އެއް މަސް ދުވަހުގެ ތެރޭގައި 3.4 މިލިއަން ރުފިޔާގެ އަގުހުރި ސައިކަލު ހޯދައިފި

ފުލުހުން ޓޯކޮށްފައިވާ ބައެއް ވެހިކަލްތައް ޓޯޔާޑުގައި.---ފައިލް ފޮޓޯ: މިހާރު

އާސިމާ ނިޒާރު، މިހާރު

05 އޯގަސްޓް 2025 - 14:10

އެއް މަސް ދުވަހުގެ ތެރޭގައި ތިން މިލިއަނަށް ވުރެ ގިނަ ރުފިޔާގެ އަގުހުރި ސައިކަލު އަނބުރާ ހޯދާފައިވާ ކަމަށް ފުލުހުން މިއަދު ބުނެފި އެވެ.

އެ އިދާރާއިން ސޯޝަލް މީޑިއާގައި ކުރި ޕޯސްޓެއްގައި ބުނީ، ގެއްލިގެން ރިޕޯޓުކުރި އުޅަނދުތަކުގެ ތެރެއިން މިިދިޔަ ޖޫން މަހުގެ 1 އިން ފެށިގެން 30 ގެ ނިޔަލަށް 69 ސައިކަލު ހޯދައި، އޭގެ ވެރިފަރާތަށް ރައްދު ކޮށްދީފައިވާ ކަމަށެވެ.

އެ ސައިކަލުތަކުގެ ޖުމްލަ އަދަދު 3،412،530ރ. އަށް އަރާ ކަމަށް ފުލުހުން ބުންޏެވެ.

ދެ ވަނައަށް އެންމެ ގިނައިން ހޯދީ ވަގަށް ނެގި ފައިސާ އެވެ. އެ މުއްދަތުގެ ތެރޭގައި ގެއްލިގެން ހުށަހެޅި މައްސަލަތަކުގެ ތެރެއިން 43 މައްސަލައަކާ ގުޅުން ހުރި 935،972ރ. ހޯދާފައިވާ ކަމަށް ފުލުހުން ބުންޏެވެ.

އޭގެ އިތުރުން 213،932ރ. ގެ އަގުހުރި 22 މޮބައިލް ފޯނާއި 168،850ރ. ގެ އަގުހުރި އިލެކްޓްރޯނިކްސް ސާމާނު ހޯދާފައިވާ ކަމަށް ވެސް އެ އިދާރާ އިން ބުނެ އެވެ.

އެހެނިހެން ތަކެތީގެ ގޮތުގައި 56 މައްސަލައަކާ ގުޅުން ހުރި ތަކެތި ހޯދާފައިވެ އެވެ. އެއީ 179،225ރ. ގެ އަގުހުރި ތަކެއްޗެވެ.

ފުލުހުން ބުނީ ބިދޭސީންނާ ގުޅޭގޮތުން ހުށަހެޅި މައްސަލަތަކުން ވެސް ހަތް ބިދޭސީއަކު އިމިގްރޭޝަނާ ހަވާލުކޮށްފައިވާ ކަމަށެވެ.

ރައްކާތެރި ތަނަކަށް މާލެ ހެދުމަށް ކުރަމުން އަންނަ މަސައްކަތުގެ ތެރެއިން މިދިޔަ މަހުގެ 1 އިން 31 ގެ ނިޔަލަށް މާލެ ޕޮލިސް ކޮމާންޑުގެ ޑިޕާޓްމަންޓުތަކުން ވަނީ 1،196 ގަޑިއިރާއި ހަ މިނެޓު ވަންދެން ޕެޓްރޯލްކޮށްފަ އެވެ. ޕެޓްރޯލް ކުރިއިރު 6،389 މީހުން ހުއްޓުވައި ސުވާލުކުރި އެވެ. އޭގެ ތެރެއިން 6،145 މީހުންނަކީ ކުށުގެ ރިކޯޑު އޮތް މީހުން ކަމާއި ބާކީ 244 މީހުންގެ ކުށުގެ ރިކޯޑެއް ނެތް ކަމަށް ފުލުހުން ބުންޏެވެ.

ފުލުހުން ވައްކަމާއި ފޭރުން ކުށްކުރުން

13 ކޮމެންޓް, 0 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަމީނަ

06 August 2025

"ޕެޓްރޯލް ކުރިއިރު 6،389 މީހުން ހުއްޓުވައި ސުވާލުކުރި އެވެ. އޭގެ ތެރެއިން 6،145 މީހުންނަކީ ކުށުގެ ރިކޯޑު އޮތް މީހުން." ވަރަށް ބިރުވެރިދޯ.. :(

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޮޅު؟؟

05 August 2025

ތިޔަ ތަފާސް ހިސާބުތަކުން ހާމަވަނީ ފުލުހުންނަށް ރަށުތެރެ ނުބެލެހެއްޓޭކަން ނޫންތޯ؟ މަސްދުވަސްތެރޭގައި 69 ސައިކަލު ވަގައްނެގީމަ އެއީ ފުޅުހުންގެ ވާޖިބު ރަނގަޅަށް އަދާ ނުކުރެވެނީ ނނޫންތޯ؟؟ ފުލުހުންގެ ވާޖިބަކީ ހަމަ އެކަނި ތަފާސްހިސާބު ބެލެހެއްޓުންތޯ؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހާއިބްރީ

05 August 2025

ގެއްލުނު ސައިކަލްތައް ހޯދާފަ އޭގެ އަގު ބުނަނީ ކޮން ބޭނުމަކު؟ ވިއްކާލަންތަ؟.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުސާއިބްރާހީމް

05 August 2025

އަގު 3 މިލިއަންގަ. އޭގެ ސޯޝަލް ކޮސްޓް ކިތައް މިލިއަންގަ؟ ސައިކަލް ގިނަވެގެން މަގުތައް ފުރިއްޖެ. ބައެއް މަގުތަކުގައި އުޅޭ މީހުންނަށް މިހާރު އެމްބިއުލަންސްއެއްވެސް ވެއްދެން ނެތް. ބަލާބަލަ ކޮޗިން. ވަރަށް ހަނި މަގުތައް ހުންނާނެ. އެކަމަކު ނުފެންނާނެ މަގުމަތީގައި އާއްމުކޮށް ޕާކުކޮށްފައި ހުންނަ ތަނެއް. ސައިކަލްތައް މަދުކުރާނެ ސަރުކާރެއް ބޭނުން މާލެ އަމާން ތަނަކަށް ހަދަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަޅި އަލީ

05 August 2025

"ސައިކަލުތަކުގެ ޖުމްލަ އަދަދު 3،412،530ރ" އެވެދާނެ 3 ސައިކަލު ކަމަށްވެސް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

05 August 2025

މީހަކަށް ހުކުމެއް ނުކުރެވެ އެވެ. ދެން ތަކުރާރު ކޮށް ކުއްކުރާ މީޙުން ގިނަ އެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަހުރާޒު

05 August 2025

ޕޮލިހުންނާ ހަވާލުކޮށްފައިވާ އަސްލު މަސްޢޫލިއްޔަތު އަމަން އަމާންކަން ބެލެހެއްޓޭނަމަ ތިޔަ ސައިކަލްތައް ވަގަކަށް ނުނެގޭނެ.ވަގުންނެއް މިނިވަން ކަމާއެކު މަގުތަކުގައި ރައްޔިތުންގެ މުދާ ވަގަށް ނަގައި ގެއްލުން ދޭކަށް ނުތިބޭނެ.ތީމާ މޮޅުކަމެއް ނޫން ނޫސްތަކުގެ ސުރުހީ ހަދާކަށް. ވިސްނާ ބަޔަކަށް ތިކަމުންވެސް އެގިގެން ދަނީ ފުލުހުންނަށް މުޖްތަމަޢުގައި އަމާންކަން ގާއިމް ކޮށްދެވިފައިނުވާކަން. ވ.ސަލާމް