އެމްޑީޕީގެ ފަރާތުން ބައި އިލެކްޝަންގައި ވާދަކުރާ މުހައްމަދު ރާޝިދުގެ ކެމްޕޭނަށް ރައްޔިތުންނާ ބައްދަލު ކުރައްވަމުންނެވެ.
ކޮމަންޑޫ ރައްޔިތުންނާ އެކު ބޭއްވި ބައްދަލުކުރެއްވުމުގައި ފައިސަލް ވިދާޅުވީ މަޖިލީހުގައި ބޮޑު މެޖޯރިޓީއެއް އޮވެ، ރައްޔިތުން ބޭނުންވާ އެތައް ކަމެއް މި ސަރުކާރުން ކޮށްދެމުން އަންނަ ކަމަށެވެ. ކުރިން ވެސް ސަރުކާރު ކޯލިޝަންގެ ޕާޓީއެއްގެ ގޮނޑިއެއްގެ ގޮތުގައި އެ ދާއިރާ އޮތުމުން ފައިދާވި ކަން ފާހަގަކުރައްވައި ދެން ވެސް މި ދާއިރާ އަށް ސަރުކާރު ތަމްސީލުކޮށްދޭ މެމްބަރެއް ނެރުން މުހިންމު ކަމަށް ވިދާޅުވި އެވެ.
ރައީސުލްޖުމްހޫރިއްޔާގެ ނައިބު @FaisalNasym ރައްޔިތުން މަޖިލިސް ކޮމަންޑޫ ދާއިރާގެ ބައި-އިލެކްޝަން އެމްޑީޕީ ކެންޑިޑޭޓް @Rashid141221 ގެ ކެންޕެއިންގައި ބައިވެރިވެ ވަޑައިގަތުމަށް ފޯކައިދޫއަށް ވަޑައިގެން، ފޯކައިދޫގެ ރައްޔިތުންނާއި ބައްދަލުކުރެއްވުން.#VoteRashid#Agenda19 pic.twitter.com/wTJOIOh8c2
— MDP Secretariat (@MDPSecretariat) January 15, 2022
އަންނަ މަހު ފަހެއްގައި ބާއްވާ އިންތިހާބަށް އެ ދާއިރާގެ ރަށްތަކުގައި އެމްޑީޕީން ވަރަށް ފޯރީގައި އަންނަނީ ކެމްޕެއިން ކުރަމުންނެވެ.
ބައި އިލެކްޝަން ކައިރިވެފައި ވަނިކޮށް، ސަރުކާރުން ވަނީ އެ ރަށްތަކުގައި ބޮޑެތި ޕްރޮޖެކްޓުތައް ވެސް އިއުލާންކޮށްފަ އެވެ. އަދި ބައެއް މަސައްކަތައް މިހާރު ފަށާފައިވާއިރު، އެންމެ ބޮޑު މަޝްރޫއެއްގެ ގޮތުގައި ފާހަގަކޮށްލެވޭ، ކޮމަންޑޫ އާއި އެ ރަށާ އެއް ފަޅެއްގެ ތެރޭ އޮންނަ ފަޅު ރަށެއް ކަމަށްވާ މަތި ކޮމަންޑޫ ގުޅާލުމުގެ އަމަލީ މަސައްކަތް ވެސް އިއްޔެ ވަނީ ފަށައިފަ އެވެ.
ރަޝީދުގެ ކެމްޕެއިނަށް ރައީސް އިބްރާހިމް މުހައްމަދު ސޯލިހު ވެސް ވަނީ މިދިޔަ ހަފުތާގައި ވަޑައިގެންފަ އެވެ. ދައުލަތުގެ ބަޖެޓުގައި ވެސް ހިމަނާފައި ނެތް ކޮމަންޑޫ އާއި މަތި ކޮމަންޑޫ ގުޅުވާލުމުގެ މަޝްރޫއު ރައީސް އިއުލާންކުރެއްވީ އެ ދަތުރުފުޅުގަ އެވެ.
ކޮމަންޑޫ ދާއިރާގެ ބައި އިލެކްޝަންގައި އެމްޑީޕީގެ އިތުރުން އިދިކޮޅު ޕީޕީއެމުންނާއި އެމްއެންޕީން ވެސް ވާދަކުރެ އެވެ. އެއީ ޕީޕީއެމްގެ ފަރާތުން މޫސާ ފަތުހީ އާއި އެމްއެންޕީގެ ފަރާތުން އަބްދުލް ހަންނާން އިދުރީސެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރަދީފްއޮފިޝިއަލް
16 January 2022
މިސްޓަރ ރިބަން.
ގުދުގުދާބެއްޔާ
16 January 2022
މަމީ އެމްޑީޕީ މީހެއް ކޮމަންޑޫ ދާއިރާއިން އެމްޑީޕީ ބޮޑުތަނުން ފެއިލްވާނެ! އަދި 2023 ގައި އޮންނަ އިންތިހާބުން މާލެސިޓީއިން ބޮޑުތަނުން އެމްޑީޕީ އަދި ޕީޕީއެމް ވެސް ފެއިލްކޮއްލާނަން! އަހަރުމެން މާލޭ މީހުންނަށް މިދެޕާޓީން ވަނީ ދޯކާ ދީފައި! ދެން ދެވަނަފަހަރަކަށް ކައްޓެއް ނުޖެހޭނެ!
ރަދީފްއޮފިޝިއަލް
16 January 2022
ދެން ޑޮމިނޭޓްކުރާނީ ކޮންބައެއް؟؟ އެބައެއްގެ ނަން ވެސް ބުނެލިނަމަ.
ޕިސްޕިސް
16 January 2022
ދެން ހޮވާނީ، ތި ބެއްޔާ
ސޯދިގު
16 January 2022
ސުޔާސީ ޕާޓީއެއްގެ ކެނޑިޑެންސީއެއްގައި އިންތިޚާބުވީ ގައުމުގެ ނާއިބުރައީސް ދައުލަތުގެވެރިޔާގެ ޕާޓީއަށް ކެމްޕޭން ކޮށްދޭން ސަރުކާރުގެ ޚަރަދުގައި ދިޔައީމާ އަޚްލާގާ ސިޔާސަތުގައި މިގައުމު ވެއްޓިފާވާ ވަޅުގަނޑުގެ ފުންކަން ވިސްނާލަ. އަދި ޑިމޮކްރެސީގެ ބައްޕަ ހެދިގެން އެނަމުގައި ހަދާގެންއުޅޭ ޑަބަލް ސްޓޭންޑަޑް ތިލަފަތުގެ ވެރި އެމްޑީޕީ ރައްޔިތުންނަށް ދަސްކޮށްދިން ފޭކް ޑިމޮކްރެސީ މިފެންނަނީ.
ލައްޓި
15 January 2022
ދެން ތިން ޕާޓީވެގެން ތިޔަ ރަށު ރައްޔިތުން ބައިބައިކޮށް އެކަނިވެރިކޮށްލާފަދޯ ނިންމާނީ ތިޔަކަމެއް ނިމޭ އިރު. ހާދަ ހިތާމަވެރި ކަމެކޭ މިއީ...
ހާމިދު ޝާހިދު
15 January 2022
ސަރުކާރުގެ ހުރިހާ ފަންތިއެއްގެ އިސް ބޭފުޅުން ރައީސް، ނާއިބު ރައީސް، އދ މަޖްލިސްގެ ރައީސް، މަޖްލިސް ރައީސް އާ ހުރިހާ ވަޒީރުން، އެމްޕީއިން އެކްޓިވިސްޓުން ދައުލަތުގެ ހަރަދުގައި ގޮސް ގިއްކިޔާފައި ކޭމްޕޭން މިކުރަނީ ކީއްކުރަން. އެންމެކަމެކެވެ. ލޯކަލް ކައުންސިލް އިންތިހާބުން ލިބުނު ބޮޑު ނާކާމިޔާބަށްފަހު ހިންހަމަ ޖައްސާލުމަށް. އެކަމަކު ރައްޔިތުންނަށް ވީ ދުއްތުރާތަކަށްފަހު އެމީހުން ތިބީ ފޫހިވެފައި. އެކަން މީންމީހަކު ދިއުމުން އެއްވާމީހުންގެ އަދަދުންއިނގޭ.
ބޮޑުމީހާ
15 January 2022
ރައީސާއި، ނާއިބު ރައީސް، މިނިސްޓަރުން ނުވިތާކަށް ޔޫއެންގެ ބޮޑުމީހާވެސް ގެނެސްގެން ދައުލަތުގެ ބޖެޓް ހުސްކޮށްގެން މިހާވަރު މިއަރުވަނީ މަޖްލިސް މެޖޯރިޓީ ނެތީމަތަ. ހިޔާއަށް ބަދަލުވި 30000 މީހުން އާދޭސްއެކުރަނީ އެތާހުރި މައްސަލަތައް ހައްލުކުރަން. 3000 އާބާދީއަކަށް ހަފްތާއެއްތެރޭ 500 މިލިއަން ޚަރަދުކުރަން އެ ނިންމީ
ސިމްސާ
16 January 2022
ކުޑަ ކުޑަ ތަނަކަށް 30000 މީހުން ވައްދަން ނިންމި ވެރިޔާގެ ލަދު ކޮބާ؟ އެހާ ވެސް ދަށުދަރަޖައިގަތަ ދިވެހިން ތިބީ، އެހާ ނިކަމެތި ދިވެހިން އެ ކޮށްލީ ކޮން ވިސނުމެއްގަތަ
ލޫކް
15 January 2022
ހުރިހާ އިސްވެރިން ދުރުވަން ތިކުރައްވާ ހަރަދު، ރަގަޅު ސިއްހީ ފަރުވާ ދެވޭނެ އިންތިޒާމް އަތޮޅުގަ ހަމަ ޖެއްސުމަށް ހޭދަކުރައްވާފިއްޔާ ރައްޔިތުން މާބަލައިގަންނާނެ... ފޭކް ވައުދެއް ނޫން ބޭނުމީ..
ބިންބި
15 January 2022
ވަޒީފާގެ ބިރު ދައްކާފަ ފޮނުވާފަ އެއޮތީ
ޖުލައި2021
15 January 2022
އިންތިޚާބަކަށް ދެން ނުފޫޒުފޮރުވޭޏީ މިވަރަކަށް، ޑީމޮކްރަޝީ ދަސްކޮށްދޭން އައި މީހުން ދިމާ އިދިކޮޅަށް ކަންކުރާތަން މިފެންނަނީ. މުޅިސަރުކާރުގެ ހުރިހާ ވަސީލަތެއް ބޭނުންކޮށްގެން ކެމްޕެއިން ކުރާތަން.
މިރުޒާޤު.
15 January 2022
ކ.އަތޮޅު މާލެ ނޫން ރަށެއްގައި ބޫސްޓަރ ޑޯޒް ޖަހާދޭތަ ؟ މިހެން މިއަހާލީ މިފަދަ ހުރިހާ ކަމަކީވެސް ފުރަތަމަ ކ.އަތޮޅު މާލޭ މީހުންނަށް ހާއްސަ ކަންކަން ކަމަށްވެފައި މުޤައްދަސް ރަނށްކޮޅުގެ މީހުނަށް ޖަހާ ބާކީވުމުން ނޫނީ އެހެން ރަށެއްގެ މީހުނަށް ތިފަދަ އެއްވެް ކަމެއް ނުވާތީ.
ފިރުޒާގޫ
15 January 2022
މާލޭގަ ބޫސްޓަރ އެޖަހަނީ ހަމައެކަނި މާލެ މީހުންނަށްތަ؟ އަފީފު ދީދީ ފަރާތުން މާލެއަށް މުގައްދަސް ރަށޭ ކިޔަން ދަސްވެފަ ތިއޮތީ. ތިޔަ ކިޔާ މުގައްދަސް ރަށުގަ ތި ރަށުގެ އެތައް ބަޔަކަށްވެސް އެބަ ޚިދުމަތް ލިބޭ. މުގައްދަސް ރަށުގެ މީހުންނާ ދިމާކުރީމަ އަމިއްލަ ރަށު މީހުންނާވެސް އެބަ ދިމާކުރެވޭ.