އިބޫ އާއި ފައިސަލް، "ޖަޒީރާ ދަތުރު" ނިންމާލައްވަން އައްޑު އަށް

، ފަޒީނާ އަހުމަދު، މިހާރު

20 ސެޕްޓެމްބަރ 2018 - 12:05

އަންނަ އާދީއްތަދުވަހު ބާއްވާ ރިޔާސީ އިންތިޚާބަށް، މުޅި ރާއްޖެ ހިމަނައިގެން ކުރި "ޖަޒީރާ ކެމްޕޭން" ނިންމާލެއްވުމަށް އިދިކޮޅު ޕާޓީތަކުގެ ރިޔާސީ ކެންޑިޑޭޓު، އިބްރާހިމް މުހައްމަދު ސޯލިހު (އިބޫ) އާއި ރަނިން މޭޓު ފައިސަލް ނަސީމް މިއަދު ހެނދުނު އައްޑު އަށް ވަޑައިގެންފި އެވެ.

އިދިކޮޅު ޕާޓީތަކުން ފުވައްމުލަކުގައި ރޭ ބޮޑު ޖަލްސާގައި ބައިވެރިވެވަޑައިގަތުމަށް ފަހު އިބޫ މިއަދު ފުރަތަމަ ވަޑައިގަތީ މީދު އަށެވެ. އޭނާ އަށް މަރުހަބާ ދަންނަވަން ނުކުތް މީހުންނާ ސަލާމްކުރެއްވީ، މި ދާއިރާގެ މެމްބަރު ރޮޒެއިނާ އާދަމްއާ އެކުގަ އެވެ.

އިބޫ އާއި ފައިސަލް އަށް މަރުހަބާ ކިޔުމަށް އައްޑޫގެ ބައެއް މީހުން ސަފަކަށް އެތުރިލައިގެން.

އައްޑޫ ދަތުރުގައި، މީދޫގެ އިތުރުން ހުޅުދު އާއި ފޭދު އާއި މަރަދޫގެ އިތުރުން ހިތަދު އަށް ވަޑައިގަންނަވާނެ އެވެ. ކެމްޕޭން ނިންމާލުމުގެ ބޮޑު ޖަލްސާ އޮންނާނީ މިރޭ ހިތަދޫގަ އެވެ. މި ޖަލްސާގައި އިދިކޮޅު ޕާޓީތަކުގެ އިސް ބޭފުޅުން ބައިވެރިވެވަޑައިގަންނަވާނެ އެވެ.

ރަށްތަކުގެ ކެމްޕޭން އައްޑޫން މިރޭ ނިންމާލާއިރު، ރިޔާސީ ކެންޑިޑޭޓު ކަމުގެ ޓިކެޓާ ހަވާލުވެވަޑައިގެން، ދެ ބޭފުޅުންގެ ކެމްޕޭން މިދިޔަ ޖުލައި މަހުގެ 13 ގައި ފެއްޓެވީ ވެސް އައްޑު އާއި ފުވައްމުލަކުންނެވެ.

އިބޫ އާއި ފައިސަލް އަށް މަރުހަބާ ކިޔުމަށް އައްޑޫގެ ބައެއް މީހުން ސަފަކަށް އެތުރިލައިގެން.

އިދިކޮޅު ޕާޓީތަކުގެ ކެމްޕޭންގައި އިބޫ އާއި ފައިސަލް ވަނީ ރާއްޖޭގެ މީހުން ދިރިއުޅޭ 187 ރަށަށް ވަޑައިގެންފަ އެވެ. ދެ ބޭފުޅުންނަށް ރަށްތައް ބައްސަވާލައްވައިގެން ރައްޔިތުންނާ ބައްދަލުކުރަން ވަޑައިގަތްއިރު، ބައެއް ރަށްތަކަށް އެކުގައި ވެސް ވަޑައިގަތެވެ. މި ކެމްޕޭންގައި އިބޫ ވަނީ، 153 ރަށަށް ވަޑައިގެންފަ އެވެ. އެއް ދުވަހުގެ ތެރޭގައި އެންމެ ގިނަ އަދަދަކަށް ވަޑައިގަތީ ނުވަ ރަށަށެވެ.

އައްޑޫ އިދިކޮޅު ފަރާތްތައް ސ. ހުޅުދޫ ރައީސް އިބްރާހިމް މުހައްމަދު ސޯލިހް ނައިބު ރައީސް ފައިސަލް ނަސީމް

14 ކޮމެންޓް, 180 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހަސީން

20 September 2018

އެއް ދުވަހުން ނުވަ ރަށައް ދެވޭއިރު ހުންނާނީ ރައްޔެތުންނާ ބައްދަލުވެ ލައްކަ ކެމްޕެއިން ކުރެވިފަ ތާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވާސިފު

20 September 2018

ސާބަހޭ އިބޫ ފައިސަލް، އެންމެ އިންޗިއެއްވެސް ދޫ ނުދެއްވާތި، 23 ގަ ދިވެހިން ނިކުމެ ވޯޓުން މި އަނިޔާވެރި ކޮރަޕްޝަނާއި ފަސާދައިން ފުރިފައިވާ ދުއްޕާން ބޮޑު ސަރުކާރު ސައިޒުކޮށް ނިންމާނަން، އޭގެފަހުގައި ޖަރީމަތައް ހިންގި ފަރާތްތައް ޝަރިއަތުގެ ކުރިމައްޗަށް ގެނެވޭނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަޙްމަދު

20 September 2018

އިބޫ ކުރަން އުޅޭ ކަމަކީ ސަރުކާރާއި އައްޑޫ މީހުން ޖެއްސުން. އިބޫ ނުހޮވިއްޖެއިޔާ ސަރުކާރުން އައްޑޫ މީހުން ވަރަށް ބޮޑަން ދުރުކޮށްލާނެ. އިބޫ ހޮވިއްޖެއިޔާ ޝޫކުރިއްޔާ ކިޔާފައި ނިމުނީ. މިކުޅެނީ އައްޑޫ މިހުން ގޮވައިގެން ކުޅޭ ބޮޑު ކުޅިވަރައެއް. އަޅުގަނޑު އައްޑޫ މީހުންނަށް ގޮވާލަން މިސަރުކާރުން ދެވަނަ ދައުރެއް ނަގާފިއްޔާ ޒާތީ ކަނަތައްތައް ދޫކޮށް ސަރުކަރަށް އެއްބާރުންލުންދީ ރަށުގެ ތަރައްޤީއަށް މަސައްކަތް ކޮށްދިނުން.