ޚަބަރު / ޕީޕީއެމް ޕާލަމެންޓްރީ ގުރޫޕް

ބައެއް ކަންކަމާ ހިޔާލު ތަފާތުވެގެން މެމްބަރު ސައުދު ވައިބަ ގްރޫޕުން ނުކުމެއްޖެ

މަޖިލީހުގެ ޖަލްސާއެއްގައި ސައުދު ވާހަކަ ދައްކަވަނީ. --ފޮޓޯ: މަޖިލިސް

ފަޒީނާ އަހުމަދު، މިހާރު

10 އޯގަސްޓް 2016 - 15:45

26 comments

ޕީޕީއެމްގެ ޕާލަމެންޓްރީ ގްރޫޕްގެ ވައިބަ ގްރޫޕުން ވިލިނގިލި ދާއިރާގެ މެމްބަރު ސައުދު ހުސެއިން މިއަދު ނުކުމެއްޖެ އެވެ.

ސައުދު "މިހާރު" އަށް ވިދާޅުވީ ވައިބަ ގްރޫޕުން އޭނާ ނުކުމެވަޑައިގަތީ ޕާލަމެންޓްރީ ގްރޫޕުގެ ލީޑަޝިޕާ މެދު އުފެދުނު ހިޔާލުތަފާތުވުންތަކެއްގައި ކަމަށެވެ. އޭގެ ތެރޭގައި އެ ގްރޫޕްގައި މެމްބަރުން ދައްކަވާ ވާހަކަތަކުގެ ސްކްރީން ޝޮޓްތައް ލީކުކުރުން ފަދަ ކަންތައް ހިމެނޭ ކަމަށް އޭނާ ވިދާޅުވި އެވެ.

"މެމްބަރުންނާ ހިޔާލު ތަފާތުވުންތައް އުޅުނަސް ރައީސް ޔާމީނާއި ސަރުކާރަކާ އަޅުގަނޑާ ދެމެދު އެއްވެސް މައްސަލައެއް ނެތް،" ސައުދު ވިދާޅުވި އެވެ.

ސައުދު އަމިއްލަ އަށް ވައިބަ ގްރޫޕް ދޫކޮށްލެއްވިއިރު، ހިޔާލު ފާޅުކުރުމުގެ މިނިވަންކަން ހުއްޓުވުމުގެ ބިލާ ދެކޮޅަށް ރައްޔިތުންގެ މަޖިލިހުގައި އިއްޔެ ވޯޓު ދެއްވި ތިމަރަފުށީ ދާއިރާގެ ޕީޕީއެމް މެމްބަރު މުހައްމަދު މުސްތަފާގެ އިތުރުން އެ ވޯޓަށް މަޖިލިހަށް ވަޑައިނުގެންނެވި އޭދަފުށީ ދާއިރާގެ މެމްބަރު އަހްމަދު ސަލީމް (ރެޑްވޭވް) ވެސް ވަނީ ޕީޕީއެމް ޕީޖީ ގުރޫޕުން ބޭރުކޮށްފަ އެވެ. މީގެ ތެރެއިން މުސްތަފާ ވައިބަ ގުރޫޕުން ބޭރުކޮށްލީ ބިލް ފާސްކުރުމުގެ ވޯޓުގެ ކުރިންނެވެ. އެއީ ހިޔާލު ފާޅުކުރުމުގެ މިނިވަންކަން ހުއްޓުވާ ބިލާ ދެކޮޅަށް ވައިބަ ގުރޫޕްގައި އޭނާ ވާހަކަ ދައްކަވާތީ އެވެ. މީގެ އިތުރުން ކެބިނެޓުގެ މެމްބަރުން ހިމެނޭ ޕީޕީއެމް/އެމްޑީއޭގެ ޕާލަމެންޓްރީ ގްރޫޕްގެ ވައިބަ ގްރޫޕުން ވެސް ސަލީމް މިއަދު ވަނީ ނުކުމެފަ އެވެ.

ހިޔާލުފާޅުކުރުން ހުއްޓުވުމުގެ ބިލާ ގުޅިގެން ޕީޕީއެމްގެ ޕާލަމެންޓްރީ ގްރޫޕްގެ ތެރޭގައި ވަނީ ވަރަށް ބޮޑަށް ހިޔާލުތަފާތުވުން އުފެދިފަ އެވެ. އެ ބިލް ފާސްކުރަން ނެރުނު ތްރީލައިން ވިޕާ ޕީޕީއެމްގެ ހަތް މެމްބަރަކު ވަނީ ހިލާފުވެފަ އެވެ. އަދި އެ މެމްބަރުންނަށް ފިޔަވަޅު އަޅާނެ ކަމުގެ އިންޒާރު ޑެޕިއުޓީ ޕީޖީ ލީޑަރު ރިޔާޒް ރަޝީދު ވަނީ ދެއްވައިފަ އެވެ.

ރައްޔިތުންގެ މަޖިލިސް ގއ. ވިލިގިލި ޕީޕީއެމް ޕީޕީއެމް ޕާލަމެންޓްރީ ގުރޫޕް

26 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހަނދުވަރީގެ ގއ.ވިލިގިލީ

11 August 2016

ތިޔަ މެންބަރު މައުމޫނާ ދެކޮޅަށް ވޯޓްދެއްވުމަށްފަހު ދެން އަންނަ އިންތިހާބެއްގައި ތިމަންނާއަށް ވޯޓް ދޭނެ ކަމަށް ހިތަށް ނޭރުވުން ރަނގަޅުވާނީ... ތިޔަ މެންބަރު ތިވަނީ މައުމޫނަށް ހަރާންކޯރު ވެފަކަން ހަނދުމަފުޅު ބަހައްޓަވާށެވެ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕައްލަންބެ

11 August 2016

މިމީހުން ވައިބަރ ގުރޫޕަކުން ނިކުތުންވެސް ޚަބަރަކަށްވޭތަ؟ މިއީ އެއްވެސް އިއްޒަތެއް ގަދަރެއް އޮތް ބައެއްނޫން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙާރޫނު

11 August 2016

މިގައުމަށް އެންމެ ބެސްޓީ ރައީސް މައުމޫން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަތިހާ

11 August 2016

ތިޔަމީހުންނަކީ ގައުމުގެ ލާރިގަނޑު ބޭކާރަށް ތަޅާ މީހުން، ، ތިަޔަގޮތައް ލާރި ނުތަޅާ ރާއްޖެތެރޭ މީހުންގެ އަސާސީ ޚިދުމަތް ކަށަވަރުކޮށް ދެއްވާ!@

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަން

11 August 2016

ސައުދު އާއެކު ތެއި މީހެނެ މިހިލާނަން ނުފެނެނު އަދި. 2018 ގައި ސައުދު ނެންފެހޭ އަހަންނަން ރަގަޅެވޫ. ސައުދު މިކޮޑާއި ގުޅީގަނެ، ތަން 2019 ގެ ޓިކެޓާ އެމް.ޑީ.ޕީން ދެންނެޔާ... ތާއެކު ތަގެ މެމްބަރުންނާސް ބޭނުމެ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުއީދު

11 August 2016

ބަސްނުވިކޭ އޮޑިއެއްގައި ހުންނާނެ ކަމެއް ނެތް. 2018 ގަ ވޯޓުން ތިކަން އަޅުގަނޑުމެން ސާބިތުކުރާނަން. ސައުދު ޙުސައިން އާއެކު ވަރުގަދަ ޓީމެއް އޮތް ކަމީ އުފާވާ ކަމެއް..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަލިހުތާ

11 August 2016

ސައުދުގެ ސަޕޯޓަރުން އަދި ވިލިނގިލީގައި ތިބި ޕީ.ޕީ އެމް ސަޕޯޓަރުންނަށް ސަރުކާރުން ދަނީ އެއްވެސް ބައެއް ނޫން ކަމުގައި ދައްކަމުން. ސައުދު އެމް.ޑީ.ޕީ އަށް ގުޅެންވީ. އޭރުން ސައިޒް ފެނިގެންދާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިބޫ

11 August 2016

ސައުދުއަކީ 5000 މީހުންގެ އާބާދީ އެއް ތަމްސީލްކުރައްވާ މެމްބަރެއް. ސައުދާއެކު ޕީ.ޕީ.އެމްގެ ވަރަށް ގިނަ ބަޔަކު ތިބޭނެ ކަމީ ޝައްކެއް ނޫން. ސައުދަށް އަނިޔާކުރުން ހުއްޓާލާ... ސައުދު އެމް.ޑީ.ޕީ އަށް އަވަހަށް ބަދަލުވޭ