އެޗްއައިއެޗްގެ މެނޭޖްމަންޓް ބަދަލުނުކުރާ ނަމަ އަލުން އިހުތިޖާޖުކުރާނަން: މުވައްޒަފުން

ހުޅުލޭ އައިލެންޑް ހޮޓެލްގެ ޕޫލް ސައިޑް. ފޮޓޯ: އެޗްއައިއެޗް

އަބްދުﷲ ޖަމީލު، މިހާރު

08 ފެބުރުއަރީ 2017 - 11:39

ހުޅުލޭ އައިލެންޑް ހޮޓެލް (އެޗްއައިއެޗް)ގެ މެނޭޖްމަންޓް ބަދަލުނުކުރާ ނަމަ އަލުން އިހުތިޖާޖު ކުރާނެ ކަމުގެ އިންޒާރު އެ މުވައްޒަފުން މިއަދު ދީފި އެވެ.

ހުޅުލޭގައި ހިންގާ ފަސް ތަރީގެ ހޮޓަލުގައި މަސައްކަތްކުރާ ދިވެހި މުވައްޒަފުން އިއްޔެ އިހުތިޖާޖަށް ނުކުތީ އެ ހޮޓަލުގެ މެނޭޖްމަންޓުން ދިވެހިންނާއި ބިދޭސީންނާ މެދު ތަފާތު ކުރުންތަކެއް ގެންގުޅޭ ކަމަށް ބުނެ އެވެ. އެހެންވެ އެ ތަނުގައި މަސައްކަތްކުރާ 80 ވަރަކަށް ދިވެހިން އިއްޔެ ހަވީރު ހައެއް ޖެހި އިރު ހޮޓަލުގެ ރެކްރިއޭޝަން ކްލަބްގެ ހޯލުގައި އިހުތިޖާޖް ފެށީ މުވައްޒަފުންގެ މައްސަލަތައް ހައްލުކޮށް ނުވަތަ މެނޭޖްމަންޓް އިސްތިއުފާ ނުދެނީސް އިހުތިޖާޖް ހުއްޓާނުލާނެ ކަމަށް ބުނެ އެވެ. އެ މުވައްޒަފުން ރޭ ދަންވަރު 12 ޖަހަންދެން އިހުތިޖާޖް ކުރި އެވެ.

ހުޅުލޭ އައިލެންޑް ހޮޓަލުގެ ދިވެހި ބައެއް މުވައްޒަފުން ރޭ އިހުތިޖާޖުކުރަނީ: އެ މީހުން ގޮވާލަނީ މެނޭޖްމަންޓް އިސްތިއުފާ ދިނުމަށް.

އެ އިހުތިޖާޖްގައި ބައިވެރިވި މުވައްޒަފަކު މިއަދު ބުނީ ރޭ ދަންވަރު އިހުތިޖާޖު ހުއްޓާލީ މެނޭޖްމަންޓާއި ކުންފުނީގެ ބޯޑު މެމްބަރުން މިއަދު މެންދުރު ފަހު ތިނެއް ޖެހުމުގެ ކުރިން އެ މީހުންނާ ބައްދަލުކޮށް އެ މީހުންގެ ކަންތައްތައް ހައްލުނުކޮށްފި ނަމަ އަލުން އިހުތިޖާޖްކުރަން ނިންމައިގެން ކަމަށެވެ.

"އަދިވެސް މެނޭޖްމަންޓުން އެއްބަހެއް ނުވޭ ބައްދަލުކުރާކަށް. ބޯޑު މެމްބަރުންގެ ޖަވާބެއް ނުލިބޭ. އަޅުގަނޑުމެން ބޭނުން ވަނީ ބޯޑު މެމްބަރުންނާ ވާހަކަދައްކައިގެން މައްސަލަ ހައްލުކުރަން. މެނޭޖްމަންޓުން ބޭނުމެއް ނުވޭ މި މައްސަލަ ހައްލުކޮށްދޭކަށް،" އޭނާ ބުންޏެވެ.

ހުޅުލޭގައި ހިންގާ ހަމައެކަނި ހޮޓަލުގެ އެ މުވައްޒަފު ބުނީ އެ މީހުން އިހުތިޖާޖު ކުރަނިކޮށް ފުލުހުންގެ ބަޔަކު ގޮސް އެ ތަނުގައި ތިބި މީހުން ކުރަނީ މަނާ ކަމެއް ކަމަށް ބުނެ އެކަން ހުއްޓާލަން އެންގި ކަމަށެވެ.

"ފުލުހުން ވިދާޅުވީ މިތާނގައި ތިބެ އިހުތިޖާޖް ކުރުމަކީ މަނާކަމެއް ކަމަށް. ނަމަވެސް އަޅުގަނޑުމެން ބުނިން ހޯލުގައި ތިބެގެން އިހުތިޖާޖްކުރި ނަމަވެސް އެއްވެސް ބަޔަކަށް އެކަމުން އުނދަގުލެއް ނުވާނެ ކަމަށް،" އޭނާ ބުންޏެވެ.

"މިހާރު'އާ ވާހަކަދެއްކި އެ ތަނުގެ އިސް އޮފިޝަލަކު ވިދާޅުވީ މުވައްޒަފުން އެދުނު ގިނަ ކަންތައްތައް ހައްލުކޮށްދީފައިވާނެ ކަމަށެވެ. އެ ގޮތުން ބޭންކު ރޭޓުން އަހަރަކު 5،000 ޑޮލަރު ގަންނަން ލިބޭނެ ސްކީމެއް ތައާރަފް ކުރުމުގެ އިތުރުން މުސާރަ ލަސްވެގެން ކޮންމެ މަހެއްގެ 29 ވަނަ ދުވަހު ޖަމާކުރުމުގެ އިތުރުން ޓްރެވަލް އެލަވަންސް ވެސް ދޭން ނިންމާފައިވާ ކަމަށް އޭނާ ވިދާޅުވި އެވެ.

ސިންގަޕޫރުގެ އެސްއޭޓީއެސް އާއި މޯލްޑިވްސް އެއާޕޯޓްސް ކޮމްޕެނީ (އެމްއޭސީއެލް) އިން ހުޅުލޭގައި ހިންގާ ހޮޓަލުގައި ދިވެހިންނާއެކު ގާތްގަނޑަކަށް 180 މުވައްޒަފުން މަސައްކަތްކުރެ އެވެ.

ޓޫރިޒަމް ފަސް ތަރީގެ ހޮޓެލް ހުޅުލެ ހުޅުލެ އައިލެންޑް ހޮޓެލް

20 ކޮމެންޓް, 31 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ދިމްނާ

08 February 2017

ހުރިހާ ތަނެއްގެ ވެސް ހާލަތުމީ....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަސްލު

08 February 2017

މިތާގައި ބައެއް މީހުން ކޮށްފައި ކޮމެންޓްތައް ކިޔާލުމުން ހައިރާންވޭ އަސްލު ހަގީގަތުގައި ރޜުއަރިޒަމް އިންޑަސްޓްރީގައި ދިވެހިންނާމެދު ކަންކުރަނީ އަޅުންނާއި މެދު ކަންކުރާ އުސޫލުން، ބައެއް ބަފަހަރު އެކަމާ އަމިއްލައަށް ވިސްނި ދެރަވޭ ހަގީގަތުގައި މިކަމާ ދެކޮޅަށް އިހުތިޖާޖު ކުރެވެންޖެހޭ އެހެންނޫނީ މިހާރަށްވުރެ ހާލަތު ގޯސްވެދާނެ. ދިވެހިރާއްޖޭގައި ކަންކަން ޖެހޭނީ ދިވެހިންނަށް ރަނގަޅުވާނ އެހެންނަމަވެސް ކަން ރަނގަޅަށް ވަނީ ބޭރުމީހުނަށް ވާނުވާ ނޭގޭންޔާ ރަނގަޅުވާނީ އެއްޗެކޭ ނުބނެ ހުރުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފާރިސް

08 February 2017

ވަޒީފާގެ ކޮންޓްރެކްޓުގަ އޮތް ގޮތަށް ކަންތައް ކުރަންޖެހެނީ. އޮފީސް ތަކަކީ ޑިމޮކްރަސީ ހިންގާ ތަންތަނެއް ނޫން. އެންމެ ވޯކް އެތިކްސް ރަގަޅު ތަނަކީ ބޭރު ބޯޓު ފަހަރު. އެތާ ކެޕްޓަން ގެ ބަހަކީ ފަހުބަސް. ތަފާތު ކުރުންތައްވެސް އޮންނާނެ، އެކަމަކު އެއީ އިހްތިރާމާ އެކީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުދުހޭ

08 February 2017

އާމްދަނީ ޑޮލަރުން ލިބޭއިރު މުސާރަ ދިވެހި ރުފިޔާއިން ދޭ ގިނަ ތަންތާންގައި ބްލެކްމާކެޓްގައި އަގުބޮޑުކޮށް ޑޮލަރު ވިއްކާ. ފުލުހުން މިތަނަށްވަދެ އެކައުންޓްސް ޑިޕާޓްމަންޓްގެ ލިޔެކިއުންތަށް ބެލުމަށް ގޮވާލަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުދުހޭ

08 February 2017

މެނޭޖްމަންޓްގެ ގިނަ ޖޮބްތަކަށް ގާބިލް ދިވެހިން ލިބޭނެ. އިންޑިޔާ މީހުން ރިސޯޓްތަކުގެ އިސް މަގާމުތަކުގައި އުޅެނީ ދިވެހިން ނުލިބޭތީއެއްނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދިވެހި މީހާ

08 February 2017

ދިވެހިންގެ ފަހުގެ ޖެނެރޭޝަން އެބަ ޖެހޭ ތަންކޮޅެއް ޒިންމާދާރުވާން. އަހަރެން އަދި ދަންނަ ފުދޭވަރަކަށް ގިނަ މީހުން ރިސޯޓުތަކުގެ މަތީ މަގާމުގަ އެބަތިބި. އަހަރެންގެ އުންމީދަކީ މަދުވެގެން %80 މަތީ މަގާމުތަކުގަ ދިވެހިން ތިބުން. އަހަރެން އަބަދުވެސް މަސައްކަތް ކުރަމުން މިދަނީ ބޭރު މީހުންނާއި އެއްކޮށް. ދިވެހިންނަށް ފުރުސަތުދޭން ވަރަށް މަސައްކަތް ކުރަން. ނަމަވެސް ޒިންމާދާރު ކުދިން ލިބުން ވަރަށް ދަތި. ޒިންމާދާރު ކުދިން ނުތިބޭ ވާހަކައެއްނޫން. އަހަންނަށް ފެންނަ އެންމެ ބޮޑު މައްސަލައަކީ އެންމެ އާދައިގެ ވަޒީފާގަ ހުންނަ ކުއްޖާއަށް މާ ބޮޑަށް އެނގުން - އެތަކެއް އަހަރެއްގެ ތަޖުރިބާ ހުރި ކިޔަވައިގެން ތިބޭ މީހުންނަށް ވުރެ މާ ބޮޑަށް އިނގޭ (ރޯނު އެދުރުން) މީހުން ގިނަވުން. އެއްޗެއް ނުވަތަ ކަމެއް ރަނގަޅުކުރަން މަސައްކަތް ކޮއްފިއްޔާމުން ބުނާނެ މީ އެއްވެސް އެއްޗެއް ދަންނަ މީހެއްނޫނޭ. އޯލެވެލް ފެންވަރު ނުހުންނަ މީހާވެސް ޕީއެހްޑީ ހަދާފަ ހުންނަ މީހާއަށް ވުރެ މާ މޮޅު. ހުރިހާ ބޭރު މީހުންނަކީ ގޯސް ބަޔެއްނޫން..ތިތާގަ ބޮޑެތި ވަޒީފާ އަށް ދިވެއްސަކު ލިޔަސް ބުނާނެ މީނަ މީ ބޭރުމީހުންނަށް މާ ރަނގަޅު މީހެކޭ. މީ ދުވަހަކުވެސް ނިމުމެއްނެތް މައްސަލައެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެފްބީ

08 February 2017

ތީގެ ލީޑަރުން ހޯދާހިފާ ހައްޔަރުކުރޭ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފުނޯސް

08 February 2017

ކޮބާތަ ސަރުކާރު. ދިވެހި މުވައްޒަފުންގެ ހައްގަށް ވުރެ ކުންުފުނީގެ ހައްގު ބޮޑީތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝާހިދު

08 February 2017

ރެމިޓެންސް ޓެކްސް ކުންފުނިން ދެއްކީމަ ތިޔަ ޓެކްސްގެ މަގުސަދު ހާސިލްވޭބާ. ބިދޭސީންނަށް އެދޭނަމަ ދިވެހިންނަށްވެސް ދޭންޖެހޭނެ. ހުސްޑޮލަރުން ފައިސާލިބޭތަނެއް ދިވެހިންގެ މުސާރަވެސް ޑޮލަރުން ދޭންޖެހޭނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހ، މާލެ

08 February 2017

ވަރަށް ރަނގަޅު ވާހަކަ އެއް. ޑޮލަރުން އާމްދަނީ ލިބޭ ތަންތަނުން ޑޮލަރުން މުސާރަ ދޭންޖެހޭ ގާނޫނެއް ފާސްކުރަންވީ. ގެސްޓްހައުސްތަކާ މަސް ބޭރު ކުރާ ކުންފުނިތައް ވެސް ހިމެނޭ ގޮތައް! އޭރުން ޑޮލަރު ތަންކޮޅެއް ތިޔާގިވެ އެމްއެމްއޭއަށްވެސް ތަންކޮޅެއް ލުއިވާނެ.