06 ޖެނުއަރީ 2019 - 19:59
14 comments
ޕަބްލިކް ސާވިސް މީޑިއާ (ޕީއެސްއެމް) ގައި މަސައްކަތް ކުރާތާ 13 އަހަރަށް ވުރެ ގިނަ ދުވަސްވެފައިވާ ނޫސްވެރިޔާ ހަސަން ޒިޔާއު، ރައްޔިތުން މަޖިލީހުގެ މީޑިއާ އެންޑް ކޮމިއުނިކޭޝަން ޑިރެކްޓަރުގެ މަގާމާ މިއަދު ހަވާލުވެއްޖެ އެވެ.
ޓީވީއެމުން އިސްތިއުފާ ދެއްވި އިރު ޒިޔާއު ހުންނެވީ އެ ސްޓޭޝަންގެ މެނޭޖަރެއްގެ މަގާމުގަ އެވެ.
މަޖިލީހުގެ މީޑިއާ އެންޑް ކޮމިއުނިކޭޝަން ޑިރެކްޓަރުގެ މަގާމަށް މީހަކު ހޯދުމަށް ދެ ފަހަރެއްގެ މަތިން އިއުލާން ކޮށްފައިވާއިރު ޝަރުތެއްގެ ގޮތުގައި ހިމަނާފައިވަނީ ނޫސްވެރިކަމުގެ ދާއިރާއިން މަތީ ތައުލީމް ހާސިލް ކޮށްފައިވުމާއެކު ނޫސްވެރިކަމުގެ ތަޖުރިބާ ހުރުމެވެ.
ޒިޔާއު ހިމެނެނީ ޓީވީއެމްގެ އެންމެ ސީނިއާ ނޫސްވެރިންގެ ތެރޭގަ އެވެ.
މަޖިލީހުގައި އޭނާގެ މަސްއޫލިއްޔަތަކީ އެ އިދާރާގެ މީޑިއާ މަސައްކަތްތައް ރާވައި ހިންގާ ބެލެހެއްޓުމާއި މަޖިލީހުގެ އިދާރާއިން ނެރޭ ޚަބަރާއި ނޫސްބަޔާން ތައްޔާރު ކުރުމެވެ. އަދި މަޖިލީހުގެ އިދާރާއިން ޝާއިއުކުރާ ނޫސް މަޖައްލާ ފަދަ ތަކެތި ތައްޔާރުކޮށް ޝާއިއުކުރުމުގެ މަސައްކަތްތައް ރާވައި ހިންގާ ބެލެހެއްޓުން ހިމެނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފެބްރު
07 January 2019
ޒިޔާ އަކީ މީގެ 8 އަހަރު ކުރިން ޓީ.ވީ އެމް ފަތަހަ ކޮއް މިނިވަން ކުރެއްވި އިރުވެސް އެ މުހިއްމު ދުވަހުވެސް އެ ނާޒުކު ވަގުތުގަ ވެސް ޕްރޮގްރާމް ހުށަހަޅުއްވަން ހުންނެވި ހަމައެކަނި ޕްރެޒެންޓަރ. ޙާރޑް ވޯކް . މަރުހަބާ ޒިޔާ
ނިޝް
07 January 2019
ކޮބާ ޖާސޫސް
ސަމޭދާން
07 January 2019
މަރުހަބާ ވަޒީފާގަ ކުރިއެރުން ލިބޭނީ އިދިކޮޅު ކެންޑިޓޭއައް ބަވާފާ ހަބަރުތައް ހަދާ ކީމަ އެމީހަކު ވެރިކަމައް އައުމާއެކު ފުރަތަމަ އެލިހަކައް ޕުރޮމޯޓް ލިބޭނެ
ރަދީފްސް ޑޭޑް
06 January 2019
ޓީވީއަށް ވަންނަންވީ. ހާދަ ދިމާދިމައިން ފުރުސަތު ތަނަވަސްވެޔޭ އޭރުން.
އެމްއެންޔޫ
06 January 2019
ޒިޔާއަކީ ނޫސްވެރިކަން ހިލޭ ސާބަހަށް ކިޔަވިދޭ މީހެއްވެސްމެ. މިރަށަށްވެސް ހަމަ ބުނެލާއިރަށް އައިސް ހިލޭ ޕްރޮގްރާމް ހިންގަދިނީ. އަދި އޭނަ އަކީ އެތާތެރެިން އެހާވަރަށް ޖައްސާލައިގެން އުޅުނުއިރުވެސް ޗުޕްވެސް ނުބުނެ ބުރަ މަސައްކަތުން ކުރި އެރި މީހެއް. ޒިޔާއަށް މަރުޚަބާ. މީހަކު ކިޔާއެއްޗަކަށް ނުބަލާ ކުރިއަށް ވަޑައިގަންނަވާ.
މަޖިލސް މުވައްޒަފެއް
06 January 2019
ޒިޔާއު ޓީވީއެމ ދޫކޮށް މަޖިލިސްއަށް އައުމަކީ އޭނާއަށް ކުރެވުނު އެންމެ ބޮޑު މޮުޔަކަންތައް. އޭނާގެ ކުރިމަގު ހަލާކުވީ. ޥިސްނާ އިރުޝާދާއަށް ވީގޮތް. މަޖިލީހަށް އަންނަންވާނީ ބޮޑު މުސާރަ ހޯދަންށާއި ފަސޭހައިގަ އުޅެން.
މުވައްޒަފު
06 January 2019
މަޖިލިސް އިދާރާގެ މުސާރަ ބޮޑީ ކިހިނެއްބާ؟
މަފާ
07 January 2019
މަޖިލިސްގެ މުސާރަ ބޮޑުވަނީ ކަމެއް ނުކޮށް ފަސޭހައިން މުސާރަ ލިބޭތީ. އެހެން ތަންތަނުގައި ގަނަތެޅިގެން ނޫންތަ މުސާރަ ލިބެނީ.. މަޖިލީހުގެ އިދާރާގައި އެއްވެސް ކަމެއް ނޯވޭ. މޭޒު ކައިރީ އިނދެލާފައި ވަށައިގެން ހުރި ކެފޭތަކުގައި ގަޑި ނިމެންދެން ތިބެގެން ލިބޭ އެތި ބޮޑީ.
މުހައްމަދު ޝިޔާޒު އަޒީ
06 January 2019
ރަގަޅު ނިންމުމެއްކަމުގައި ދެކެން، އިތުރުކުރިއެރުން ދެއްވާށި، އާމީން.
ޖާދުﷲ
06 January 2019
13 އަހަރޭ. އޭނަ 3 އަހަރަށް ވުރެ ގިނަ ދުވަހު އިންޑިއާގައި ވެސް އުޅުނު ޓީވީއެމުން ފުރަތަމަ ފަހަރު ކެނޑިގެން ގޮސް
ޒާތީ
06 January 2019
ޕިސްޕިސް. މީހަކަށް ކުރިއެރުން ލިބުނީމަ ތިޔަ ވަރަށް ޒާތީ ނުވެ ބަލަ. އަހަރު ގުނަނީ ޕެއިޑް ލީވްގަ ހުންނަ މުއްދަތު ގުނައިގެންނޭ. ޕެއިޑް ލީވް ހުރީމަ ދޯ ކޮންމެ މަހަރު މުސާރަ ޖަމާކުރަން ފޮނުވީ.
މޮޑަފްް
06 January 2019
ޒިޔާމެން ނޫސްވެރިކަމުން މާސްޓާރޒް ހަދައިގެން އައިސްތިބެ މިދޭތެރެއިން ގެނެސްދިން ޕްރޮޕެގެންޑާ ޕްރޮގްރާމް ބަލާފަ ބަޔަކު ކޮސްވާނެ. އަދުރޭމެން އަރުވައިގެން ޒިޔާމެން އެހުށައެޅި ޕްރޮގްރާމްތަކުގަ ނޫސްވެރިކަމުގެ އެތިކްސްވެސް ވަރަށް ރަނގަޅަށް ހުރި. ދެން މިހާރު ލަދުންވެސް ނުކެރޭނެތާ އެތާނގަ މަޑުކުރަން.
ޓީވީއެމް
06 January 2019
އަދުރޭ އަރުވައިގެން އެއްވެސް ޕްރޮގްރާމެއް ޒިޔާ އެއް ނުހުށަހަޅާ. އަހަންނަ ފެނުނީ ޒިންމާ ކިޔާ ޕްރޮގްރާމެއް ހުށެހެޅިތަން. އެއީ ހަމަ ނުލާހިކު ފާއްކާ ޕްރޮގްރާމެއް.
ފާތުންން
06 January 2019
ޓީވެމްގައި ހުރި އެންމެ ޕްރޮފެޝަނަލް އެކަކު. ކިޔަވައިގެން ހުރި، އެކަމަކު ސިޔާސީ ނުވޭ. ވަރަށް ބޮޑަށް މަރުޚަބާ، ޔަޤީން ކުރަން މަޖިލީހުގެ މީޑިޔާގެ ކަންކަން ސަޅި ކުރާނެކަން.