ހުޅުވިތާ 24 ގަޑިއިރު ނުވަނީސް ރިންގު ރޯޑުގައި އެކްސިޑެންޓެއް

ރިންގު ރޯޑުގައި ހިނގި އެކްސިޑެންޓު ތަހުގީގު ކުރަން ފުލުހުން ހަރަކާތްތެރިވަނީ.

ފަޒީނާ އަހުމަދު، މިހާރު

07 ސެޕްޓެމްބަރ 2018 - 17:14

ސިނަމާލެ ބްރިޖާއި ގުޅިފައިވާ ބޮޑުތަކުރުފާނު މަގު ނުވަތަ ރިންގު ރޯޑު، ތާރު އަޅައިގެން ރަނގަޅު ފެންވަރަކަށް ހަދައި ހުޅުވިތާ 24 ގަޑިއިރު ނުވަނީސް މިއަދު އެކްސިޑެންޓެއް ހިނގައިފި އެވެ.

އެ މަގުން ދުއްވާފައި ދިޔަ ދެ ސައިކަލެއް ޖެހިގެން ހިނގި އެކްސިޑެންޓުގައި އެއްވެސް މީހަކަށް އަނިޔާއެއް ނުވެ އެވެ. އާއްމުވެފައިވާ ފޮޓޯއަކުން ފެންނަނީ، ސައިކަލެއް ވެއްޓިފައި އޮއްވަ އެވެ.

މި އެކްސިޑެންޓާ ގުޅޭ ގޮތުން ފުލުހުންގެ ބަހެއް ނުލިބުނެވެ.

މާލޭގައި ހުންނަ ހުޅުމާލޭ ފެރީ ޓާމިނަލުން ފެށިގެން އިންޑަސްޓްރިއަލް ވިލެޖާ ހަމަ އަށް ބޮޑުތަކުރުފާނު މަގުގައި ތާރު އަޅާފައިވާ އިރު، އެ މަގުގެ އެ ބައި މިހާރު ވަނީ ހަތަރު ލޭން ހިމެނޭ ގޮތަށް 12 މީޓަރަށް ފުޅާކޮށްފަ އެވެ. އެ މަގު ފުޅާކޮށްފައި ވަނީ ބްރިޖަށް ދަތުރުކުރާ އުޅަނދުތައް ތޮއްޖެހުނަ ނުދިނުމަށެވެ.

ކުރިއާ އަޅާބަލާއިރު، އެ މަގުގައި ވެހިކަލް ދުއްވަން މާބޮޑަށް ވެސް ފަސޭހަ އެވެ. ގާއަތުރާފައި އޮތްއިރު ހުންނަ އަޑިގުޑަންތަކެއް ވެސް ނުހުރެ އެވެ. އެކަމަކު، ބްރިޖުގެ ބަސްދަތުރުތަކަށް ވެސް ލޭންތައް ޚާއްސަކޮށްފައިވާ އެ މަގުގައި، ބާރު ސްޕީޑުގައި، ގަވާއިދާ ޚިލާފަށް ދުއްވަން ވެއްޖެ ނަމަ އެކްސިޑެންޓުތައް ގިނަވާނެ އެވެ.

އެކްސިޑެންޓުތައް ހިނގާފާނެތީ، ރައްކާތެރި ކަމުގެ ފިޔަވަޅެއްގެ ގޮތުން، އިއްޒުއްދީން މަގުން [ކަޅުތުއްކަލާ ކޮށީގެ ހުޅަނގު ދެކުނު] ފެށިގެން ހުޅުމާލެ ފެރީ ޓާމިނަލާ ދެމެދު އެ މަގުގެ އެއްވެސް ތަނެއްގައި ޕާކު ކުރުން ވެސް އޮތީ މަނާކޮށްފަ އެވެ.

އެކްސިޑެންޓް ފުލުހުން ޓްރެފިކް ބޮޑުތަކުރުފާނުމަގު

11 ކޮމެންޓް, 62 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޤައުމު

07 September 2018

އެކްސިޑެންޓާ އެއްޗެހި ނުވިއްޔާ ދެރަ. މި ދިވެހިންނަކީ ގޮތެއްފޮތެއް ހުރި ބައެއް ނޫން. އުޅެނީ އެކަކަށްވުރެ އަނެކަކު ކުރި އަރައިގެން ދެވޭތޯބަލަން. ތިމާމެންނަކީ މާމޮޅު ބަޔަކަށްވެގެން ވާނެ ގެއްލުމަކަށް ނުބަލާ އެހެން މީހުނައް ނުބަލާ އަވަސް އަރުވައިގެން ބާރު ސްޕީޑްގަ ދެވޭތޯ އުޅޭނީ. ރާއްޖެއިން ބޭރު ޤައުމުތަކުގަ މިތަނައްވުރެ މާ އެއްޗެހިގިނަ ވެސް މަގުތައްވެސް މާ ބޮޑެތި. އެކަމަކު އެމީހުން ނޫޅެޔެ ޤަވައިދާ ހިލާފަކަށް. މި ދިވެހިން އެކަނި އުޅެނީ އާކުކުޅަކަށް ގާބިހެއް އެޅިގެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދެކޭމީހާކިޔާމީހާ

07 September 2018

ތާރީޚީފެށުމަކުން ތިއޮތީފެށިފަ. އަދި ދަންވެލީމަ ތަންފުކެއް ފޯރިގަދަވާނެ. މަރުޙޫމް އޮޓޯއާދަންފުޅުގެ ވިސްނުމުގަނޫނީ، ތިމަގަށްއަރަން ހެޔޮވެސްނުވާނެ،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބާރޑީނަމްނަމް

07 September 2018

މިހާރު 2 އެކްސިޑެންޓް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެކްސަން ޖެކްސަން

07 September 2018

ހ‫ޭބަލިވެގެން ދުއްވަންނާ ވާނީމަހެން .. ތިމާ ކިތަންމެ ފަރިތަކަމުގާވިޔަސް އަނެކަކާ އެހާ ފަރިތަ ނުވެދާނޭ ކަންދަންނާށެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކެންޑްރިކް

07 September 2018

މަށައް އޭރުވެސް އެނގޭ މިވަރުކަން ވާނީ. ދިވެހިން ފުރަތަމަ ވީ ސައިކަލު ދުއްވަން ދަސްކުރަން. ބޮޑު މަގެއް ހެދިއަަސް ދިވެހިންނައް ދުުއްވަން ނޭގުނީމަ އަދި ތިޔައްވުރެ ނުރަައްކާވެސް ވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަރުހަބާ

07 September 2018

މަރުހަބާ! ތިމާ މެންނަށް ލިބޭ ލުއިފަސޭހަ އާއި ރަނގަޅު ކަންކަން އެ އޮންނަ އުޞޫލުން ބޭނުން ކުރަން ނޭނގެންޏާ ވާނީ ތިޔަހެން. ރިންގް ރޯޑްގައި ފުރަތަމަ އެކްސިޑެންޓްވި ފަރާތަށް ވުމުގެ ނަސީބާއި، ލަޤަބާއި، ޝަރަފު ލިބުނު ދެ ފަރާތަށް މަރުހަބާ އާއި ތަހުނިޔާ ދަންނަވަން. އަދި އެކްސިޑެންޓުވި ދެ ސައިކަލަށް އަވަސް ރިޕެއާރިންގް އަކާއި ޝިފާއަކަށް އެދެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަބާހު

07 September 2018

ފުރަތަމަ ހިނގި އެކްސިޑެންޓް ތާރީޚުގެތެރެއަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުދުޔާ

07 September 2018

ދިވެހިރައްޔިތުން ކުށެއް ނުކުރާނެ..އެކަން އެހެން ވަނީ ފުލުހުންނަށް ނުބެލޭތީ.މިހެންބުނެ ހުރިހާ ކަމެއް ނިންމާލާނީ..ކޮންމެ ކަމެއް ވިޔަސް ފުލުހުންނަށް ނުބެލެނީ..ބްރިޖްމަތީ ކުނިފުރާލިއިރުވެސް ހަމައެހެން..އަމިއްލަ ޒިންމާއެއްނެތް..ކުއްކުރާ މީހުން ދިފާއުކޮށް ހުރިހާ ލިޔުމެއް ހުންނާނީ..