ކިޔެވުން ފެށުމުގެ ކުރިން ސްކޫލުތަކަށް ޓީޗަރުންނާއި ފޮތްތައް ހަމަވާނެ: މިނިސްޓަރު

އެޑިޔުކޭޝަން މިނިސްޓަރު ޑރ. އިސްމާއިލް ޝަފީއު "މިހާރު" އަށް އިންޓަވިއު ދެއްވަނީ.-- ފޮޓޯ: ނިޝާން އަލީ | މިހާރު

ފާތިމަތު އަޖްފާން، މިހާރު

03 އެޕްރީލް 2025 - 16:24

އަންނަ ހޯމަ ދުވަހު މި އަހަރުގެ ދިރާސީ އާ އަހަރުގެ ކިޔެވުން ފަށާއިރު ހުރިހާ ސްކޫލަކަށް ޓީޗަރުންނާއި ދަރިވަރުންގެ ފޮތްތައް ހަމަވާނެ ކަމަށް އެޑިޔުކޭޝަން މިނިސްޓަރު ޑރ. އިސްމާއިލް ޝަފީއު މިއަދު ވިދާޅުވެއްޖެ އެވެ.

ދިރާސީ އަހަރުގެ ކިޔެވުން ފަށާއިރު ވެސް ދަރިވަރުންނަަށް ބޭނުންވާ ފޮތްތައް ހަމަޔަށް ސަރުކާރުން ފޯރުކޮށް ނުދެވުމަކީ އަބަދުވެސް ބެލެނިވެރިންގެ އޮންނަ ޝަކުވާއެކެވެ. ނަމަވެސް މިނިސްޓަރު "މިހާރު" އަށް ވިދާޅުވީ ދަރިވަރުންނަށް ބޭނުންވާ ފޮތްތައް ކިޔެވުން ފެށުމުގެ ކުރިން ހަމަކުރުމަށް ފޮތްތައް އަތޮޅުތަކަށާއި މާލެ ސަރައްދުގެ ސްކޫލުތަކަށް ބެހުމުގެ މަސައްކަތް މަސް ދުވަސް ކުރިން ފަށާފައިވާ ކަމަށެވެ.

މިނިސްޓަރު ވިދާޅުވީ މިހާރު ރަށްރަށަށް ފޮނުވަނީ ކުރިން ނުފޮނުވި ހުރި ގްރޭޑް 4 އަދި 5ގެ ފޮތްތައް ކަމަށެވެ.

"ހަމައެކަނި ގްރޭޑް 4 އަދި 5 ގެ ބައެއް ފޮތްތައް. އެ ގްރޭޑްތައް ނޫން އެހެން ހުރިހާ ގްރޭޑެއްގެ ފޮތްތައް ބަހައި ނިމިފައި މިހާރު ވަނީ. އެ ފޮތްތައް ވެސް ދެ ދުވަސް ތެރޭ ބަހާ ނިންމާލެވޭނެ،" އިސްމާއިލް ވިދާޅުވި އެވެ.

މިނިސްޓްރީން މީގެ ކުރިން ބުނެފައި ވަނީ މި އަހަރު ފޮތްތައް ފޮނުވާނީ ކޮންމެ ދަރިވަރެއްގެ ފޮތްބައި ވަކިން ހަމަކޮށްފައި ކަމަށެވެ.

ދިރާސީ އަހަރުގެ ކިޔެވުން ނިންމައި، ދަރިވަރުން ޗުއްޓީއަށް ދިޔައީ މިދިޔަ ފެބްރުއަރީ މަހުގެ 25 ވަނަ ދުވަހު އެވެ. މި އަހަރުގެ ބޮޑު ޗުއްޓީ ދިމާވީ ރޯދަ މަހާ އެވެ. ދިރާސީ އާ އަހަރުގެ ކިޔެވުން މި މަހުގެ ހަތް ވަނަ ދުވަހު ފަށާއިރު، އެ އަހަރު ނިމޭނީ ޑިސެމްބަރު މަހުގެ 28 ވަނަ ދުވަހު އެވެ.

ސްކޫލް ތައުލީމް އެޑިއުކޭޝަން މިނިސްޓްރީ

20 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ރަދީފްއޮފިޝަލް / 5 ވަނަ ރޯދަ

04 April 2025

"މިނިސްޓްރީން މީގެ ކުރިން ބުނެފައި ވަނީ މި އަހަރު ފޮތްތައް ފޮނުވާނީ ކޮންމެ ދަރިވަރެއްގެ ފޮތްބައި ވަކިން ހަމަކޮށްފައި ކަމަށެވެ.:" މިބުނާ އެއްޗެއް ކޮންމެވެސް މީހަކު ތަފްސީލުކޮށްލަ ދީބަލަ.ވ.ވެދުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަޕީގާ

04 April 2025

ސްކޫލް ތަކުގައި ހާއްސަކޮށް 9 ގައި ކިޔަވައިދެނީ ވަރަށް ވަރަށް މަދު. ދެން 10 ދިޔައިމާ ހުރިހާ ގަޑިއެއް ރޭނގަޑު ލައިގެން ކިޔަވާދެނީ ސިލަބަސް ނިންމަން. ދަރިންގެ ނިދިން މަހްރޫންކުރޭ. އިތުރު ކުޅިވަރު ފަދަ ހަރަކާތުން މަހްރޫމޫ ކުރޭ. އައިލީ ވަގުތު ކޮޅު ގެއްލުވާލާ. ސްކޫލް ވެރިން އަދި ޓީޗަރުންނަށް ނޭގޭ މިކަންކަމަކީ ދަރިވަރުންގެ ކިޔެވުމާއި ދިރިއުޅުމުގެ ކަމިޔާބީ އާއި ގުޅިފައި ހުރި ކަންކަންކަމެއް. ވިސްނަބަލަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮގެއް

04 April 2025

ދޮގެއް ހަދާލީ. އަދި އެކިޔަނީ ބޯޓުތަކަށް އަރުވަނީއޭ. ބޯޓުތައް ފުރާނެ ދުވަހެއް ނޭންގެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެޓީ

04 April 2025

ގުރޭޑް1 ގަ އަރަބި މިފަހަރު ނުކިޔަވާ ދޭ ކަމަށް އަޅުގަނޑު ރަށު ސްކޫލް ިނ ބުނީ. އެކަމަކު ފޮތް އެބަހުރި ދީފަ.މިީ އިސްރާފެއްނޫންތޯ ހަމަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޮތޭ

04 April 2025

ކޮންމެ ދިރާސީ އަހަރަކު މިހެން ކިޔާނެ. އެކަމަކު އަހަރު ފެށި މަސްދުވަސް ވެގެން ދާއިރުވެސް ފޮތްތައް ހަމަނުވޭ. ދުލެއް އޮތީމަ ވާހަކަ ދެއްކިދާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަނާން890

04 April 2025

ހިތަދޫ ޝަރަފުއްދީން ސްކޫލުގެ ޔުނިފޯމް ވަކިފޮތްޗަކުން ވަކިބަޔަކަށް އެކަނި ހުއްދަދީގެން ތައްޔާރުކުރަން ހަވާލުކުރީމާ ސްކޫލް ހުޅުވޭއިރުވެސް ޔުނިފޯމެއް ނުލިބިގެން އުޅެންޖެހެނީ...މިއީ ވަކިބަޔަކު އަޑީގަ ތިބެ ސްކޫލާ ގުޅިގެން ހިންގާ ކޮރަޕްޝަނުގެ ބޮޑު ޖަރީމާއެއް.. ނުވީތާކަށް ޔުނިފޯމް ޔުނިފޯމެއް ލިބޭތޯ ގަންނަން ދިޔައީމާ ދެނީ ވަރަށް ރޫޑް ޖަވާބު...ސީދާ ނުލިބޭނެޔޭ...ނުވާނެޔޭ....ސްކޫލު ހުޅުވުނަސް ނުލިބޭނެޔޭ އެބަބުނޭ...މީގެ ކުރިން އާދައިގެ ހުދުފޮތިން ހުންނައިރު ފަސޭހައިން ކޮންމެ ބަޔަކަށްވެސް ތައްޔާރުކުރެވޭ...ވަކި ބަޔަކު މުއްސަދި ކުރުވަން ކަމެއްކުރިޔަސް މި ގަންނަން ލިބޭނަމަ ރަނގަޅުތާ....ނުލިބެޔޭ...އެޑިއުކޭޝަނުން ބަލަންޖެހޭ މިކަން..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީދްއޮފިޝަލް / 5 ވަނަ ރޯދަ

04 April 2025

ސްކޫލް ފޮތި އަދި އެކްޓިވިޓީ ޔުނިފޯމް ވިޔަފާރި އެއީ ވަރަށް އަޑި ނޭނގޭ ވިޔަފާރިއެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލްބުގާރީ

04 April 2025

ތިޔަކަން އެބަބަލަން. މިއަންނަ އަހަރުން ފެށިގެން މުޅި ރާއްޖޭގައި 3 މެޓީރައަލެއްގެ 3 ފޮތިން ހުރި ޔުނިފޯމް ހުންނާނީ. ހުރިހާ ސްކޫލަކުން ވާނީ އެތަނުން އެކަތި ކަނޑައަޅަން. ހެޕީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަންބަރީ

04 April 2025

ހުސް ދޮގު.. ގްރޭޑް 4 ގެ ފޮތްތައް ސްކޫލްތައް ހުޅުވެން ވާއިރަށް ދަރިވަރުންނަކަށް ފޯރުކޮށެއް ނުދެވޭނެ. އަދި އެހެން ގްރޭޑް ތަކުގެވެސް ބައެއް ފޮތްތައް ނުލިބޭނެ. މިނިސްޓަރުގެ މަގާމުގެ ބޭނުމުގައި ކަނޑައެޅިގެން ދޮގު ނުހަދަބަލަ. ދެން މިނިސްޓަރު ތިހެން ބުނީމަ ޕާރޓީ ކުދިން ތިބޭނެ އަތްޖަހަން. ކޮންމެ ކަމެއްގަވެސް ދޮގުހެދުމާއި އޮޅުވާލުން