ގުޅިފައިވާ އިދިކޮޅު ޕާޓީތަކުން މިރޭ އއ. ރަސްދޫގައި ބޭއްވި ޖަލްސާގައި އިބްރާހިމް މުހައްމަދު ސޯލިހު (އިބޫ) ވާހަކަދައްކަވަނީ. ފޮޓޯ: އެމްޑީޕީ
27 އެޕްރީލް 2018 - 22:30
10 comments
މިނިވަން އިންސާފުވެރި އިންތިޚާބަކަށް ހުރި އެންމެ ބޮޑު ހުރަހަކީ ރައީސް އަބްދުﷲ ޔާމީން ކަމަށް އެމްޑީޕީގެ ޕާލަމެންޓްރީ ގުރޫޕްގެ ލީޑަރު އަދި ހިންނަވަރު ދާއިރާގެ މެމްބަރު އިބްރާހިމް މުހައްމަދު ސޯލިހު (އިބޫ) މިރޭ ވިދާޅުވެއްޖެ އެވެ.
އިދިކޮޅު ޕާޓީތަކުން އއ. ރަސްދޫގައި ކުރިއަށް ގެންދާ ޖަލްސާގައި ވާހަކަ ދައްކަވަމުން އިބޫ ވިދާޅުވީ މިނިވަން، އިންސާފުވެރި އިންތިޚާބަކަށް އޮތް އެންމެ ބޮޑު ހުރަހަކީ ރައީސް ޔާމީން ކަމަށާއި އެހެންވެ އޭގެ ކުރިން އެ މަނިކުފާނުގެ ވެރިކަން ނިމުމަކަށް ގެންނަން ޖެހޭ ކަމަށެވެ. އަދި ރިޔާސީ އިންތިޚާބުގައި އިދިކޮޅު ކެންޑިޑޭޓަކު ފެންނާނެ ކަމަށާއި އެއީ އިދިކޮޅު ހަތަރު ޕާޓީގެ ސިންގަލް ކެންޑިޑޭޓަށް ވާނެ ކަމަށް ވެސް އިބޫ ވިދާޅުވި އެވެ.
"އިންތިޚާބުގެ ކުރިން ވެސް އެ ވެރިކަން ނިމުމަކަށް ގެންނަން ޖެހޭ. އެކަން ކުރަން ޖެހޭ ގޮތް ގާނޫނުއަސާސީގައި އެބައޮތް. ރައްޔިތުން ބޭނުންވީމާ އަޅުގަނޑުމެން ޖެހޭނީ އެކަން ކުރެވޭތޯ ބަލަން،" އޭނާ ވިދާޅުވި އެވެ.
ރައީސް ޔާމީން ރިޔާސީ އިންތިޚާބުގައި ވާދަކުރައްވާނެ ކަން އިއުލާން ކުރައްވާފައިވާއިރު، އިބޫ ވިދާޅުވި ގޮތުގައި، އެމަނިކުފާނަކީ ކޮން ބޭފުޅެއްތޯ ފުންކޮށް ވިސްނައި ބަލަން ޖެހެ އެވެ. އަދި ރިޔާސީ އިންތިޚާބުގައި ރައްޔިތުންގެ އަޣުލަބިއްޔަތު ވޯޓެއް ރައީސް ޔާމީނަށް ނުދޭނެ ކަމަށް ވެސް އޭނާ ވިދާޅުވި އެވެ.
"2013 ވަނަ އަހަރު ވެސް ރައްޔިތުން އިންތިޚާބު ކުރީ ރައީސް ޔާމީނެއް ނޫން. ގުޅިފައި އޮތް ކޯލިޝަނެއް އިންތިޚާބު ކުރީ. ނަމަވެސް މިއަދު އެ ވެރިކަމެއް ވެސް ނުފެނޭ. އޭރު ލިބުނީ 25 ޕަސެންޓް. އެކަމަކު މިއަދު މި ދާއިރާ އިން އެކަނި ވެސް 25 ޕަސެންޓް ނުލިބޭނެކަން ކަށަވަރު،" އިބޫ ވިދާޅުވި އެވެ.
ގުޅިފައިވާ އިދިކޮޅު ޕާޓީތަކުން މިރޭ އއ، ރަސްދޫގައި ބޭއްވި ޖަލްސާ ޕާޓީތަކުގެ އިސްވެރިންނާއި ސަޕޯޓަރުން ބައިވެރިވަނީ. ފޮޓޯ: އެމްޑީޕީ
އޭނާ ވިދާޅުވި ގޮތުގައި ދައުލަތުގެ ބަޖެޓްގައި ރަށްރަށުގެ ތަރައްގީ އަށް ހޭދަކުރާނެ އެއްވެސް ފައިސާއެއް ނެތެވެ. ނަމަވެސް ރައީސް ޔާމީން އައްޔަން ކުރައްވާ ސިޔާސީ މަގާމުތަކުގައި ތިއްބެވި 700 އެއްހާ މީހުންނަށް މަހަކު ހަތަރު މިލިއަނެއްހާ ރުފިޔާ މުސާރައިގެ ގޮތުގައި ހޭދަކުރަމުންދާ ކަމަށް އިބޫ ވިދާޅުވި އެވެ.
އަނިޔާވެރިކަމާ އެކު އެތައް ޒުވާނަކު މަރާލާފައިވާކަން ފާހަގަކުރަމުން، އިބޫ ވަނީ ބްލޮގަރު ޔާމީން ރަޝީދުގެ މަރުގެ ގާތިލުން އަދި ނޫސްވެރިޔާ އަހުމަދު ރިލުވާން ގެއްލުވައިލި މީހުން ކޮބައިތޯ ސުވާލު ކުރައްވައިފަ އެވެ.
"ޝަރުއީ ދާއިރާގެ އިތުބާރު ދުވަހަކު ވެސް ނުގެއްލޭ މިންވަރަށް މި ވަނީ ގެއްލިފައި. ރައީސް ޔާމީން ކުރިން ވިދާޅުވީ ތިމަން މަނިކުފާނު ކޯޓުތަކުން ކުރާ ހުކުމްތަކަށް ތަބާވާނަމޭ. ނަމަވެސް ފެބްރުއަރީ 1 ގެ ފަހުން އެކަން ވެސް މިވަނީ ބަދަލުވެފައި. އޭގެ ބަދަލުގައި އެންމެ މަތީ ކޯޓުގެ ފަނޑިޔާރުން ހައްޔަރުކޮށް ޓެރަރިޒަމްގެ ދައުވާ ކުރަމުން ދަނީ،" އިބޫ ވިދާޅުވި އެވެ.
ރައްޔިތުންގެ މަޖިލީހުގެ ޖަލްސާތައް ނުބޭއްވުމާއި އިދިކޮޅު މެމްބަރުންނަށް ދައުވާކުރާ މައްސަލަތަކާ ބެހޭ ގޮތުން އިބޫ ވިދާޅުވީ މަޖިލީހުގައި 60،000 އަށް ވުރެ ގިނަ ރައްޔިތުން މިހާރު ތަމްސީލެއް ނުކުރެވޭ ކަމަށެވެ. އަދި އިދިކޮޅު 14 މެމްބަރެއްގެ މައްޗަށް އެކި ދައުވާ އުފުލާފައިވާ ކަމަށް ވެސް އޭނާ ވިދާޅުވި އެވެ.
"ރައްޔިތުން [މަޖިލީހުގައި] ތަމްސީލް ކުރެވޭކަށް ނެތް. މަޖިލީހަކީ މިވަގުތު ފަންކްޝަން ކުރާ ތަނެއް ނޫން،" އިބޫ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަބްދުއްލާ
28 April 2018
ސިޓީ އިން ބުނެބަލަ ޔާމީން ގާނޫނުއަސާސީ އާ ހިލާފަށް ކުރިކަމެއް . ގާނޫނު އަސާސީގެ 16 ވަނަ މާއްދާ ގާނޫނީ ވަކީލަކުވެސް ވިދާޅުވި އަޑު އެހިންތަ ؟ އެއީ އެމީހުނަށް ނުފެންނަ މާއްދާ . އެމާއްދާގަ ބުނަނީ މަޖިލީހުން ފާސްކުރާ ގާނޫނަކުން ހައްގު ވަކި މިންވަރަކަށް ހިފެހެއްޓިދާނެ ކަމަށް.މިސަރުކާރުން ތިޔަ ކިޔާ ހައްގު ހިފަހައްޓަނީ 16 ވަނަ މާއްދާގަ ބުނާ ގާނޫނުގެ ތެރެއިން .ވީމާ ގާނޫނުއަސާސީއާ ހިލާފު އެއްވެސްކަމެއް މިސަރުކާރުން ނުކުރެޔޭ ބުނަނީ މިހެންވެ.
ހުއްބުލް ވަތަން
28 April 2018
އަޅެ މީހަކު ހައިރާނެއް ނުވާނެތަ! މިމީހުންގެ ލޮލައް ތަރައްްޤީ ނުފެންނާތީ އެހެން ރައްޔިތުން ނައްވެސް އެ ނުފެންނާނެ ކަމައްތަ މިމީހުން ހީކުރަނީ؟
ނަމަ
28 April 2018
އިބޫ ދެން ތިހެން ކިޔާލަ ކިޔާލަ ހުރީމަ ވޭތަ
ދަރަނިބޯ
28 April 2018
އިލެކްޝަންސް ކޮމިޝަންގެ ފުރާޅުންވެސް އަދި ޓިނުނަގާނެ ހަހަހަހަ
މުރާސިލް
28 April 2018
އިބޫއެވެ. ކޮސް ނުގޮވާށެވެ. ތިމާމެންގެ ތެރޭގައި ރިޔާސީއިބްތިޚާބަށް އެންމެން އެއްބަސްވާ ކެނޑިޑޭޓެއް ނެރެވެން ނެތި އިންތިޚާބުން ބަލިވާނެކަން އެނގުނީމާ ދެން އޮތީ ތިކަހަލަ އެއްޗެހި ކިޔުމެވެ. މިއަދު އަހަރެމެންގެ އުއްމީދަކީ ރަޢީސް ޔާމީނެވެ. ތީ އިދިކޯޅޭ ޝަނެވެ. ދެންވެސް ބަލި ޤަބޫލުކުރާށެވެ
ފާއިޒު
28 April 2018
ޢިބޫ ވިދާޅުވި ވާހަކަފުޅަކީ ރަނގަޅު ވާހަކަފުޅެއް. ރައީސް ޔާމީނު ބަހައްޓަވައިގެން މިނިވަން އިންސާފްވެރި ޢިންތިހާބެއް ނުލިބޭނެ. އެކަމަކު ރައީސް ޔާމިނު ވެރިކަމުން ދުރުކުރަން ކުރަންޖެހެ އެންމެ މުހިންމު މަސަތްކަތް ކަމައްވާ ސިލްސިލާ އިހުތިޖާޖް ހުއްޓުވީ އެމްޑީޕީ އާއި އިބޫ ކަމަށް އިދިކޮޅު އެހެންޕާޓީ ތަކުގެ ބެއިފުޅުން ވިދާދުޅުވި. އެބެއިފުޅުންށް މިހާރު ފެންނަތަނެއްކަމަށް ބުނަނީ 1 ފެބްރުއަޜީގެ ފަހުހުން ހުރިހާ ހަރަކާތެއް ހުޓުވާފަ އިބޫމެން ބެއިފުޅުން ރިޔާސީ ޓިކެޓް އެމްޑީޕީއަށް ދިނުމަށް އެހެން ޕާޓީތަކަށް މަޖުބޫރު ކުރަމުންދާތަން ކަމަށެވެ. ބައެއް ބެއިފުޅުން ވިދާޅުވާގޮތުގައި އިބޫމެން ތިކުރައްވާކަމަކިީ ރައީސް މައުމޫނާއި އެހެން ބެއިފުޅުން ހާލުގަޖެހުނު ވަގުތުބައްލަވާފަ އޭގެ ނާޖާއިޒްފައިދާ ނަންގަވަނީކަމަށެވެ.
އަޙްމަދް
28 April 2018
ހެޙޭ:ގުނބޯ ކޯލީޝަނުން ގުނބޯހައްދަން ކޮސްގޮވަނީ!
ގާބެ
28 April 2018
ދައްކާނެ އިތުރުވާހަކައެއް ބަހަނާއެއް ނެތުނީމަ ގޮވޭނީ ކޮސް
ޑޮކްޓަރުންގެ ސިޓީ / އައްޑޫ ސިޓީ
27 April 2018
ސީރިޔާގައި ބައިލޯޖިކަލް ހަތިޔާރު ބޭނުންކުރުމުން “އަނިޔާ ލިބުނުމީހުންގެ ހައްޤު ހޯދާދީ ރައްކާތެރިކަން ކަށަވަރުކޮށްދިނުމަށް” ދުނިޔޭގެ ޤައުމުތަކާއި ރައްޔަތް ތެދުވިތަން އަހަރުމެން ދުށީމު. . . . . . ހީނުކުރައްވާތި އަހަރުމެން ދިވެހި ރައްޔިތުން އެގޮތްބޭނުންވެގެން “ދައުލަތުގެ ޤާނޫނު އަސާސީ އިސްލާޙްކޮށް ބާރުވެރި 3 ފަރާތެއް އެކުލަވާ ހުދުމުޙުތާރު ޖައްބާރު ވެރިޔަކަށް ދައުލަތާއި ރައްޔިތުންގެ މައްޗަށް ފާވެގަރުމުގެ ފުރުސަތު ނުކިބޭނެ ފަދައިން” ލިޔެ ފައިވާ ޤާނޫނު އަސާސީ ނަގާއެއްލާލާފައި ހިތުހުރިގޮތެއް ވަރިހަމަކޮށް ކަންކަން ކުރާން ދިމާކޮށްފިނަމަ ހަމައެގޮތް އެފަރާތަކަށްވެސް މެދުވެރި ކުރުވާނެ ކަން ޤަބޫލު ކުރާންވާނެ. . . . ގުޅި ލާމެހިފައިވާ ދުނިޔެއެއްގައި އަމުދުން އަހަރުމެންކަހަލަ ބާރެއްނެތް ރައްޔިތުންގެ މައްޗަށް ތިހެންކަންވާން ދޫކޮށްގެނެއް ދުނިޔެއެއް ނޯންނާނެ. . . . ހަމަޖެހޭނީ ދޫދޭން. އަދި އެންމެފަހުން “ދެން ނުވާނެކަން ޤަބޫކުކޮށް ރައްކާވާންވެސް ޖެހޭނެ” ކަމާއިމެދު އަހަރުމެން ޝައްކު ނުކުރަން.
އިސްމާޢީލް
28 April 2018
ހުވަފެން