04 ޖެނުއަރީ 2018 - 11:49
21 comments
ހދ. ކުޅުދުއްފުށީގައި އެއާޕޯޓް ހެދުމަށްޓަކައި އެ ރަށުން ހިއްކަން ނިންމާފައިވާ ސަރަހައްދު ހިއްކައި ނިންމައިފި އެވެ.
އެމްޓީސީސީގެ އާ ކޮންނަބޯޓު، މަހާ ޖައްރާފު ބޭނުންކޮށްގެން، ހިއްކާފައިވަނީ މޫދުން ހަ ހެކްޓަރު އަދި އެ ރަށުގެ ކުޅިން ނުވަ ހެކްޓަރާ އެކު ޖުމްލަ 15 ހެކްޓަރުގެ ބިމެވެ.
"މިހާރު އެވަނީ އެމްޓީސީސީއާ ހަވާލުކުރި މަސައްކަތްތައް ނިމިފަ. އެއާޕޯޓް އަޅަން ހިއްކަން ޖެހޭ ސަރައްދު އެވަނީ ހިއްކައިފަ،" އެމްޓީސީސީގެ މީޑިއާ އޮފިޝަލް ވިދާޅުވި އެވެ.
ކުޅުދުއްފުށީ އެއާޕޯޓް އެޅުމަށް ކުޅިން ހިއްކާ ސަރަހައްދަށް ފަސް އަޅާފަ-- ފޮޓޯ: ފޭސްބުކް
ބިން ހިއްކައި ނިމުމާއެކު، ރަންވޭގެ މަސައްކަތް ފަށައިގަނެވޭނެ ކަމަށް އެމްޓީސީސީން ކުރިން ބުނެފައި ވެ އެވެ. ނަމަވެސް އެމްޓީސީސީގެ މީޑިއާ އޮފިޝަލް މިއަދު ވިދާޅުވީ އެ ކުންފުންޏާ ހަވާލުކޮށްފައިވާ މަސައްކަތްތަކަށް ބަދަލުތަކެއް ގެނެސްފައިވާ ކަމަށެވެ. އެ މައުލޫމާތު ހިއްސާ ކުރާނީ އަންނަ ހަފުތާގައި ކަމަށް ވެސް ވިދާޅުވި އެވެ.
ކުޅުދުއްފުށީގައި އެއާޕޯޓެއް އެޅުމަކީ އެ ރަށު ރައްޔިތުންގެ ބޮޑު އުންމީދަކަށް ވާއިރު ކުޅުދުއްފުށީ ކައުންސިލްގެ ނައިބު ރައީސް އަލީ ހާޝިމް ވިދާޅުވީ އެއާޕޯޓް އެޅުމަށް ބަޔަކާ ހަވާލު ނުކޮށް ބިން ހިއްކާތީ ކަންބޮޑުވާ ކަމަށެވެ. އަދި އެ މަސައްކަތް ސަރުކާރުން ބުނެފައިވާ ސްޕީޑަށް ވުރެ ދަށް ވަމުން ދާތީ ވެސް ކަންބޮޑުވާ ކަމަށް ހާޝިމް ވިދާޅުވި އެވެ.
ސަރުކާރުން ބުނާ ގޮތުގައި އަންނަ އަހަރުގެ މެދެއްހާ ހިސާބުގައި އެއާޕޯޓުގެ މަސައްކަތް ނިމޭނެ އެވެ. ގުދުރަތީ އެތައް ރީތިކަމެއް ލިބިފައިވާ 12 ވަރަކަށް ހެކްޓަރުގެ ކުޅުދުއްފުށީ ކުޅި ހިއްކުމާ ދެކޮޅަށް ރާއްޖޭގެ 13 ޖަމިއްޔާއަކުން ކަންބޮޑުވުން ފާޅުކޮށް، އެ ކަން ހުއްޓާލަން ސަރުކާރަށް ވަނީ ގޮވާލައިފަ އެވެ. އަދި އެ މައްސަލަ މިހާރު ވެސް އޮތީ ކޯޓުގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަށިމާލި
05 January 2018
އިއްޔެ ވެސް އޭގެ ކުރީދުވަހުވެސް ތިޔަބުނާ ހިއްކާފައިވާ ކުޅިއަށް ބޭންގް ހިފަން ދިޔައިން.. ކީއްވެބާ ހިއްކާފައި އޮތްތަނެއްގައި މަސްމަހާމެހި އުޅެނީ...
ައަލީ
05 January 2018
ދޮގު ނުހަދާ. ބިން ހިއްކާ ނިމިފައިވާ ފޮޓޯ އެއްވެސް ނެތް. ހެހެހެ.
ފަގީރު ކޮއި
04 January 2018
އަދި 5 މަސް ދުވަސް އެބައޮތް. ޔާމީނަކީ ބުނާ މުއްދަތަށް ކަންކަން ނިންމެވުމުގެ ގާބިލްކަން ލިބިފައިވާ ލީޑަރެއް.
ސިއްތިއިބުރާހިމު
04 January 2018
މިކަހަލަ ދޮގުހަދަން ހެޔޮނުވާނެ މަމީ ދުވާލަކު އެއްފަހަރު މިމީހުންޖަހާ ސަކަރާތް ބަލަން ޕީޕީއެމް މީހަކައް ހެދިގެން އެތަނައްދާމީހެއް ހެޔޮނުވާނެ މިކަހަލަ ދޮގުހަދަން ޓީވީއެމް 8 ގެހަބަރު މިރޭބަލާލާތި ހާވާފައޮތްހަޑި ފެންނާނެ ކުޅިވެސްގެއްލި އެއާޕޯޓެއްވެސްނާޅާނެ ޔަގީން މިހާރު ޖެނުއަރީ މެދައްދަނީ މިއޮއް
މަންޑޭލާ
04 January 2018
ޔާމިން ރާއްޖެތެރެ ތަރައްގީ ކުރާކަން ފާހަގަ ކުރެވޭ.
ސޮކްތެރެޕީ
04 January 2018
މިއުޅޭ ރާއްޖެޓީވީ ބަލައިގެން ވާނުވާނޭގޭ ކުދިންނަ ހަޖަމްކުރަން ދަތިވަނީ.
ރިސޯޓުހިއްސާނުދިންސަރުކާރު
04 January 2018
މިކަހަލަ ދަޅަދައްކާނެ ވޯޓާ ހަމަޔައް އެހާރީތި ކުޅިއެއްހަލާކު ކޮއްލީ އެއާޕޯޓެއްވެސް ނާޅާނެ އެއާޕޯޓު ބޭނުންނަމަ ޔާމީނާ ދެކޮޅައް އިންތިހާބުގަ ވޯޓުދެއްވާ އެއީ އެމްޑީޕީޔަކީ 3 މަހުން އެއާޕޯޓު އަޅަން ދަންނަބައެއް ކުޅުދުއްފުށީގަ 28 ހެކްޓަރު ބޮޑުބިމެއް 12 ދުވަހުން ހިއްކާލިތަން ފެންނާނެ ރައްޔިތުންނައް 3 މަހުން ފުވައްމުލަކު ދަރަވަންދޫ ކޫއްޑޫ އރއާޕޯޓު އޮންނާނީ ނިންމާފަ ތިމަރަފުށި އެއާޕޯޓު ފަށާފަ ވީމާ ޔާމިނައް ނޫނެކޭ ބުނުއްވާ ގެދޮރުވެރިކުރުމޭ ކިޔައިގެންވެސް ދޮގުހެދީ ޔާމީނައްނޫނެކޭ ބުނުއްވާ 5 ޕޮއިންޓް ލިބުނު ފަރާތައްވެސް އަޅުގަނޑުމެން އެމްޑީޕީން ފުލެޓުދޭނަން ހުޅުމާލޭން
ބެއްޔާ އައްޑޫ
04 January 2018
ހަހަހަ. އެކްސްކަވޭޓަރ އެއް ބޭނުން ކުރިނަމަ މިއަށްވުރެ އަވަހަށް ހަރަދު ކުޑަކޮށް ތިޔަ ހިއްކުމެއް ހިއްކޭނެކަން ޔަގީން. މަހާ ޖައްރާފު "މަހާ" ވީމަ ހެލިފެލިވުން އުނދަގުވާނެތާ. މިކަން ވާނެ ބޮސްކާލީސް ކުދިންނަށް ނަމޫނާއަކަށް.
އަހުމަދު، ކުޅުދުއްފުށި
04 January 2018
އަދި ބިންހިއްކާ ނުނިމޭ. ހަމަ ކަނޑައެޅިގެން ބޮޑު ދޮގެއް،
ރުބޭލު2ޖަގަހަ
04 January 2018
ދެން ހއދިއްދޫ ގަ އެއަރޕޯޓް އަޅަންވީނު. ކުޅުދުއްފުށީ ހޮސްޕިޓަލުން ދިއްދޫއަށް ޕޭޝަންޓުން ޓްރާންސްފާ ކުރެވޭނީ އޭރުން. މިހާރު ކުޅުދުއްފުށީ މީހުން ފަރިފަޅު ހިފައިގެން ދިއްދޫ ހޮސްޕިޓަލަށް ނުދެވިފައި ތިބީ އެއަރޕޯޓް ނުނިމިގެން.