މަހްލޫފް: އެމްއެމްޕީއާރުސީގެ ފައިސާ އޭނާ އަށް ލިބިވަޑައިގަތް ކަމުގެ ތުހުމަތު ދޮގު ކުރައްވާ. --ފޮޓޯ/މިހާރު
14 ފެބުރުއަރީ 2019 - 15:55
މޯލްޑިވްސް މާކެޓިން އެންޑް ޕަބްލިކް ރިލޭޝަން (އެމްއެމްޕީއާރުސީ)ގެ 1.3 ބިލިއަން ރުފިޔާގެ ހިޔާނާތުގެ ފައިސާ ވަން ސްކޯސް އޮފް ފްލެެއާ (އެސްއޯއެފް) ކުންފުންޏާ އެކު ކުރެއްވި ފައިސާގެ މުއާމަލާތަކީ ފައިސާ މާރުކުރުމުގެ ސައްހަ މުއާމަލާތެއް ކަަމަށް ޔޫތު މިނިސްޓަރު އަހްމަދު މަހްލޫފް ވިދާޅުވެއްޖެ އެވެ.
އެމްއެމްޕީއާރުސީގެ ތަހުގީގަށް ފަހު އެންޓި ކޮރަޕްޝަން ކޮމިޝަން (އޭސީސީ) އިން އާއްމުކުރި ރިޕޯޓުގައިވާ ގޮތުގައި އެސްއޯއެފް އިން ފައިސާ ޖަމާކުރި މެމްބަރުންގެ ތެރޭގައި މަހްލޫފް ހިމެނިވަޑައިގަންނަވަ އެވެ. އޭނާ އަށް 33،000 ޑޮލަރު (539،700 ރުފިޔާ) ޖަމާކޮށްފައިވާ ކަމަށް ރިޕޯޓުގައިވެ އެވެ.
މިކަމާ ގުޅިގެން މަހްލޫފަށް ވަރަށް ބޮޑަށް ފާޑުކިއުން އަމާޒުކޮށް އިސްތިއުފާ އަށް ވެސް އަންނަނީ ގޮވާލަމުންނެވެ.
އޭސީސީގެ ރިޕޯޓަށް ޖަވާބުދާރީވެވަޑައިގަތުމަށް މަހްލޫފް ނެރުއްވި ބަޔާނުގައި ވިދާޅުވީ އެސްއޯއެފުން އޭނާގެ ޑޮލަރު އެކައުންޓަށް ޖަމާކުރި ފައިސާއަކީ އޭނާގެ އާއިލާއިން " ދަ ޖީންސް" ގެ ނަމުގައި ވިޔަފާރިއެއް ކުރި އިރު، ކޮއްކޮ އަކު މެދުވެރިވެގެން ނަގުދު ފައިސާ ދީގެން ޑޮލަރު ގަތުމަށް ކޮށްފައިވާ ސައްހަ މުއާމާލާތެއް ކަމަށެވެ.
"... އެ މުއާމަލާތަކީ އަޅުގަނޑުގެ އާއިލާއިން ދަ ޖީންސްގެ ނަމުގައި ފިހާރައެއް ހިންގި އިރު އަޅުގަނޑުގެ އެއްބަފާ ކޮށްކޮ އަލީ މުބީން ގ. ހާފްސީ މެދުވެރިވެގެން ކޮށްފައިވާ ސައްހަ ކަރަންސީ އެކްސްޗޭންޖްގެ މުއާމަލާތެކެވެ،" މަހްލޫފްގެ ބަޔާނުގައި ވެއެވެ.
• Alhuganduge accountah jamaakoffaivaa $33000 aai gulhey gothun alhuganduge bayaan.
— Ahmed Mahloof (@AhmedMahloof) February 14, 2019
•Viyafaari koffaivaa receipt.
•ACC ah alhugandu fonuvi sitee adhi ACC inn alhugandah dhevvaafaivaa javaabu.
Vahkameh koffa noanaane adhi massala belumahfahu goaheh ulheynama isthiufaa dheynan. pic.twitter.com/WvAFAT7ge2
މަހްލޫފްގެ ޓުވީޓް.
ބަޔާނާ އެކުގައި އޭނާ ވަނީ ފައިސާ މާރުކުރުމުގެ މުއާމަލާތުގެ ރަސީދާ، އެކަމާ ގުޅިގެން އޭނާ އޭސީސީ އަށް މިދިޔަ ހޯމަ ދުވަހު ފޮނުވާފައިވާ ސިޓީއަކާއި އެ ސިޓީއަށް އޭސީސީން ދިން ޖަވާބު ވެސް އާއްމު ކުރައްވައިފަ އެވެ.
އޭސީސީ އަށް ފޮނުއްވި ސިޓީގައި މަހްލޫފު ވިދާޅުވެފައި ވަނީ އެސްއޯއެފްގެ އެކައުންޓުން ފައިސާ ޖަމާވި އެންމެންނަކީ ވަގުންގެ ގޮތުގައި މުޖުތަމައުގެ ބައެއް ފަރާތްތަކުން ސިފަކުރަމުންދާ އިރު އޭގެ ތެރޭގައި ހިމެނޭ ސައްހަ މުއާމަލާތްތައް ކުރި ފަރާތްތަކުގެ ހައްގުތައް ނުގެއްލޭނެ ކަން ކަށަވަރުކޮށްދިނުމަށް އެދިވަޑައިގަންނަވާ ކަމަށެވެ. ސައްހަ މުއާމަލާތްތައް ހިންގި ފަރާތްތަކުގެ ހައްގު ނުގެއްލޭނެ ކަން ކަށަވަރު ކުރުމަށްޓަކައި ވީހާވެސް ބޮޑަށް އެމައުލޫމާތު ރައްޔިތުންނަށް ސާފުކޮށްދޭން ސިޓީގައި މަހްލޫފް އެދިވަޑައިގެންފައި ވެ އެވެ.
މަހްލޫފްގެ ސިޓީއަށް ޖަވާބު ދެމުން އޭސީސީން ބުނެފައި ވަނީ ސިޓީގައި ފާހަގަކުރައްވާފައިވާ ކަންތައްތައް އެ ކޮމިޝަނުން އިތުރަށް ބަލާނެ ކަމަށެވެ.
މަހްލޫފް ނެރުއްވި ބަޔާނުގައި އޭސީސީ އާއި ކޮރަޕްޝަނުގެ މައްސަލަތައް ބަލާ ރިޔާސީ ކޮމިޝަނަށް އިލްތިމާސް ކުރައްވާފައި ވަނީ އެ މައްސަލަ ތަހުގީގުކޮށްދެއްވުމަށް ފަހު މައުލޫމާތު ރައްޔިތުންނާ ހިއްސާކޮށްދެއްވުމަށެވެ.
Copyright © 2025 Mihaaru · Terms and Conditions · Privacy Policy · Code of Ethics · Editorial Policy
ކޮމެންޓްތައް
ޚިޔާނާތުގެ ބަފާ.
15 February 2019
.އަލްޙަމްދުލިﷲ ވަރަށް އުފާ ކޮށްފިން މަހުލޫފަށް ބުނެލާން ބޭނުން ވަނީ ރޔާމީންގެ އިއްޒަތާ އަބުރު ނަގާލަން އެކި ގޮތްގުތުން އެކިވއައްތަރު ވައްތަރަށް ރާއްޖެއާ ދުނިޔޭގާ އެވަރަކަށް ދުވުނީ ތިމާ ބޮލާފޮށާ ނޭޅޭނެ ކަމަށް ދޯއޭ މިއަދު ދެން ތިމާއާ ދިމާލަށް ކީކޭ ކިޔާފަތޯ އިނގިލި ދިއްކުރަންވީ؟ އެއްބިލިއަނެކޭ އެއްރުފިޔާ އެކޭ ޚިޔާނާތުގާ ވާނީ ހަމަހަމައޭ ފޮށި ތަންމަތި ބަނދެ ތައްޔާރު ވާށޭ!!
ޒިންދަގީ
14 February 2019
އެސްއޯއެފަކީ ސައްޚަ އެއްވެސް ވިޔަފާރިއެއްކުރި ތަނެއްނޫން.. އެހެންވީމަ މަޙްލޫފު ވަކި ކިހިނެއްތޯ އެކުންފުންޏާއިއެކު ސައްޚަވިޔަފާރި ކުރާނީ؟؟
ހިސޭ
14 February 2019
މަހޭގެ ޅިޔަނުން ތިއްބާ ކީއްކުރަންތަ އެސްއޯއެފުން ޑޮލަރު ގަންނަންވީ؟
ރީލޯޑޭ
14 February 2019
މީނަ ކުރީމަ ޞައްޙަ. ޔާމީނު ކުރީމަ ގޯސް. މީ ކޮންވައްތަރު އުޞޫލު.
ވަހިއްޓޭ
14 February 2019
މަނީ ލޯމްޑްރިންގަ ހުންނާނީ ހުސް ސައްހަ މުއާމަލާތޭ. އޭރުންތާ ފައިސާ ދޮވެވުނު ކަމަށް ވާނީ. ރައްޔޮތުންގެ ލޮލުގަ އަދުން އަޅުވަން ނޫޅެ އިސްތިއުފާދީ
އަބްދޫ
14 February 2019
ސައްހަ މުއާމަލާތެއް އެކަމަކު ދިންވަރު މަދުވެގެން ޔާމީނާ ދެކޮޅަށް ނިކުތީ ދޯ ހުންނާނީ ރާކަނި މަސް ކެވިފަ.
މާދުރު ތަރި
14 February 2019
ޝައްކެއްވެސް ނެތްތާ! މަހުލޫފު އުޅޭގޮތުން އަދި އަދީބް ދިން ފައިސާ އަނބުރާ ނުދޭނަމޭ ބުނި ލީކު އޯޑިޔޯ އިން ތިޔަ ހުރިހާ ކަމެއް ސާފު! މީ ހަމަ ސިޔާސީ ކުޅިގަނޑެއް
ބޮލިއަޖާއިބު
14 February 2019
މަހޭ ނެތިދާނޭ ވިލޯބިން ދިވާނާ. ޑޮލަރު މާރުކުރާމީހުން ހައްތާވެސް. އަދިކޮބާ ގޯނިގޯތިގައި ދަބަސްތަކުގައި އެނދުތަންދަށުގަޔާއި ޖަނގިޔާތެރެއަށް ލައިގެން ގެންގުޅޭ ޑޮލަރު ބޮނޑިތައް. އަނގަފޭކޮށްގެން ހަޅޭލަވާ ހުރިހާ ލީޑަރުން ހިފާހައްޔަރުކޮށް. ތަހުޤީގުކުރޭ. ނުވާނެ. ނުވާނެ. ތަހުގީގުކޮށް ހުކުމްކޮށް ހުކުމްތަންފީޒުކޮށް ކުއްވެރިވާންތިބީ އެއްބަޔެއްވީމައި، ކިހިނެތްވާނީ.
ރިދީމާ
14 February 2019
އެގޮތަށް ޑޮލަރ ގަންނަމީހުން އަތުން އަތަށް ދެނީ މަވެސް މީހުން އަތުން ޑޮލަރ ގަންނަން ފައިސާ ދިނީމަ ޑޮލަރ ދެނީ އަތަށް އެކައުން ޓަކަށް ޖަމާ ނުކުރޭ ފަހރެއްގަ އެހާ ބޮޑު އަދަދެއްވީމަ ކަމަށް ވެދާނެ އެކައުންޓށް ޖަމާކުރީ އެހެން ކަމަށްވާ ނަމަ ފައިސާވެސް ޖަމާކުރާނީ އެކައުންޓަށް ކަމަށް ވާންޖެހޭނީ
ރަށުމީހާ
14 February 2019
އަވަހައްމިކަމުގާ ތުހުމަތުވާ އެއްމެން ބަންދުކޮއްފާ ލާރިނުލިބެނީސް ދޫކޮއްގެންު ނުވާނެ, އަދި ގެއްލުމުގެ ބަދަލްވެސް ދޭންޖެހޭނެ. އޭރުންރަގަޅުވާނި.