އިބްރާހިމް ފަޒީލް: އޭނާއަކީ ކުށުގެ ރިކޯޑު އޮންނަ މީހެއް.
13 މާޗް 2019 - 13:43
48 comments
ގެއްލިގެން ހޯދަމުން އަންނަ އައިމިނަތު ޝިމާއާ އެކު ދަތުރުކުރި އިބްރާހިމް ފަޒީލްގެ މައްޗަށް މީގެ ކުރިން އެތައް ދައުވާއެއް އުފުލައި، ޝަރީއަތް ކުރިއަށް ދާކަން "މިހާރު" އަށް އެނގިއްޖެ އެވެ.
ލ. ގަމަށް އުފަން ފަޒީލް، 25، ގެ މައްޗަށް ޕީޖީން އުފުލާފައިވާ ދައުވާތަކުގެ ތެރޭގައި 2011 ގައި އުފުލި ހަނގުރާމަވެރި ހަތިޔާރު ގެންގުޅުމުގެ ކުށާއި 2012 އަދި 2016 ގައި އުފުލި ވައްކަމުގެ ދެ މައްސަލައެއް ހިމެނެ އެވެ.
އޭގެ އިތުރުން ޣައިރު ގާނޫނީ އެއްވުމަކުން އަމާން ނަގާލުމުގެ ކުށުގެ ދައުވާއެއް 2012 ގައި، ފަޒީލްގެ މައްޗަށް އުފުލާފައިވެ އެވެ.
އެނގިފައިވާ ގޮތުގައި މާރާމާރީއެއްގެ މައްސަލައެއްގައި މީގެ ކުރިން އޭނާ ވަނީ ހައްޔަރު ވެސް ކޮށްފަ އެވެ.
އެ ހުރިހާ މައްސަލައެއް އޮތީ ގަމު މެޖިސްޓްރޭޓް ކޯޓުގަ އެވެ. އެކަމަކު ޝަރީއަތް ގޮސް އޮތް ހިސާބެއް ސާފުވާ ގޮތެއް ނުވި އެވެ.
ޝިމާ ގެއްލުނީ ލ. ފޮނަދޫން ފުރައިގެން އޭނާގެ ރަށް މާމެންދުއަށް ކުޑަ ޑިންގީއެއްގައި ދާން ނުކުތް ފަހުން މާ ކަނޑަށެވެ. ޑިންގީ ދުއްވަން ހުރި ފަޒީލް ބުނާ ގޮތުން، ގަދަ ކަނޑުގައި ޑިންގީ ބަންޑުން ޖަހާލުމާ އެކު ޝިމާ ސަލާމަތްކުރަން އޭނާ ވަރަށް މަސައްކަތްކުރި އެވެ.
ފަޒީލް ސަލާމަތްވީ، ސިކްސް ސެންސަސް ރިސޯޓަށް އަރަ އެވެ.
އެމްއެންޑީއެފުން އޭނާ ހޯދުމުގެ މަސައްކަތް ކުރިއަށް ގެންދާ އިރު ޝިމާ އާއި ޑިންގީގެ އެއްވެސް ނިޝާނެއް އަދި ނުފެނެ އެވެ.
މި ހާދިސާއަށް ފަހު ފަޒީލްގެ ނަން މީޑިއާގައި އަނެއްކާ އާންމުވެގެން މި އުޅެނީ ޝިމާގެ 16 އަހަރުގެ އަންހެން ކޮއްކޮއެއް ގޮވައިގެން ޑިންގީއެއްގައި ދަނިކޮށް ހުއްޓުވައި، ފުލުހުންގެ ބެލުމުގެ ދަށަށް އޭނާ އާއި އިތުރު ދެ މީހަކު ގެންދިއުމުންނެވެ.
ފަޒީލް ހައްޔަރުކޮށް އޭނާގެ ބަންދުގެ މުއްދަތަށް 15 ދުވަސް، ގަމު މެޖިސްޓްރޭޓް ކޯޓުން ވަނީ ޖަހައިދީފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަރުކެހި
14 March 2019
އިބުރާހިމް މުހައްމަދު ސޯލިހު މިގައުމު ސާފުކުރަން ނުކުތްދުވަހު ހީވީ މަނިކުފާނު ވަރައްރަގަޅައް މިގައުމުގެކަންތައްތައް ސާފުކޮއް ނިންމަދޭނެކަމައް މިއަދުމިފެންނަނީ މިގައުމުން ސާފްކުރަންޖެހޭ ކުނިތައް ފުނިޖެހޭމަންޒަރު މިިކަންކަމައް ހައްލެއްލިބޭނީ ކޮންދުވަހަކުންބާ؟؟؟؟؟؟
އަރޫރު
14 March 2019
މި ފެންނަނީ އަދުލު އިންސާފުގެ ދާއިރާ ފެއިލްވެފަ އޮތް މަންޒަރު. އެންމެން ޕޮލިހުންގެ ވާހަކަދައްކާއިރު ޕޮލިހުން ހިފާ ހައްޔަރުކޮށް ކޯޓަށް ގެންދިޔައީމަ ދޫކޮށްލަނީ ކޯޓުން އިނގޭތޯ. މި މަންޒަރު ފެންނަ ރައްޔިތެއް ދީނީ ޖަމާއަތެއް، އެކްޓިވިސްޓެއް ޖޭޕީއެއް ނެތީތޯ
ލަދުކުޑަ
14 March 2019
އެކަމަކު ސިމްޕަތީ ހޯދަން އަދި ބުނެޔޭ 'ﷲ ދެނެވޮޑިގެންވާނެޔޭ ކުރި މަސައްކަތް'؛ ހަޔާތްވެސް ކުޑައީ ވަކިވަރަކަށްނޫން.
ސަގަރޭ
14 March 2019
މި ނެވަ އެންޑިން ސްޓޯރީ އެއްތަ؟
ނާސިރުު
14 March 2019
ސިމާ އަށް ވީގޮތެއް ނޭންގި އަނެއްކާ އޭނަގެ ކޮއްކޮ ގޮވައިގެން ޑިންގީއެއްގައި ނައްޓާލީ. ދެން ނިމޭނީ ކިހިނެތް. ކަލޭ ބޭނުންވަނީ މިކަންވސް ދެން ނިމުނީއޭ ކިޔާފަި ފަސްއޅާ ފޮރުވަން؟
އަޖައިބެއް
14 March 2019
ޝިމާގެ ކޮއްކޮ ހަމަހޭގަ އޭނަގެ ދައްތަ ގެއްލުނު އިރު އެކީގަ ހުރި މީހާއާއި އެކު ދާންވީ ކީއްވެތަ؟ ހަމަ ގައިމުވެސް ޝިމާގެ އާއިލާއިން އެންމެ ފުރަތަމަ ދުވަހުން ފެށިގެން ފަޒީލައް ޝައްކު ކުރޭ. ދެން އޭނަައާއި އެއްކޮށް ދާން ކެރުނީ ކީއްވެގެންހޭ.. ނޫނީ ގަދަކަމުން ހޭ ގެންދިޔައީ..
އަންތަރީސްވޭ
15 March 2019
މިކަމާ ގުޅޭ ކުރީގެ ޚަބަރުތައް ނުކިޔާ ކޮން އަނގައެއް ތަޅާކަށް. ނޫސް ކޔާބަލަ ރަގަޅަށް. އަޖައިބު އަންތަރީހެއް ނުވާނެތަ
ކާފަ ދ
14 March 2019
2011 އަދި 2012 ގެ މައްސަލަތައް މިހާރު ހުންނާނީ ކުނިވެ ފުޅައަޅާފައި. ލައްކަ ދުވަސް ވެއްޖެތާ
ވޯލް
14 March 2019
ކޯޓުތަކުގެ މިނިވަންކަމާހެދި މިޤައުމުގެ މަގުތައްވަބީ މިކަހަލަ ނުރައްކާތެރި ކުށްވެރިންއިން ފުރިފައި. ދެން ބަލަންތިބޭ ތިޔަ މައްސަލާގައިވެސް ހަމަ ޖެހޭނީ އެއްތާކު.
ސައި
14 March 2019
މީނާއަކީ ގައުމަށް ހުރި ނުރައްކަލެއް
ބޯހަލާކު
13 March 2019
ތިބުނާ ޝިމާ ކޮއްކޮގެ ނަމެއް ނެތް ތަ? ނިކަން އޭނަގެ ބަހެއް ހޯދޭތޯބަލާބަލަ!
ޢަންހެނާ
13 March 2019
ފަޒީލްގެ ބެކްގްރައުންޑް އެކަނި ހޯދައިގެން މިކަމެއް ނުވާނެ.. މައްސަލަ ގޮސްފަ އޮތް ހިސާބުން ޝިމާ އާއި އޭނާގެ އާއިލާގެ ބެކްގްރައުންޑް ހޯދުންވެސް ވަރަށް މުހިންމު..
ފަޒީލް
14 March 2019
ޢާއިލާ ކަޑަކަން އެ އިނގެނީ