ރައްޔިތުންގެ މަޖިލިހުގެ ކުރީގެ މެމްބަރު ޖާބިރު މަޖިލިހުގެ ޖަލްސާއެއްގައި. -- ފައިލް ފޮޓޯ؛ ރައްޔިތުންގެ މަޖިލިސް
22 މާޗް 2017 - 14:30
34 comments
ރައްޔިތުންގެ މަޖިލިހުގެ ކާށިދޫ ދާއިރާގެ ކުރީގެ މެމްބަރު އަބްދުﷲ ޖާބިރުގެ ޔޮޓް ޓުއާޒްގެ އެކައުންޓްތައް ފްރީޒްކޮށްފި އެވެ.
އެނގިފައިވާ ގޮތުގައި ޔޮޓް ޓުއާޒްގެ އެކައުންޓްތައް ފްރީޒްކުރީ މީގެ ތިން ދުވަސް ކުރިންނެވެ.
ޖާބިރު މިއަދު "މިހާރު" އަށް ވިދާޅުވީ ޔޮޓް ޓުއާޒްގެ އެކައުންޓްތައް މީރާ އިން ފްރީޒްކުރީ އޭނާ އެ އިދާރާ އަށް ދައްކަންޖެހޭ ޓެކްސްގެ އެއްވެސް ފައިސާއެއް ހުރެގެން ނޫން ކަަމަށެވެ.
"އަޅުގަނޑު މީރާ އަށް ދައްކަންޖެހޭ އެއްވެސް ޓެކުހެއް ނޫޅޭނެ. އެ ޔަގީންކަން އަޅުގަނޑަށް އެބައޮތް،" މިހާރު ރާއްޖެ އިން ބޭރުގައި އުޅުއްވާ ޖާބިރު ވިދާޅުވި އެވެ.
އޭނާ ވިދާޅުވި ގޮތުގައި އެކައުންޓްތައް ފްރީޒްކުރީ އަލިދު އާއި ބީނާފުށި ރިސޯޓް އަދި ކަނޑާލި ފިނޮޅުގެ ކުއްޔާއި ޖުރިމަނާ ފައިސާ ނުދައްކާތީ އެވެ. ނަމަވެސް ޖާބިރު ވިދާޅުވީ އެ ތިން ރަށުގެ މައްސަލަ ވެސް ކޯޓު މަރުހަލާގައި އޮތުމުން، ކުއްޔާއި ޖުރިމަނާ ފައިސާ ދެއްކުމުގައި އުނދަގޫތަކެއް އެބަހުރި ކަމަށެވެ.
"ކޯޓު މަރުހަލާ އިން ގޮތެއް ނިމިގެން ނޫންތޯ އަޅުގަނޑުމެންނަށް މި ރަށްރަށާ މެދު ގޮތެއް ނިންމޭނީ،" ޖާބިރު ވިދާޅުވި އެވެ.
ސިވިލް ކޯޓުން މިދިޔަ އަހަރުގެ ޑިސެމްބަރުމަހު ކުރި ހުކުމުގައި ވަނީ ހއ. ބީނާފުށްޓާއި އެ ރަށް ކައިރީގައި އޮންނަ ކަނޑާލި ފިނޮޅު ސަރުކާރުން އަތުލީ ރަނގަޅަށް ކަމަށެވެ.
ހުކުމުގައި ވަނީ ކުލި ނުދައްކާ ނަމަ އެއްބަސްވުން ބާތިލް ކުރުމުގެ ބާރު ދައުލަތަށް އޮންނާނެ ކަމަށާއި އެ ތަނުގެ ކުއްޔާއި ޖޫރިމަނާ އަށް ޔޮޓް ޓުއާސް އިން އެއްބަސްވެފައި ވިޔަސް އެ ފައިސާ ދައްކާފައިނުވާ ކަމަށެވެ. އެ ދެ ތަނުގެ އެއްބަސްވުން އުވާލައި، ސަރުކާރުން ފޮނުވި ނޯޓިހަކީ އެއްބަސްވުމާ އެއްގޮތަށް ފޮނުވި ނޯޓިހެއް ކަމަށާއި އެހެންވެ އެ ނޯޓިސް ބާތިލް ނުކުރެވޭނެ ކަމަށް ހުކުމުގައި ވެ އެވެ.
ހއ. އަލިދޫގެ މައްސަލާގައި ސިވިލް ކޯޓުން މިދިޔަ މަހު ނިންމާފައި ވަނީ، އެ ރިސޯޓް ބަންދުކޮށްފައި ވާތީ އެ މުއްދަތުގައި އެ ތަނުގެ ކުއްޔާއި ޖޫރިމަނާ ނުހިނގާނެ ކަމަށް ކަނޑައަޅަން ވަގުތީ އަމުރެއް ނެރެދެވެން ނެތް ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދައިބު
22 March 2017
\ޓެކްސް ނުދައްކަންޏާ އެފައިސާ ހޯދުން މީރާއަށް ލާޒިމު. އެކަމަކު އެކަން ކުރަންޖެހޭނީ ވީ އެންމެ އަވަހަކށް. ޓެކްސް ނުދައްކާ މީހުންގެ އެކައުންޓް ފްރީޒްކުރުމާ ކަންކަން އެއީ ސަރުކާރާ ގުޅިގެން ސަރުކާރު ބުނާހާއިރަކުން ކުރަންޖެހޭ ކަންކަމެއް ނޫން. މީރާއިން މިހަދާ ގޮތަކީ ޓެކްސްގެ ކަންކަން މި ހަދަނީ ދައުލަތުގެ ފަރާތުން އަދާކުރާ ޒިންމާއަކަށްވުރެ ބޮަޑަށް ސަރުކާރުގެ ސިޔާސީ ހަތިޔާރަކަށް. ފްލެޓް ލިބި ނަޒާހަތްތެރިވިޔަސް ބޮޑުވަރު މީ.
އަހުމަދުބެ
22 March 2017
މީރާއިން ނަގާ ޓެކުހައްވުރެ ޖޫރިމަނާބޮޑެވެ. ދީނީ ގޮތުން ބަލާއިރު ޖޫރިމަނާ އެއް ނުނެގޭނެއެވެ.
ޚާދިމް
22 March 2017
މިބޭފުޅާގެ ދުއްތުރާ ކުރިމަތިނުވާ މިނސްޓްރީ އެއް މިނިސްޓަރެއް، ކޯޓެއް، މަޖްލިސް މެމްބަރެއް، ގާނޫނީ ވަކީލެއް، ވިޔަފާރިވެރިއެއް، މިނިވަން މުއައްސަސާއެއް އަދި އާންމު ފަރުދެއް ހުންނާނެބާ!
މެންޓަލިސްޓް
22 March 2017
ސިޔާސީ ގޭސްގަނޑުގައި އަބަދުވެސް ތިޔާކަހަލަ ބޮނޑިހުންނާނެ ،، ބުލެކްމައިލް ކުރުމާޢި ބިރުދެއްކުމާއި އެކައުންޓް ފްރީޒްކުރުމާޢި މިހެންގޮސް ތިނޯހެއްގެ ފަގައިގެ މިންވަރު ލިބުނަސް އޭގެ ފުރިހަމަ ބޭނުން ގިނަ ޑިކްޓޭޓަރޝިޕްތަކުގައި ހިފާނެ ،،، އެއީ ދުނިޔޭގެ ތާރީހްހެކިވާކަންކަން ،،،، ޖާބިރުއަށްވެސް އައިސްގެން ތިޔައުޅެނީ 27 ކިޔާރޯގާގެ އަސަރުތަށް ،،،، އެއީވަރަށް ނުރައްކާތެރިރޯގާއެއް ،،، އޭގައިއޮތީ ޑޫ އޯ ޑައި ކަހަލަ ގޭމެއް ،،،، ވަރަށްވެދުްނ
ޥިސްނާ
22 March 2017
ޙަހަހަހާ
ހަޤީޤީ
22 March 2017
ޖާބިރު މިހާރަށްވެސް ތިޔަ އޮޅުވާލީއެވެ. އަލިދޫ އާއި ވަޓަވައްރެހާ ގެ ކުލިވެސް ނުދައްކަވައެވެ. އެތައް އަހަރެއް ވެއްޖެއެވެ. އެންމެފަހުން ރިސޯރޓެއް ވިއްކައިގެން ލިބުނު ލާރިކޮޅުން އީއްޒަތްތެރިންކޮޅަކަށް ލާރިދީފައި ދެން 3 މިލިއަން ދިނީ މަޖުޅިހުގެ ރައީސް ވަކިކުރަން ރެލޯރޑް ކުރަންވެގެންނެވެ. މިވާހަކަ ސަރުކާރުގެ ކަމާބެހޭ ފަރާތުގެ ސަމާލުކމަށް ގެނައީ ރިސޯރޓް ވިއްކައިގެނ ލިފުނު ފަިސާއިން ޑޮލރު ކޮޅެއް ލިބުނު ޢިއްޒަތްތެރިންނެވެ.
ރެޑްލޮރީ
22 March 2017
އަބްދިއްލާހި ޖާބިރު ހެންވޭރު ތިމާވެށި!
ރަދީފް އެންޑް ރަފައިދާ
22 March 2017
ޖާބިރެއް ކާތިބެއް ނޯންނާނެ. ޓެކްސްޖެހޭނީ ދައްކަން. ޓެކްސް ނުދެއްކެންޏާ ވިޔަފާރިހުއްޓާލާފާ ގޭގައޮވޭ.
ލީ
22 March 2017
މީރާއަކީ ގޮތެއް ފޮތެއް އޮްތްތަނެއް ނޫން. މީހާއަށްް ނޭގި އަދި އަންގާވެސް ނުލާ ބޮޑެތި އަދަދުތަކުން ޖޫރިމަނާ ކޮށްފައި އެބަހުރި
މުގާބޭ
22 March 2017
ޖާބިރު ކޮންމެކޮޅެއްގާހުރިނަމަވެސް ދައްކަންޖެހޭއެއްޗެއް ދައްކަންޖެހޭނެ.
އައިއެމް ޖަސްޓް ސެއިންގ
22 March 2017
ޢަސްލު ދަނޑިވަޅަށް ބަލާއިރު ގޮތްގޮތަށް ވާހަކަ ދެއްކިދާނެ އެކަމަކު ޖާބިރު ކީއްކުރަން ފައިސާ ނުދައްކާ ހުންނަނީ ރަށްރަށާ އެއްޒެހި ނަގައިގެން؟ ގައިމު ދުވަސްގަނޑެއް ވީމަތާ ކޯޓު މަރުހަލާ އިންވެސް ނިންމާފަ ތިއޮތީ.. ދެން ބުނެލީ