ކަރެކްޝަންސްގެ ނަން ބަދަލުކުރަން ކޮމެޓީން ފާސްކޮށްފި

ކަރެކްޝަނަލް ސާވިސުން ބަލަހައްޓާ މާލޭ ޖަލު: އެ އިދާރާގެ ނަން ބަދަލުކުރަން ގާނޫނަށް ވަނީ އިސްލާހު ހުށަހަޅާފައި -- ފޮޓޯ/މިހާރު

މުއިއްޒު އިބްރާހިމް، މިހާރު

26 ޖުލައި 2018 - 11:41

8 comments

މޯލްޑިވްސް ކަރެކްޝަނަލް ސާވިސްގެ ނަން ނޭޝަނަލް ޕްރިޒަން ސާވިސްގެ ނަމަށް ބަދަލު ކުރަން، ޖަލުތަކާއި ޕެރޯލްގެ ގާނޫނަށް ހުށަހެޅި އިސްލާހު ރައްޔިތުންގެ މަޖިލީހުގެ ގައުމީ ސަލާމަތާ ބެހޭ ކޮމެޓީން ފާސްކޮށްފި އެވެ.

ސަރުކާރުގެ ފަރާތުން މާވަށު ދާއިރާގެ މެމްބަރު އަހުމަދު އަޒްހާން ފަހުމީ ހުށަހެޅުއްވި އިސްލާހުގައި ކަރެކްޝަންސްގެ ނަން ޕްރިޒަން ސާވިސަށް ބަދަލު ކުރުމުގެ އިތުރުން، އެހެން ބައެއް ކުދިކުދި އިސްލާހުތަކެއް ވެސް އެ ގާނޫނަށް ހުށަހަޅާފައިވެ އެވެ.

އެގޮތުން ކަރެކްޝަންސްގެ މުވައްޒަފުންނަށް މަގާމުގެ ކުރިއެރުން ދިނުމުގެ ބާރު ކޮމިޝަނާ އޮފް ޕްރިޒަންސަށް ދިނުމަށާއި ހުކުމެއް ތަންފީޒު ކުރަމުންދާ މީހެއްގެ ޕެރޯލް ބާތިލް ކޮށްފި ނަމަ، އެ ހުކުމަކާ ގުޅިގެން އަލުން ޕެރޯލަށް ނޭދެވޭ ގޮތް ހެދުމުގެ އިތުރުން ޕްރޯލް ބޯޑުގެ ނިންމުމާ މެދު ހިތްހަމަނުޖެހޭ ނަމަ، ޝަރީއަތަށް ދިއުމުގެ މުއްދަތު 20 ދުވަހަށް ކުރު ކުރަން ވެސް އެ ބިލްގައި ހިމަނާފައިވެ އެވެ.

މަޖިލީހުގެ ގައުމީ ސަލާމަތާ ބެހޭ ކޮމެޓީން މިދިޔަ ހޯމަ ދުވަހު އެ ބިލް ފާސްކުރީ ބިލަށް އެއްވެސް ބަދަލެއް ގެނައުމެއް ނެތި އެވެ. ދެން އޮންނާނީ މަޖިލީހުގެ ތަޅުމުން ބިލާ މެދު ގޮތެއް ނިންމުމެވެ.

ރައްޔިތުންގެ މަޖިލިސް ގައުމީ ސަލާމަތާ ބެހޭ ކޮމިޓީ ކަރެކްޝަނަލް ސާވިސް

8 ކޮމެންޓް, 12 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސަރީފާ

26 July 2018

މިތަނުގެ ނަން ގިނީސް ވާރލްޑް ރިކޯޑް ފޮތުން ޖާގަހޯދައިފިކަން ކަށަވަރު. އެންމެ ގިނައިން ނަންބަދުލުކުރި މުވައްސަސާ ކިޔަމާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތުއްތުނާ

26 July 2018

މިތަނަށް ދާންޖެހެނީ........ އެހެންވީމަ ދިއުމުގެ ކުރިން ނަން ބަދަލުކޮށް ގަވާއިދު އިސްލާހުކޮށް ތައްޔާރުކޮށްފައި ބަހައްޓާފައި ހުރުމުން ތަންކޮޅެއް ފަސޭހަވާނެ....... ތައްޔާރުވެ ފޮށިތަންމަތި ރެޑީ ކޮށްފައި ބަހައްޓާތި...... ވަގުތު ކުޑަތަން ވެއްޖެ.........