ފްލެޓް ދިނީ އިންސާފުންތޯ ބަލަން ކޮމެޓީއެއް އެކުލަވާލައިފި

ހިޔާ ޕްރޮޖެކްޓަށް ފޯމުލާން ބަޔަކު ކިޔޫ ހަދާފައި:

ހަސަން މުހައްމަދު، މިހާރު

31 ޑިސެމްބަރ 2018 - 18:47

ކުރީގެ ސަރުކާރުން ހިންގި ހިޔާ މަޝްރޫއާއި ގެދޮރުވެރިކުރުމުގެ މަޝްރޫއު އަދި ގުޅިފަޅު ޕްރޮޖެކްޓުގެ ދަށުން ފްލެޓް ދޫކޮށްފައި ވަނީ އިންސާފުވެރިކޮށްތޯ ބަލަން ރައީސް އިބްރާހިމް މުހައްމަދު ސޯލިހު މިއަދު ކޮމެޓީއެއް އެކުލަވާލައްވައިފި އެވެ.

ފަސް މެންބަރުންގެ އެ ކޮމެޓީގައި ހިމެނެނީ ކުރީގެ ޑިފެންސް މިނިސްޓަރު މުހައްމަދު މުއިއްޒު އަދުނާނާއި ސ. މީދޫ، ގްރީންވިލާ، ފާތިމަތު ސާއިރާ އާއި ގ. ދާސްތާން، ނުޒުހާ އަލީމާ އާއި މއ. އަންޑާޕޫލްއާގެ، އަހުމަދު ތަލާލާއި ބަންޑާރަ ނައިބުގެ އޮފީހުގެ ވަކީލެއްގެ ހައިސިއްޔަތުން އަލީ ޝުހައިލެވެ.

ޑިސެމްބަރު، 19 ގައި، ރައީސް އެކުލަވާލެއްވި ކޮމެޓީގެ މަސައްކަތަކަށް ވާނީ ފްލެޓް ދޫކޮށްފައިވާ ގޮތް ރިވިއުކުރުން ކަމަށް ރައީސް އޮފީހުން ބުންޏެވެ.

އެ ކޮމެޓީން ބެލުމަށް ނިންމާފައިވާ ކަންކަމުގެ ތެރޭގައި ފްލެޓަށް ހުށަހަޅާފައިވާ މީހުންގެ ޝަރުތު ހަމަވޭތޯ ބެލުމާއި ހުށަހަޅާފައިވާ މައުލޫމާތުގެ ސައްހަކަމާއި ޕޮއިންޓު ދީފައި ވަނީ އުސޫލާ އެއްގޮތަށްތޯ ބެލުން ހިމެނެ އެވެ.

ނުހައްގުން ފްލެޓް ދީފައިވޭތޯ ވެސް އެ ކޮމެޓީން ބަލައި އެފަދަ މައްސަލަތަކާމެދު ގޮތެއް ނިންމާނެ ކަމަށް ވެސް ރައީސް އޮފީހުން ބުންޏެވެ. އަދި ކޮރަޕްޝަނަށްވާ ގޮތަށް ފްލެޓް ދޫކުރުމުގެ މަސައްކަތުގައި އުޅުނު މީހުންގެ މައްސަލަތައް ބަލައި އެމީހުންނާމެދު ވެސް ކޮމެޓީން ގޮތެއް ނިންމާނެ ކަމަށް ރައީސް އޮފީހުން ބުންޏެވެ.

ގުޅިފަޅު ޕްރޮޖެކްޓަށް ފައިސާ ދައްކައި، މިހާތަނަށް ވެސް ފްލެޓް ލިބިފައިނުވާ މީހުންނަށް ހައްގު ބަދަލު ދެވޭނެ ގޮތެއް ވެސް ކޮމެޓީން ހޯދުމަށް ނިންމާފައިވެ އެވެ.

ގެދޮރު ބަހާފައިވާ ގޮތް ރިވިއު ކުރުމުގެ އިތުރުން އަލުން ފްލެޓަށް އެދި ހުޅުވާލުމަކީ މި ސަރުކާރުން ވެފައިވާ ވައުދެކެވެ.

ކުރީގެ ރައީސް އަބްދުﷲ ޔާމީންގެ ސަރުކާރުން ފްލެޓް ދޫކުރި ގޮތާ މެދު އާންމުންގެ ޝަކުވާ ވަރަށް ބޮޑުވި އެވެ. ނަމަވެސް އޭރުގެ ސަރުކާރުން ބުނެފައިވަނީ ފްލެޓް ދީފައި ވާނީ ހައްގުވާ މީހުންނަށް ކަމަށެވެ.

ރައީސް އޮފީސް ބޯހިޔާވަހިކަން ގުޅިފަޅު ހިޔާ ފްލެޓްތައް

34 ކޮމެންޓް, 73 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަންވަރު

02 January 2019

މާލެއިން ގޯއެއްޗެއް ބޭނުމެއްނޫން. ބޭނުމީ ރަށުއޮތް ގޯތި ހަދަންފައިސާ. އަދި ގޯތިހަދަންގެންނަ މުދަލުން ޑިއުޓީ މާފުކުރުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލިތަކުރު

02 January 2019

ފްލެޓް ދިނުމުގަ އެންމެ ބޮޑު އިސްކަމެއް ދޭންވީ އެއް ކެޓަގަރީ އަކީ މާލޭގަ ގިނަދުވަހު ކުލި ދައްކައިގެން އުޅުނު ފަރާތްތައް. ބައެއްމީހުން އެބަހުރި އެމީހުންގެ ފަނަރަ ނޫނީ ވިހި އަހަރު ދުވަހުގެ މުސާރައިގެ ދެބައިކޮށްފަ އެއްބައި މާލޭގެ ގެތަކުގެ ވެރިންނަށް ކުލީގެ ގޮތުގަ ދައްކާފަ.. ހެޔޮނުވާނެ އެމީހުންނަށް ފްލެޓް މަހްރޫމް ކުރާކަށް. މިކަން ބެލޭނެ ކައުންސިލްތަކުން މަޢުލޫމާތު ހޯދައިގެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދިލް

02 January 2019

ތިކަންވާނީ ފޯމް ލީ އެންމެންގެ ލިސްޓެއް ހަދާ ކައުންސިލްތަކަށް ފޮނުވައިގެން އެމީހުންގެ ގެދޮރުވެރިކަމުގެ ހާލަތު ބެލިގެން. ޢެއީ ބައެއްމީހުން ރަށްވެހިރަށްނޫން ރަށުންވެސް ގޯއްޗާ ފްލެޓް ހޯދާ ލިބޭތާ ލިބިގަނެފަ އެބަތިބި. ޢަނެއްބަޔަކު ރަށުން ލިބުނު ގޯތި ދަރިންނަމަށް ޖައްސާ ދޮގުން ދަފްތަރުގަ ޖެހި ފްލެޓް ހޯދާފަ، އަނެއް ބަޔަކު އަނބި/ފިރިމީހާގޯތި ރަށުގަ،މާލޭގަ އޮއްވާ ގޯތި ނެތްމީހާއަށް ފްލެޓް. ޙައްޤުފްލެޓް ހޯދަން ތެދުވެރ ގޮތުގަހުރިމީހާ އަދި ވެސް ހަމަ ހާލުގަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނާއިލާ

02 January 2019

މުނިސްޕަލްޓީގެ ދަފްތަރުން ގަ ނުޖެހިތިބި މީހުނައްވެސް އަންނި ސަރުކާރުގަ ފުލެޓް ދީފަ އެބަހުރި.ޕާޓީގަ އެންމެ ގަދަ އަށް ފައިސާ ގެން ގެން ގުޅޭމީހުނައް ވެސް ހުޅުމާލެއިން އަމިއްލަ ރަށުގަ ބޮޑެތި ގޯތި އޮންނަ މީހުނައްވެސް ބިންދީފަ އެބަހުރި .އިތުރައް އެވާހަކަ އެއް ދެއްކިއަސް ވާނެ ފައިދާ އެއް ނެތް .މައްސަލަ އަކީ ވަކި ސަރުކާރެއްގެ ވާހަކަ ދައްކާތީ .

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑިމޮކްރަސީ

02 January 2019

އެހެންވިއްޔާ މިވީހަތަނަށް ދީފަ ހުރި ހުރިހާ ފްލެޓެއް ދީފަ ހުރީ އިންސާފުންތޯ ބަލަންޖެހޭނެ އެއީ އެންމެ ފަހުން ދޫކުރި 600 ފްލެޓް ވެސް ދީފަ ހުރީ މުޅިންވެސް ކައިރީގަ އަތްގާތްކޮށް ދޭން އުޅުނު ކުދިންނަށާއި އެކުވެރިންނަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަމާ

02 January 2019

ޔާމީނު އެކަންޏެއްނޫން ފުލެޓާ ގޯތި ދޫކުރީކީ. ކުރިންވެސް ދޫކުރި ފުލެޓުތަކާ ގޯތިތައް ދޫކުރިގޮތް ބަލަންވެސް ޖެހޭނެ. ގޯތިތައްވެސް އޭރު ބެހީ. މާލޭން ދޫކޮށްލާނެ ތަނެއްނެތް މީހުންނަށާ، ރަށްރަށުގަ ދިރިއުޅޭ އެކްޓިވިސްޓުންނަށް. ފުލެޓުވެސް މާލޭގަ އަމިއްލަ ގެދޮރުހުރި މީހުންނަށް ދީފަހުރީ. ކާކު އެކަންކަން ބަލާނީ. ތިކޮމިޝަނަކު ނެތް އެވަރުގެ ހިތްވަރުހުރި މީހަކު. ހުސް ފޭލިއަރުން ތިބީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮން ބަބުރު ސޮރު

02 January 2019

އަމާއަށް ވެސް މިފަހަރު ނުހައްގުން ފުލެޓް ލިބުނުދޯ؟؟އެހެން ނޫނީ ކީއްވެގެން ތިހާވަރަށް ކަން ބޮޑުވާންވީދ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަހުސަން

02 January 2019

މައުމޫންގެ ސަރުކާރުން ފެށިގެން ފްލެޓް ދިނުމުގައި ކޮރަޕްޝަން ހުރުމުގެ ސަބަބުން ފްލެޓް ނުލިބި އެންމެން ކޮއްފައިވާ ޚަރަދާއި، ދަރިން ބޮޑުވުމުގެ ސަބަބުން ޝަރުޠު ހަމަނުވާ މީހުންގެ ޙައްޤުތަކާއި ނުލައި ފްލެޓްގެ ވާހަކަ ދެއްކުމަކީ ސިޔާސީ ސްޓަންޓެއް. ޢެއްވެސް ރައްޔިތަކަށް ނިކަމެތިކަން ދޭތަން ބަލާކަށް ނުތިބެވޭނެ.މިއީ ވަރަށް ވާހަކަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސުޓޯ

02 January 2019

އިބުރޭ ކޮމިޓީ ހަދަހަދަ ހުއްޓާ 5 އަހަރު ނިމޭނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަލި

01 January 2019

ހުޅުމާލޭ 2 ވަނަ ފިޔަވަހީގައި މިހާރު ހަދަމުންދާ 7000 ފްލެޓް ރިޔާސީއިންތިހާބުގެ ކުރިން ވޯޓް ހޯދަންވެގެން ބެހީ އެއްވެސްކަހަލަ ހަމައެއް އުސޫލެއްނެތި އަދި އިންތިހާބު ނާކާމިޔާބުވުމުން ބާކީހުރި ފްލެޓްތައް ޕާޓީކުދިންނަށް ބަހާލީ. އެތަނުން މަދު ފްލެޓްތަކެއް ޕާޓީ ނޫން ބަޔަކަށްދިނީ ވެރިކަން ބަދަލުވުމުން އާ ސަރުކާރުން ގަވާއިދާ ޚިލާފަށް ދީފަހުރި ފްލެޓްތައް އަތުވިޔަ ނުދިނުމަށް ބާރުއެޅުމަށް.