އެމްއެންޑީއެފުން ބޭއްވި ބަޑިޖެހުމުގެ މުބާރާތެއް ފައްޓަވައި ދެއްވުމުގެ ގޮތުން އަދީބު ފިސްތޯލައާ އެކު: ނާޒިމްގެ ކޮޓަރިން ފެނުނު ފިސްތޯލައިގެ ހަގީގަތް ނާޒިމަށް އެނގިވަޑައިނުގަންނަވާނެ ކަމަށް ވިދާޅުވޭ.
30 ޖޫން 2017 - 08:35
107 comments
ކުރީގެ ޑިފެންސް މިނިސްޓަރު މުހައްމަދު ނާޒިމްގެ ކޮޓަރިން ފެނުނު ފިސްތޯލައިގެ ހަގީގަތް ހާމަކޮށްދެއްވަން ތައްޔާރަށް ހުންނެވި ކަމަށް ވިދާޅުވެ، ކުރީގެ ނައިބު ރައީސް އަދި މި ސަރުކާރުގައި އެއް އިރެއްގައި ނާޒިމްއާ އެންމެ ގާތުން މަސައްކަތް ކުރެއްވި އަހުމަދު އަދީބު ސުޕްރީމް ކޯޓަށް ސިޓީއެއް ފޮނުއްވައިފި އެވެ.
"މިހާރު" އަށް ކަށަވަރުވެފައިވާ ގޮތުގައި، މިހާރު ދޫނިދޫ ޖަލުގައި ހުންނެވި އަދީބު ފޮނުއްވި މި ސިޓީގައި އެމަނިކުފާނު ވިދާޅުވެފައި ވަނީ އެ ފިސްތޯލައާ ބެހޭ އެއްވެސް މައުލޫމާތެއް ނާޒިމަށް އެނގިވަޑައިނުގަންނަވާ ކަމަށެވެ.
މި ފިތުރު އީދަށް ސަރުކާރު ބަންދުވުމުގެ އެއް ދުވަސް ކުރިން އަދީބު ސުޕްރީމް ކޯޓަށް ފޮނުއްވި ސިޓީގައި ވިދާޅުވީ ފިސްތޯލަ އާއި އެކަން ހިނގި ގޮތް އެމަނިކުފާނަށް ރަނގަޅަށް އެނގިވަޑައިގަންނަވާ ކަމަށެވެ. އަދި ފިސްތޯލަ އާއި ތިން ވަޒަން ނާޒިމްގެ އެޕާޓްމަންޓުން ފެންނަން ޖެހުނު ގޮތް ނާޒިމަށް އެނގިވަޑައިގެންފައި ނުވާނެ ކަމުގެ ޔަގީންކަން އުއްތަމަ ފަނޑިޔާރު އަބްދުﷲ ސައީދަށް، އަދީބުގެ ސިޓީގައި ވަނީ އަރުވައިފަ އެވެ.
އަދީބު ވިދާޅުވެފައި ވަނީ އެ ހާދިސާ ހިނގަން މެދުވެރިވި ސަބަބާއި އެކަމުގައި ބައިވެރިވި މީހުންނާއި ކަން ނިމިގެން ދިޔަ ގޮތް ވެސް އެމަނިކުފާނަށް ވަރަށް ރަނގަޅަށް އެނގިވަޑައިގަންނަވާ ކަމަށެވެ.
ރައީސް އަބްދުﷲ ޔާމީންގެ ރަސްމީ ލޯންޗްކޮޅު ގޮއްވާލުމުގެ މައްސަލަ އާއި އެހެނިހެން ބޮޑެތި މައްސަލަތަކެއްގައި 33 އަހަރުގެ ޖަލު ހުކުމް ތަންފީޒު ކުރައްވަމުން ގެންދަވާ އަދީބު އެ ސިޓީގައި އަދި ވިދާޅުވީ ނާޒިމްގެ ކޮޓަރިން ފިސްތޯލަ ފެނުނު މައްސަލައިގެ ހަގީގަތް ކޯޓުތަކަށާއި އާންމުންނަށް ހާމަކޮށްދިނުމަށް ހުންނެވީ ތައްޔާރަށް ކަމަށެވެ.
"ދިވެހިރާއްޖޭގެ ޝަރުއީ ކޯޓެއްގައި، މުހައްމަދު ނާޒިމްގެ ގެއިން ފެނުނު ފިސްތޯލަ އާއި ތިން ވަޒަނުގެ ހަގީގަތް ހާމަކުރުމުގެ ފުރުސަތު އަޅުގަނޑަށް ލިބިއްޖެ ނަމަ މުހައްމަދު ނާޒިމްގެ މައްޗަށް ރޭވި، ތަމްސީލު ވެގެން ދިޔަ ކަންތަކުގެ ތަފުސީލުތައް ހިއްސާކޮށް ޝަރުއީ ކޯޓަކުން ފައިސަލާ ކޮށްފައިވާ ކަމަކާ ގުޅިގެން، ޝަރުއީ ހަމަތަކުގެ މަތީން، ދިވެހިރާއްޖޭގެ ކޯޓުތަކަށާއި ދިވެހި ލޮބުވެތި ރައްޔިތުންނަށް ހާމަކޮށްދޭންޖެހޭ އެންމެހާ ހަގީގަތްތައް ހާމަކޮށްދިނުމަށް ތައްޔާރަށް ހުރި ވާހަކަ ދަންނަވަމެވެ،" އަދީބުގެ ސިޓީގައިވެ އެވެ.
"އަދި މުހައްމަދު ނާޒިމްގެ ގެއިން ފެނުނު ފިސްތޯލަ އާއި ތިން ވަޒަނަކީ މުހައްމަދު ނާޒިމްގެ ތަކެތި ނޫން ކަމާއި މުހައްމަދު ނާޒިމް އަށް އެތަކެތީގެ ހަގީގަތް އެއްވެސް މިންވަރަކަށް އެއްވެސް އިރެއްގައި އެނގިފައި ނުވާނެކަން ޝަރުއީ ހަމަތަކުގެ މަތީން ސާބިތުކޮށްދޭނެ ކަމުގެ ޔަގީންކަން ވެސް އަރުވަމެވެ."
މި ސިޓީއާ ގުޅޭ ގޮތުން ނާޒިމާއި އަދީބުގެ ފަރާތުން ވެސް މީޑިއާ އަށް އަދި އެއްވެސް ކޮމެންޓެއް ނުކުރެ އެވެ. ރަސްމީ އެއްވެސް ފަރާތެއްގެ ބަހެއް ވެސް އަދިއެއް ނުލިބެ އެވެ.
ސުޕްރީމް ކޯޓުގައި އޮތް އަޑުއެހުމަކަށް ނާޒިމް ގެންދަނީ.---މިހާރު ފައިލް ފޮޓޯ
ޖެނުއަރީ 2015 ގައި ގ. އެނިފްގޭގައި ނާޒިމް ދިރިއުޅުއްވާ އެޕާޓްމެންޓްގައި ހުރި އޭނާގެ ކޮޓަރިން ފިސްތޯލައެއް ފެނުނު މައްސަލާގައި ނާޒިމްގެ މައްޗަށް ވަނީ 11 އަހަރުގެ ޖަލު ހުކުމެއް އައިސްފަ އެވެ.
އެކަމަކު އެ ހުކުމާ ގުޅިގެން ހައި ކޯޓުގެ މަރުހަލާ ނިމި ސުޕްރީމް ކޯޓުގައި އިސްތިއުނާފުގެ އަޑުއެހުން ކުރިއަށް ދަނިކޮށް، ޖޫން 21، 2016 ގައި ފުލުހުން ބުނެފައި ވަނީ ނާޒިމްގެ ކޮޓަރިން ފެނުނު ފިސްތޯލައިން އަދީބުގެ ޑީއެންއޭ ފެނިފައިވާ ކަމަށެވެ. އެކަމަކު ނާޒިމް ފްރޭމް ކޮށްފައިވާ ކަމަށް ބުނަން އަވަސް ކަމަށް ފުލުހުން އޭރު ބުނެފައިވެ އެވެ.
ނާޒިމްގެ ވަކީލުން ބުނާގޮތުން އޭނާގެ ކޮޓަރީގައި ފިސްތޯލަ ބޭއްވީ އާސިފް ނަމަކަށް ކިޔާ ފުލުހެކެވެ. އޭނާ އެކަން ކުރި ކަމުގެ ހެކިން އެބަތިބި ކަމަށް ވެސް ނާޒިމްގެ ވަކީލުން ބުނެފައިވެ އެވެ. އެކަމަކު ދައުލަތުން ބުނަމުންދަނީ އެއީ ދޮގު ވާހަކަތަކެއް ކަމަށާއި އެ ހެކިން ކޯޓަށް ގެންނަންޖެހޭ ކަމަށް ގަބޫލު ނުކުރާ ކަމަށެވެ.
ފިސްތޯލައިގެ މައްސަލާގައި ނާޒިމްގެ މައްޗަށް އައި ދިގު މުއްދަތުގެ ޖަލު ހުކުމް ސުޕްރީމް ކޯޓުގައި އޭނާގެ ފަރާތުން އިސްތިއުނާފު ކުރި ނަމަވެސް ޖޫން 26، 2016 ގައި އެ ކޯޓުން ނިންމާފައި ވަނީ އެ މައްސަލަ ބަލައިނުގަތުމަށެވެ. ރާއްޖޭގެ އެންމެ މަތީ ކޯޓުން އެގޮތަށް ނިންމިއިރު، ފިސްތޯލަ އިން އަދީބުގެ ޑީއެންއޭ ފެނިފައިވާ ކަމަށް އޭގެ ހަ ދުވަސް ކުރިން ފުލުހުން އޮތީ ހާމަކޮށްފަ އެވެ. އަދި ޑީއެންއޭގެ ރިޕޯޓު ވެސް ޕްރޮސިކިއުޓަ ޖެނެރަލްގެ އޮފީހުން އޮތީ ސުޕްރީމް ކޯޓަށް ފޮނުވައިފަ އެވެ.
ސުޕްރީމް ކޯޓުން ނާޒިމްގެ ވަކީލުންނަށް ފޮނުވި ލިޔުމުގައި ވަނީ ނާޒިމް ޖަލަށްލާން ކުރި ހުކުމަށް ތާއީދުކޮށް ހައި ކޯޓުން ކޮށްފައިވާ ހުކުމަކީ ޝަރުއީ އަދި ގާނޫނީ އުސޫލުތަކާ ޚިލާފަށް ކޮށްފައިވާ ހުކުމެއް ކަމަށް ބެލެވެން ނެތް ކަމަށެވެ.
އެހެންވެ އެ މައްސަލައަކީ ކޯޓުތަކުގެ ގާނޫނާއި ސުޕްރީމް ކޯޓުގެ ގަވާއިދުގެ ދަށުން ބަލައިގަންނަންޖެހޭ ބާވަތުގެ މައްސަލައަކަށް ނުވާތީ، އެ މައްސަލަ ބަލައިގަނެވެން ނެތް ކަމަށް ނިންމީ ކަމަށް އެ ލިޔުމުގައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަބްދު
01 July 2017
ކީއްވެތޯ ދަށު ކޯޓްގާ ހިގަމުން ދިޔަ އިރު ތިޔަ ހަގީގަތް ހާމަ ނުކުރެއްވީ . އެންމެނަށްވެސް އެގޭ ނާޒިމްގެ އެއްޗެއް ނޫންކަން އެކމަކު ނާޒިމް ގެ ކޮޓަރި އަށް ކާޅު ތުންބުގާ އެ ވެއްދި ގޮތް އަދީބަށް އެގިލައްވާ އެކަމަކު އަދީބުގެ ފިންގަރ ޕްރިންޓް ހުރި މިތަކެތީގެ އަސްލު ވެރިޔަކީ އަދީބު ކަމަށް އިއުތިރާފް ނުވަނީސް ނާޒިމަކަށް ބަރީއަ ނުވެވޭނެ. އަދި އެތަކެތި އެގެއަށް ވެއްދީ އަދީބު ކަމަށްވެސް އިއުތިރާފް ވާންވާނެ
ބުދީއަ
01 July 2017
ދެން ކޮބާ އެމް ޕީ އާރު ސީގެ ލާރި ގަނޑުގެ ހަގީގަތް / ލާރި ގޯނި ބެހި ވާހަކައިގެ ހަގީގަތް / އިމްރާނު ޖަލައްލުމު ހަގީގަތް މިކަން ކަންވެސް ކަލޯއަށް އެނގޭނެ ދޯ. ދެން ބުނަންވީނު.
ޝަހާމު ޝަރީފް
01 July 2017
ބޮޑު ހުކުމެއްގައި ހުރި މީހަކު ފޮނުވާ ސިޓީއަކަށް ސްޕްރިމް ކޯޓުން އިޖާބައެއް ނުދޭނެ. ތިޔައީ ފިތުނައިގެ ސިޓީއެއްކަން ވެސް އިނގޭ. އެހެނީ ކޭސް ހިނގަމުން، 3 މަރުހަލާގައި ދިޔަ އިރުވެސް އަދީބު ތިޔަ ސިޓީ ނުދީ ހުރީ ކީއްވެގެންތޯ ސުވާލު އުފައްދާނެ. އަދީބަށް ބަޔަކު ވިސްނައި ދީގެން އުޅެނީ، އިދިކޮޅުން ނެރޭނެ ކެންޑިޑޭޓެއް ނެތިގެން ނޭ އުޅެނީ،. އެހެންވީމާ އަމިއްލެއަށް ހުރިހާ ކަމެއް ބޮލުގައި އަޅައިގެންނަމަވެސް ނާޒިމް ދޫކޮށްލެވޭތޯ ބަލާށޭ. ނާޒިމް ދޫކޮށްލުމުން، އިދިކޮޅު ކެންޑިޑޭޓެއްގެ ގޮތުގައި ނުކުމެ 2018 ކާމިޔާބު ކުރުމަށްފަހު އަދީބުއާއި ދެންތިބި ސިޔާސީ ހުރިހާ ލީޑަރުންނަށް މަޢާފު ދޭނީއޭ...! އެކަމަކު މިއީ ބަޔަކު ދައްކުވައިދޭ ހުވަފެނެއް. ހަގީގަތެއްނެތް ހުވަފެނެއް. އަވާމެންދުރެއް.
ބޯގޯސް
01 July 2017
ނުދިނުން ނުން މިހިމުވަނީ. އޭރުވެސް އަދި މިހާރުވެސް އެއްމެނައް އެގޭ އޭގއި އަދީބުގެ އަތެއްވެސް ވާކަން. އަދި ފުލުހުންނަށް ވެސް އެގޭ. އޭނަ ވެސް ދެން ސަލާމަތް ނުވާނެކަން އެގުނީމަ ފަޅާލާނެ ދޯ ހުރިހާއެއްޗެއް.
ފިސްލޯލަ
01 July 2017
މީ އަރަތެެއް އަދީބު މިސިޓީ ވުޖޫދައް ހަމަގެނައީ ޖެހި ރާޅަކުން އަނެއްކާ ގޮނޑު ދޮށުން ފިސްތޯލަ.
އަލީ
01 July 2017
މިހެންވެގެން އަދީބު ދޫކުރެވެން ނެތީ! ކިިހިނެއް ބޭހަކަށްވެސް ފޮނުވާނީ؟
ދދ
01 July 2017
ބައިތުލް މާލުން ގެއްލުނު ފައިސާއަށް ވީގޮތުގެ ވާހަކަތޯ ސިޓީގައި އޮތީ!
މޫސާބޭ
01 July 2017
އަދީބަކީ ބަޑީގެ ބޮޑެއް. ވަރަށް ބަޑިޖަހާހިތްވާ ބޭކަލެއް
އަހަންމާ
01 July 2017
ދެންކޯޓަށްގޮސްބުނޭ އެއީ ސީދާ ރައީސް ޔާމީންއަންގަވައިގެން ކުރިކަމެކޭ
ހިތުވިންދު އަވަ
01 July 2017
އަދީބު ނިމިދިއުމުގެ ކުރިން ހުރިހާސިޓީ ވެސް ނުކުންނާނެ އަފްރަ ޝީމް ރިލްވާން ރާއްޖެޓީވީ ގެ ވާހަކަތަކަށް އުއްމީދުކުރަން
ގޮއްޔެ
30 June 2017
ހީވޭ ކަމެއް ހެން! މަނިކުފާނު އާރާއި ބާރާއި ޖާހުގައި މިއަދު ހުރިނަމަ ތިހެން ބުނާނެބާ؟؟؟ ފުލުހުން ވަރަށް ސާފުކޮށް ބުނެފި އެ ފިސްތޯލަޔާ ނާޒިމާއި ޢާއިލާގެ އެއްވެސް މެމްބަރަކާ ގުޅުމެއް ނެތްކަމަށް. އެކަމަކު ވަކި މީހެެއްގެ ބާރުން ސުޕްރީމް ކޯޓން އެ ބުނަނީ އެހެންވިއަސް ނާޒިމް ބަހައްޓާނީ ހަމަ ޖަލުގައި ކަމަށް. މިއަދު މި ފެންނަނީ ބަޣާވާތުގެ އަހުލުވެރިން އެކަކު އަނެކަކަށް ކަނޑިންނާއި ބަޑިން ޙަމަލަ ދޭ ތަން. ފިތުނައިގެ ހިތިކަން މިއަދު މި ޤައުމު މިދަނީ ތަޖްރިބާ ކުރަމުން.
މާޒީ
01 July 2017
އޭގެ ތެރޭގައި އަންނިވެސް ހިމެނޭ ގޮތުން. ބަޣާވާތް ކުރީމާ އޭގެ ރަހަ ފެންނާނެ ހަމަ. އަންނިވެސް ވެރިކަމަށްއެރީ އެތައް ބަޣަވާތަކާ މަކަރާ އޮޅުވާލުމުގެ ތެރެއިން. ބަޔަކަށް އެކަން ހަޖަމު ވިޔަސް ނުވިޔަސް.