އިންތިޚާބީ ރައީސް އިބޫ (މ) އާއި އިންތިޚާބީ ނައިބު ރައީސް ފައިސަލް (ކ).---ފޮޓޯ: ހުސައިން ވަހީދު/މިހާރު
17 ނޮވެމްބަރ 2018 - 11:33
އިންތިޚާބީ ރައީސް އިބްރާހިމް މުހައްމަދު ސޯލިހް (އިބޫ) އާއި އިންތިޚާބީ ނައިބު ރައީސް ފައިސަލް ނަސީމް ހުވާ ކުރެއްވުމަށް މިއަދު ހަވީރު ބާއްވާ ރަސްމިއްޔާތުގައި 46 ގައުމެއްގެ، މަތީ ފެންވަރުގެ އިއްޒަތްތެރިން ބައިވެރިވެވަޑައިގަންނަވާނެ ކަމަށް ފޮރިން މިނިސްޓްރީން ބުނެފި އެވެ.
އިބޫ އާއި ފައިސަލް މަގާމުގެ ހުވާކުރެއްވުމުގެ ރަސްމިއްޔާތު އޮންނާނީ މިއަދު ހަވީރު 5:00 ގައި ގަލޮޅު ދަނޑުގަ އެވެ. އެ ރަސްމިއްޔާތުގައި ބައިވެރިވެވިވަޑައިގަތުމަށް ސްރީ ލަންކާގެ ކުރީގެ ރައީސް ޗަންދުރިކާ ބަންޑާރަނަޔަކަ އިއްޔެ ވަނީ ރާއްޖެ ވަޑައިގެންފަ އެވެ.
ގައުމެއްގެ އިސްވެރިއެއްގެ ގޮތުން މި ރަސްމިއްޔާތުގައި ބައިވެރިވެވަޑައިގަންނަވާނެ ހަމައެކަނި ބޭފުޅަކީ އިންޑިއާގެ ބޮޑުވަޒީރު ނަރެންދުރަ މޮދީ އެވެ. މިއީ މޮދީ ރާއްޖެ އަށް ކުރައްވާ ފުރަތަމަ ދަތުރުފުޅު ވެސް މެ އެވެ.
މޮދީގެ އިތުރުން ދުބާއީ އާއި ޕާކިސްތާނާއި ޗައިނާ އާއި ޖަޕާނާއި ތުރުކީ އާއި މޮރޮކޯ ފަދަ ގައުމުތަކުގެ އިސް އޮފިޝަލުން ބައިވެރިވެވަޑައިގަންނަވާނެ އެވެ.
ފޮރިން މިނިސްޓްރީން ބުނިގޮތުގައި ކުރުނބާ ރިސޯޓުގައި މިރޭ ބާއްވާ ރަސްމީ ފަރިއްކޮޅުގައި ވެސް އޭގެ ތެރެއިން ބައެއް ބޭފުޅުން ބައިވެރިވެވަޑައިގަންނަވާނެ އެވެ.
ހުވާ ކުރައްވާ ރަސްމިއްޔާތަށް ވަޑައިގަންނަވާ ބޭފުޅުންގެ ތެރޭގައި ދުބާއީގެ ކްރައުން ޕްރިންސްގެ ދަރިކަލުން ހައްމާދު ބިން މުހައްމަދު ބިން ޒައިދު އަލް ނަހްޔާން އާއި ޕާކިސްތާނުގެ ގާނޫނު ހަދާ މަޖިލީހުގެ ރައީސް މުހައްމަދު ސޯދިގު ސަންޖްރަނި އާއި ސާކްގެ ސެކްރެޓަރީ ޖެނެރަލް އަމްޖަދު ހުސެއިން ބީ ސިއާލް ހިމެނިވަޑައިގަންނަވަ އެވެ.
ރާއްޖޭގެ ހަތްވަނަ ރައީސްގެ ގޮތުގައި އިބޫ ހުވާ ކުރައްވާ ރަސްމިއްޔާތަށް ގަލޮޅު ދަނޑަށް މީހުން ވައްދަން ފަށާނީ މެންދުރު ފަހު 3:00 ގަ އެވެ.
Copyright © 2025 Mihaaru · Terms and Conditions · Privacy Policy
ކޮމެންޓްތައް
ޖަޒީރާ ސޭކުން
18 November 2018
ތިއުޅެނީ މިދައުރުގެ ކުޅިވަރު މުބާރާތް ހުޅުވަންތޯ!
ޒިމްޒިމް
17 November 2018
ރައީސް ޔާމީންގެ ދައުރު 17 ނޮވެމްބަރ ހެނދުނު 10 ޖަހާއިރު ހަމަވާނެ... އެހެންވީމާ މިއަދުގެ 17:00 ޖަހަންދެން ވެރިކަންވަނީ ހުސްކަމެއްގެ ތެރޭގައި..
ވާފިރު
17 November 2018
އެމީހުންނަކީ ދެއްކުން ތެރީން. ނަޝީދު މާލެ އައިދުވަހު ވެސް ރަށްރަށުން މީހުން ގެނެސް މަގުތައް ފުރާލި. ހަމަ އެކަނި ނަޝީދު އައިކަން ދައްކަން.
ކާސިމުގެބައްޕަ
17 November 2018
ދިވހިންނަށް ފައިދާކުރަނިވި އިންވެސްމަންޓްތައް އަންނާނެކަމަށް އުންމީދުކުރަނީ
ވަހަކު
17 November 2018
ބަލަން ތިބެމާ.
މަރޭމިތުރާ
17 November 2018
ދެކުނިންތަ އިންޑިއާނޫނީ ދިވެހިންނާ އެހާ ވައްތަރު ބަޔަކު.!... ދެކުނިންތަ އެއްބައިވުމަށް ދެގައުމު ދިވެހިންންއެދޭ އެއްބަޔަކު!
ގަޒީރާ ރެޕެބެލިކު
17 November 2018
ދަނޑުގައި ހުވާކޮށްފައި ، ސިޔާސީ މީހުންގެ ފުޓުބޯލު މެޗު ދަރުބާރުގޭ ކުޅެލީމައި ހުންނާނީ ޖަޒީރާވެފައި
ވަހީދު
17 November 2018
މީނަގެ ވެރިކަން ޔާންބެގެ ވެރިކަމަށްވުރެ ނުބައިވާނެ ކަމަށް ބެލެވޭ. 15 މިލިޔަން ހުވާ ކުރަން ވެސް. ބޮޑުވަރު. މަހު މުސާރަޔަށް ގިނަ މީހުންނަށް 15 ހާސް ނުލިބޭއިރު އެންމެ 5 މިނިޓުގެ ކަމަކަށް އެވަރު ބޮޑުދޯ
ނަޑަރުބޭ
17 November 2018
ާމަ ދެރަވަނީ އެއްކަލަ މަސްކަނޑާ އަލީގެ ހަބަރެއް އެއްގޮތަކައް ވެސް ނުވާތި
ކުޑަކެކުރި ބޮޑު ކެކުރި
17 November 2018
ނަން ކިޔާފަ ބޯބާލައި ބޭރައްލި ކާއެއްޗިހި ކާން ކިތައްމެ ބަޔަކައް ދައުވަތު ދީގެން ގެނަޔަސް އެދަރިންނައް އަޅާލައި އޯގާތެރިކަމާ ލޯތްބާއި އެކު އަޅާ ނުލެ ވިއްޖެނަމަ ދަރީން ވާނީ ވަކަރުގޭ ކުދިންނައް ކަން ހަދާންކޮއްލަން ޖިހޭ
ފޫހި
17 November 2018
ތިޔަރަސްމިއްޔާތަށް ދައުވަތު ދަެުލަތަށް ގިނަދުވަހު ޚިދުމަތްކުރެއްވި ސިވިލްސާރވަންޓުންނަށް ނުދޭ. ތިޔައީ ޕާޓީގެ ރައީސްތަ?
ވަހީދު
17 November 2018
ބޭރުމީހުންނަށް ދައުވަތުދިނީ. 46 ގައުމެއްގެ ވެރިން އައިކަމަށްވޭ. އަދި ތިބޭނެތާ އެމީހުންގެ އައުވާނުން ވެސް.
ބޯހަލާކު
17 November 2018
15 އެއްނޫން ދޮންކަލޯ.. ދަނޑު އެއަރ ކޯން ކުރަން އެކަނިވެސް 2 މިލިއަން!
ވާފިރު
17 November 2018
ފޮރިން މިނިސްޓްރީގެ ބަޖެޓު މިކަމަށް ހަފުސް ކޮށްފި