ނައީމާ މޫސާ މަރާލާފައި އޮއްވައި ފެނުނު ގެ ހިމެނޭ ސަރަހައްދު ބަންދުކޮށްފައި
26 މެއި 2023 - 20:23
52 comments
ނ. މަނަދޫގައި މަރާލާފައި އޮއްވައި މިދިޔަ އޭޕްރީލް މަހު ފެނުނު ނައީމާ މޫސާ، އަށް ހަމަލާދިނުމަށް ބޭނުންކުރި ކަމަށް ބެލެވޭ ދެ ވަޅި އާއި އެކަން ކުރި މީހުން ލައިގެން ތިބި އަންނައުނު ފުލުހުން މިރޭ ހޯދައިފި އެވެ.
ކޮމިޝަނަ އޮފް ޕޮލިސް މުހައްމަދު ހަމީދު ކުރެއްވި ޓްވީޓެއްގައި ވިދާޅުވީ ނައީމާއަށް ހަމަލާދިނުމަށް ބޭނުންކުރި ކަމަށް ބެލެވޭ ތޫނު ދެ ހަތިޔާރާއި ހަމަލާދިން މީހުން އެވަގުތު ލައިގެން ތިބި ކަމަށް ބެލެވޭ އަންނައުނު ވަޅުގަނޑެއްގެ ތެރެއިން ހޯދާފައިވާ ކަމަށެވެ.
އެތަކެތި ފެނުނީ މަރުގެ ތުހުމަތަށް ދެ މީހަކު ހައްޔަރުކޮށް އެ މީހުންގެ ފަރާތުން ލިބުނު މައުލޫމާތުންނެވެ. ސީޕީ ވިދާޅުވީ ތަހުގީގަށް މުހިންމު ހެކިތަކެއް އަތިރިމަތީގައި ވަޅުލާފައި ހުރި ކަމަށް ފުލުހުންނަށް ލިބުނު މައުލޫމާތަކާ ގުޅިގެން އެ ހޯދުމުގެ މަސައްކަތުގައި އެ ތަކެތި ފެނިފައިވާ ކަމަށެވެ.
އެ އެއްޗެހި ވަޅުލި ތަނުގައި އަލިފާން ވެސް ރޯކޮށްފައި ހުރުމުން އެއްޗެހި ހުރީ އަނދައިފަ އެވެ.
އެނގިފައިވާ ގޮތުގައި އެ ވަޅުން ބޮޑު ދެ ވަޅި އާއި ބައެއް އަންނައުނު ފެނުނެވެ.
އަދާހަމަ: ނައީމާ މޫސާ މަރާލުމަށް ބޭނުންކުރިކަމަށް ބެލެވޭ ތޫނު 2 ހަތިޔާރު އަދިި ހަމަލާދިންވަގުތު އެކަމުގައި ބައިވެރިވި މީހުން ލައިގެންތިބި އަންނައުނު، ވަޅުގަނޑެއް ކޮނެ އެތަކެތި އަޅާ، އަންދާލުމަށްފަހު ފަސްއަޅާ ފޮރުވާފައިވާތަން ކޮނެ އެތަކެތި ނެގިފައިވޭ.
— Mohamed Hameed (@M_Hameedh) May 26, 2023
މަރުގެ ތުހުމަތަށް ހައްޔަރުކޮށްފައިވަނީ މަނަދޫގެ ދެ ޒުވާނުންނެވެ. އޭގެ ތެރެއިން އެކަކު ވަނީ މަސްތުވާތަކެތީގެ މައްސަލައެއްގެ ހައްޔަރުގައި ބަންދުގެ މުއްދަތު އިތުރުކުރުމަށް ކޯޓަށް ހާޒިރުކުރުމުން ނައީމާ މަރާލުމުގައި ބައިވެރިވި ކަމަށް އިއުތިރާފް ވެފައި ކަމަށް ވަނީ އެނގިފަ އެވެ. އެއީ އުމުރުން 23 އަހަރުގެ އަހުޒަމް އަބްދުއްޝަކޫރު އެވެ. ކޮޓަރިން 56.1 ގްރާމްގެ މަސްތުވާތަކެތި ފެނުނު މައްސަލާގައި އޭނާގެ ބަންދަށް މަނަދޫ މެޖިސްޓްރޭޓް ކޯޓުން މިއަދު ވަނީ ބަންދަށް 14 ދުވަސް ދީފަ އެވެ.
އަހުޒަމްއާ އެކު ނައީމާ މަރާލުމުގައި ބައިވެރިވި ކަމަށް ބުނާ 20 އަހަރުގެ މީހާ ހައްޔަރުކުރީ ވަކިންނެވެ.
ހައްޔަރުުރި މީހުންނަކީ ޑްރަގުގެ މައްސަލަތަކިގެ ރެކޯޑް އޮންނަ މީހުންނެވެ. ނައީމާ މަރާލުމުގައި ބައިވެރިވި ކަމަށް އެއްބަސްވި މީހާ އަކީ މީގެ ކުރިން ތޫނު ހަތިޔާރު ގެންގުޅުމުގެ މައްސަލައެއްގައި ވެސް ދައުވާ ލިބުނު މީހެކެވެ.
އެކަނި ދިރިއުޅެމުން އައި ނައީމާ، 62، މަރާލާފައި އޮއްވައި ފެނުނީ އޭނާގެ ޚަބަރެއް ނުވެގެން ފުލުހުންނަށް ރިޕޯޓްކުރުމުން އެގެއަށް ގޮސް، ދޮރު ހަލާކުކޮށްލައިގެން ކޮޓަރިއަށް ވަދެ ބެލުމުންނެވެ. އޭރު އޭނާގެ ހަށިގަނޑުގެ އެކި ތަންތަނަށް އޮތީ ވަޅިން ހަމަލާދީފަ އެވެ. އޭނާގެ ކަރަށާއި ހަށިގަނޑުގެ އެކި ތަންތަނަށް ހަމަލާ ދީފައި ހުއްޓެވެ.
ނައީމާ މަރާލިތާ ދެ މަސް ވާން ގާތްވި އިރު ވެސް ތުހުމަތުކުރެވޭ މީހަކު ވެސް ހޯދިފައި ނެތުމުން އާންމުންގެ ކަންބޮޑުވުން އިތުރުވެ ޝަކުވާ ބޮޑުވެފައިވެ އެވެ. ފުލުހުން ކުރިން ބުނެފައިވާ ގޮތުގައި މަރުގެ ތަހުގީގުގައި ކުށުގެ ވެށިން ޑީއެންއޭ އާއި އިތުރު ފޮރެންސިކް ހެކި ވަނީ ލިބިފަ އެވެ. އަދި އެ ހެކިތަކާ ގުޅުން ހުރި މީހަކު ހޯދަން މަނަދޫން 600 އާ ގާތްކުރާ އަދަދަކަށް މީހުންގެ ޑީއެންއޭ އާއި ޕިންގަޕްރިންޓް ނަގާފައިވެ އެވެ. އެ ސާމްޕަލްތައް އަދިވެސް ޕްރޮސެސްކޮށް ނުނިމެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސެންޓި123
27 May 2023
ބައިނަލް އަޤްވާމީ އިދާރާތަކުން ދަތިކުރުމުގެ ފިޔަވަޅު އަޅާފާނެތީ ބިރުގަންނަނީ. ހީވަނީ ރިޒުޤު ދެއްވަނީ އެމީހުން ހެން. ﷲ އަށް ފުރިހަމަ އިތުބާރެއް ނުކުރޭ. މަރަށް މަރު ހިފަންޔާ އިސްލީމީ ޝަރީއަތުގަ ހުރި ހުރިހާ ހުކުމެއް ތަންފީޒު ކުރަން ޖެހޭނެ. އެހެންނޫނީ ފޮތުގެ އެއްބަޔށް އަމަލު ކޮއްފަ އަނެއްބައި ދޫކޮށްލަނީ. އެއީ ބަނީ އިސްރާއީލު މީހުން ކަންކުރި ގޮތް. އުމަރު ނަސީރުވެސް ހަމަ އެހެން ހަދަން އުޅެނީ. އޭނާއެއީ ފުރުސަތު ލިބި ނުވި މީހެއް.
ޢަދިއްޔު
27 May 2023
ކޮބާ މޯޓިވް. ކީއްވެބާ މިމީހުން އެ ދައްތަ މަރާލަން ޖެހުނީ؟
ޒަރާނާ
28 May 2023
ދެން މޯޓިވް ނޭނގެނީ އޭ ކިޔާފަ ދައުވަކުރުން ލަސްކުރާނީ
ޙަބީބު.
27 May 2023
ސިންގަޕޫރުގަ މަސްތުވާ ތަކެއްޗައް އޮންނައަދަބު ދީބަލަ ނޫނީ ތައިލެންޑުގަ ެެެެެެެެެެެެެެެެެެެެެެެެެެެެެެެެެެެެެެެެެެެެެެެެެ. ޢޮންނަގޮތައް މަގުފޭރުމާ ވައްކަމާނޫނީ އެހެން ހުރިހާ ކަމެއް ހުއްދަކުރޭ ނަމުގަ އިސްލާމީ ޓެގްއަޅުވައިގެން ގެސްޓް ހައުސްފުޅާކޮއް މިދައްކާ ވާހަކަ ދިމަލެއްނުވޭ
ސެންޓިސެންޓި
27 May 2023
މަރަށް މަރު ހިފަންޔާ އިސްލީމީ ޝަރީއަތުގަ ހުރި ހުރިހާ ހުކުމެއް ތަންފީޒު ކުރަން ޖެހޭނެ. އެހެންނޫނީ ފޮތުގެ އެއްބަޔށް އަމަލު ކޮއްފަ އަނެއްބައި ދޫކޮށްލަނީ.ނިކަން ރާ ވިއްކުން ހުއްޓުވާ، ސުޕާ ތައް ބަންދު ކޮށް، ރިބާގެ މުއާމާލާތް ހުއްޓުވާ އެމީހުންނާ ހަނގުރާާމަ ކޮށް، ވައްކަން ކުރާމީހުން އަތް ކަނޑާ، ޒިނޭ ކުރާމީހުން ރަޖަމްކޮށް، ޒަކާތް ނުދޭ މީހުން އަތުން ގަދަ ކަމުންވެސް ޒަކާތް އަތުލާ، ދީނަށް ފުރައްސާރަ ކުރާ މީހުން ނަށް މަރުގެ އަދަބުދީ،
އުއްތަރު ޕްރަދޭޝް
27 May 2023
ފޮރެންސިކު ކުދިންނަށް ހިންދީ ޑްރާމާ ސީއައިޑީގެ އެޕިސޮޑުތައް ދައްކަބަލަ ގިނައިން ކޮންމެވެސް ވަރެއްގެ އައިޑެއަރ އެއް ލިބޭނެ ކަންނޭނގެ
ބަލަންތިބޭ
27 May 2023
ދުވާލުގެ އިރު ފެންނަ ފަދައިން ފެނޭ .... ވަޅީގެ ތުނޑު ނެތިގެން ، ގަމީހުގަ ގޮތް ނެތިގެން ، ވަޅުގައި ދާނި ނެތިގެން ، ސާބިތު ކުރެވޭ ވަރަށް ހެކިގެތިގެން .....
ޢައިއޯ
27 May 2023
ޢިސްމާލީ ބްރޯ ހަމަޖެހިބަލަ މިކަހަލަ ކަންކަން ކުރާ ގޮތް ނޭގެނީ ތި ފުލުހުން ސީސީޓީޥީއާއި ސީޑީއާރު އެނަލައިސިސް ހަދައިގެން މީހުން ފާހަގަކޮށް އެއީ ޑްރަގް ގެންގުޅެ މީހެއްކަން އެގުނީމަ އެމައްސަލައިގައި ނަގާ އުމުރު ދުހަގުގެ ޖަލު ގޮޅިއަކަށް ލެވޭ ވަރު ކޮއްފަ މަރު މައްސަލައިގެ ހެކިތަކާއެކު ތުހުމަތު އިއްވީމަ ގޮތް ހުސްވެ ދެން އަރާނެ ގޮަޅިއެއް ނެތީމަ އެއްބަސްވެ ކިޔައިދޭން ޖެހެނީ މީ ހަމަ ބޯލައިގެން ހުންނަ ވަގުތި ކަލޯ ތީ ނައީމާގެ ގާތިލްހޭ ކިޔައިދޭ ވާހަކައެއްނޫނ
އިސްމާލި
27 May 2023
ސޯ ބޭސިކަލީ ލިބުނު ކުރިއެރުމަކީ މީހަކު ބޯލައިގެންހުރެ އަމިއްލައަށް ކޯޓުގައި އއުތިރާފުވުނަ ދޯ. އެމީހާ ދިން މައުލޫމާތުން ދޯ ވަޅި ދެނުނި ވެސް. ސުރުހީ ކިޔާލާފައި ހީވީ ފުލުހުންގެ ކުޅަދާނަކަމުން ހޯދީ ކަމަށް. ހަބަރުގެ ފަހު ބައގައި އެބައޮތް މީގެ ކުރިން ވެސް އެމީހާ އަށް ތޫނު ހަތިޔާރުގެ ދައުވާ ކުރިކަމަށް. ޕރައިމ ސަސްޕެކްޓްސް އަށް އެންމެ ފުރަތަމ ވާންްވީ މިކަހަލަ މީހުން ދޯ.. ފުލުހުނނާއި ޕީޖީ ގެ ނާގާބިލުކަން މި ހަބަރުން ފެނުނީ.
1828
27 May 2023
ދ.ކުޑަހުވަދޫގައި އައްޔުބެ މަރާލަން ބޭނުންކުރިކަމަށްބުނާ ވަޅިތަކެއް އަތިރިމަތިން ފުލުހުން ހޯދި. އަދި އެކަންކުރިއިރު ލައިގެން ހުރި އަންނައުނުތައް އަންދާލިކަމަށްބުނާ ތަނުން ސާމްޕަލްވެސް ނެގި. އެކަމަކު އެމައްސަލަ ދިޔައީ ޗޮކުން. ނައީމާ މަރާލި މައްސަލައިގައި އަދި ކަންކަން މިފެންނަނީ ކުރިންބުނި މައްސަލއާއި ދާދި އެއްގޮތަށް. އުންމީދަކީ މައްސަލަ ޝަރިއަތަށް ސާބިތުވެ، މަރަން ހުކުމްކުރުން. ދެރައީ މަރަށް މަރު ނުހިފާތީ.
ކިއުންތެރިޔާ
27 May 2023
"މަނަދޫން 600 އާ ގާތްކުރާ އަދަދަކަށް މީހުންގެ ޑީއެންއޭ އާއި ޕިންގަޕްރިންޓް ނަގާފައިވެ އެވެ." މި ސާމްޕަލް ތައް އަދިވެސް ޕްރޮސެސްކޮށް ނުނިމެންޏާ ހައްޔަރުކުރި 2 މީހުން މި އެނގުނީ އެހެން މައްސަލައެއްގައި ބަންދުކޮށް ކޯޓަށް ހާޟިރުކުރުމުން މަސްތުގެ ހާލަތުގައި ހުރެ އޭނާ އެވާހަކަ ބުނުމުންތާ!
ވަހީދުބެ
27 May 2023
ކަލޭގެވިސްނުންކޮށިކަމާއެވެ
600އ
27 May 2023
އެރަށުގަ ކުށްކުރާ އެފަދަ މީހުން އުޅޭއިރު އެފަދަ މީހުންގެ ޑީއެންއޭ އެންމެ ކުރިން ނުބަލާ 600 ވަރަކަށް ޑީއެންއޭ ހެދީމަ އެކުރެވުނީ ކިހާ ބޭކާރު ދައުލަތުގެ ޚަރަދެއްބާ.. ނައީމާގެ މަރުގެ މާހައުލަށް 600 މީހުން ވަދެފަ އޮންނާނެ ގޮތެއް ބެލިބެލުމަކީވެސް ވަރަށް އަޖައިބުކުރުވަނިވި ކަމެއް.
ސަމްސިއްޔާ
27 May 2023
ހުރިހާ ވެރިން އިސްތިއުފާ ދޭންވީ. މުޖުރިމުން މިތިބެނީ ދޫވެފައި. މި ކުޑަކުޑަ ގައުމު ނުބެލެހެއްޓިގެން މިއުޅެނީ. ޑްރަގާއި މާރާމާރީ އިންތިހާއަށް