ނޮޅިވަރަންފަރަށް ރައީސް ޔާމީން މިއަދު ވަޑައިގެން ކުޑަކުއްޖެއްގެ ގައިގައި ފިރުމާލައްވަނީ.---ފޮޓޯ: ރައީސް އޮފީސް
22 އޯގަސްޓް 2018 - 16:05
68 comments
ރާއްޖޭގެ އެކި ސަރަހައްދުތަކުގައި އެމަނިކުފާނުގެ ސަރުކާރުން ރިސޯޓު ހެދުމަށް 160 ރަށް ދޫކުރުމުން، އެކަމާ ކަންބޮޑުވެވަޑައިގެން އެ ވާހަކަ ދައްކަވަން ކުރީގެ އޮޑިޓާ ޖެނެރަލް ނިޔާޒް އިބްރާހިމް ވަޑައިނުގަންނަވާ ކަމަށާއި އެއީ އޮޅުވާލައިގެން ދައްކަމުންދާ ވާހަކައެއް ކަމަށް ރައީސް އަބްދުﷲ ޔާމީން މިއަދު ވިދާޅުވެއްޖެ އެވެ.
ހދ. ނޮޅިވަރަންފަރު ބަނދަރު ހެދުމުގެ މަޝްރޫއުގެ ނިމުން ފާހަގަ ކުރެއްވުމަށް ބޭއްވި ރަސްމިއްޔާތުގައި ރައީސް ޔާމީން ވިދާޅުވީ، ރިސޯޓުތައް ހެދުމަށް ރަށްރަށް ދޫކުރާ މައްސަލަ އެމަނިކުފާނުގެ އަރިހަށް ކުރީގެ އޮޑިޓަ ޖެނެރަލް ނިޔާޒް ވަޑައިގެން ހުށަހެޅުއްވި ކަމަށް ބުނެ ދައްކަމުން ދަނީ ހަގީގަތެއް ނެތް ވާހަކަތަކެއް ކަމަށެވެ. އަދި މައްސަލައިގައި ނިޔާޒް ކަންބޮޑުވުން ފާޅުކުރެއްވުމުން އޭނާ ޒާތީ ވަނީ ކަމަށް އެ މަނިކުފާނު ވިދާޅުވި ކަމަށް ބުނެ، ދައްކަނީ ވެސް ދޮގު ވާހަކަތަކެއް ކަމަށް ރައީސް ޔާމީން ވިދާޅުވި އެވެ.
އެކަމަކު، ރައީސް ޔާމީން ވިދާޅުވި ގޮތުގައި އޮޑިޓަ ޖެނެރަލްގެ ހައިސިއްޔަތުން ނިޔާޒް، އެމަނިކުފާނުގެ އަރިހަށް ވަޑައިގަތީ އެމްއެމްޕީއާރުސީ އާއި އެމްޕީއެލްއާ ދޭތެރޭ ކުރިން ހިނގަމުން ދިޔަ ޑޮލަރުގެ މުއާމަލާތަކާ ގުޅޭގޮތުން ވާހަކަ ދެއްކެވުމަށެވެ.
ރައީސް ވިދާޅުވީ، ޑޮލަރު ގަތުމަށް އެމްޕީއެލުން އެމްއެމްޕީއާރުސީ އަށް ދިވެހި ފައިސާ ދޭ ކަމަށާއި އަދި އެ ކުންފުނިން ޑޮލަރު ދިނުމުގައި، އެއްބަސްވެފައިވާ ގޮތަށް ކަންކަން ނުހިނގާ ކަމަށް ވިދާޅުވެ، ނިޔާޒް އެކަމާ ހިތްހަމަ ނުޖެހުން ފާޅުކުރެއްވި ކަމަށެވެ. އަދި، އެއީ ހިނގައިގެން ވާނެ ކަންކަން ނޫން ކަމަށާއި އެކަން ހުއްޓާލަން ޖެހޭ ކަމަށް ނިޔާޒް، އެމަނިކުފާނަށް ދެންނެވި ކަމަށް ރައީސް ވިދާޅުވި އެވެ.
ކުރީގެ އޮޑިޓާ ޖެނެރަލް ނިޔާޒް
"އަޅުގަނޑު ދެންނެވީ، އެމްޕީއެލް އަކީ ކުންފުންޏެކޭ، ކުންފުނީގެ ބޯޑުން ނިންމައި، ބޭރު ފައިސާ ގަނެ ވިއްކުމުގެ ލައިސަންސް އެމްއެމްއޭން ދީފައި އޮތިއްޔާ ތިއީ މައްސަލައެއް ނޫން ކަމަށް." ކުރީގެ ނައިބު ރައީސް އަހުމަދު އަދީބުގެ ބާރުގަދަ ދުވަސްވަރު އެމްއެމްޕީއާރުސީ އާއި އެމްޕީއެލްއާ ދެމެދު ހިންގި މުއާމަލާތާ ގުޅޭ ގޮތުން ރައީސް ޔާމީން ވިދާޅުވި އެވެ.
ރައީސް ޔާމީން ވިދާޅުވިގޮތުގައި، އެ މުއާމަލާތާ ގުޅޭގޮތުން ގާނޫނީ ގޮތުން ވެސް އަދި އެހެން ގޮތަކުން ވެސް އެޅޭނެ ފިޔަވަޅެއް ނޯންނާނެ ކަމަށް ނިޔާޒަށް އެމަނިކުފާނު އޭރު ދެންނެވި އެވެ.
"އެކަމަކު ވެސް ނިޔާޒު ހިތްހަމަ ނުޖެހިގެން ވިދާޅުވީ ތިމަންނަ އެބަޖެހެއޭ މި ވާހަކަ ދައްކަން. އަޅުގަނޑު ދެންނެވިން ދެން ފެނިވަޑައިގަންނަވާ ގޮތަށް ކަންތައް ކުރައްވާށޭ. ދެން އިސްތިއުފާ ދެއްވާފައި އެ ހުންނެވީ" ރައީސް ވިދާޅުވި އެވެ.
ރައީސް ޔާމީންގެ ސަރުކާރުން ބޮޑެތި ކޮރަޕްޝަންތަކުގެ އަމަލުތައް ހިންގާފައިވާ ކަމަށް ނިޔާޒު ވަނީ ތުހުމަތު ކުރައްވައިފަ އެވެ. އަދި އެ ކަންތައްތައް އޭނާއަށް އެނގިވަޑައިގެންނެވުމުން އެކަން ސަރުކާރުގެ ސަމާލުކަމަށް ގެންނެވި ކަމަށާއި އެކަމަކު އެކަމަށް ސަމާލުކަމެއް ނުލިބުނު ކަމަށް އޭނާ ވިދާޅުވެފައި ވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަޒް
23 August 2018
ނިޔާޒު ހަދަނީ ތެދު... އޭރުގަވެސް ނިޔާޒް މިވާހަކަ ދެއްކި.. އޭރު އެއީ ދޮގެކޭ ޔާމީނު ނުބުނޭ... މިހާރު އިންތިހާބު ކައިރިވުމުން މީހަގެ ސައިޒް އިނގި ކަންކަމަށް ދޮގުހަދައިގެން ޖަވާބުދާރީވާނެ ކަމެއް ނެތް... އިއްޔެވީ ކަމެއްހެން ނިޔާޒު އޭރު ދެއްކި ވާހަކަ ހަނދާން އެބަހުރި
ޚުނި
23 August 2018
މީހުންގެ ވާހަކަ ނުދައްކާ ދައުލަތުން ވަގަށްނެގި ފައިސާތައް ހޯދާ އެހްނެމީހުންގެ ވާހަކަދައްކާނީ ފަހުން
ތެމާ
23 August 2018
ތިޔަތަންތަނުގެ ޚިޔާނާތް ނޭންގޭކަމަށް ހެދިގެން މައްސަލައަކަށް ނުވެގެން އުޅުނަކަސް ތިޔަތަންތަނުން ނެގި ފައިސާ ފޮށިފޮށީގައި ދޫވެއްސަށް ވަތްކަމަށް އަމިއްލަފުޅަށް އިއިތިރާފުވި އަދި ޕާޓީއަށް މެންބަރުން ގަތީވެސް އެފައިސާއިންނޭބުނި އެއީ ރައްޔިތުންގެ ފައިސާ އެފައިސާ އަނބުރާދޭންޖެހޭނެ އެފައިސާ ހޯދުނުގޮތަކުންހޯދަންޖެހޭ ނިޔާޒު ދެއްކީ ތެދުކަން އެވަނީ ހާމަވެފައި ދެންގެއަށާ އެކަންއުންޓަށް ވެއްދި ފައިސާ އަބުރާ ދީ އޭގެފަހުން ފޮނިކަނޑާއީ
ނޫސްވެރިޔާ
23 August 2018
އަޅުގަޑަށް ވަރަށްބޮޑަށް އެބަ ފާހަގަވޭ ރައީސް ޔާމީންގެ ހަބަރު ތިގެނެސްދެއްވަނީ ނޫސްބަޔާން ލިޔުއްވާހެން. އެހެން ނަހައްދަވާ. އެބޭފުޅާ ދައްކަވާ ވާހަކަ ލިޔުއްވުމަށްފަހު އެއީ ކަނޑައެޅިގެން ދޮގެއްކަމަށްވާނަމަ އެކަންވެސް ސާފުކޮށްދެއްވާ. މިސާލަކަށް މިހަބަރުގައި މިއޮތީ ރ ޔާމީން ނިޔާޒުއާއި ގުޅޭގޮތުން ވިދާޅުވިކަމަށް "ދެން އިސްތިއުފާ ދެއްވާފައި އެ ހުންނެވީ". ތިބޭފުޅުންނަށްވެސް އެގިލައްވާ އެއީ ނޫންކަން އެކަން ހިގައިދިޔަގޮތަކީ. އެހެންވީމާ ކަންހިގާދިޔަ ގޮތްވެސް ލިޔުއްވާދެއްވާ. "މިހާރު" ނޫހަކީ ރައިސް ޔާމީންގެ ނޫސްބަޔާން، ނުވަތަ ވާހަކަ ކޮޕީ ކޮށްފަ ޕޭސްޓް ކުރާ، "ހަބަރު" ޕުލެޓްފޯމަކަށް ނަހައްދަވާ. ޝުކުރިއްޔާ!
އަހުމަދު ޒާހިރު
23 August 2018
ނިޔާޒުގެ ރައްދެއް ބޭނުންންވޭ ރައީސްގެ މިވާހަކައަށް
ހަސަންމާހިރު
22 August 2018
ތިޔަ ނިޔާޒު ރައީސް ޔާމީން އަރިހުގައި ދެއްކީ އަދީބާއި ހުރެ އުޅެން އުދަގޫ ވެއްޖެ ވާހަކަ!
ގޮބޮޅި
22 August 2018
މީސްމީހުންގެ ވަޒީފާތަކާ ކުޅެކުޅެފައި ޖެއްސުންކޮށް، އެންމެ ފަހުން އިސްތިއުފާ ދިނީ ކޮން ބައެއްކަންވެސް ނޭގޭ ހިސާބުގަ އެހެރީ! ފިސާރި ވޯޓު ފަށެއް މިފަހަރު ލިބޭނެ އިނގޭ!
މަންސޫރު
22 August 2018
މަގާމުން އޮޅުވާލައިގެން އަމިއްލައަށް ވަކިވިއްޔޭ ބުނޭ. ކައްޕި ނުދައްކާނެ ހެޔޮ އެއްވެސް ވާހަކައެއް.
ކަދުރޭ
22 August 2018
ވެއްޓެންދާކަމުގެ އަލާމާތެއްމީ. ބޯގޯސް ވާހަކަތައް މިއިވެނީ. ދުވަސްކާރިވާވަރަކަށް މިކަހަލަ ވާހަކަތައް އިވޭނެ.
ބެއްޔާ އައްޑޫ
22 August 2018
މަގޭ ބޯ ގޮވާން ކައިރި ވެއްޖެ މިހާރު. މަގޭ ހިތަށް އަރާ އަހަރުންގެ ރައީސަކީ ކުށް ނުކުރާ ހާދަ ސާފު ތާހިރު ރައީސެކޭ. އަބަދުވެސް ގޯސް މިވަނީ އެހެން މީހުން. އެމްއެމްޕީއަރުސީ އަށް ރަށްތައް ދޫކުރުން ހަވާލު ކުރީ އަދި އެތަނުން ވައްކަން ކުރީ ރައީސަށް އެނގިގެނެއް ނޫން ދެއްތޯ. މިނޮސްޓަރަކު އޭޓިއެމް އަކަށް ބަދަލުވެ ޙުދު ރައީސް ވިދާޅުވި ފަދައިން ފައިސާ ބައްސަވާއިރު އެބައސަވަނީ ކިހިނެތް ހޯދި ފައިސާ އެއްތޯ ނުބައްލަވަނީ 500% އިތުބާރު ކުރައްވާތީކަން އިނގޭ. ޙާލިދުބުނު ވަލީދު ފަދަ ބޭފުޅަކު ބޮން ގޮއްވީމާ މުޅި ނިޒާމު ބޮއްސުންލައިގެން ދިއަ މަންޒަރު ދުރުގައި ބަލަން ތިބި މީހުނަށް ފެނުމަކީ ރައީސްގެ މައްސަލައެއް ކަމަށް މަވެސް ގަބޫލެއް ނުކުރަން