ޕީޖީގެ ވިސްނުން ބަދަލުނުކުރަން އެދި ޕެޓިޝަނެއް ހަދައިފި

ޕީޖީ ބިޝާމް: ޕީޖީ ފުލުހުންނަށް ސިޓީ ފޮނުވާފައިވަނީ ކުއްލި ހާލަތާ މެދު މަޖިލީހުން ނިންމި ނިންމުން ގާނޫނު އަސާސީއާ ޚިލާފު ކަމަށް ދެކެވަޑައިގަންނަވާ ކަމަށް --ފޮޓޯ/މިހާރު

22 ފެބުރުއަރީ 2018 - 21:52

9 comments

ކުއްލި ހާލަތުގެ މުއްދަތު އިތުރުކުރަން ރައްޔިތުންގެ މަޖިލީހުން ނިންމީ ގާނޫނާ ޚިލާފް ކަމަށް ޕްރޮސެކިއުޓާ ޖެނެރަލް އައިޝަތު ބިޝާމް ވިދާޅުވި މައްސަލާގައި އެކަމަނާގެ ވިސްނުން ބަދަލު ނުކުރުމަށް އެދި ޕްރޮސެކިއުޓާ ޖެނެރަލްގެ އޮފީހުގެ ވަކީލުން ޕެޓިޝަނެއްގައި މިއަދު ސޮއިކޮށްފި އެވެ.

މި މަހު 5ގައި ރައީސް އަބްދުﷲ ޔާމީން އިއުލާންކުރެއްވި ކުއްލި ހާލަތުގެ މުއްދަތު އިތުރުކުރަން މަޖިލީހުން މިދިޔަ އަންގާރަ ދުވަހު ވަނީ ފާސްކޮށްފަ އެވެ. މަޖިލީހުގެ އެގޮތަށް ފާސްކުރި ފަހުން ޕީޖީ ބިޝާމް ފުލުހުންނަށް ފޮނުވި ސިޓީއެއްގައި ވިދާޅުވެފައިވަނީ ކުއްލި ހާލަތާ މެދު މަޖިލީހުގެ ނިންމުން ގާނޫނާ ޚިލާފު ކަމަށާއި އެހެންވެ ކުއްލި ހާލަތުގެ ދަށުން މީހުން ބަންދުގައި ބޭތިއްބޭނެ ކަމަށް ދެކެވަޑައިނުގަންނަވާ ކަމަށެވެ. އެކަމަކު އެއްވެސް މީހަކު ދޫކޮށްލަން އެ ސިޓީގައި ޕީޖީ ބިޝާމް ފުލުހުންނަށް އަންގަވާފައެއް ނުވެ އެވެ.

ކުއްލި ހާލަތާ މެދު ޕީޖީ ބިޝާމް މިހާރު ދެކެވަޑައިގަންނަވާ ގޮތް ބަދަލު ނުކުރުމަށް އެދި ޕެޓިޝަންގައި ސޮއިކުރީ ކިތައް މުވައްޒަފުން ކަމެއް އަދި ސާފެއް ނުވެ އެވެ.

ޕީޖީގެ ވިސްނުން ބަދަލު ނުކުރަން އެދި އެ އޮފީހުގެ ވަކީލުން ޕެޓިޝަނެއްގައި ސޮއި ކުރިއިރު އެޓާނީ ޖެނެރަލްގެ އޮފީހުގެ އިސް މުވައްޒަފަކު ވަނީ ކުއްލި ހާލަތާ މެދު އެޓާނީ ޖެނެރަލް މުހައްމަދު އަނިލް އަމަލު ކުރައްވަމުން ގެންދަވާ ގޮތާ މެދު ހިތްހަމަނުޖެހިގެން އިސްތިއުފާ ދެއްވައިފަ އެވެ. އަދި އެ އޮފީހުގެ އެހެން ވަކީލަކު ވަނީ ކުއްލި ހާލަތު އިއުލާންކުރީ ގާނޫނު އަސާސީއާ ޚިލާފަށް ކަމަށް ބުނެ ސޯޝަލް މީޑިއާގައި ޚިޔާލު ފާޅުކޮށްފަ އެވެ.

ޕްރޮސެކިއުޓާ ޖެނެރަލް ޕީޖީ އޮފީސް ކުއްލި ނުރައްކަލުގެ ހާލަތު އައިޝަތު ބިޝާމް

9 ކޮމެންޓް, 152 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޝުކުރިއްޔާ

23 February 2018

ގަޓުހުރި ހަންހެން ފިސާރި ކަބަލެއް... ފިރިހެނަކަށް ވެ ހުރެ މިއަދު ލަދުގަންނަން ޖެހޭ،،، ތިކުރާ ހިތްވަރަށް ސާބަސް... މުޅި ގައުމު ކަމަނާއަށް ފަހުރު ވެރިވޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަމާނު

22 February 2018

އޭ އަދުރޭއަކީ މިހާޜު ޔާމީނުގެ ސުޕޯކުސް ޕާރސަން ތަ؟ ބިޝާމަށްވެސް ރައްދު ދެނީ އަދުރޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މާންދޫ ސައްތާރު

22 February 2018

ދުވާލު ދެދަޅައައް ޚީޔާލާއީ ޕުރޮފެސަނަލް އޮޕީނީއަން ބަދަލުކުރާނެ މީހަކައް ޕީޖީ މަގާމުގައީ ހުރެވީގެންނުވާނެ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޭހެޕީ

22 February 2018

ގަޓު ހުރީ މި ގައުމުގެ ކަނބަލުންގެ ގައިގަ. މި ސަރުކާރަށް ތާއިދު ކުރާ ފިރިހެނުންނަކީ ފިނޑިން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެފް އެމް

22 February 2018

ޤާނޫނީ ކަންކަމުގައި ގޮތް ކަނޑައަޅާނެ ފަރާތްތައް ޤާނޫން އަސާސީގައި ބަޔާންކޮށްފައިވާ އިރު އަދި ޚިޔާލު ތަފާތުވާ މައްސަލަތަކުގައި ގާނޫން މާނަކުރުމުގެ މަސްއޫލިއްޔަތު ގާނޫން އަސާސީން ވަކިފަރާތަކަށް މަތިކޮށްފައިވާއިރު އެނޫންބަޔަކަށް އެކަމުގައި ގޮތް ނިންމުމާއި ގޮތްނިންމުމަށް ބާރުއެޅުމީވެސް ގާނޫނައި ޚިލާފްކަމެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަބްދުﷲނާފިޒު

22 February 2018

ހޫނ ތިވާހަކަ، ތިޔަބުނާ ޤާނޫނުއަސާސީން މަސްއޫލިއްޔަތު މަތިކޮށްފަވާ ފަރާތުން ނެރުނު އަމުރު ތައްފީޒު ނުކޮށް، އެއަމުރަށް ގޮންޖަހާ އަމުރު ތަންފީޒުނުކުރުމަކީ ޤާނޫނުއަސާސީއާ ޚިލާފު ކަމެއް ނޫންބާ!؟