އައިޖީއެމްއެޗްގެ އިމާރާތް: ނަރުހުންގެ އެލަވަންސްތަކެއް ކަނޑާލަން ވަނީ ނިންމާފައި.---ފޮޓޯ: ހުސެއިން ވަހީދު/މިހާރު
26 ޖުލައި 2018 - 12:57
50 comments
އައިޖީއެމްއެޗުގެ ނަރުހުންނަށް މިހާރު ދެމުން އަންނަ ބައެއް އެލަވަންސްތައް ކަނޑާލަން އެ ހޮސްޕިޓަލުން ނިންމައިފި އެވެ.
ސަރުކާރުގެ މައި ހޮސްޕިޓަލްގެ ނަރުހުންނަށް ކުރިން ދެމުން އައި ރިސްކް އެލަވަންސް، ޝިފްޓް އެލަވަންސް، ޓެކްނިކަލް ނުވަތަ ސަޕޯޓް އެލަވަންސް އަންނަ މަހުގެ އެއް ވަނަ ދުވަހުން ފެށިގެން ކަނޑާލާނެކަން ނަރުހުންނަށް މިހާރު ވަނީ އަންގައިފަ އެވެ.
އަލަށް ގެންނަ ބަދަލާ އެކު، ގެ އަށް ގެންދަން ނަރުހުންނަށް ލިބޭނީ މުސާރައިގެ އިތުރުން ސާވިސް އެލަވަންސް އެކަންޏެވެ.
ނަރުހުންނަށް ތަފާތު ނަންނަމުގައި ދެމުން އަންނަ އެލަވަންސްތައް ކަނޑާލައި، އަސާސީ މުސާރަ އަށް ވެސް ބަދަލުތަކެއް ގެންނަން ނިންމާފައިވާ ކަމަށް ވެ އެވެ. ނަމަވެސް އެކަމުގެ މައުލޫމާތެއް އަދިއެއް ނުލިބެ އެވެ.
"އާ އޮނިގަނޑާ ބެހޭ މައުލޫމާތެއް އަދި ނުދޭ،" އައިޖީއެމްއެޗުގައި މަސައްކަތް ކުރާ ނަރުހަކު ބުންޏެވެ.
އައިޖީއެމްއެޗުގެ މީޑިއާ އޮފިޝަލަކު މިއަދު ވިދާޅުވީ، އެލަވަންސްތަކަށް ގެންނަ ބަދަލުތަކުގެ މައުލޫމާތު އަންނަ ހަފުތާގައި މީޑިއާ އަށް ދޭނެ ކަމަށެވެ.
އައިޖީއެމްއެޗުގެ ނަރުހުން މިހާރު މަސައްކަތް ކުރަނީ ޑިއުޓީއެއްގައި އަށް ގަޑިއިރެވެ. ނަރުހުންނަކީ ސިވިލް ސާވިސް މުވައްޒަފުންގެ ގޮތުގައި ހަމަޖައްސާފައި ވުމުން، ސިވިލް ސާވަންޓުން މަސައްކަތް ކުރާ ހަ ގަޑިއިރަށް ވުރެ ނަރުހުންގެ މަސައްކަތް އިތުރުވާ ކޮންމެ ޑިއުޓީއެއްގައި، ދެ ގަޑިއިރު އޯވަޓައިމް މިހާރު ލިބެ އެވެ.
ނަމަވެސް، އާ ބަދަލާ އެކު ނަރުހުން މަސައްކަތް ކުރާ ވަގުތު އަށް ގަޑިއިރަށް ބަދަލު ކުރުމުން ދެ ގަޑިއިރުގެ އޯވަ ޓައިމް ވެސް ވަނީ ކަނޑާލައިފަ އެވެ. ނަރުހުންނަށް ދެން އޯވަ ޓައިމް ލިބޭނީ އަށް ގަޑިއިރަށް ވުރެ އިތުރަށް މަސައްކަތް ކުރުމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކާސިބެ
27 July 2018
ނަރުހުން ދެރަނުވޭ. ޔާމީންގެ ހެޔޮފުޅު ކަމުން މިއަންނަ މަހު ކުޜީ ހުރިގޮތައް ހަދާދޭނެ.
ބާބާ
27 July 2018
މިހާރު ތަނަކުން ނުވަތަ ބައެއްގެ އިނާޔަތް ކަޑާލައިފިއްޔާ ޔަގީން ކުރޭ އެއީ އެތަނަކަށް ޔާމީން ކިއާ ބޭފުޅަކު ވަޑައިގަންނަވަން އުޅޭނީކަން.
ސްޓާފުން
27 July 2018
ނަރުހުން ގެ ކަމެއް ވީމަ ފޯރި އެބަހުރި ދެއްތޯ ، ކޮބާތޯ ނުހައްގުން ޓެކްނީސަނުން ގެ ކަނޑަލި އޯޓީ
މޫސަ123
27 July 2018
ތިޔައީ ހަމަ ހުސް ދޮގު ތިގޮތަކަށް ނޫން އޮތީކީ އޮނިގަޑު އާ އޮނިގަޑުން ނަރުހުންނަށް ވާނީ ފައިދާ ޔާމީން ހޮވިދާނެތީ ހަމަ މޭކަރަނީދޯ
ޭަބޮރޮދާ
27 July 2018
މަށަކީ އުމުރުން 19 އަހރުގެ ފިރިހެނެއް. މަގޭ މި ކިޔަވަނީ ނަރުސްކަން.. އުފާވެރި އަބުރުވެރި ދިރިއުޅުމަކަށް އެދިގެން.. ހެޔޮނުވާނެ އިބޫ.. މި ވެރިކަން ބަދަލުކުރޭ. ޢަހަރެމެންގެ އަސާސީ ހައްގުތަށް ހޯދދީ. ޕުލީސް. ޙުރިހާ ރައްޔިތުން
ޙާމް
27 July 2018
ވަރަށް ސަޅި ކަމެއް. މުސާރައިގެ ހަމަހަމަ ކަން އިންނަން ވާނެ. ސަރުކާރުގެ ވަކި މުއައްޒަފުންތަކަކަށް ރިސްކް އެލަވަންސް ލިބިފަ ހަމަ އެފަދަ އެހެން މަސައްކަތެއް ކުރާ މުއައްޒަފުންތަކަކަށް ރިސްކް އެލަވަންސް ނުލިބުން އެެއީ ހަމަޖޭ ކަމެެއްނޫން. ޢަދި ސަރުކާރުގެ ވަކި ތަނެއްގެ މުވައްޒަފުން 8 ގަޑި އިރު މަސައްކަތް ކުރީމަ 2ގަޑި އިރު އިތުރު ގަޑި ލިބިފައި، 8 ގަޑި އިރު ޑިއުޓީ ކުރާ އެހެން ބަޔަކަށް އިތުރުގަޑި ނުލިބުން އެއީ އިންސާފެއް ނޫން.
އިންސާފު ކޮބާ
27 July 2018
ރައްޔިތުން މަޖިލީހުގެ މެމްބަރުން ގައުމަށް ހެޔޮއެދެންޏާމުން އެމީހުން އަމިއްލަ އަށް އެދިގެން ވިއަސް މަޖިލީހުގެ މެމްބަރުންގެ ހުރިހާ އެލަވަންސް ތަކެއް ކަނޑާނުލަނީ ކީއްވެ. އެތާ ވެސް އެބަހުރި ވަރަށް ފަހުން މަޖުލީހުގެ ބޮޑު ބިޔަ އިމާރާތެއް އަޅާފަ. ދޭން އުޅުނު ވޯޓް މަތިން ދެން ހަދާން ނައްތާލާ.
އިސްމާއިޅް އަބުދުﷲ
27 July 2018
މި އަނިޔާ އިން މި ގައުމު ﷲ ގެ އިރާދަފުޅާއި މިންވަރު ފުޅުން ވަރަށް އަވަހަށް ސަލާމަތް ކުރައްވާށި
އިންސާފް
27 July 2018
އާމީން.
ނާމް
27 July 2018
ޢިސްމާއިލް އަބްދުﷲ މެން ކަހަލަ ދެލޯ މެރިފަ ތިބި މީޙުންގެ ލޯ ﷲ ގެ އިރާދަފުޅާއެކު ވަރައް އަވަހަށް ހުޅުވިގެން ދާނެ
އަތްފުނާ
26 July 2018
''' ރިސްކް އެލަވަންސް، ޝިފްޓް އެލަވަންސް، ޓެކްނިކަލް ނުވަތަ ސަޕޯޓް އެލަވަންސް ''' ކަނޑާލީމާ ދެން އެމީހުންނަށް ލިބޭނީ ކުޑަ މުސާރައެއްނު.ނަރުހުން އުފުލާ ތަކްލީފު އާއި ބުރަށް ފެނިއެނގޭނީ ހޮސްޕިޓަލްގައި އެވަގުތު އުޅޭބަޔަކަށް.ވަރަށްވެސް ކެއްތެރި ބަޔަކަށް މެނުވި ނަރުހުންނަށް ނުވެވޭނެ.ސިޔާސީ މަގާމުތަކުގައި ތިބި މީހުންގެ އެލަވަންސް ކުޑަކޮށްފައި ނަރުހުންގެ ތި ކަނޑާލި އެލަވަންސް އަލުން އިއާދަކުރޭ
އދުރު
26 July 2018
އަންނަމަހުން ފެށިގެން ނަރުހުންގެ މުސާރަ ބޮޑުކުރުމަށް ވަނީ ހަމަޖެހިފަ.