ޕީޕީއެމްގެ ރައީސް މައުމޫން: އެމަނިކުފާނު އެ ޕާޓީން މިރޭ ވަނީ ވަކިކޮށްފައި.--- މިހާރު ފައިލް ފޮޓޯ: ނިޝާން އަލީ
27 މާޗް 2017 - 23:27
115 comments
ޕީޕީއެމްގެ މެމްބަރުކަމުން، އެ ޕާޓީގެ ރައީސް މައުމޫން އަބްދުލް ގައްޔޫމް މިރޭ ވަކިކޮށްފި އެވެ.
ވެރިކަން ކުރާ ޕާޓީ، ޕީޕީއެމް އުފެއްދެވި މައުމޫން އެ ޕާޓީގެ މެމްބަރުކަމުން މި ވަކިކުރީ އެމަނިކުފާނު އިދިކޮޅު ފަރާތްތަކާ ގުޅިގެން މަސައްކަތް ކުރައްވާތީ، ޕީޕީއެމްގެ ސުލޫކީ ކޮމެޓީ އަށް ހުށަހެޅި މައްސަލަ ބެލުމަށް ފަހު އެވެ.
އެ މައްސަލާގައި ޖަވާބުދާރީވުމުގެ ފުރުސަތު ސުލޫކީ ކޮމެޓީން މައުމޫނަށް އޮތީ ދީފަ އެވެ. ޖަވާބުދާރީ ނުވެއްޖެ ނަމަ ޣައިރު ހާޒިރުގައި މައްސަލަ ނިންމާނެ ކަން އެ ކޮމެޓީން އޮތީ ކުރިން އިއުލާންކޮށްފަ އެވެ.
ޕީޕީއެމުން މައުމޫން ވަކިކުރަން ނިންމީ ސުލޫކީ ކޮމެޓީގެ މިރޭގެ ބައްދަލުވުމުގައި ބައިވެރިވި ފަސް މެމްބަރުންހެ އިއްތިފާގުން ކަމަށް އެ ކޮމެޓީން ބުންޏެވެ.
ޕީޕީއެމްގެ މެމްބަރުކަމުން މައުމޫން މި ވަކިކުރީ އެމަނިކުފާނާ ދެކޮޅަށް އެ ޕާޓީގެ އިއްޔެގެ ކައުންސިލްގެ ބައްދަލުވުމަށް ހުށަހެޅި ގަރާރު އިއްތިފާގުން ފާސްކުރުމަށް ފަހު، އެއަށް ގޮތެއް ނިންމައިދޭން ސުލޫކީ ކޮމެޓީ އަށް ފޮނުވުމުންންނެވެ.
މައުމޫނާ ދެކޮޅު ގަރާރުގައި ހަތް ކަމެއް ފާހަގަކޮށްފައިވެ އެވެ. އޭގެ ތެރޭގައި ހިމެނެނީ އިދިކޮޅު ފަރާތްތަކާ ގުޅިވަޑައިގެން އެ މީހުންގެ ފިކުރު ކުރިއެރުވުމަށް މަސައްކަތް ކުރެއްވުމާއި ސޯޝަލް މީޑިއާ އާއި އަދި ތަފާތު ފޯރަމްތަކުގައި ޕީޕީއެމްގެ އަސާސްތަކާ ހިލާފަށް އަމަލު ކުރެއްވުމާއި ސަރުކާރުން ހިންގާ ބޮޑެތި މަޝްރޫއުތަކާ ގުޅޭ ގޮތުން ހަގީގަތާ ހިލާފަށް، އާންމުންނަށް ކަންކަން އޮޅޭ ގޮތަށް ހިޔާލު ފާޅުކުރައްވައި ސަރުކާރާއި ޕީޕީއެމަށް ނަފްރަތު އުފެދޭ ގޮތަށް މަސައްކަތްޕުޅު ކުރެއްވުން އަދި އިދިކޮޅު ފަރާތްތަކާ އެކު އެއްބަސްވުން ހައްދަވައި، ޕާޓީގެ ކައުންސިލްގެ ރުހުމެއް ނެތި އެފަދަ އެއްބަސްވުންތަކުގައި ޕީޕީއެމްގެ ނަމުގައި ސޮއިކުރެއްވުން ހިމެނެ އެވެ.
މައުމޫން އިއްޔެ ވިދާޅުވެފައި ވަނީ ޕީޕީއެމްގެ މެމްބަރުން ވަކިކުރުމުގެ ގާނޫނީ ހައިސިއްޔަތެއް ދަރުބާރުގެ ފެކްޝަނަށް ނެތް ކަމަށެވެ.
ދަރުބާރު ފެކްޝަން ކަމަށް މައުމޫން އެ އިޝާރާތް ކުރެއްވީ ރައީސް އަބްދުﷲ ޔާމީންގެ ބެއްލެވުމުގެ ދަށުން ދަރުބާރުގޭގައި ހިންގަމުންދާ އެ ޕާޓީގެ ހަރަކާތްތަކަށެވެ. މައުމޫން ޕީޕީއެމުން ވަކިކުރަން އެ ޕާޓީގެ ކައުންސިލަށް އިއްޔެ ގަރާރެއް ހުށަހަޅައި ފާސްކުރީ ރައީސް ޔާމީން ރިޔާސަތު ބެލެހެއްޓެވި ބައްދަލުވުމުގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބިންބި
28 March 2017
އަންނި ވެސް އެހެން މިހަކަށް އެމްޑީޕީގެ ޓިކެޓް ނުދޭން އުޅެނީ މިހެން ވެގެންނެވެ. އެހެން މީހަކު ވެރިކަމަށް އަރާފައި އަންނި އަށް ވެސް މިހެން ހަދާނެ ކަން އޭނާއަށް އެގެއއެވެ
ވައިޓުހައުސް
28 March 2017
މަޅިއެއްނުޖަހާ މެމްބަރުންގެ މެޖޯރިޓީހޯދަބަލަ.. އެއިރުން ޔާމިނު ވެސް ބޭލޭނެނު.. ކޮންމެ ކަމަކަށް ހެޑްލައިނެއް ހޯދާ އެންބަސީތަކައށް ދެއްކުން މުހިންމުތަ؟
މެޑަމް
28 March 2017
ތަސްމީނުވެސް ތިވަރަކަށް ހަޑި ނުހާވާ. އެކަމަކު ތިމާގެ ލޯބިވާ ބޭބެޔޯ. ބޭބެ ތަޚްތު ދެއްކީމާ އަދި ކިރިޔާ މިއެނގުނީ ތަޚްތަކީ ކިހާވަރެއްގެ އެއްޗެއްކަން. ހަމައެކަނި ތަޚްތަކުން ވެސް ހިތެއް ނުފުރުނު. މާދަމާ ބޭބެ ތުރުކުރައްވައިގެން ހުންނެވި ގަމީސްކޮޅު ވެސް ފޭރިގެންފާނެ.
ޗިކުސް
28 March 2017
އަމިއްލަ ގެއިން ބޭރުކޮއްލުން ފަދަ ކަމެއް ތި ކުރީ.
ޖަމްބޭ
28 March 2017
ހުރިހާ އެއްޗެއް ފޭރި ނިމިއްޖެ. ދެން 2018 ވެސް އިދިކޮޅު ފަރާތްތަކުން ހަނދާން ނައްތާލާ. މިއީ ވަރަށް ގިނަ ވާހަކަ.
ޑރ.ހަނދާން ނެތޭ
28 March 2017
2018ގައި ޔާމީން ރައީސް ކަމުން ވަކިކުރާނަން. ހަނދާނެއް ނުނެތޭ.
ޑ
28 March 2017
إن شاء الله
ވިލޭއަލި
28 March 2017
މައުމޫނު މުސްކުޅި ވާން އަދި ގާތްވެސް ނުވޭ.
ތުއްތުބޭބެ
28 March 2017
ކޮންމެވޯޓެއްވެސް ކާމިޔާބު ކުރުމަށްޓަކައި އެވޯޓެއް ދޭން ތިބޭ މީހުންނަކީ އަމިއްލަ އެއްވެސް ފިކުރެއްނެތް ބިރުވެރި އަނދަވަޅެއްގައިވާ ބަޔެއްކަން ރައްޔިތުންނަށް ހާމަކޮށް މެމްބަރުންނަށް ބުނަންޖެހޭ ގޮތްލިޔެފައި ދީގެން ފެންވަރެއްނެތް ބަޔެއްއްކަމަށް ދައްކާ ބިރުވެރިކަންހުރި މިންވަރު ސާބިތުވަނީ ގޮފަޅުން ޕީ.އެޗް.ޑީ. ޙޯލްޑަރުންނަށް މީހަކުބުނާ އެއްޗެއް އެގޮތަށް ބުނަންވެސް ނޭގޭފެންވަރަށް ދަށްކޮށް ކަރުދާސްކޮޅެއްގައި ލިޔެ ކިޔާނެގޮތުގެ ޓްރޭނިންހަދާ ދެމިނިޓުން ދެމިނިޓުން މަޖުބޫރު އަމުރު ހިންގާ ކަމީ ސާބިތުކަމެކެވެ. މިވަރުންވެސް ކާމިޔާބުނުވާކަން އެނގެއެވެ. މިރާއްޖެ މިޚިޔާނާތްތެރިންގެ އަތުންޖުވާނެ .އިންޝާﷲ
ހަސަނު
28 March 2017
ޕީޕީއެމްގެ ރައީސޭ؟ރައީސް ހޮވީ ކޮން ބައެއް؟ އެމީހުންގެ ވޯޓް ނެގީ ކީއްކުރަން؟ތި ކައުންސިލުން ދެން ހުންނަން ފެންނަ ރައީސަކުވެސް ކަޑައަޅަންވީ.
ޙަސަނާ
28 March 2017
ޕީޕީއެމެކީ ސީދާ މައުމޫނު ގިނިކަންޏާ ޑީއާރުޕީކިޔާ ޕާޓީއެއް ދެފަޅިވުމުން ނުކުމެ ހެދި ޕާޓީއެއް، މާފަހަކުން ޕީއޭކިޔާޕާޓީޔަކުން ބަޔަކުއައިސް ފޭރިގަތަސް