ޕްރައިމަރީއަކާ ނުލައި ރައީސް ޔާމީނަށް ޓިކެޓް ދޭން މައުމޫން ބޭނުންފުޅެއް ނުވޭ

ރައީސް އަބްދުﷲ ޔާމީނާއި ރައީސް މައުމޫން ސަލާމް ކުރައްވަނީ: މައުމޫން ބޭނުންފުޅު ވަނީ ޕާޓީގެ އަސާސީ ގަވާއިދުގައިވާ ގޮތަށް ރިޔާސީ ކެންޑިޑޭޓް ހޮވުން ކުރިއަށް ގެންދަން. ---ފޮޓޯ: ރައީސް އޮފީސް

ފަޒީނާ އަހުމަދު، މިހާރު

15 ޖޫން 2016 - 12:13

74 comments

ޕްރައިމަރީއަކާ ނުލައި ޕީޕީއެމްގެ ރިޔާސީ ޓިކެޓް ރައީސް އަބްދުﷲ ޔާމީނަށް ދެއްވަން އެދިވަޑައިގެންފައިވީ ނަމަވެސް ޕީޕީއެމްގެ ރައީސް މައުމޫން އަބްދުލްގައްޔޫމް އެގޮތަށް ބޭނުންފުޅުނުވާކަން "މިހާރު" އަށް އެނގިއްޖެ އެވެ.

ރައީސް ޔާމީނަށް ޓިކެޓް ދޭން ޕީޕީއެމްގެ ކައުންސިލްގެ ގިނަ މެމްބަރުންތަކެއް ވަނީ ލިއުމަކުން މައުމޫނަށް ހުށަހަަޅައިފަ އެވެ. އޭގައި، ކުރީގެ ރައީސް މައުމޫންގެ އަރިހުން އެދިފައި ވަނީ، "މިހާރު" އަށް އެނގިފައިވާ ގޮތުގައި، ކައުންސިލް ބައްދަލުވުމެއް ބާއްވައި އެގޮތަށް ނިންމަވާ ދެއްވުމަށެވެ.

އެކަމަކު، އެނގިފައިވާ ގޮތުގައި، ޕީޕީއެމް ކައުންސިލް ބައްދަލުވުމުގައި އެ މައްސަލަ އެޖެންޑާކުރައްވާ ކަށް މައުމޫން ބޭނުންފުޅެއް ނުވެ އެވެ. ޕްރައިމަރީއަކާ ނުލައި ރައީސް ޔާމީނަށް ޓިކެޓް ދޭން އެމަނިކުފާނުގެ ތާއީދެއް ނެތް ކަން ދޭހަވާ ގޮތަށް މައުމޫން ވަނީ ޕާޓީގެ ކައުންސިލް މެމްބަރުންނަށް އެސްއެމްއެސްތަކެއް ވެސް ފޮނުއްވައިފަ އެވެ.

ޕީޕީއެމްގެ ޖަލްސާއެއްގައި އެ ޕާޓީގެ މެމްބަރުންތަކެއް. --ފޮޓޯ: ޕީޕީއެމް

ކައުންސިލް މެމްބަރުންނަށް މައުމޫން ފޮނުއްވި މެސެޖެއްގައި ވިދާޅުވީ ޕާޓީގެ މަސްލަހަތު ހިފަހައްޓައި އެއްބައިވަންތަ ޕާޓީއެއްގެ ގޮތުގައި ދަމަހައްޓައި ރައްޔިތުންގެ މަގްބޫލްކަން އިތުރުކުރެވޭނީ ޕާޓީގެ ހުރިހާ ކަމެއް ވެސް އަސާސީ ގަވާއިދުގައި ބަޔާންކޮށްފައިވާ އުސޫލްގެ މަތިން ގެންގޮސްގެން ކަމަށެވެ. އަދި ޕާޓީގެ އަސާސީ ގަވާއިދުން ބޭރުގައި އެއްވެސް ކަމެއް ކުރިއަށް ނުގެންދަން މައުމޫން ވަނީ އެދިވަޑައިގެންފަ އެވެ.

ޕާޓީގެ ކައުންސިލް މެމްބަރުންނަށް މައުމޫން ފޮނުއްވި އެސްއެމްއެސް.

ޕީޕީއެމްގެ އަސާސީ ގަވާއިދުގައި ބުނެފައި ވަނީ ރިޔާސީ އިންތިހާބުގައި ޕާޓީން ވާދަކުރާ ކެންޑިޑޭޓް ކަނޑައަޅާނީ ޕާޓީގެ ހުރިހާ މެމްބަރުންގެ މެދުގައި ބާއްވާ ޕްރައިމަރީގައި ނަގާ ސިއްރު ވޯޓަކުން ކަމަށެވެ. އެ ޕްރައިމަރީ ބާއްވަން ޖެހޭނީ ރިޔާސީ އިންތިހާބުގެ ވޯޓު ނެގުމުގެ ތިން މަހާއި ހަ މަހާ ދެމެދުގެ މުއްދަތެއްގައި ކަމަށް ވެސް އަސާސީ ގަވާއިދުގައިވެ އެވެ.

ޕީޕީއެމް ޖަލްސާއެއްގައި މައުމޫނާއި ރައީސް ޔާމީން ބައިވެރިވެވަޑައިގަންނަވަނީ. --ފޮޓޯ: ޕީޕީއެމް

އެކަމަކު ރައީސް ޔާމީން ދެ ވަނަ ދައުރަކަށް ވާދަކުރަައްވަން ބޭނުންފުޅު ނަމަ ޕްރައިމަރީއަކާ ނުލައި އެ ފުރުސަތު ލިބުމުގެ ޖާގަ ވެސް އަސާސީ ގަވާއިދުން ލިބެ އެވެ.

އަސާސީ ގަވާއިދުގައި ބުނެފައިވާ ގޮތުން ޕީޕީއެމްގެ ޓިކެޓުގައި ރައީސުލްޖުމްހޫރިއްޔާގެ މަގާމަށް އިންތިހާބުވެ، ފަސް އަހަރުގެ ދައުރެއް އަދާކުރައްވާ ބޭފުޅަކު، ދެވަނަ ދައުރަކަށް ޕާޓީގެ ޓިކެޓްގައި ވާދަކުރައްވަން އެދިވަޑައިގަންނަވާ ނަމަ، ޕްރައިމަރީއަކަށް ނުގޮސް އެ ބޭފުޅަކަށް އެ ޓިކެޓް ދެވިދާނެ އެވެ. އެކަމަކު އެބޭފުޅާއާ ވާދަކޮށް، ޓިކެޓް ހޯދަން އިތުރު ބަޔަކު ޝައުގުވެރިކަން ފާޅުކޮށްފި ނަމަ، ޕްރައިމަރީއެއް ބާއްވަން ފެނޭތޯ ބަލަން ޕާޓީގެ ކޮންގްރެސް ނުވަތަ ގައުމީ ޖަލްސާއަކަށް ދާން ޖެހެ އެވެ. ރިޔާސީ އިންތިހާބުގެ ތާރީހާ އެންމެ ކައިރިކޮށް ބާއްވާ ކޮންގްރެސްގައި، މި ހާލަތުގައި ޕްރައިމަރީއެއް ބާއްވަން ނިންމައިފި ނަމަ އެކަން ކުރަން ޖެހެ އެވެ.

ރައީސް ޔާމީން މިހާރު ގެންދަވަނީ 2018 އަށް އަމާޒުކުރައްވައިގެން ކެމްޕޭން ކުރައްވަމުންނެވެ. އެގޮތުން ރިޔާސީ އިންތިޚާބަށް މީހުން ތައްޔާރުކުރަން ތަފާތު މަހާސިންތާތައް އެމަނިކުފާނުގެ ކެމްޕޭން އޮފީހުން ބާއްވާފައިވެ އެވެ. އަދި ޕީޕީއެމްގެ މަޖިލިހުގެ ގިނަ މެމްބަރުންނާއި ފަސްޓް ލޭޑީ ފާތުމަތު އިބްރާހިމް ވަކިން ހިންގަވާ އޮފީހުގެ ފަރާތުން ވެސް 2018 އަށް އަމާޒުކޮށް ރައީސް ޔާމީންގެ ކެމްޕޭންތައް ކުރިއަށް ގެންދެ އެވެ.

ރައީސް މައުމޫން އަބްދުލްގައްޔޫމް ޕީޕީއެމް ޕީޕީއެމް ކައުންސިލް ރައީސް އަބްދުﷲ ޔާމީން

74 ކޮމެންޓް, 223 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޤައުމީރޫޙް

17 June 2016

ސައޫދޫން ދިވެހި ރައްޔިތުންނަށް ހަދިޔާ ކުރި ކަދުރުން 10 ޓަނު ކަދުރު ކަޓުވާލައިގެން ، އެކަންތައް ފަޅާ އަރައި ރައްޔިތުންގެ ތެރޭ ހާއްސްކޮން އަމިއްލަ ޕާޓީ މީހުންވެސް ހިތްހަމަ ނުޖެހި ، މިއޮއްފަދަ ރަމަޟާން މަހުވެސް ވައްކަމުގެ އަމަލު ކުރާތީ ނުރުހުންވެގެން އުޅޭކަން އެނގިގެން ، އެވާހަކަ ނުހުއްޓި ކުރިއަށް ދާތީ އޮއްބާލަން ، އެހެން ކަމެއް ޕާޓީ މީހުންގެ ސަމާލުކަމަށް ގެނެވޭތޯ ރާވައިގެން ކޮށލި ކަމެއް ، އާންމުކޮން ޕީޕީއެމް މެންބަރުންވެސް ތާއީދު ބޮޑީ މައުމޫނަށް ، ވައްކަމާއި ފަސާދަ އަކަށް ނޫން...ހެއްދުމާއި އޮޅުވާލުމަކަށްވެސް ނޫން...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢދ

16 June 2016

ޕީޕީ އެމްގެ ފަރާތުން ފާރިޝް ނެރުމަށް ފެނޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތަރި

16 June 2016

ތިއާޓިކަލްގައިވާ ޓެކްސްޓް މެސެޖުގައި ރ.ޔާމީނަށް ޕްރައިމަރީއަކާ ނުލާޓިކެޓްދޭން މައުމޫން ބޭނުންނުވާކަން ދޭހަވާ އެއްވެސް ތަނެއްނެތް. ޔާމީނުގެ ފަހަތްޕުޅުގައި މައުމޫން ސާބިތުވެ ހުންނަވާނެކަން ކަށަވަރު. އެއީ ކޮއްކޯފުޅަށްވީތީއެއްނޫން. މިގައުމަށް ރައީސްޔާމީން ގެނެސްދެއްވާ ތަރައްގީގެ ސަބަބުން އަދި އެވަރުގެ އެހެން ރައީސަކަު ފެންނާންނެތުމުގެ ސަބަބުން؟ ޕާރޓީގެ ރައީސްގެ ހައިސިއްޔަތުން އަސާސީގަވާއިދުތައް ދެމެހެއްޓުމަށް މަސައްކަތްކުރުމަކީ އެއީ ހަރުދަނާކަން ދައްކުވައިދޭކަމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަޅޭ

17 June 2016

ނަސީދު ވިދާޅުވި އެއްޗެއް ނަމަ.. ފުރިހަމަ ތަރުޖަމާއެއް ކުރާނެ.. ތޯއްޗެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތަރި

16 June 2016

ތިއާޓިކަލްގައިވާ ޓެސްޓް މެސެޖުގައި ރ.ޔާމީނަށް ޕްރައިމަރީއަކާ ނުލާޓިކެޓްދޭން މައުމޫން ބޭނުންނުވާކަން ދޭހަވާ އެއްވެސް ތަނެއްނެތް. ޔާމީނުގެ ފަހަތްޕުޅުގައި މައުމޫން ސާބިތުވެ ހުންނަވާނެކަން ކަށަވަރު. އެއީ ކޮށްކޯފުޅަށްވީތީއެއްނޫން. މިގައުމަށް ރައީސްޔާމީން ގެނެސްދެއްވާ ތަރައްގީގެ ސަބަބުން އަދި އެވަރުގެ އެހެން ރައީސަކަު ފެންނާންނެތީމަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަޑިއެދުރު

16 June 2016

ވަރަށް ބޮޑު ތެދެއް. ކޮރަޕްޝަން އާއި ގޭންގް މާރާމާރީ އަށް އެމްނިކުފާނު ގެނެސްދެއްވިފަދަ ތަރައްގީއެއް މިހާ ކުރު މުއްދަތެއްގަ ގެނެސްދެއްވި އެއްވެސް ސިޔާސީ ލީޑަރެއްނެތް. ޕްރައިމަރީ ޓިކެޓް އެކަންޏެއްނޫން ދޭންވީކީ. މުޅި އުމުރަށް ވެރިކަންވެސް އިންތިޚާބަކާނުލާ ހަމަ ހެޔޮހިތުން ދޭންވީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑޮންޑޮންމަތިގަނޑު

16 June 2016

އެމްއެމްޕީއާރސީ ވަގުފައިސާތައް ގިނައިންެކެވިފައޮތީ ޕީޕީއެމްއަށް،ެ މަޖިލިސެމެމްބަރުންފެށިގެން އެއްމެ އާދައިގެ އެކްޓިވިސްޓާ ހަމަޔަށް.... ވީމާ ދުރަށްޖެހިލާ ކޮންމެމީހަކަށް އޮތީ ގޮޅި ، އެއީ މައުމޫނު ކަމުވިޔަސް....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސިމާއު

15 June 2016

ޔާމީނަށް ޓިކެޓް ދިނީމާ ރަގަޅީވެސް. 100% އާއި އެކު އަޅުގަޑުމެން އިންތިޚާބު ކާމިޔާބު ކޮށް 1 މަސްދުވަހުގެ ތެރޭގައި ޔާމީނަށް ހުކުމް ކޮށް ޖަލަށް ލެވޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މެންޓަލިސްޓް

15 June 2016

ތިޔައީއަސްލު މީޑިއާ ސްޓަންޓްއެއް ، ދެން މުޅިމީޑިޔާގައި ތިޔަވާހަަކަ ފެތުރޭނީ ދައުލަތުގެ ކަރަޕްޝަންގެ ވާހަކަތަށް އޮވިގެންދާނީ ،،، ތިޔަކަމަށް ކިޔާއުޅެނީ 2 ބޯގެރި ދުއްވުން ،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަޅެވާ

15 June 2016

ނޫނޭވާ ވެރިކަމަކީ އިންސާނުން މޮޔަކޮއްލާ އެއްޗެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޮހޮދޭ

15 June 2016

ރަލާ އަފިހުނަށްވުރެ ބޮޑަށް މަސްތުވާހެން އެބަހީވޭ ވެރިކަމުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަޖްބޫރު

15 June 2016

ޕްރައިމަރީ އަކާއި ނުލައި ޕީޕީއެމްގެ ޓިކެޓް ކަނޑައެޅިގެން ދޭން ނުފެންނަ ކަމަށް ރައީސް މައުމޫނު ވިދާޅުވެފައި ނެތެވެ. އެމަނިކުފާނު ވިދާޅުވަނީ އަސާސީ ގަވާއިދުގައިވާ ގޮތުގެ މަތިން އެކަން ކުރިއަށް ގެންދިއުމަށެވެ. އަސާސީ ގަވާއިދުގައި ވަނީ މިހާރުގެ ރައީސް ކަން ކުރައްވާ ބޭފުޅަކު ޖެހިގެން އަންނަ ރިޔާސީ އިންތިޚާބުގައި ބައިވެރިވާނަމަ ޕްރައިމަރީ އަކާއި ނުލައި ޓިކެޓް ދޭން އެވެ. އެވާހަކަ ރައީސް މައުމޫނު އެވިދާޅުވަނީ. ރައީސް ޔާމީން ވެރިކަމަށް އައުމުން ނޫންތޯ މާލެ އާއި ހުޅުލެ އާއި ދެމެދު ބްރިޖް އެޅި ހުޅުމާލެ 2 ހިއްކި އަދި ގުޅި ފަޅާއި އަދި ތިލަފުށި ފަޅު އެއްކޮށް އެހިއްކެން އުޅެނީ. އަދި މާލޭގެ ދެކުނުން އޮތް އެނބޫދޫ ފަޅު ގޮސް ގުޅި އާއި ޖެހެން ދެން ވެސް ހިއްކާނީ އެއީ ރައީސް ޔާމީންގެ ވެރިކަމުގައެވެ. މިހުރިހާ ކަންކަމަށް ބަލާއިރު ރައީސް ޔާމީން އަށް ޕީޕީއެމްގެ ޕްރައިމަރީ އެއް ނުބާއްވާ ޓިކެޓް ދެއްވަން މަޖްބޫރުވާނެއެވެ.