ވަހީދު: އޭނާ ޖަލަށްލާން ކުރި ހުކުމް ތަންފީޒު ކޮށް ނިމުނު ފަހުން އަދަބު ބޮޑުވެ، އިތުރު އެއް އަހަރު ޖަލުގައި ހޭދަކުރަން ހުކުމް ކޮށްފައި.
09 ނޮވެމްބަރ 2017 - 14:15
20 comments
މަކަރާއި ހީލަތުން ފައިސާ ހޯދުމުގެ މައްސަލައެއްގައި މީހަކަށް ދޭންޖެހޭ އަދަބަށް ވުރެ ކުޑަ އަދަބެއް ކަނޑައެޅުމުން އެ ހުކުމް ތަންފީޒުކޮށް ނިމިގެން މިނިވަންވެފައި ވަނިކޮށް، އޭނާގެ އަދަބު ބޮޑުކޮށް އިތުރު އެއް އަހަރުގެ ޖަލު ހުކުމެއް ތަންފީޒު ކުރަން ހައި ކޯޓުން މިއަދު ހުކުމްކޮށްފި އެވެ.
ހުޅުމާލެ އިން ގޯއްޗެއް ވިއްކާނެ ކަމަށް ބުނެ އަދި ފަހުން ފައިސާ ދައްކާނެ ކަމަށް ބުނެ އެކިފަހަރު މަތިން މީހެއްގެ އަތުން 95،000ރ. ހޯދި މައްސަލައެއްގައި ދަފްތަރު 2218، މުހައްމަދު ވަހީދުގެ މައްޗަށް ކްރިމިނަލް ކޯޓުން ކަނޑައެޅީ ދެ އަހަރުގެ ޖަލު ހުކުމެކެވެ. އެއީ ގާނޫނުލް އުގޫބާތުގެ ދަށުން އޭނާ އަށް ދޭންޖެހޭ އަދަބަށް ވުރެ ކުޑަ އަދަބެއް ކަމަށް ބުނެ ދައުލަތުން އެ މައްސަލަ އިސްތިއުނާފް ކޮށްފައި ވަނިކޮށް ހުކުމުގެ މުއްދަތު ހަމަވެ، މިދިޔަ ފެބްރުއަރީ މަހު އޭނާ ވަނީ މިނިވަންވެފަ އެވެ.
އެ މައްސަލަ ބެލުމަށް ފަހު ހައި ކޯޓުން މިއަދު ނިންމީ އޭނާ އަށް ކްރިމިނަލް ކޯޓުން ކަނޑައެޅީ އޭނާ އަށް ލިބެންޖެހޭ އަދަބަށް ވުރެ ކުޑަ އަދަބެއް ކަމަށާއި އޭނާ އަށް ކަނޑައަޅަން ޖެހޭނީ ތިން އަހަރާއި ދެ މަހާއި 12 ދުވަހުގެ ޖަލު ހުކުމެއް ކަމަށެވެ. އެހެންވެ، އޭނާ ޖަލުގައި ހޭދަކޮށްފައިވާ މުއްދަތަށް ވުރެ އެއް އަހަރާއި ދެ މަހާއި 12 ދުވަސް އޭނާ އިތުރަށް ޖަލުގައި ހޭދަކުރަންޖެހޭނެ ކަމަށް ހުކުމުގައިވެ އެވެ.
ހައި ކޯޓުގެ ހުކުމުގައިވާ ގޮތުން އޭނާގެ އަދަބު ބޮޑުވީ ގާނޫނުލް އުގޫބާތުގެ ދަށުން އޭނާގެ އަދަބު ދަރަޖަ މަތިކުރަން ޖެހޭތީ އެވެ. އޭނާގެ އަދަބުގެ ދަރަޖަ މަތިވީ އޭނާގެ މައްޗަށް ކުރިން ޖިނާޔަތުގެ ދަރަޖައިގެ ކުށެއް ސާބިތުވެފައިވާތީ އެވެ.
ގާނޫނުލް އުގޫބާތު ބުނާ ގޮތުން ކުށުގެ އަމަލު ހިންގި ތާރީޚުން ފެށިގެން ފާއިތުވި ހަ އަހަރު ތެރޭގައި ޖިނާޔަތުގެ ދަރަޖައިގެ އެހެން ކުށެއް ސާބިތުވެފައިވާ ނަމަ، ފަހުން ސާބިތުވި ކުށަށް އަދަބު ކަނޑައަޅާއިރު އަދަބުގެ އެއް ދަރަޖަ މަތިވާނެ އެވެ.
ވަހީދަކީ 2009 ގައި މާލޭގައި އަނިޔާ ކުރުމުން މަރުވި އަށް މަހުގެ މުހައްމަދު ނާފިއުގެ މަރުގެ މައްސަލައިގައި ދައުލަތުން ދައުވާކުރި މީހެކެވެ. އެކަމަކު އެ މައްސަލާގައި ކޯޓުން ނިންމާފައި އޮތީ އޭނާގެ މައްޗަށް އެ ކުށް ސާބިތުނުވާ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސާދާސީދާ
11 November 2017
މިއީ އެކިޔާ ފިނޭ މިލިޔަނަރު. މިއީ އެހެން މީހުންގެ ހަރުމުދާ މީހުންނަށް ވިއްކާ މީހެއް. ދޯންޏެއްގެ ހެންޑެލި ވަގަށްނަގައިގެން ދަންވަރު ފުރައިގެން އެހެން ރަށަކަށް ގޮސް 2 ލައްކަ ރުފިޔާ އަށް ދޯނި ވިއްކާލީ. މާލޭން ފުލުހުން އައިސް 14 ދުވަހު ތަޙްޤީޤްކޮށްގެން ވެސް އެއިން ލޯ ލާރިއެއްވެސް ނުފެނުނު. މިއީ ސީދާ ދިވެހި ގުޒްމާން!
މިނަން
10 November 2017
ރާއްޖެ ޗައިނަާ މާމަގު
މާލިމީ
10 November 2017
ހައެއްކަ އަހަރު ބަހައްޓައިފިނަމަ އާންމު ރައްޔިތުންނަށް ލަޑު ދިނުން ހުއްޓޭނެ
އިހްމާލު
10 November 2017
ހައްޤު އަދަބު ދޭން ޖެހޭނެއެވެ.ޤާޒީ އަށް އޮޅިގެން ނުބައި އަދަބެއް ކަނޑަ އެޅިފައި ވާނަމަ އެ ހުކުމެއް އިސްލާހު ކުރަން ޖެހޭނެ އެވެ.އެކަމަކު ވަޤުތު ފާއިތު ކޮށްލުމުގެ އިހްމާލުވި މީހުންގެ ޒިންމާ ދާރު ކަމާމެދު ވެސް ސުވާލު އެބަ އޮތެވެ.
ސާދާ ސީދާ
10 November 2017
މީނާގެ ކުއްތަކައް ފުރިހަމަޔައް އަދަބު ދެވިއްޖެ ނަމަ ކުރިޔައް މިއޮތް ގަރުނުގަވެސ ޖަލަކުން ނުނިކުމެވޭނެ
ސީދި
10 November 2017
އެފައިސާ އޭނާ އަނބުރާ ދައްކައިފި ނަމަ އޭނާގެ އަދަބު ލުއިކޮށްދެވޭނެ ގޮތެއް އޮންނާނެ. އެކަން ފުރިހަމަ ނުކުރެވުމުން ޖަލު ހުކުމް މިއަންނަަނީ.
ޑޮލަރު
10 November 2017
ތީ ނޭރޭވަރޫގެ މީހެއްނޫން
ކިޔު2
09 November 2017
އޭނަ ހުރީ މިނިވަންވެފައެއްނޫން. ޖަލު ހުކމެއްގަ. ޖަލުގަ.
ޔަހުޔާ
09 November 2017
އެއް ކުށަކަށް އެއް ފަހަރަށްވުރެ ގިނައިން އަދަބު ލިބުމަކީ ސިވިލް މުވައްޒަފުންނަށްވެސް ވަރައް އާންމު ކަމެއް. ގަޑިޖެހޭ މުވައްޒަފުންނާއި ހާޒިރުނުވާ މުވައްޒަފުންނަށް އެތައް ފަހަރަކު އަދަބު ލިބޭ. މުސާރައިން ކަނޑާ. އިސްލާހީފިޔަވަޅު އަޅާ. އަދި ހާޒިރީން މާކްސް ކަނޑާ. އެޕްރައިޒަލް އިންވެސް މާކްސް ކަނޑާ ނުވަތަ ނުލިބޭ.
ޖޯޖޯ
09 November 2017
ރަނގަޅު ބޮޑު އަދަބެއް ދޭން އެކަމު އެކަން ކުރަންޖެހޭނީ ހުކުމް ތަންފީޒްވެ ނިމުނީމަކާ ނޫން. ކޮންކަހަލަ އިންސާފެއް މީ؟ ތި މީހާ އަކީ ކިތަންމެ ނުބައި މީހަކަށް ވިޔަސް މިހާރު ތިދެވެނީ އެއް ކުށަކަށް ދެ އަދަބު..ހައިކޯޓަށް ކަންކަން ގަޑިއަށް ނުނިންމިގެން ދޯދިޔާ ކަމުން.