ކ. ގުރައިދުއަށް މިއަދު ކުރެއްވި ދަތުރުގައި އިބޫ އެ ރަށުގެ ބަނދަރުމަތި ބައްލަވާލައްވަނީ
16 އޯގަސްޓް 2018 - 19:42
50 comments
ތެލުން މިހާރު ނަގަމުން އަންނަ ދިހަ ޕަސެންޓްގެ ޑިއުޓީ ކަނޑާލައި، އަގު ހެޔޮ ކުރައްވާނެ ކަމަށް، ރިޔާސީ އިންތިހާބުގައި ވާދަކުރައްވާ ކޯލިޝަން ކެންޑިޑޭޓް އިބްރާހިމް މުހައްމަދު ސޯލިހު (އިބޫ) މިއަދު ވިދާޅުވެއްޖެ އެވެ.
އަންނަ މަހު 23ގައި އޮންނަ ރިޔާސީ އިންތިހާބަށް ކެމްޕޭން ކުރުމަށް މިއަދު ކ. އަތޮޅަށް ކުރެއްވި ދަތުރުގައި އެ އަތޮޅު ގުރައިދުއަށް ވަޑައިގެން، ރައްޔިތުންނާ ބައްދަލު ކުރައްވައި އިބޫ ވިދާޅުވީ ގެސްޓްހައުސްތަކާއި ވިޔަފާރިތަކަށް ލިބޭ އާމްދަނީގެ ބޮޑުބައެއް، ކަރަންޓު ބިލަށް ހޭދަވާ ކަމަށެވެ. އެގޮތުން ގުރައިދޫގައި ވެސް 23 ގެސްޓްހައުސްއެއް ހިންގަމުން އަންނައިރު، އެތަންތަނަށް ކުރިމަތިވެފައިވާ އެންމެ ބޮޑު ގޮންޖެހުމަކީ އެއީ ކަމަށް އޭނާ ވިދާޅުވި އެވެ.
އެހެންވެ، ތެލާއި ޑީސަލުން ސަރުކާރުން މިހާރު ނަގާ ޑިއުޓީ، ކޯލިޝަން ސަރުކާރެއްގައި ކަނޑާލާނެ ކަމަށް އިބޫ ވައުދުވެ ވަޑައިގެންނެވި އެވެ.
އޭނާ ވިދާޅުވީ ދުނިޔޭގެ ބާޒާރުގައި ތެލަށް އަންނަ ބަދަލުގެ ސަބަބުން، ސަރުކާރަށް ތެލުގެ އަގު ހެޔޮ ކުރެވެންވާނެ ކަމަށެވެ. އެކަމަކު އޭގެ ބަދަލުގައި ސަރުކާރުން އަންނަނީ އެއިން ދިހަ ޕަސެންޓްގެ ޑިއުޓީއެއް ނަގަމުން ކަމަށް ވިިދާޅުވި އެވެ.
"އެމްޑީޕީ ސަރުކާރުން ކުރި އެއްކަމެއް އެއީ ތެލުގެ ޑިއުޓީ ކަނޑާލުން. އަޅުގަނޑުމެން މިހާރު މި ދަނީ [ކޯލިޝަން ސަރުކާރެއް]ގައި ޑިއުޓީ ތަކެތި ވީހާ ވެސް މަދު ކުރަމުން. އެގޮތުގެ މަތިން، އިރާދަކުރެއްވިއްޔާ ތެލުގެ ޑިއުޓީ ވެސް ކަނޑާލާނަން،" އިބޫ ވިދާޅުވި އެވެ.
އޭނާ ވަނީ ތެލުގެ ޑިއުޓީ ކަނޑާލައި، ކަރަންޓުގެ އަގުހެޔޮ ކުރުމަށް ކުރެވިދާނެ ދެތިން ކަމެއް ވިދާޅުވެ ދެއްވާފަ އެވެ. އެގޮތުން އެންމެ ބޮޑަށް ފާހަގަކުރެއްވީ، އިއާދަކުރަނިވި ހަކަތަ ގާއިމުކޮށް، އެއިން ކަރަންޓު އުފެއްދުމެވެ.
އޭނާ ވިދާޅުވީ ތެލާއި ޑީސަލުން ނަގާ ޑިއުޓީ ކަނޑާލުމުން، އޭގެ ފައިދާ މަސްވެރިންނަށާއި ވިޔަފާރިވެރިންނަށް ވަރަށް ބޮޑަށް ކުރާނެ ކަމަށެވެ.
ކ. އަތޮޅަށް އިބޫ މިއަދު ކުރައްވާ ދަތުރުގައި އޭނާ ވަނީ އެ އަތޮޅު ގުޅި އާއި މާފުއްޓަށް ވެސް ވަޑައިގެންފަ އެވެ. އެއިން ކޮންމެ ރަށެއްގައި ވެސް ކުރައްވާނެ ކަންތައްތަކާ ގުޅޭގޮތުން ވައުދުތަކެއް ވަޑައިގެންނެވި އެވެ. އެގޮތުން ގުޅި އާއި މާފުއްޓެކޭ އެއްގޮތަށް ގުރައިދޫން ވެސް ގޯތި ދޫކުރައްވާނެ ކަމަށް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހުނި
17 August 2018
ސާބަހޭ އިބޫ ދިރިއުޅުމުގެ އަގުތައް ތިރިކޮށްދޭތި މިސަރުކާރަކަށް ނުވި އެކަމެއް ކުރަންވެސް ނޭންގެނީ
ނަސީދް ނާސިދް
17 August 2018
އިބުރާހިމް ސޯލިހައްވުރެން ތާއީދުބޮޑު މަޑަމް ފާތުންގެ ރައްރަށުގަ ކިހިނެއްތިހަދަނީ
މަންޑޭލާ
17 August 2018
އިބޫ ސިންގަޕޫރަ ގޮސް އިންޑީޔާގެ ވަފްދަކާ ބައްދަލުކޮއް ހެދިޑީލް ދިވެހިންނަ އެގެންޖެހޭ.
ދައްޖޭ
17 August 2018
އޭރުންވެސް ވާނީ ގެއްލުން. ޔާމީން ކަހަލަ އެކޮނޮމިސްޓުންނަށް އެކަން އެނގޭނެ.
ބުއްދި
17 August 2018
ދިވެހީންނަކީ މޮޔައިން ކަމުގައި ދެކޭމީހުންނަކީ އަސްލު މޮޔައިންކަން ސާބިތުކޮށްދޭތަން އެބަފެނޭ. މިބާރުމިނުގައި ރައްޔަތުންގެ ވިސްނުން ތަރައްގީވަމުން އައުމީ މާލަސްތަކެއްނުވެ ގައުމުގެ ވެރިކަމަށް ކުފޫހަމަވާ ރައީސަކު ހޮވާފާނެކަމުގެ ކޮޅުމަތި.
ވިޔަފާރިވެރިއެއް
17 August 2018
ކަރަންޓެއް ނޫން މައްސަލައަކީ. ކުލި ކޮންޓްރޯލް ކޮށްދީބަލަ. މަހަކު 40،000-75000 ކުލީގެ ގޮތުގައި އޮފީހާއި ފިހާރައަށް ހަރަދުވޭ. ޖުމްލަ ކަރަންޓައް އަރަނީ 10000 ރުފިޔާ. ކަރަންޓު ބިލުން 10% ސަލާމަތްވިޔަސް ކުއްޖެއްގެ މުސާރަވެސް ބޮޑުނުކުރެވޭ. ހިދުމަތުގެ އަގުވެސް ދަށެނުވޭ!! އިބޫއަށް ތިކަހަލަ ވައުދުވާނެ ކަމަށް އުއްމީދު ނުކުރަން. މަންފާ ކުރަނިވި ވައުދުވޭ!
އައިސް
17 August 2018
ވަރަށް ރަގަޅު ކަމެއް، ތީގެ ސަބަބުން ސަރވިސް އިންޑަސްޓްރީ ވަރަށް ބޮޑަށް ކުރިއަރާނެ، އެހެން ވެއްޖެނަމަ ޖީ.އެސް.ޓީ އަށް ލިބޭ ފައިސާ އިތުރު ވެގެން ދާނެ ކަމަށް ވިސްނެނީ. އޭރުން ޑިއުޓީން ގެ ބަދަލްގަ އެއަށްވުރެ ތެލުން އިންޑިރެކްޓް ފައިދާ މާ ބޮޑުވާނެ.
ސައްތާރު
17 August 2018
ޖީ އެސް ޓީ ކަންޑާލަ ދީ
ޓިނު
17 August 2018
ސާބަހޭ ؟ މުސްހަދިން އަތުން ވާނީ ޓެކްސް ނަގާތި
ސޯބިރު
17 August 2018
ނުކެރޭނެ
ކުނޫ
17 August 2018
ސަރުކާރުގެ އާމްދަނި އިތުރުކުރުމުގ ވިސްނުމެއްނެތް. ވޯޓެއް ނުދެވޭނެ
ހިޔަނިން
17 August 2018
ގައުމަށް ވިސްނައިފި މީހަކަށް އިނގޭނެ މި ކިޔަނީ ގައުމުގެ ޖީޑީޕީ އިން ބޮޑު ބައެއް އުނި ކުރާ ވާހަކަ ކަން. މި ގައުމުގަ ޑިއުޓީ ކެނޑޭނެ އެއްޗިސް ތެރޭގައި ތެޔޮ ހިމެނިގެން ނުވާނެ އެވެ. އެއީ އެއްވެސް ގައުމަކުން ކުރާނެ ކަމެއް ނޫނެވެ. ސަބަބަކީ ގައުމެއްގައި އެންމެ ގިނައިން ބޭނުން ކުރެވޭނީ ތެޔޮ ކަމަށް ވާތީ އެވެ. ގައުމު ތަކުގެ ހަކަތަ އަކީ ތެލެވެ. އެޔީ އެންމެ މާކެޓް ބޮޑު ސެކްޓާއެވެ. ގައުމަށް ލިބޭ އާމްދަނީ ދަށްކުރަން ވައުދު ވީމައި އަތް ޖަހާނީ ހަމަ މޮޔައިންނެވެ.