ލ. ގަން: އެ އަތޮޅުގެ ބައެއް ރަށްރަށަށް މިއަދު ވަނީ ގުޑުމެއް އަރާފައި
13 ޖޫން 2018 - 12:15
19 comments
ލ. އަތޮޅުގެ ބައެއް ރަށްރަށަށް މިއަދު ހެނދުނު ލޮޅުމެއް އަރައިފި އެވެ.
އެނގިފައިވާ ގޮތުގައި މިއަދު ހެނދުނު 11:33 ހާއިރު، އެ ރަށުގެ ގިނަ ރަށްތަކަށް މި ލޮޅުމުގެ އިހުސާސް ވަނީ ކުރެވިފަ އެވެ. އެގޮތުން ގަމާއި ފޮނަދު އާއި ދަނބިދޫ އާއި ކައްދޫގެ އިތުރުން މާންދޫއަށް ވެސް ލޮޅުމުގެ އިހުސާސް ކުރެވި، މޫސުމާ ބެހޭ ގައުމީ އިދާރާ (މެޓް) އަށް ވަނީ ރިޕޯޓްކޮށްފަ އެވެ.
ފޮނަދޫ ކައުންސިލްގެ ރައީސް އަހުމަދު ރިޔާޒު ވިދާޅުވީ ލޮޅުމުގެ އިހުސާސް، ދެ ފަހަރެއްގެ މަތިން އެ ރަށަށް ކުރެވުނު ކަމަށެވެ.
"އަޅުގަނޑުމެން އޮފީހުގައި ތިބި އިރު، މޭޒުމަތީގައި ހުރި ކޮމްޕިއުޓަރުތައް ވެސް ތެޅިގަތް. އެއްވެސް އެއްޗެއް ވެއްޓި، ގެއްލުމެއް ނުލިބޭ. އެކަމަކު ހަމަ މިނިޓެއްހާއިރުގެ ތެރޭގައި ދެ ފަހަރެއްގެ މަތިން ދެ ފަހަރަށް ލޮޅުން އެރި،" ރިޔާޒު ވިދާޅުވި އެވެ.
އޭނާ ވިދާޅުވީ ލޮޅުމުގެ އިހުސާސް ކުރެވިގެން، ރަށުގެ ގިނަ ގެތަކުން ވެސް ކައުންސިލަށް އެކަން ރިޕޯޓް ކުރަމުން ދާ ކަމަށެވެ.
މެޓު އޮފީހުން ބުނިގޮތުގައި މިހާތަނަށް ބެލިބެލުމުން މިއީ ބިންހެލުމެއް ކަމަކަށް ނުބެލެވެ އެވެ. އެކަމަކު އެކަން ހިނގި ސަބަބު ބަލަމުން އަންނަ ކަމަށް އެތަނުން ބުންޏެވެ.
މިދިޔަ މަހުގެ ތެރޭގައި، ޅ. އަތޮޅުގެ ބައެއް ރަށްރަށަށް ވެސް ވަނީ ހަމަ މި ފަދަ ލޮޅުމެއް އަރައިފަ އެވެ. ހެނދުނު 6:40 ހާއިރު، ހަތަރު ވަރަކަށް ސިކުންތަށް ރަށްތަކުގެ ބިންގަނޑު ވަރަށް ބޮޑަށް ގުޑި ކަމަށް، އެ އަތޮޅުގެ ބައެއް ރަށްތަކުން އޭރު ބުނެފައި ވެ އެވެ.
އިންޑޮނޭޝިޔާގެ ސުމަޓްރާގެ ހުޅަނގުން އޮންނަ މެންޓާވީ އައިލެންޑްގެ ހުޅަނގު ދެކުނުން 105 ކިލޯ މީޓަރު ދުރަށް، ރެކްޓާ މިންގަނޑުން 5.9 ގެ ބާރުމިނުގައި ރޭ ފަތިހު ވަނީ ބިންހެލުމެއް އައިސްފަ އެވެ. އެހެން ނަމަވެސް ސުނާމީގެ އެއްވެސް ބިރެއް ނެތެވެ. އަދި އެއްވެސް ގެއްލުމެއް ލިބިފައިވާ ކަމުގެ ރިޕޯޓެއް ވެސް ނެތެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަންސޫރު
13 June 2018
ގޮއްވާ ނަގާ! އެންމެ ފަހުންވެސް ވެފައި އޮތީ އެހެން. ފައިސާގެ ދަހިވެތިކަމުގައި މީސްކުޅުން ރަށްތަކާއި އެކީ ގަންބާލާ!
ރަށް
13 June 2018
އެނގިފައިވާ ގޮތުގައި މިއަދު ހެނދުނު 11:33 ހާއިރު، އެ ރަށުގެ ގިނަ ރަށްތަކަށް މި ލޮޅުމުގެ އިހުސާސް ވަނީ ކުރެވިފަ އެވެ.... މި ކިޔަނީ ކީކޭތަ؟ ރަށުގެ ރަށްތަކޭ؟
މާނަކިޔާދޭމީހާ
13 June 2018
ވީގޮތަކީ އެރަށުގަ އިންދި ގަސްތަކަކުން އިތުރު ރައްތަކެއް އުފެދުނީ...
އައްކީ
13 June 2018
ގުދުރަތީ ކާރިސާތަކުގައި މަރުވާ މީހުންގެ ގާތްގަނޑަކަށް ހަތްދިހަައަށް ޕަސެންޓް މީހުން މަރުވަނީ ސައުތު އޭޝިޔާ ސަރަހައްދުންނެވެ. އަދި މަރުވާ މީހުންގެ ނިސްބަތް އިތުރުވަމުންދާ މައިގަޑު އެއް ސަބަބަކީ ރައްޔިތުންނަށް ސަރުކާރުގެ ފަރާތުން ލިބެންޖެހޭ އަސާސީ ޚިދުމަތްތައް އަމިއްލަ މީހުންނާއި ހަވާލުކުރުމުންނެވެ. މީގެ ސަބަބުން ހަޤީޤީ އެހީތެރިކަމުން ރައްޔިތުން މަހުރޫމްވެ، ފަޤީރުންނާއި ނާޒުކު އާބާދީތަކަށް ގުދުރަތީ ކާރިސާތަކުން މިންޖުވާން ބަލިކަށި ނިޒާމެއްގެ ދަށުން އެހީތެރިކަން ފޯރުކޮށްދެއެވެ.... ގުދުރަތީ ކާރިސާތަކުން ރައްޔިތުންނަށް ލިބޭ ގެއްލުންތައް ކުޑަކުރުމަށްޓަކައި ސަރުކާރު ޒިންމާދާރުކުރުވާ އަދި އަމިއްލަ ޖައްމިއްޔާ ތަކާއި ސަރުކާރާއި ގުޅިގެން މަސައްކަތްކުރުން މުހިއްމެވެ.
އަލީމާ
13 June 2018
ހަމަ ދެންމެ އައްޑު އަތޮޅު ހިތަދޫ އައް ލޮޅުމެއް އެރިހެން މަށައް ހިހުސާސް ވި މަ ހުރީ ކޮމްޕު ކާރީ ތިން ސިކުންތު ވަރައް މަ އިށީދެގެން ހުރި ގޮނޑި ތެޅުނު
ަސދސދ
13 June 2018
ވަރަށް މަޖާ. ކަމަކާއި ދިމާވާއިރުވެސް ތިމަޖާ ކަންމަތީ ހުރެވޭނެތަ ؟
ބުލެތް
13 June 2018
“ޙެއްވާ” މެންގެވިސްނުން ތިހުންނަނީ 18 ވަނަ ޤަރުނުގަދޯ؟ މެޓައްކުރެވޭނެކަންތައް ދައްކާލާނަން ހެއްވާގެ ޕާސްޕޯޓް ފުނުވާފަ ޖަޕާނައްފުރަން ރެޑީވެބަލަ!
ހަމަހެއްވާ
13 June 2018
22 ވަނަ ގަރުނަށް ދިއަސް މެޓަށް ނުކުރެވޭނެ ކަމެއް ނުކުރެވޭނެ. ބުލެތް މޮޅިއްޔާ ބިންހެލުމެއް ޕްރެޑިކްޓްކޮށްލަބަލަ.
އަދުރޭ23
13 June 2018
ކުރިން ޅ އަތޮޅު، މިފަހަރު ލ އަތޮޅު. ދެ އަތޮޅުގަވެސް ސިފައިންގެ ބޭސް. އަނެއްކާ ކަނޑުއަޑިން އެއްޗެއް ގޮއްވަނީކީ ނޫންބާ؟؟؟... ބޮލައްއަންނަނީ މީގެދުވަސްކޮޅެއް ކުރިން ދެކެވުނު ޗައިނާ ސަބްމެރިން ބޭސްގެ ވާހަކަ
ޔާމިން
13 June 2018
ފަރުގޮއްވަނީ ވ ސާފު
އިކޫ
13 June 2018
ﷲ އަށް ބިރުވެތިވެ ހެޔޮޢަމަލުކުރުން ގިނަކުރަންވީ ބިންހެލުން ގިނަވުމަކީ ޤިޔާމަތުގެ ޢަލާމާތެއް
މެޒުހެލޭ
13 June 2018
ބިމެއްނުހެލޭ. މޭޒުހެލެނީ. މެޓްމީހުން ކީކޭ މިކިޔަނީ؟؟
އައިސް
13 June 2018
ﷲ އަށް އީމާންވާ އަޅުތަކުންނަށް އެތަކެއް މެސެޖްތަކެއް ! އިބަރަތް ހާސިލްކުރާބަޔަކަށް