ރޭ އެނދި ކާރު: ވެރި ފަރާތުން ތުހުމަތު ކުރަނީ ބަޔަކު ރޯކޮށްލީ ކަމަށް.
29 ޖޫން 2017 - 12:26
އައްޑޫ ހިތަދޫގައި މަސައްކަތް ކުރާ ފުލުހެއްގެ އަމިއްލަ ކާރެއްގައި ރޭ މެންމަދު ރޯވެ ބޭނުން ނުކުރެވޭ ވަރަށް އަނދައި ހުލިިވެއްޖެ އެވެ.
އެނގިފައިވާ ގޮތުގައި ކާރުގައި ރޯވެފައި ވަނީ ފުލުސް މީހާ ދިރިއުޅޭ، ހިތަދޫ ތީމާގޭގެ ގޯތި ތެރޭގައި ކާރު ޕާކްކޮށްފައި އޮއްވްއި ރޭ މެންމަދު 2:30 ހާ އިރު އެވެ.
ކާރުގެ ވެރި ފަރާތާ ހަވާލާދީ އައްޑޫގެ ބައެއް މީޑިއާތަކުން ބުނީ ކާރުގައި ބަޔަކު ރޯކޮށްލީ ކަމަށް ބެލެވޭ ކަމަށާއި އޭނާ ގޯތި ތެރޭގައި ކާރު ޕާކް ކުރީ ދަންވަރު 1:30 ވެސް ވީ ފަހުން ކަމަށެވެ.
ކާރުގައި ރޯވިކަން އެނގުނީ ބޭރުން ބާރު އަޑެއް އިވިގެން ކުޑަދޮރު ހުޅުވާފައި ބެލިއިރު ކަމަށް ތީމާގޭގެ މީހަކާ ހަވާލާދީ ބުނެފައިވެ އެވެ.
ނަމަވެސް ފުލުހުންނާއި ފަޔަރަށް ގުޅައި، ގޭގެ މީހުން ފެން ޖަހައި އަލިފާން ނިއްވައިލެވުނު އިރު ވަނީ ބޭނުން ނުކުރެވޭ ވަރަށް ކާރު އޮތީ އަނދައިފަ އެވެ.
މިއީ އާ ކާރެއް ކަމަށާއި އެ ބޭނުން ކުރަން ފެށީ މިދިޔަ ފިތުރުއީދު ދުވަހު ކަމަށް ވެރިފަރާތާ ހަވާލާދީ ރިޕޯޓްކޮށްފައިވެ އެވެ.
މި މައްސަލަ މިހާރު ފުލުހުން އަންނަނީ އިތުރަށް ތަހުގީގު ކުރަމުންނެވެ.
މި މަހުގެ ކުރީކޮޅު އައްޑޫ ލިންކް ރޯޑުަތޮލލގައި ދުއްވި ކާރެއްގެ އިންޖީނު ހޫނުވެގެން ދުން އަރަން ފެށުމުން، ކާރު ގޭގެ ކައިރީގައި ބާއްވައިފައި އޮތްވައި ފަހުން ވަނީ ބޭނުން ނުކުރެވޭ ވަރަށް އަނދައިފަ އެވެ.
Copyright © 2025 Mihaaru · Terms and Conditions · Privacy Policy
ކޮމެންޓްތައް
ކޯކިލާ
30 June 2017
ޢައްޑޫ ކޫދުންނަކީ މާއިހުއްސުރެވެސް ތިޔަޒާތުގެ ހަސަދަ ފިލުވާ ބަޔެއް ތިމާއަށް ނުލިބޭ އެއްތެއް އަނެކުންނަށް ލިބޭކަށް ނޭދޭނެ އެހެން ނޫނަކަސް މިއޮތީ ޕާޓީ ޒަމާން
ޢަބްދުﷲނާފިޒް
30 June 2017
ވަރަށް ދެރަ، ނަސީބެއްނު ހުރިހާ ފުރޮޅެއް އަނދާ ހުލި ނިވިކަން.
ހަސަން
30 June 2017
ތިޔަހެންވާނީ ތިޔަ އަތޮޅަ މުޅިންވެ އެތެރެ ކުރަނީ ބޮޑެތި އެކްސިޓެންޓް ވެފަހުންނަ ކާރު..
ހޯރަ
30 June 2017
ފުލުހަކު އަމިއްލަ ކާރެއް ގެންގުޅުމުން ސުވާލު އުފެއްދުމަށްވުރެ ރާއްޖޭގެ އެކި ރަށްރަށުން މާލެ އައިސް ވަޒީފާއެއް އަދާ ނުކޮށް އަތުން ފައިން މަސައްކަތެއް ނުކޮށް އަންހެންކުދިންހެން ބޯދިގުކޮށްފަ، ހަށިގަނޑުގެ އެތަން މިތަން ތޮރުފާފަ، ކަންފަތުގަޔާއި އެނޫންވެސް ގުނަވަންތަކުގަ މުދިލާފަ، ފެންނުވަރާ ކަން ކަން މައްޗަށް ބިއްވެފަތިބޭ ކުދިން ޕްރައިވެޓް ކާރާއި ސައިކަލާއި ފުލީ ފަރނިޝްޑް އެޕާރޓްމަންޓްގަ އުޅޭގޮތާމެދު ސުވާލު އުފެއްދުން މާރަނގަޅުކަންނޭގެ.
ކާރު
29 June 2017
އެހެހެހެ.
ހުފު
29 June 2017
ފަހަތު ފުރޮޅު އަދިވެސް ބޭނުންކުރެވޭނެ
ރަދީފް
29 June 2017
މިސާލަކަށް މަސްވެރިއެއް ، ނަރުހެއް ނުވަތަ ޕައިލެޓެއްގެ ކާރު އަނދައި ހުލިވިނަމަ ސުރުހީގަ ލިޔާނެބާ މަސްވެރިއެއް ، ނަރުހެއް ނުވަތަ ޕައިލެޓެއްގެ ކާރު އަނދާ ހުލިވިކަމަށް؟؟ ވ.ވެދުން
އަލީ
29 June 2017
އިންޝުއަރެންސް އޮވޭތަ.؟
ޢަބްދުﷲނާފިޒް
30 June 2017
ރާއްޖޭގަ އިންސުއަރެންސް އޮންނަނީ ނަމަކަށް، ހާދިސާއެއް ދިމާވެއްޖެއްޔާ ޒިންމާނަގަން ޖެހެނީ ވެރިފަރާތުން
ރަދީފް
29 June 2017
ބަޔަކު ކުރި ކަމެއްނަމަ ވަރަށް ފިނޑި އަމަލެއް.ޓެކްނިކަލް އިޝޫއެއްނަމަ އައްޑޫ ހިތަދޫގެ ހުރިހާ ކާރުތައް ޓެސްޓްކުރަން އެބެޖެހޭ.
ފަސާދަވެރިޔާ
29 June 2017
ފުލުހުންނައް ހާދަ ބޮޑު މުސާރައެއް ލިބޭކަން މިހަބަރުން އެގޭ.
ބާއްޖަވެރިޔާ
29 June 2017
މި ލިޔުމަކު ނެތް ކާރުގަތީ ފުލުސްމީހާގެ މުސާރައިން ކަމަކަށް. އަދި މުސާރައަށް ލިބޭ ވަރެއްވެސް ނެތް. ފުލުހަކަސް މުސާރައިގެ ބޭރުން އެއްޗެއްލިބޭނެ މަގެއް ފަހި ވެފައި އޮވެދާނެ. މި ގައުމުގަ ދެން ފުލުހުންނާ ޖައްސާލައިގެން އުޅުމަކީ މާ މޮޅުކަމަކަށް ވަނީ.
ސަނޭ
29 June 2017
އިންސްޓޯލްމަންޓަށް ދޫކުރާ ތަންތަނަށްގޮސް ބެލީމަ އެނގޭނެ ބޮޑުމުސާރަކަން ލިބެނީ.