ޚަބަރު / ރައީސް މައުމޫން އަބްދުލްގައްޔޫމް

އަދީބަށް ބޭސް ފަރުވާގެ ފުރުސަތު ދިނުމަށް މައުމޫން ގޮވާލައްވައިފި

ކުރީގެ ނައިބު ރައީސް އަހުމަދު އަދީބު: ލޮލުގެ ފެނުމަށް އަސަރު ކުރާ ބައްޔެއް ޖެހުމުގެ އިތުރަށް އަދީބުގެ ހަށިގަނޑުގައި ވަނީ ސިސްޓެއް އުފެދިފައި -- މިހާރު ފައިލް ފޮޓޯ

ހަސަން މުހައްމަދު، މިހާރު

24 އޮކްޓޯބަރ 2018 - 21:43

17 comments

ކޮރަޕްޝަން އަދި ޓެރަރިޒަމްގެ ކުށް ސާބިތުވެ ޖަލަށް ލާފައިވާ ކުރީގެ ނައިބު ރައީސް އަހުމަދު އަދީބަށް ބޭސްފަރުވާ ކުރުމުގެ ފުރުސަތު ދިނުމަށް ކުރީގެ ރައީސް މައުމޫން އަބްދުލްގައްޔޫމް މިއަދު ގޮވާލައްވައިފި އެވެ.

އަދީބު، ޖަލަށް ލާފައިވާތާ ތިން އަހަރު ވެފައިވާކަން ފާހަގަ ކުރައްވަމުން މައުމޫން ކުރެއްވި ޓުވީޓެއްގައި ވިދާޅުވީ، ހުރިހާ ގައިދީންނާ މެދު ވެސް އަމަލު ކުރަން ޖެހޭނީ އިންސާނިއްޔަތުކަމާ އެކު ކަމަށެވެ.

"ޑޮކްޓަރުން ލަފާދީފައިވާ ނަމަ ރާއްޖެއިން ބޭސް ފަރުވާ ކުރުމަށް ރާއްޖެއިން [އަދީބަށް] ބޭރަށް ދިއުމުގެ ފުރުސަތު ލިބެން ޖެހޭނެ،" ޖަލުން މިނިވަންވުމާ އެކު، ބޭސްފަރުވާއަށް މެލޭޝިއާ އަށް ވަޑައިގެން ހުންނެވި މައުމޫން ވިދާޅުވި އެވެ.

It is 3 years since former VP Adeeb was jailed. As all prisoners, he must be treated humanely and must be allowed to go abroad for medical treatment as advised by doctors.
— Maumoon Abdul Gayoom (@maumoonagayoom) October 24, 2018

މައުމޫން ކުރައްވާފައިވާ ޓުވީޓު:

އިމެޖެންސީކޮށް އަދީބަށް ރާއްޖެއިން ބޭރުން ބޭސްފަރުވާ ބޭނުންވާ ކަމަށް އާއިލާއިން އަންނަނީ ބުނަމުންނެވެ.

އެމްއެމްޕީއާރްސީގެ ކޮރަޕްޝަންގެ މައްސަލަ އަދި ރައީސް އަބްދުﷲ ޔާމީންގެ ރަސްމީ ލޯންޗުކޮޅުގައި ބޮމެއް ގޮއްވާލަން އުޅުނު މައްސަލައިގައި 33 އަހަރަށް ޖަލަށް ލާފައިވާ އަދީބުގެ ސިއްހީ މައްސަލަތަކުގެ ތެރޭގައި ގްލުކޯމާ ޖެހުމާއި އެތެރެހަށީގައި ސިސްޓެއް އުފެދިފައިވުން ހިމެނެ އެވެ.

އަދީބަށް ބޭސްފަރުވާ ކުރުމުގެ ފުރުސަތު ދިނުމަށް މައުމޫން ގޮވާލެއްވިއިރު، ގާތްގަނޑަކަށް އަށް މަސް ދުވަސް ޖަލުގައި ހޭދަ ކުރައްވާފައިވާ މައުމޫން ޖަލުގައި ހުންނެވި އިރު ބޭސް ފަރުވާއަށް ރާއްޖެއިން ބޭރަށް ދިއުމުގެ ފުރުސަތު އެމަނިކުފާނަށް ދިނުމަށް ސަރުކާރުން ވަނީ ދެކޮޅު ހަދައިފަ އެވެ.

މި ވަގުތު މައުމޫން ހުންނެވީ މެޑިކަލް ޗެކަޕެއް ހެއްދެވުމަށް މެލޭޝިޔާގެ ކުއާލާލަމްޕޫރުގަ އެވެ. އެމަނިކުފާނު ފުރާވަޑައިގަތީ އިއްޔެ އެވެ.

ބޭސްފަރުވާ ކުރުމުގެ ހިދުމަތް ނުލިބިގެން އެ މައްސަލައިގައި އަދީބު ވަނީ ދައުލަތާ ދެކޮޅަށް ދައުވާ ވެސް ކުރައްވައިފަ އެވެ. ނަމަވެސް ސިވިލް ކޯޓުން އެ މައްސަލަ ބޭރުކޮށްލީ އެވެ.

ރައީސް މައުމޫން އަބްދުލްގައްޔޫމް ކުރީގެ ނައިބު ރައީސް އަދީބު އަހުމަދު އަދީބު ސިއްހަތު

17 ކޮމެންޓް, 37 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ރާޅު

25 October 2018

މައުމޫން ކަލެއާދޭތެރޭ ފަނޑިޔާރުން ކަންތައްކުރަމުންއެގެންދަނީ އެހެންކުއްވެރިންނާ އެއްގޮތަށް ހޭ އެހެންކުއްވެރިން އެތިބީ ޖަލުގަ ކަލޭތިއިނީގޭގަ ގޭގަ އިނދެގެން އަދިވެސް ތިގޮވަނީ ބޮޑެތި މުޖްރިމުން ދޫކޮށްލާށޭ މިއީ ތިރީސްއަހަރުދުވަހުގެ ތަޖްރިބާކާރެކޯ މިކުރަނީ ކޮންކަމެއްކަން އެގިހުރެ ޝަރުޢީނިޒާމް ތިޔަ ފުނޑާލަނީ ރައްޔިތުން ތެރެއިން ހެޔޮ ވިސްނޭމީހުންމަޢާފެއްނުކުރާނެ ހަދާން ކުރާތި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަތުބަތާނަ

25 October 2018

ރަނގަޅުވާހަކައެއް މީ ވެރިންގެ ގައުމުވިއްޔާ! ތަމެން ކައިކައިފާ ހުސް އުނބަކަށް ހަދާލާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނުބުނޭ

25 October 2018

" ކޮރަޕްޝަން އާއި ޓެރަރިޒަމް ގެ ކުށް ވަކިމީހަކު ބޭނުން ގޮތަށް ސާބިތު ކޮށް " މިހެން ކިޔަމާ.....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދީދީ

25 October 2018

ޙާދަ ހީވެޔޭ އަދީބު ވަރައް އަވަހައް ފިލާނޭހެން. ޢަދީބު ފިލައޮފިއްޔާ ރައްޔިތުން އުތުރިއަރާނެ، ސިޔާސީ މިހުން އަދި ރައީސް އިބޫ ސޯލިހު އަދީބު ފިލިޔަ ނުދެއްޗޭ ސަޕޯޓު ގެއްލޭނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަޙީދު

25 October 2018

30 އަހަރު މަނިކުފާނު ވެރިކަން ކުރެއްވި އިރު ޖަލަށް ލާފައި ތިބި ގައިދީންނަށް ތި ފުރުޞަތު ދޭން ދެކޮޅު ހެއްދެވީ ހަމަވިސްނުން ނެތީމަތޯ؟ މާލގެ ގެނެސް ހޮސްޕިޓަލަށް ވެސް ނުދެއްކި ގިނަ ބަޔަކު ފުރާނަ ދޫކޮށްފައިވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަފުން

25 October 2018

ބަލަ މައުމޫނު އަޑީގަ ހުރެގެން ނުން ސިފައިންވެސް ބޭނުންކޮށްގެން ޑުރާމާކުޅެފަ އަދީބު ޖަލައް ފޮނުވާލީ، ނައިބަކަށް ޔާމީނު އަދީބު ގެނައީމަ ހިތްޕުޅާނުވެގެން. އެކަމުގެ ސަބަބުން ކުށެއްނެއް ކިތައްމީހުންތޯ ވަޒީފަތުން ވަކިކޮށް އަނެއްބަޔަކު ޖަލައްލާފަ އެތިބީ. މައޫނު ނިކަން ހުވާކޮށްފަ ބުނެބަލަ އަތެއް ނޯންނާނެއޭ؟ ވެރިކަމާ ބޮޑުވަރު 30 އަހަރުވެސް މަދުވީދޯ؟ ދަރިންގެ ދަރިންނަށް ދަންމަށް މީ ކަލޯގެ މުދާގަޑެއްތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިބްރާ

25 October 2018

ވަގުން އިނގޭނީވެސް ވަގުންނަށެވެ. އެހެންކަމުން ޔާމީނު ސަރުކާރުގައި ފައިސާއަށް ޚިޔާނާތްވީ މީހުންނަށް އަދަބުދިނުމަށްޓަކައި މިހާރު ޖަލުތަކުގައިތިބި ބޮޑެތި ވަގުން ދޫކޮށްލަނީއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިބްރާ

25 October 2018

އަދީބުއަށްވެސްވަނީ ރައީސް ނަޝީދެކޭ ހަމަ އެއްވެސް ތަފާތެއްވެސް ނުވާގޮތަށް މައިބަދައަށް ގެއްލުންވެ ދިރި ނޫޅެވޭވަރު ވެފައެވެ. އަދި ފަރުވާ ރާއްޖޭގެ ސަރަޙަށްދުން ނުލިބޭނެކަން ޑަކްޓަރުންވަނީ ކަށަވަރުކޮށްދީފައެވެ.