އަމީރު އަހުމަދު މަގ. .--މިހާރު ފޮޓޯ
13 ޑިސެމްބަރ 2018 - 13:54
ޗާންދަނީ މަގުގައި ދެކޮޅަށް ދުއްވާ ބައި ބަންދުކޮށް ލިލީ މަގު އެއްކޮޅަށް ދުއްވާ ގޮތަށް ހަމަޖައްސައި އެ ދެ މަގުގެ ޓްރެފިކް ފްލޯ އަށް ބަދަލު ގެންނަން ޓްރާންސްޕޯޓު މިނިސްޓްރީން ނިންމައިފި އެވެ.
އެ މިނިސްޓްރީން އިއްޔެ ބޭއްވި ނޫސްވެރިންގެ ބައްދަލުވުމުގައި، ޓްރާންސްޕޯޓް އޮތޯރިޓީގެ ޑެޕިއުޓީ ޑިރެކްޓާ ޖެނެރަލް މުހައްމަދު ރަފީއު ވިދާޅުވީ އަމީރު އަހުމަދު މަގު ހުޅުވައި ޓްރެފިކަށް ބޮޑެތި ބަދަލުތަކެއް ގެންނަން ތައްޔާރުވަމުން އަންނަ ކަމަށެވެ. އެގޮތުން އަމީރު އަހުމަދު މަގު ހުޅުވުމާ އެކު ކުރިން ވެސް އޮތް ގޮތަށް، ހުޅަނގުން އިރަށް އެ މަގުން ދުއްވޭނެ ކަމަށް ވިދާޅުވި އެވެ.
ސީއެޗްއެސްއީ ހުންނަ ލިލީ މަގަކީ މިހާރު ދެކޮޅަށް ދުއްވޭ މަގެކެވެ. އެ މަގަށް ބަދަލު ގެނައުމާ އެކު ދެން ދަތުރުކުރެވޭނީ ޗާންދަނީ މަގުން ވަދެގެން އިރަށެވެ.
ލިލީ މަގުން އިރުމައްޗަށް ދުއްވޭ ގޮތަށް ބަދަލުކޮށް، ސިފައިންގެ އާ ދިމާލަށް ދެވެން އޮންނަ ޝަހީދު ކުޑަ އާދަމް ކުޑަ ތުއްތު މަގުން ގޮސް މެދުޒިޔާރަތް މަގަށް ނުކުމެވޭނެ އެވެ. ޝަހީދު ކުޑަ އާދަމް ކުޑަ ތުއްތު މަގުން މިހާރު ދަތުރު ކުރެވެނީ ލިލީ މަގަށެވެ.
މީގެ އިތުރުން އެހެން މަގުތަކުގެ ޓްރެފިކް ފްލޯ އަށް ވެސް ބަދަލުތަކެއް ގެންނަން ޓްރާންސްޕޯޓް މިނިސްޓްރީން ވަނީ ނިންމައިފަ އެވެ.
ރަފީއު ވިދާޅުވީ އެއީ ގިނަ އަދަދެއްގެ ސްކޫލްތައް ހިމެނޭ ސަރަހައްދަކަށް ވުމުން އެތަނުގެ ސަލާމަތާއި ރައްކާތެރިކަން ކަށަވަރުކުރަންޖެހޭ ކަމަށެވެ. އަދި މަގުތަކުގެ ޓްރެފިކް ފްލޯ އަށް ބަދަލު ގެނައި ނަމަވެސް އާއްމުންނަށް އުނދަގުލެއް ނުވާނެ ކަމަށް ވިދާޅުވި އެވެ.
Copyright © 2025 Mihaaru · Terms and Conditions · Privacy Policy
ކޮމެންޓްތައް
ކްރިޓިކަލް
20 December 2018
ޗާޓުން އެބަ ފެނޭ މެދު ޒިޔާރަތް މަގުން ދަތުރު ކުރެވޭ ގޮތައް އޮތްތަން... އެކަމަކު އާޓިކަލްގަ ލިޔެފައެތް ނެތް.... ހުޅުވަންޖެހޭ އެންމެ މުހިންމު މަގަކީ މެދު ޒިޔާތަަރަތް މަގު...
ނަސީދު
14 December 2018
ވަންވޭތައްވީ މުރާަޖާކުރަން އެއައްފަހު ގޮތެނިންމަންފެނޭ
ހަލަބޮލި
14 December 2018
ކުރިން މަގުތައް ހުރިގޮތައް ބަދަލުކުރަން މާލަސް ވެއްޖެ...އެއްމެ ބާރުބޮޑުވާ ގަޑީގަ އޮނަނީ ޗަންދަނީ މަގު ބަންދު ކޮއްފަ....ހުރި ހާ ވެހިކަލް ތައް ކުދި މަގު ތަކަށް ބަލާބޮޑު ކުރަނީ...ރަގަޅު ބަދަލު ކުރޭ....ސަލްޓން ޕާކު މަގުވެސް ހުޅުވަންވީ
އާސި
14 December 2018
އަބަދު ވެސް ވަރަށް ބޮޑަށް އުންމީދު ކުރެވޭ އަލިކިލެގެފާނުމަގު ކުރިން އޮތްގޮތަށް ބަދަލުކޮށްދެއްވާނެ ކަމަށް ، ހާއްސަކޮށް ކުރިން ދޫވެހި ހުރި ހިސާބު
ހަރީރާ
14 December 2018
ބަނަފްސާމަގުގައި ހުރެފައި މަޖީދީ މަގަށް ނުކުންނަށްޏާ ވަރަށް ދުުރުން ދަތުރުކުރަން ޖެހެނީ އެހެންވެ ކުރިން އަލިކިލެގެފާނުމަގު އޮތްގޮތަށް ބަދަލުކޮށްދެއްވުން އެދެމެވެ
ހާސިމް
14 December 2018
ހެޔޮ ނުވާނެ އަލިކިލެގެ ފާނު މަގު ބަދަލުކޮށްދެއްވާ
Fisaarikanbaleh
13 December 2018
މިހާރު ބަހަށް ބަންގާޅީންގެ ބޮޑެތި ގްރޫޕް އަރާވަރުން ދިވެހީންނަކަށް ޖާގައެއް ނޯވޭ! އެމީހުން ކުޑަކުދިންނަށްވެސް ނުބަލާ ގޮނޑިތައް ފުރާލާފަ، އައިޑީ ކާޑް ދައްކައިގެން ނަމަވެސް ދިވެހީންނަށް ފުރުސަތު އޮންނަންޖެހޭ!
ސަވާ
14 December 2018
އަމިއްލައަށް މަސައްކަތް ކޮށްފަ އަޅެ އެމީހުން ނުގެނެބަލަ. އޭރުން އެމީހުން ގިނަވާތީ އުޅޭކަށް ނުޖެހޭނެ.
އަކމެޑް
14 December 2018
އެމީހުން މިގައުމުގަ އުޅެންޏާ އެރޭނެ. އަރާނެ. އަހަރެމެންވެސް ބޭރުގައުމުތަކުގެ ބަސްތަކަށާއި، ޓެކްސީ އަދި މެޓްރޯއާއި ރޭލުތަކަށްވެސް އަރަން. ހަމަ އެގޮތަށް މިގައުމުގަ އުޅޭ ބޭރުމީހުންވެސް އަރާނެ. ދިވެހިން ތަންކޮޅެއް ތަހުޒީބުވާން ވެއްޖެ. ހިލެއެއްނޫން އެމީހުން ދަތުރު ކުރަނީ. ދަތުރު ގިނަކުރަން ގޮވާލާ. ނޫނީ ބޭރުމީހުން މިގައުމަށް ނުގެނޭ.
ފާތުން 5
14 December 2018
ބަންގްލަދޭޝް ކުދިން ގެންގުޅޭ މީހުން އެމީހުން ގެންދަން ވަކި އުޅަނދެއް ހަމަޖައްސަދޭނަމަ
އަހޫ
14 December 2018
އެއްގޮތަކަށްވެސް އެއްބަސްނުވެވޭނެ. ބޭރުމީހަކަށްވިޔަސް ޤާނޫނުގެ ތެރެއިން އުޅޭމީހަކަށް ވެއްޖެނަމަ ހަމަހަމަ ފުރުސަތު އޮންނަންވާނެ. ޚިދުމަތްދޭފަރާތުން ކިޔޫތަރުތީބުކުރުން ކުރަންޖެހޭ ކަމަކީ. ކުރިންއަންނަ މީހުންނަށް ކުރިންއެރޭނެގޮތެއްގެ އިންތިޒާމް ހަމަޖެއްސުމަކީ ޚިދުމަތްދޭ ފަރާތުން ކުރަންޖެހޭނެކަމެއް.
ޢަލި
13 December 2018
އަމީރު އަހުމަދު މަގާއި މެދު ޒިޔާރަތް މަގާއި ދެ މަގުވެ ސް ހުޅުވައިގެން ސްކޫލްތައް ކާރީގެ ޓްރެފިކަށް ރަނގަޅު ބަދަލެއް އަންނާނީ. އަޅުގަނޑަކީ ޓެކްސީ ޑްރައިވަރެއް ނޫން.
މިރޫ
13 December 2018
އަސްލު ހުޅުވަންވީ އަމީރުއަހުމަދު މަގެެއްނޫން، މެދު ޒިޔާރަތް މަގު، މަރުކަޒު ކައިރީ ބިއްދޮތްފަރާތް ހުޅުވީމަ ދޯ އެމަގުން ސީދަލަށް ސީގަލް ކުރިމަތިން ދެވޭނީ، މިހާރު ތިހަދާއެއްޗަކުން ތީގެ އަސްލު ލިބެންވީ ފައިދާނުވާނެ،
ހަބޭސްބޭބެ
13 December 2018
ސަރުކާރުން ކަންކަން ކުރަނީ އަބަދުވެސް ވިސްނާފަ ހިޔާލާއި ދިރާސާތައް ކޮށްފަ. ކޮށްފަ ހުންނަ ޚަރަދު ތަކަކީ ހަމަ ރައްޔިތުންގެ ޓެކްސް ފައިސާ އަބަދުވެސް. އެފަދަ މަސައްކަތްތައް ބަދަލު ކޮށް އަލުން ހަމަ އެކަމަށް ޙަރަދު ކުރަންޏާ ރައްޔިތުންގެ ފައިސާ އަށް ވިސްނާލަންވާނެ