ކުރީގެ ނައިބު ރައީސް އަދީބު ކޯޓަށް ހާޒިރުކުރަނީ: އަދީބު ދޫނިދޫ ޖަލަށް ބަދަލު ކޮށްދިނުމަށް އެދި ހޯމް މިނިސްޓްރީން ކަރެކްޝަނަލް ސާވިސް އަށް ސިޓީއެއް ފޮނުވި. -- ފޮޓޯ: ހުސެއިން ވަހީދު/ މިހާރު
09 މާޗް 2017 - 15:06
9 comments
ޖަލު ހުކުމް ތަންފީޒު ކުރަމުން ގެންދާ ކުރީގެ ނައިބު ރައީސް އަހުމަދު އަދީބު މާފުށީ ޖަލުން، ދޫނިދޫ ޖަލަށް ބަދަލުކުރީ ސަލާމަތީ ސަބަބުތަކަށްޓަކައި ކަން "މިހާރު" އަށް އެނގިއްޖެ އެވެ.
ހޯމް މިނިސްޓަރު އަޒްލީން އަހުމަދު ސޮއިކުރައްވައި ކަރެކްޝަނަލް ސާވިސް އަށް ފޮނުއްވި ސިޓީއެއްގައި ވަނީ ވަކި ގޮތެއް އަންގަންދެން، އަންގާރަދުވަހުން ފެށިގެން އަދީބު ދޫނިދޫ ޖަލަށް ބަދަލުކޮށް ދިނުމަށް އެދިވަޑައިގަންނަވާ ކަމަށެވެ. އެއީ ސިއްރު ސިޓީއެއް ކަމަށް އެނގިފައިވެ އެވެ.
އަދީބު ދޫނިދޫ ޖަލަށް ބަދަލުުކުރީ އިއްޔެގެ ވަގުތެއްގައި ކަމަށް ފުލުހުން ވަނީ ބުނެފަ އެވެ. ނަމަވެސް އެކަމުގެ ތަފްސީލެއް ފުލުހުން ނުދެ އެވެ. މިކަމާ ބެހޭ ގޮތުން ކަރެކްޝަނަލް ސާވިސްގެ ބަހެއް ވެސް ނުލިބެ އެވެ.
ދޫނިދޫ ޖަލަކީ ފުލުހުންގެ ތަހުގީގަށް ބަންދުގައި ބައިތިއްބާ މީހުންނަށް ހާއްސަ ޖަލެކެވެ.
ބައެއް ވަކީލުން ވިދާޅުވި ގޮތުގައި ހުކުމެއް ތަންފީޒު ކުރަމުންދާ މީހަކު، ދޫނިދޫ ޖަލަށް ބަދަލު ކުރުމަކީ ގާނޫނާ ހިލާފު ކަމެކެވެ.
ޕެރޯލްގެ ގާނޫނުގައި ވަނީ ވަނީ ތަހުގީގަށް ބަންދު ކުރެވޭ މީހުން ބައިތިއްބަން ޖެހޭނީ ކަސްޓޯޑިއަލް ޖަލެއްގައި ކަމަށެވެ. ތަހުގީގު ނިމި، ޝަރީއަތް ފެށުމުގެ ކުރިން ނުވަތަ ޝަރީއަތް ފަށައި ހުކުމް ކުރުމުގެ ކުރިން ކޯޓު އަމުރެއްގެ ދަށުން ބަންދުކުރާ މީހުން ބައިތިއްބަން ޖެހޭނެ ރިމާންޑް ޖަލެއްގައި ކަމަށާއި ޝަރުއީ ހުކުމެއް ތަންފީޒު ކުރަމުން އަންނަ މީހުން ބައިތިއްބަން ޖެހޭނީ އާންމު ޖަލެއްގައި ކަމަށް ގާނޫނުގައިވެ އެވެ.
ރައީސް އަބްދުﷲ ޔާމީން އަވަހާރަކޮށްލަން މަސައްކަތް ކުރުމާއި ޚިޔާނާތުގެ މައްސަލަތަކުގައި ޖަލަށް ލާފައިވާ އަދީބު ހުރީ މާފުށީ ޖަލުގެ "ކޮންކްރީޓް ހޮހޮޅައެއްގައި" ކަމަށް ބުނެ ވާހަކަ ފެތުރެމުން އަންނައިރު، އެ ވާހަކަތައް ކަރެކްޝަނަލް ސާވިސްއިން ދޮގު ކުރެ އެވެ.
ރާއްޖޭގައި ހިންގި އެންމެ ބޮޑު ކޮރަޕްޝަން ކަމަށްވާ އެމްއެމްޕީއާރުސީގެ ވައްކަމުގައި އަމަލީ ގޮތުން އެންމެ އިސް ދައުރެއް އަދާކުރެއްވުމާއި ރައީސް ޔާމީން އަވަހާރަކޮށްލަން ރޭވި ކަމުގެ ކުށުގައި ޖުމްލަ 33 އަހަރުގެ ޖަލު ހުކުމެއް އަދީބުގެ މައްޗަށް އައިސްފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޖަލު
10 March 2017
ޖަލަށް އެއްވެސް ސަބަބަކާ ހެދި ލެވޭ ބައެއްގެ ބޮލާއި ތުނބުޅި މަތިމަސް ބާލުވަންވާނެ! އެމީހުންގެ ސިއްހީ އަދި ސަލާމަތީ ރައްކަލަކަށް އަދި ފިލައިފިނަމަ ފަސޭހައިން ފާހަގަވާނެ ގޮތަށް!
ޢަލީ
09 March 2017
މަހުލޫފު ބުނީހަމަތެދެއް މިހާރު މިއުޅެނީ ހޮހޮޅަ ތަޅާލަން
އަފިހުން ގޮއްޔެ
09 March 2017
ޤާނޫނަކަށް ޤަވާޢިދަކަށް ބަލާ ސަރުކާރެއްތަ މީ! ބޭނުންވީމަ ބޭނުން ގޮތަކަށް ކަންކުރާ ސަރުކާރެއް މިނޫނިއްޔާ ދުނިޔޭގަވެސް އޮތްހެނެއް ހިއެއް ނުވޭ، 24 ގަޑި އިރުތެރޭ ޤާނޫނަށް ކޮޅުފައިން އަރާފަވެސް މިވެރިން ހަޑިހާވާނެ، މީ ހަމަ ފެލާ ސަރުކާރު، ވޯޓެއް ނުދޭނަން، ވަރަށް ސަލާމް.
ކައްކަކާކޯ
09 March 2017
ނޫނޭ މުޅިން ތިވާހަކަ ރަގަޅެއްނޫން! ބަދަލުކުރީ ހަމަ ބިރުން އިތުބާރުނެތީމަ! އިތުބާރު ހުރި ބައެއްގެ ބެލުމުގެ ދަށުގައި ބެހެއްޓުމުގެ ބޭނުމުގައި! އަދީބު ދޫވެއްޖެނަމަ ޔާމީނަށް ރޭގަނޑު ހަމަ ނިދި ވެސް ނުލިބޭނެ.
ޙަސަނާ
09 March 2017
މައެންމެ އަޅައިގަތީ އެހަރަ ފޮޓޯޔައް ބިޔަބޮޑު އަދީބު ކުޑަކުއްޖަކައް ބަދަލުވެފަ ދުނިޔޭ ކަން ހިގާގޮތްދޯ ސަހަރޯ
އަދީބުކަތީބު
09 March 2017
ސަލުމާނު މީ ހާދަހާ ބިރެއްގަންނަ މީހެކޭދޯ. ޖަލުގެ ތޭރިތަކުގެ ތެރޭގަ އޮންނަ މީހުންނާއި ވަކި ކުލައެއްގެ ފޮތިފޭލިތައް ދެކެ ބިރުގަންނާނީ ހާދަހާވާ އީމާންތެރިކަން ކުޑަވެ ޝައްކާ ވަސްވާސް ހިތުތެރޭގަ އުޅޫ މިހެކޭ ދޯ.
ޑޫއިޓް
09 March 2017
އަދީބު ދޫނިދޫ ޖަލަށް ބަދަލުކުރީ ސަލާމަތީ ސަބަބުތަކަށްޓަކައި ނަމަ އެއީ އެއްވެސް މައްސަލަ އެއް ނޫނެވެ. ސައުދީ ރަސްގެފާނު ރާއްޖެ ވަޑައިގަންނަވާއިރަށް އެމެން ޖެހޭނެ ރަނގަޅަށް ކަަސްތޮޅު އަޅަން ދޯ. އަދި އެމެންގެ ހަރުގެ ވެސް ރޫޅާލާ ބިމާއި ތިރިކޮށްލާ އެތަނަށް ކަށިވެލި ލާންވީ އޭ މަމެން ބުނަން ނެތީމު އެވެ. ޔޫ ބެޓަރ ޑޫ އިޓް.
އަފިހުން ގޮއްޔެ
09 March 2017
ތަބީޢީ ބޭފުޅުންގެ ޖީބުތައް ފުރާލަން ރައްޔިތުންގެ ތިޖޫރި ދަވާލާ ގޯނި ގޯނީގަ ފައިސާތައް އުފުލުމަކީ އެއްވެސް މައްސަލަ އޮތްކަމެކޭ އަހުން ބުނާކަށް ނެތީމުއެވެ، ދެން އަހުން ހީހީހީ.
އަލީ
09 March 2017
އަނެއްކާ ރަސްގެފާނު އަދީބާ ބައްދަލުކުރަން އެދުނީތަ. އެއްކަލަ ސައޫދީ ބައިވެރިވާ 1 ބިލިޔަން ޑޮލަރުގެ ޑީލުގަ އެންމެ ބޮޑު ރޯލެއްކުޅުނުމީހަކީ އަދީބުތާ އެހެންވެ ގާތްވާނެކަމައް ލަފާކުރެވެނީ.