ސައުދީ ރަސްގެފާނު އިންޑޮނީޝިއާ އަށް ވަޑައިގަންނަވަނީ 1،500 އޮފިޝަލުންނާ އެކު

ސައުދީ ރަސްގެފާނު ސަލްމާން ބިން އަބްދުލްއަޒީޒް: އޭޝިއާގެ ފަސް ގައުމަކަށް އަންނަ މަހު ކުރައްވާ ދަތުރުފުޅުގައި ރާއްޖެ އަށް ވެސް ވަޑައިގަންނަވާނެ. --ފޮޓޯ: ރައީސް އޮފީސް

ފަޒީނާ އަހުމަދު، މިހާރު

22 ފެބުރުއަރީ 2017 - 09:51

45 comments

ސައުދީ އަރަބިއްޔާގެ ރަސްގެފާނު ސަލްމާން ބިން އަބްދުލްއަޒީޒް އަންނަ މަހު އިންޑޮނީޝިއާ އަށް ވަޑައިގަންނަވަނީ 10 ވަޒީރުންނާއި 1،500 އޮފިޝަލުންނާ އެކު ކަމަށް މީޑިއާތަކުން ރިޕޯޓްކޮށްފި އެވެ.

އިންޑޮނީޝިއާ އެކު އޭޝިއާގެ ފަސް ގައުމަކަށް ކުރައްވާ މި ދަތުރުފުޅުގައި ސައުދީ ރަސްގެފާނު ރާއްޖެ އަށް ވެސް ވަޑައިގަންނަވާނެ އެވެ. އެމަނިކުފާނު ރާއްޖެ ވަޑައިގަތުމަށް ހަމަޖައްސަވާފައި ވަނީ، އެނގިފައިވާ ގޮތުގައި، އަންނަ މަހުގެ ދެ ވަނަ ހަފުތާގެ ތެރޭގަ އެވެ.

އިންޑޮނީޝިއާ ސަރުކާރުގެ އޮފިޝަލަކާ ހަވާލާދީ، ސްޓްރެއިޓްސް ޓައިމްސްގައި ބުނެފައިވާ ގޮތުގައި ސައުދީ ރަސްގެފާނު އެ ގައުމަށް ވަޑައިގަންނަވަނީ އަންނަ މަހު 1-9 އަށެވެ. އެ ދަތުރުފުޅުގައި، އެމަނިކުފާނު ބާލީގައި ހަ ދުވަހު ޗުއްޓީ ހޭދަކުރައްވާނެ ކަމަށް ވެސް އޮފިޝަލް ވިދާޅުވެފައިވެ އެވެ.

ސައުދީ ރަސްގެފާނު އޭޝިއާގެ ގައުމުތަކަށް ކުރައްވާ ދަތުރުފުޅާ ބެހޭގޮތުން ސައުދީ ސަރުކާރުން ރަސްމީކޮށް އަދި އެއްވެސް ވާހަކައެއް ނުދައްކަ އެވެ.

އެނގިފައިވާ ގޮތުގައި، ރަސްގެފާނު ރާއްޖެ ވަޑައިގަންނަވާއިރު ވެސް 1،500 އޮފިޝަލުން ބައިވެރިވެވަޑައިގަންނަވާނެ އެވެ. ރާއްޖެ އަށް ކުރައްވާ ދަތުރުފުޅުގައި ވެސް ބޮޑު ބައި އޮތީ ޗުއްޓީ ހޭދަކުރައްވާ ގޮތަށް ކަމަށް ވެ އެވެ.

ސަލްމާނަށް ރަސްކަން ލިބިވަޑައިގަތުމުގެ ކުރިން، ޑިފެންސް މިނިސްޓަރު ކަމުގައި ހުންނެވި އިރު 2014 ވަނަ އަހަރުގެ ފެބްރުއަރީ މަހު ރާއްޖޭގެ ރިސޯޓެއްގައި ވަނީ އަގު ބޮޑު ޗުއްޓީއެއް ހޭދަކުރައްވައިފަ އެވެ.

މިދިޔަ އަހަރުގެ އޮކްޓޫބަރު މަހު ރައީސް އަބްދުﷲ ޔާމީން ވެސް ވަނީ ސައޫދީ އަރަބިއްޔާ އަށް ވަޑައިގެން ރަސްގެފާނު ސަލްމާނާ ބައްދަލުކުރައްވައިފަ އެވެ. ރައީސް ޔާމީންގެ ވެރިކަމުގައި ސައޫދީ އަރަބިއްޔާ ވެފައި ވަނީ ރާއްޖެ އަށް އެންމެ ގިނައިން އެހީ ދޭ އެއް ގައުމަށެވެ.

ސައޫދީ އަރަބިއްޔާ އިންޑޮނީޝިއާ ރާއްޖެ-ސައުދީ ސަލްމާން ރަސްގެފާނު

45 ކޮމެންޓް, 121 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ނާގަރާޖާ

23 February 2017

މުސްލިމުންނަށް ނަމޫނާދައަކަންތިބި ވެރިންގެ ޢަމަލުތަށްހުންނަގޮތުން ހިތަންއަރަނީ ގައުމެއްގެ ރައީސަކަށް ވުމާއިއެކު ކޮންމެމީހަކުވެސް އުޅެގަންނަނީ ތިމާގެ މުއްސަދިކަމާއި ނުފޫޒުގަދަކަން ނިކަމެތި ރައްޔިތުންނަށްދެއކުމާއި ދުނިޔެއަށް ހާމަކުރުމަށް . އިސްރާފްކުރުމުގައިވެސް ހައްދެއް އޮންނާނެ އެކަމަކު މިވަރުގެކަމެއް މަނުދެކެން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮންދީނި

23 February 2017

އައި ހޭޓް ދިސް މޭން..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިބްރާހިމް

23 February 2017

ކޮބާތަ ޝޭހުންތައް އެއާޕޯޓު ބަޔަކަށް ދިން އިރު މުޒާހަރާކޮއްފަ އުޅުނު. ބޮޑު އަތޮޅެއް ވިއްކާލާއިރު އެއްޗެކޭވެސް ނުބުނެ ތި ތިބެނީ ކީއްވެތަ. ދިވެހިންގެ މިލްކެއް އެހެން ބަޔަކަށް ނުދެވޭނެ. ސައުދީ ރަސްގެފާނައްވިޔަސް ހެޔޮ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިބްރާހިމްގެ ފުރެންޑު

23 February 2017

ކިހިނެެއްތަ އެމީހުންގެ ސާހިބު މީހާއާ ދެކޮޅަށް އަޑު އުފުލާނީ. އޭރުން ސާހިބު މީހާ ކޯފާވެ ލިބެން ހުރި ހަދިޔާ ބަދިޔާ ނުލިބޭނެ އެއްނު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަވެސް

22 February 2017

މިދިވެހި ރާއްޖެ މިއަށްވުރެން މާނިކަމެތި ދުވަސްވަރު ބުރުނާއީ ރަސްގެފާނާއި ސައުދީ އަރބިއްޔާގެ ޕްރިންސުންތަކާއި ޔޫރަޕްގެ މަސްހޫރު ވިޔަފާރިވެރިން ރައީސް މައުމޫން އަރިހުގައި އާދޭސްކުރި މިގައުމުން ރަށެއްވިއްކާށޭ މައުމޫންގެ ޖަވާބަކީ މިއީ އަޅުގަންޑުގެ އަމިއްލަ މުދަލެއްނޫނޭ ތިޔަކަމެއް ނުވާނެޔޭ 2. ސުނާމީތެރޭ ރައިށްމައުމޫނަށް މަޖުބޫރު ކުރި %99 ޕަސެންޓު މުސްލިމުގައިމެއްކަމަށް އިއުލާނުކުރާށޭ ހުރިހާ ޚަރަދެއްދޭނަމޭ މިވަރުންވެސް ގުޑުވާނުލެވުނު 3. ފުރިފައިހުރީ ގުޑުގުޑުނާޅާނެ އޭރުވެސް ތަރައްގީކުރި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަބޭސް

22 February 2017

1. ސައުދީ ސަރުކާރުގެ ވެރިންގެ އަމަލުތަކާއި އިސްރާފުކުރުން ބޮޑުކަމުން އިސްލާމް ދީނަށް ނަފުރަތުކުރާމީހުން ގިނަވޭ، 2. އަދި ހައްދުފަހަނަ އަލާއިދާމީހުންވެސް ގިނަވޭ 3. އިސްލާމީ ރިވެތި އުސޫލުތަށް ދަމަހައްޓައިގެން ވިޔަފާރިއާއި އެހެނިހެން މުއާމަލާތު ކުރުމުގެ ބަދަލުގައި ގިނަ މުއާމަލާތުތައް ހުންނަނީ ދީނާއި ބީރައްޓެހިގޮތަށް 4. އިސްލާމީ ގައުމުތަކުގައި ކަރެޕްޝަނާއި ފަސާދަ އިތުރުވަނީވެސް ސައުދީ ރަސްކަމުގެ ސަބަބުން މީގެ ދިރިހުރި މިސާލު މެލޭސިޔާއިންނާއި މިދިވެހިރާއްޖެއިން ފެންނާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިސްރާފް

23 February 2017

މިކަލަ ކޮމެންޓްލިޔަން ދާވަގުތަކީވެސް އިސްރާފް ވަގުތު. މިސްކިތުގަ އިންނަމަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަބޭސްވެއްޖެ

23 February 2017

ފުރެންޑޫ. އިސްލާމީ އެންމެ ބޮޑެތި އިލްމުވެރީން ތިބި މައްކާގެ މުގައްދަސް ބިމުގެ އަހުލުވެރީންނަށް ފުރައްސާރަ ނުކުރޭ. ދީނާ ވަހުދަތު ގެއްލިދާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހާޝިމް

22 February 2017

ސައުދީ ރަސްގެފާނު މިފަހަރު ވަޑައިގަންނަވަނީ ފ.އަތޮޅު ގަތްކަމުގެ ލިއުމުގައި ސިއްކަޖަހަން، ފ.އަތޮޅުގައި ރަސްގެފާނު ގަނޑުވަރުތަކެއް ބިނާކުރިޔަސް ދިވެހިންނަށް އެއިން ފައިދާއެއް ނުކުރާނެ، އެއީ އެތަނުގައި ހަދާ އިމާރާތްތަކާއި ހިއްކާ ފަޅުތަކާއި އަޅާ އެއާޕޯޓް އަޅާނީ ޔޫރަޕްގެ ކުންފުނިތަކުން އަދި ފ.އަތޮޅަށް ދެން ދިވެހިންނަށް ދެވޭނީވެސް ކުޑަސިޓީ ހަދައިގެން އަދި އެސަރަހައްދުން މަސްވެރިންނަށްވެސް ދަތުރުވެރިންނަށްވެސް ހުރަހެއް ނުކުރެވޭނެ، ފ.އަތޮޅު ވިއްކާލަނީ ފަރުތަކާއި، ފަޅުތަކާއި ފަށައިގެންވާ ކަނޑުގެ ސަރަހައްދާއެކު، އަދި ފ.އަތޮޅުގައި ހިއްކާ ފަޅުތަކާއި ހަދާ ރިސޯޓްތަށް ވިއްކާނީ މަހުޖަނުންނަށް އަދި އެމަހުޖަނުންގެ މެހެމާންދާރީ އަދާކުރަންތިބޭނީ ދުނިޔޭގެ ތަމްރީން ލިބިފައިވާ ތަރައްޤީވެފައިވާ ކުންފުނިތަކުން، އެހެންކަމުން ފ.އަތޮޅު ވިއްކައިގެން ފައިދާނެގި ބަޔަކު ނަގައިފި، އަދި އެމީހުން ނެގި ފައިސާވަނީ ރާއްޖޭގެ ބެންކުތަކުގައިނޫން އަދި އެފައިސާއިން ފ.އަތޮޅުގެ ރައްޔިތުންނަށް ދިރިއުޅޭނެ ތަނެއްވެސް ނުލިބޭނެ އެމީހުން ޖެހޭނީ މާލެއަށް އައިސް އަގޮބޮޑެތި ކޮޓަރި ހިފައިގެން ދިރިއުޅެން އެހެންކަމުން ރަސްގެފާނު ވަޑައިގަތީމާ ހަމަ ޓެކުސްގެ ފައިސާއިން ބޭކާރު ހަރަދު ހިނގުންނޫންކަމެއް ނުވާނެ، ހަމަ ގައިމުވެސް ރަސްގެފާނު ހަރަދުކުރިޔަސް އޭނާގެ ދަތުރުގެ ހަރަދު ބަޖެޓުން އުނިކުރާނެ އަދި ފޮރިން މިނިސްޓްރީއާއި ރައީސް އޮފީހުގެ ބަޖެޓުން އެކަން ފެންނާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އދތ

22 February 2017

މިހާރަކުނުތިބޭނެ ޒިންމާނަގާނެބަޔަކު މަޖުލީހުގެ ގިނަމެންބަރުންތިބީ ފިތިބާރުވެފާ މިދުނިޔޭގެ ވަގުތީއުފަލައް މޮޔަވެފަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބްދު

22 February 2017

ބޮޅު ތަކުރުފާނު ދޮން ބަންޑާރައިން އަދި އިބްރާހިމް ނާސިރު މިގައުމު މިނިވަން ކަމަށް ކުރެއްވި ހުރިހާ މަސައްކަތެއް މި ކުރެއްވީ މިސަރުކާރުން ނުއަގުގަ މިގައުމު ވިއްކާކުމަށްތޯ.