ރައީސް އިބްރާހިމް މުހައްމަދު ސޯލިހް ސްރީ ލަންކާ އަށް މިއަދު ފެއްޓެވި ދަތުރުފުޅުގައި ބޯޓުން ދަތުރުކުރި ބައެއް ޕަސިންޖަރުންނާ ބައްދަލު ކުރައްވަނީ. --ފޮޓޯ:މިހާރު
03 ފެބުރުއަރީ 2019 - 13:05
118 comments
ރައީސް އިބްރާހިމް މުހައްމަދު ސޯލިހް ސްރީ ލަންކާ އަށް މިއަދު ފެއްޓެވި ދަތުރުފުޅުގައި ވެސް އެމަނިކުފާނުގެ ފަރާތްޕުޅުން ފެނުނީ ސާދާ ކަމެވެ؛ ސްރީ ލަންކަން އެއާލައިންސްގެ މަތިންދާބޯޓުގެ ފަސްޓް ކްލާހުގައި އިންނެވުމަށް ފަހު ބަންޑާރަނައިކަ އިންޓަނޭޝަނަލް އެއާޕޯޓަށް ބޯޓު ޖެއްސުމުގެ ކުޑަ ވަގުތު ކޮޅެއް ކުރިން އިކޮނޮމީ ކްލާހަށް ވަޑައިގެން ފަސިންޖަރުންނާ ބައްދަލު ކުރައްވަން ފެއްޓެވުމުން މީހުންގެ މޫނުމަތިން ފެނުނީ އުފާވެރި މަންޒަރެވެ.
ރައީސް އިބްރާހިމް މުހައްމަދު ސޯލިހް ސްރީ ލަންކާ އަށް މިއަދު ފެއްޓެވި ދަތުރުފުޅުގައި ބޯޓުން ދަތުރުކުރި ބައެއް ޕަސިންޖަރުންނާ ބައްދަލު ކުރައްވަނީ. --ފޮޓޯ:މިހާރު
ބޯޓުން ދަތުރު ކުރި ދިވެހިންނާއި ލަންކާގެ ރައްޔިތުންގެ އިތުރުން ޔޫރަޕުގެ ބައެއް ގައުމުތަކުގެ މީހުން ވެސް ރައީސާ އެކު ސަލާންކޮށް ސެލްފީ ނެގި އެވެ. އަދި ބޯޓުގެ ބައެއް ކްރޫން ވެސް ވަނީ އެމަނިކުފާނާ އެކު ސެލްފީ ނަގައިފަ އެވެ.
ރައީސް ރާއްޖޭން ބޭރަށް މީގެ ކުރިން ކުރެއްވި ރަސްމީ ދެ ދަތުރުފުޅުގައި ވެސް ވަނީ އެމަނިކުފާނާ އެކު ގެންދެވި ވަފުދުގެ ބޭފުޅުންނާ ބޯޓުގައި ބައްދަލު ކުރައްވައިފަ އެވެ. ނަމަވެސް އިންޑިއާ އާއި ޔޫއޭއީ އަށް ވެސް ވަޑައިގަތީ އެ ގައުމުތަކުން ފޮނުއްވި ޚާއްސަ މަތިންދާބޯޓެއްގަ އެވެ. އެކަމަކު، ލަންކާ އަށް ވަޑައިގަތީ ކޮމާޝަލް ފްލައިޓެއްގައި ކަމަށް ވާތީ ރަސްމީ ވަފުދުގެ އިތުރުން، އާންމު ފަސިންޖަރުންނާ ވެސް ރައީސް ބައްދަލު ކުރެއްވި މިއީ ފުރަތަމަ ފަހަރެވެ.
ރައީސް އިބްރާހިމް މުހައްމަދު ސޯލިހް ސްރީ ލަންކާ އަށް މިއަދު ފެއްޓެވި ދަތުރުފުޅުގައި ބޯޓުން ދަތުރުކުރި ބައެއް ޕަސިންޖަރުންނާ ބައްދަލު ކުރައްވަނީ. --ފޮޓޯ:މިހާރު
ގައުމުތަކުގެ ވެރިން ފަސްޓް ކްލާހުގައި ދަތުރުފުޅު ކުރައްވާއިރު އިކޮނޮމީ ފަސިންޖަރުންނާ ބައްދަލު ކުރެއްވުމަކީ އާއްމުކޮށް ކުރައްވާ ކަމެއް ނޫނެވެ. ނަމަވެސް، ވޯލްޑް ކަޕް ގައި ކްރޮއޭޝިއާ މިދިޔަ އަހަރު ކުޅުނު އިރު އެ ގައުމު ކުޅޭ މެޗުތަކަށް ރައީސާ ކޮލިންޑާ ގްރަބާ-ކިޓާރޮވިޗް ކޮމާޝަލް ފްލައިޓެއްގައި އިކޮނޮމީ ކްލާހުގައި އާންމު ފަސިންޖަރުންނާ އެކު ދަތުރުފުޅު ކުރެއްވުމުން އެތައް ބައެއްގެ ލޯބި އެކަމަނާ އަށް ވަނީ ލިބިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފާތޭ
05 February 2019
އެމްޑީޕީ ކުދިން ވަރަށް ހިތްތިރިވާނެ
ބުރުގާ
05 February 2019
ތިޔަކަމުން ސާބިތުވަނީ ރައީސްގެ ހިތްހެޔޮކަން.. ބޮޑާ ކަމާއި ކިބުރުވެރި ކަމެއްނެތްކަން.. އެންމެނާވެސް ގުޅޭ ރައީސެއްކަން...
މާރިޔާ
04 February 2019
ބޯގޯސް ދެންކީއްކުރާނީ
ފ.ނިލަންދޫ
04 February 2019
ޖަވާހިރެއްކަހަލަ ދަރިއެއް ސާބަސް އަބަދުވެސް ތިޔަގޮތުގައި ހުންނަވާތި
އައިމިނާ
04 February 2019
ވަރަށް އުފާވޭ. ވަރަށް ފަޚުރުވެރިވަން. ތިޔަފަދަ ހިތްޕުޅު ތިރި ރައީސަކު ދެއްވީތީވެ ﷲ އަށް ޙަމްދާޝުކުރުކުރަން. މި ޤައުމު ރަނގަޅުގޮތުގައި ކުރިއަށްގެންދެވުމުގެ ތައުފީޤް ދެއްވުން އެދި ﷲ ޙަޟްރަތުގައި ދުޢާދަންނަވަން. ރައީސް އިބޫއަކީ އެހާ އިޚްލާސްތެރިބޭފުޅެއް. އެކަމާ ޝައްކެއްނުކުރަން. ކުރިއަށް ދިވެހިޤައުމު. ކުރިއަށް ރައީސް އިބޫ.
އެކޮޅުގޭ މުޙައްމަދު
04 February 2019
ކޮންމެ މީހަކު ކުރިޔަސް ރަނގަޅުކަމެއް ވާނީ ރަނގަޅު ކަމަކަށް ގިނަގިނައިން ސަލާމް ކޮށް ހާލު އަހުވާލު އެހުމަކީ ވެސް ހެޔޮކަމެއް
ވަހީދު
04 February 2019
ވެރިކަމެއް ނިމި މިނެކިރާއިރު ނުބަލާނެ ނެގިފައި ހުރި ފޮޓޯގެ އަދަދަކަށް. ބަލާނީ އެވެރިކަމަކުން ރައްޔިތުންނަށް ލިބުނު މަންފާއަކަށް.
މަލީކު
04 February 2019
މަށެއް ހަމަ ނުކުރާނަށް. އާދޭސް ކުރިޔަސް. މަމީ މުސްލިމެއް. ނޯވޭ ހިލޭ ފިރިހެނުންނާ ސަލާމް ކުރުމެއް. ނަމެއްގަ މުސްލިމް.
ބަރުބާދު
04 February 2019
ކުރާނެ ކަމެއްނެތިފަ ނޫނީ ނޭގިފަ ތިބޭމީހުންނަކީ އާންމުކޮއް ތިވައްތަރައް އުޅެނިކޮއް ފެންނަބައެއް، އަހަރެމެން ރަށުމީހުން ކިޔާއުޅޭ ލާހޫރޭވެސް.
އަލިފުތާބެއްޔާ
04 February 2019
ދިވެހިންނަކީ ވަރަށް ތަފާތުކުރުން ގެންގުޅޭ ފޮނި ބަޔެއް. މަތީ މަގާމެއްގެ ނޫނީ މުއްސަދި މައްސޫރު މީހެއްނަމަ ހީލާ ވާހަކަދައްކާ ހަދާނެ ފްލައިޓަކުން ދިމާވިޔަސް ބޭރު ގައުމަކުން ދިމާވިޔަސް. އެކަމަކު ނިކަމެތި މީހަކު ހީލިޔަސް ހީނުލާތާގަ އަނެއް ފަޅިއަށް އެނބުރޭނީ ނުފެންނަން ވެގެން. ހިތުން މި ތިބެނީ ފްލައިޓަށް އެރޭ ހިސާބުން ބޭރުމީހުންނަށް ވެފަ ?