ރާއްޖެ އިން މި އަހަރު ހައްޖަށް ދިޔަ ބައެއް މީހުން މައްކާގައި.---މިހާރު ފޮޓޯ: އަހުމަދު އަބްދުﷲ ސައީދު
25 އޯގަސްޓް 2017 - 13:29
53 comments
ހައްޖުގެ އަޅުކަން އަދާ ކުރުމަށް މައްކާ އަށް އިއްޔެ އައި ހަތަރު މީހަކު، ހަވާލުވާނެ އެއްވެސް ފަރާތެއް ނެތި މައްކާގައި ހާލުގައި ޖެހިއްޖެ އެވެ.
ދިވެހިރާއްޖޭގެ ހައްޖު މިޝަންގެ ރައީސް، އިސްލާމިކް މިނިސްޓްރީގެ ޑެޕިއުޓީ މިނިސްޓަރު އިބްރާހީމް އަހްމަދު ވިދާޅުވި ގޮތުގައި ދެމަފިރިއަކާއި އެހެން ދެ ރަށެއްގެ، އުމުރުން ދުވަސްވީ ދެ މީހަކު އިއްޔެ ސައޫދީ އަރަބިއްޔާ އަށް އައީ، މި އަހަރު ހައްޖަށް މީހުން ގެންދިއުމަށް ސަރުކާރުން ހުއްދަ ދިން އެއްވެސް ޖަމާއަތަކާ ގުޅުމެއް ނެތި އެވެ.
އިބްރާހީމް ވިދާޅުވި ގޮތުގައި އެ މީހުންނަށް ސައޫދީ އަށް އާދެވުނީ ރާއްޖޭގައި ހުންނަ ސައޫދީ އެމްބަސީގެ ނަމުގައި ވިސާ ޖަހައިދީފައި އޮތުމުންނެވެ. ނަމަވެސް އެއީ ކިހިނެއް ހިނގާފައި އޮތް ކަމެއް ކަން ނޭނގޭ ކަމަށް އިބްރާހީމް ވިދާޅުވި އެވެ.
"އެ ހަތަރު މީހުންގެ ތެރޭގައި ހިމެނޭ ދެމަފިރިން އެބަ ބުނޭ އެމީހުން ހައްޖަށް ފޮނުވުމަށް ފައިސާ ނެގީ އަރަބިއްޔާ ސްކޫލްގެ ޕްރިންސިޕަލް ނަސްރުﷲ ކަމަށް. އަދި ހައްޖަށް ދެވޭނެ ކަމަށް ނަސްރު ލިޔުމެއް ވެސް ދިން ކަމަށް. އެ ދެމީހުން ބުނާ ގޮތުގައި މީހެއްގެ އަތުން 70 ހާސް ރުފިޔާ ނެގި. ދެން ޖިއްދާ އަށް ގޮސްފައި ގުޅާށޭ ކިޔާފައި ދިން ކަމަށް ވަނީ، ސިސިލްފަރު ޖަމާއަތުގެ އޮފިޝަލެއް ކަމަށްވާ އިރުޝާދުގެ ނަންބަރު،" އިބްރާހީމް ވިދާޅުވި އެވެ.
"މި ކޮޅަށް އައިސް ސިމެއް ނަގައިގެން އިރުޝާދަށް ގުޅީމާ ވިދާޅުވިޔޯ ޓެކްސީއެއް ނަގައިގެން މައްކާ އަށް އަންނާށޭ. އެކަމު އެމީހުން ތިބީ ހަވާލުވާނެ ފަރާތެއް ނެތީމާ އެއާޕޯޓުން ނުނިކުމެވިފައި. ދެން އަޅުގަނޑުމެން މިޝަންގެ ފަރާތުން އެއާޕޯޓަށް ގޮސް ވަރަށް މަސައްކަތުން އެމީހުން ނެރެވުނީ. އެއީ ވެސް އެމްބަސީގެ ނަމުގައި ވިސާ ޖަހާފައި އޮތީމަ."
އޭނާ ވިދާޅުވި ގޮތުގައި އެ މީހުންނާ ހަވާލު ވާނެ ބަޔަކު ނެތުމުން، ސިސިލްފަރު ޖަމާއަތުން މިހާރު ވަނީ ވަގުތީ ގޮތުން އެ ޖަމާއަތުގެ ހޮޓަލުގައި ތިބެވޭނެ އިންތިޒާމު ހަމަޖައްސައިދީފަ އެވެ. އަދި އެމީހުން ސައޫދީ އަށް ފޮނުވި އިރު، އެމީހުން ތިބޭނެ ހޮޓަލެއްގެ ކަންތައް ވެސް ހަމަޖައްސާފައި ނެތް ކަމަށް ވެސް އިބްރާހީމް ވިދާޅުވި އެވެ.
"ދެން ތިބި ދެމީހުންނަކަށް ނޭނގެ ވާނުވާއެއް ވެސް. ނެގީ ކިހާ ފައިސާއެއް ކަމެއް ވެސް، ފައިސާ ނެގީ ކާކު ކަމެއް ވެސް އެ ދެ މީހުންނަކަށް ނޭނގޭ. އެންމެ ކުޑަމިނުން ފައިސާ ނެގި ކަން ވެސް ބުނެދޭކަށް ނޭނގެ. ވަރަށް މުސްކުޅި ދެ މީހުން. އަނެއްކާ އެއީ އެއްވެސް ގުޅުމެއް ވެސް ނެތް، މުޅިން ތަފާތު ދެ ރަށެއްގެ ދެ މީހުން. އެ ދެ މީހުންގެ ހަވާލުގައި ވެސް މީހަކު ނާދެ،" އިބްރާހީމް ވިދާޅުވި އެވެ.
އެ ދެ މީހުންނަކީ އުމުރުން 74 އަހަރުގެ ފިރިހެނަކާއި 56 އަހަރުގެ ފިރިހެނެކެވެ. ދެން ތިބި ދެމަފިރިންނަކީ 37 އަހަރުގެ އަންހެނަކާއި 39 އަހަރުގެ ފިރިހެނެކެވެ.
"އަޅުގަނޑު މިހާރު ދިވެހި އެމްބަސީގައި ވެސް ބުނެފިން އެ ހަތަރު މީހުން ހާލުގައި ޖެހިފައި ތިބި ވާހަކަ. އެއީ އެމީހުން ތިބޭނެ ތަނެއް ނެތީމަ، ހަވާލުވާނެ މީހަކު ނެތީމަ. ސިސިލްފަރުން ވެސް އެ ހަމަޖެހުނީ އެއް ދުވަހު ތިބެވޭނެ ގޮތް."
އޭނާ ވިދާޅުވި ގޮތުގައި އެ ހަތަރު މީހުން ޖިއްދާ އެއާޕޯޓަށް އައީ އިއްޔެ ހަވީރު އެވެ. އަދި އެ ހަތަރު މީހުން މިހާރު މައްކާ އަށް ގެނެސް އުމްރާގެ ކަންތައް ފުރިހަމަ ކުރުމަށްޓަކައި ހަރަމްފުޅަށް ފޮނުވާފައިވާ ކަމަށް އިބްރާހީމް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަށްޑޫ މީހާ
27 August 2017
މިކަހަލަ މަތިވެރި އަޅުކަމަށްވެސް ބަޔެއްމީހުން މިހަދަނީ މަކަރު. ކޮން ބަޔެއްބާ މިމީހުންއަތުން ލާރި ހޯދީ. އެމީހުން އަވަހަށް ގާނޫނާ އަރާ ހަމަކުރުވަންވީނު. ސިޔާސީ މީހެއްގެ ކަމެއްވިއްޔާ މި ސަރުކާރުގެ ވެރިން ހައްޖަށްނުގޮސްވެސް އެބަ ދަންވަރު ކޯޓުހުޅުވައިގެން ތިބެ މައްސަލަ ނިންމާ. މިކަހަލަ މުޖުރިމުންގެ ކަންތަށް ނިކަންދަންވަރު ކޯޓު ހުޅުވައިތިބެ ނިންމަބަލަ އެއިރުން ރައްޔިތުން އުފާވާނެ،
މުހައްމަދު ބިން
26 August 2017
އެންމެ ފުރަތަމަވެސް ސިސިލްފަރުގުރޫޕަށާއި އެމީހުންނަށް އެހީވި ފަރާތް ތަކަށް ޝުކުރުދައްނަވަމެވެ.ތިޔަ ހަތަރު މީހުން ނަށް ހައްޖުގެ އަޅުކަން ފުރިހަމަޔަން އަދާ ކުރެވޭނެ ގޮތް ހަމަޖައްސަވައި ދެއްވާ އެހީތެރިކަން ފޯރުކޮށްދިން ކޮށްމެ ފަރާތަކަށް އެކަމުގެ ޖަޒާއެއްގެ ގޮތުން މާތް ﷲގެ ރަހުމަތުން ސުވަރުގޭގެ މަތިވެރި ނުޢުމަތް މިންވަރު ކޮށްދެއްވާށި.އާމީން... ހަމަކަށަވަރުންވެސް ފުރިހަމަ މުސްލިމުން ނަކީ ހާލުގައި ޖެހިފައިވާ ދަތުރުވެރިންނަށް އެހީތެރި ވެދޭން ފަރާތް ތަކެއްކަމުގައިވެއެވެ. ތިޔައްވުރެ ވަކިން މުހިންމު ކަމެއްގައި އެއްވެސް އިންސާނަކު ދަތުރެއް ހަދާގެން ނުދާނެއެވެ. އަދި އެފަރާތް ތައް އެވަނީ އެންމެ މާތް ބިމުގައި އެންމެ މާތް ދަތުރުގައި ބައެއްގެ އިޙްމާލުން ހާލުގައި ޖެހި މުސްލިމުންގެ އެހީތެރިކަމަށް ބޭނުންވެއެފައެވެ.
ކަޓުމުއްލާ
25 August 2017
ސަރުކާރު އޮފީހަޖުން ވިޔަސް ބޭންކަކުން ވިޔަސް ހިދުމަތެއް ހޯދަންޖެހިއްޖެއްޔާ ގިނަ ދިވެހިން ބަލާނީ އެތެރެއިން ކޮންމެވެސް ލިންކެއް ހޯދައިގެން އޮންނަ ގަވައިދުގެ ބޭރުން އެކަން ނިންމާލެވެތޯ. މިފަހަރުވެސް މިއޮތީ އޮންނަ އުސޫލުގެ ބޭރުން ށޯޓުކަޓެއް ޖައްސާލަން އުޅެނިކޮށް ށޯޓުސާކިޓުވެފައިހެން ވަރަށް ހީވޭ.
ޙައްޖު މިޝަން
25 August 2017
ޥިސާ ލިބޭނީ ހަވާލުވާނެ ބަޔަކު ތިބީމަ... ކަޑަ ވާހަކަ ނުދައްކާ!
ޒެޕްސް
25 August 2017
ތިޔަބަޔަކު މަރުވިނަމަ ކާކު ޒިއްމާވާނީ ؟
މަރި
25 August 2017
ބޮހަލަަަކު
މެންޓަލިސްޓް
25 August 2017
ދެންއޮތްގޮތަކީ ބުނޭ އެ 4 މީހުންނަކީ ފާފްއަތޮޅުބައެކޭ ،،، އެހެންބުނާއެރަށް ޝާހީއާޢިލާއަށް އެނގޭނެ ،، އެމީޙުން ތިޔަ 4 މީހުންގެ އެކޮމޮޑޭޝަން ހަމަޖެއްސިޔަސް އެމީހުންގެ މުއްސަނދިކަމުން މަދުވާނެ ލޯލާރިއެއްވެސް ނޯންނާނެ ، ދެން އަނެއްގޮތަކީ ތިޔަލިއުމުގައި އޮތް ޕްރިންސިޕަލް ނަސްރު ﷲ ހިފާހައްޔަރުކޮށް ކިހިނެއްތޯ އޭނާމީހުން ހައްޖައްފޮނުވަން ފައިސާނަގައި އެންބެސީއާޢި ގުޅިގެން ވިސާޖަހާ މީކޮންކަހަލަ ޖަރީމާއެއްތޯ ބެލުން ،،، އަދި އެމީހުންގެ ކަންކަން ހަމަނުޖެހެނީސް ނުސްރުﷲވެސް ގެދޮރުން ބޭރުކޮށް މަގުމަތިކުރުން ،، އޭރުން ދެކޮޅު ހަމަހަމަ ވާނީ ،،،، އޭރުން ތިލަފަތް ހަމަވާނެ ،،، ވަރަށްވެދުން
އެމްވައި
25 August 2017
ފުރަތަމަ ދެމީހުންނަ އެވަރުވެސް އެނގިއްޖެތާ ލާރި ނެގިވަރާ ހަވާލްކުރިމީހާއާ، އެކަމު ދެންތިބި ދެމީހުން ނަށް ލާރި ނެގިކަންވެސް ނޭގޭ. ހަމަ ޔަގީނުންވެސް މަށެއް މަގޭ މަޔަކު ބަފަޔަކު އާއިލާ މީހަކު ނުދޫކޮށްލާނަށް ހައްޖަދާންށެ ކިއާފަ ވާނުވާ ނުބަލާ. ދެން ކީކޭބުނާނީދޯ ސޭހުންވެސް މާގިނައީ މިހާރު
ބޯހަލާކު
25 August 2017
ދީނަށްޓަކާ ގައުމަށް ޓަކާ ކުރާ ކަންކަމުގަ ކީކޭ ބުނާނީދޯ
ހިތާމަ ހުރި
25 August 2017
އެއާޕޯޓުން ބޭރަށް ނުނިކުމެވިފައި ތިބި ބަބަޔަކު ސިމް ގަތްގޮތެއް ނުވިސްނުން. އަޅުގަނޑަށް ދަތުރުކުރެވުނު ހުރިހާ ގައުމަކުންވެސް ސިމް ގަންނަން ލިބެނީ އެއަރ ޕޯޓުން ކުލިއަރ ވުމަށްްފަހު
ޢާޞިފް
25 August 2017
ޖިއްދާ އެއަރޕޯރޓްއިން ނުނުކުމެ، ގަނެވެން ހުންނަ ކިއޮސްކްތަކެއް ހުރޭ. ޢަދި އެ އެއަރޕޯރޓް އަކީ ހަދާފައި ހުންނަ ގޮތުން ދެވޭ ނުދެވޭ ތަނެއް ނޭނގޭ ގޮތައް ހުންނަ ތަނެއް. އަލަށް ދާ ބަޔަކު ހަމަ މޮޔަވާނެ