ފައިސާ ބެއްސެވި ކަމަށް ވިދާޅުވި މައްސަލައިގައި މެމްބަރު މުހައްމަދު އިސްމާއިލްއާ އޭސީސީން ސުވާލުކޮށްފި
ރައީސް ޔާމީން، ހޯރަފުށީ ދާއިރާގެ މެމްބަރު މުހައްމަދު އިސްމާއީލްއާ ސަލާމް ކުރައްވަނީ.-- ފައިލް ފޮޓޯ: ރައީސް އޮފީސް
30 އޯގަސްޓް 2016 - 22:50
23 comments
ފައިސާ ހިއްޕަވައިގެން ރައްޔިތުންގެ މަޖިލީހުގެ ބައެއް މެމްބަރުންގެ އަރިހަށް ވަޑައިގެންނެވި ކަމަށް ހޯރަފުށީ ދާއިރާގެ އެމްޑީއޭ މެމްބަރު މުހައްމަދު އިސްމާއިލް މަޖިލީހުގެ ޖަލްސާއެއްގައި ވިދާޅުވުމާ ގުޅިގެން އެންޓި ކޮރަޕްޝަން ކޮމިޝަން (އޭސީސީ) އިން އޭނާއާ މިއަދު ސުވާލުކޮށްފި އެވެ.
އެމްއެމްޕީއާރުސީން ރަށްްތައް ދޫކޮށްގެން ލިބުނު ފައިސާ ވަގަށް ނެގި މައްސަލައިގައި މަޖިލީހަށް ހުށަހެޅުނު ކުއްލި މައްސަލައަކަށް ބަހުސް ކުރައްވަމުން އެއް މެމްބަރަކު އަނެއް މެމްބަރަކާ ދިމާލަށް ރިޝްވަތުގެ ތުހުމަތުތައް ވަނީ ކުރައްވައިފަ އެވެ. އަދި ބައެއް މެމްބަރުން ރިޝްވަތު ފައިސާގައި ހިއްޕެވި ކަމަށް ވެސް ވިދާޅުވެފައިވެ އެވެ.
އެ ވާހަކަތަކާ ގުޅިގެން ނިޒާމީ މައްސަލައެއް ނަންގަވައި މެމްބަރު މުހައްމަދު އިސްމާއީލް ވިދާޅުވީ "އެ ފައިސާ ގޯނި ހިފައިގެން" މެމްބަރުން ކައިރި އަށް ދިޔަ ކަމަށެވެ.
ނަމަވެސް މުހައްމަދު އިސްމާއީލްގެ ވާހަކަތައް އެ ދުވަހު އަމާޒުކުރެއްވީ ކޮން ފައިސާއަކަށް ކަމެއް އޭނާ ވިދާޅެއް ނުވެ އެވެ. އޭނާ ވިދާޅުވީ އެމްޑީޕީގެ މެމްބަރުން ވެސް އެ ފައިސާގައި ހިއްޕެވި ކަމަށެވެ.
އޭސީސީން ބަލަމުން އަންނަ މައްސަލައާ ގުޅޭ ގޮތުން މުހައްމަދު އިސްމާއީލް މިރޭ ވިދާޅުވީ ކުރީގެ ނައިބު ރައީސް އަހުމަދު އަދީބާ އޮތް ގުޅުމާއި އަދީބާ ގުޅިގެން އެއްވެސް ފައިސާގެ މުއާމަލާތެއް ކުރެއްވިތޯ އޭސީސީން ސުވާލުކޮށް އޮޅުންފިލުވާފައިވާ ކަމަށެވެ.
ނަމަވެސް އޭސީސީ އަށް ދެއްވި ޖަވާބުތަކާ ގުޅޭ މާ ބޮޑު ތަފްސީލެއް މުހައްމަދު އިސްމާއީލް ނުދެއްވަ އެވެ. އޭނާ ވިދާޅުވީ އޭސީސީން ކުރި ސުވާލުތަކަށް ފުރިހަމަ އަށް ޖަވާބު ދެއްވި ކަމަށާއި ކޮރަޕްޝަންގެ އެއްވެސް ފައިސާއެއް ބަހާފައި ނުވާނެ ކަމަށެވެ.
"އަޅުގަނޑު ގަބޫލެއް ނުކުރަން މަޖިލިސް ތެރޭގައި ދައްކާ ވާހަކައަކުން އަޅުގަނޑާ ދޭތެރޭގައި ޝަރީއަތެއް ހިންގޭނެ ކަމަކަށް،" މުހައްމަދު އިސްމާއީލް ވިދާޅުވި އެވެ.
"އެކަމަކު އޭސީސީން ކުރާ ތަހުގީގަށް އެއްބާރުލުން ދިނުމުގެ ގޮތުން އަޅުގަނޑު ޖަވާބު ދިނިން."
އޭނާ ވިދާޅުވީ ގާނޫނުތަކާއި ގަވާއިދުތަކުގެ ތެރެއިން ވިޔަފާރި ކުރުމަށް ކުރަން ޖެހުނު ހުރިހާ ކަމެއް ކޮށްފައިވާނެ ކަމަށެވެ. އެކަމަކު، އެއީ ކޮރަޕްޝަންގެ ފައިސާ ބެހުން ނޫން ކަމަށް އޭނާ ވިދާޅުވި އެވެ.
ފައިސާ ބެއްސެވި ކަމަށް އަމިއްލަ އަށް ވިދާޅުވި މަޖިލީހުގެ މެމްބަރާ އޭސީސީ އިން ސުވާލު ކުރަން ނިންމުމުން ޕީޕީއެމްގެ ބައެއް މެމްބަރުން ނުރުހުން ފާޅުކުރައްވައި އޭސީސީގެ މެމްބަރުން މަގާމުން ވަކިކުރާނެ ކަމުގެ އިންޒާރު މީގެ ކުރިން ވަނީ ދީފަ އެވެ.
އޭސީސީން ދަނީ ޖަލަށް ލާފައިވާ ކުރީގެ ނައިބު ރައީސް އަދީބު ހިންގެވި ކަމަށް ބުނާ ކޮރަޕްޝަނާއި އެކަމާ ގުޅުން ހުރި ގިނަ މައްސަލަތަކެއް ބަލަމުންނެވެ. އެ ތަހުގީގުތަކަށް ގުޅުން ހުރި އެކި ފަރާތްތަކާ އޭސީސީން ދަނީ ސުވާލު ކުރަމުންނެވެ. އޭގެ ތެރޭގައި މަޖިލީހުގެ ބައެއް މެމްބަރުން ވެސް ހިމެނިޑައިގަންނަވަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސައްތާރު /މހއ
19 September 2016
އަޅުގަނޑު ގަބޫލުކުރާގޮތުގައި ފުރަތަމަވެސް މުހައްމަދު ފައިސާ ބެހިކަމަށް އިޢުތިރާފުވީމިހާ ޖެހޭނީ ބަންދުކުރަން. އަމިއްލަ އިޢުތިރާފަށް ވުރެން ބޮޑުއެއްޗެއް އޭސީސީއަކަށް ނުހޯދޭނެ. ތިޔަކީ ސުވާލުކުރަންވެސް ޖެހޭވަރަށްވުރެން ސާފުކޮން އޮތް މަސްއަލައެއް.
އައްޓަމަސް
10 September 2016
"އަޅުގަނޑު ގަބޫލެއް ނުކުރަން މަޖިލިސް ތެރޭގައި ދައްކާ ވާހަކައަކުން އަޅުގަނޑާ ދޭތެރޭގައި ޝަރީއަތެއް ހިންގޭނެ ކަމަކަށް،" މުހައްމަދު އިސްމާއީލް ވިދާޅުވިއިރު ނޭގޭތަ، މަޖިލިސްތެރޭގައިވެސް ބޫނުންހާއެއްޗެއްނުކިޔޭނެކަން، އެތާހެޔޮތަ ﷲއަށް ޝިރުކުކުރިޔަސް ހާދަހެއްވަޔޭދޯ؟!
މަރޭމިތުރާ(ޓެކްސީ ޑުރައިވަރު)
31 August 2016
ފައިސާތައް އެކިގޮތްގޮތައް ބަހަމުން! ފައިސާނަގާ ބަޔަކަށްދެމުން! ފައިސާޑޮލަރު ބެންކަށްލަމުން! ކެއިހާތަކެތި ފަޅާއެރުމުން! ކޮއިފުޅުވެގެން ވެގެން ވެރިޔަކުހުރީ!
އުމަރު
31 August 2016
ޕޮލިހުން ސުވާލުކޮށް ކޯޓް އަމުރު ހޯދައި މައްސަލަ ބަލަންފަށަންޖެހޭ، ސަރުކާރަށް ކީއްވެގެންތޯ އެންމެ ބޮޑު މައްސަލައަކަށްވީ މަހްލޫފުގެ މައްސަލަ؟ ދައުލަތުގެ އެތަކެއް ބިލިއަން ރުފިޔާއެއް ނަގައި އެބެހިމީހުން އެވާހަކަ ޕާލަމެންޓުގައި ވާހަކަދައްކަމުން އެއްބަސްވީމަވެސް ހަމައޮކޭ، ކޮންކަހަލަ ޤައުމެއް މިއީ؟
ހުސެން
31 August 2016
ދޫއޮތިއްޔާ ކޮންމެ އެއްޗެކޭ ބުނެވިދާނެ. މުހަންމަދު ދެއްކި ވާހަކަ ނޭނގޭކަށް އަހަރެމެންނަކީ ރޮބޮޓުންނެއްނޫން. ތިމަންނަބެހީ ކޮންމެ ގޯންޏަކަށް 5 ރުފިޔާ ލައިގެނޭވެސް ބުނެވިދާނެ. މިހާރު އެއޮތީ އެވާހަކަ ބުނެވިފަ. ދެން ކޮންމެ އެއްޗެއް ކިޔަސް ވާހަކަ އެއޮތީ ބުނެވިފަ. މައްދިވެހި ބަހުން ބުނި ވާހަކަޔަކަށް އިތުރު ތަފްސީލެއް ބޭނުމެއްނުވާނެ. އަދި މިއީ ހުރެހުރެފަ ބުނި އެއްޗެއްވެސް ނޫން. ގަޓުހުރުމަކީ ތިމާބުނާ ވާހަކަޔަށް އެއްބަސްވާން ކެރުން.
އަލީ
31 August 2016
"އަޅުގަނޑު ގަބޫލެއް ނުކުރަން މަޖިލިސް ތެރޭގައި ދައްކާ ވާހަކައަކުން އަޅުގަނޑާ ދޭތެރޭގައި ޝަރީއަތެއް ހިންގޭނެ ކަމަކަށް،" މުހައްމަދު އިސްމާއީލް ވިދާޅުވި އެވެ. އަހަރެމެންނައްވެސް ތިކަން އެގޭ އަދި ތީގެން ބޭފުޅަކު މިދުނިޔޭގަ ކުއްވެރި ނުވާނެކަންވެސް އެނގޭ އެކަމަކު އަދި އެހެން ދުވަހެއް އޮތްކަން ގަބޫލުކުރައްވާނެކަމައް ދެކެން.
ޝަރަފް
31 August 2016
މަޖިލިސް ތެރޭގައި މެންބަރަކު މުރުތައްދު ވިޔަސް ފިޔަވަޅެއް ނޭޅޭނެތަ؟
ބާބާ
31 August 2016
ތީ ވަރަށް ބޮޑު އޮޅުމެއް. މަޖިލީހުގައި ދައްކާ ވާހަކައާމެދު ސުވާލުކޮށް ތަހުގީގުކުރެވޭނެ. އެ ދެއްކި ވާހަކަ ޝަރީއަތުގައި އެވިޑެންސްގެ ގޮތުގައި ބޭނުން ނުކުރެވޭނީ. އެކަމަކު ކުރާ ތަހުގީގުން ލިބޭ އެވިޑެންސް ބޭނުންކުރެވޭނެ. މިސާލަކަށް މަޖިލީހުގައި ބުނީ މީހަކު މެރީމޭ.. ތަހުގީގުކުރެވޭނެ، އަދި ލިބޭ އެވިޑެންސް ޝަރީއަތުގައި ބޭނުންކުރެވޭނެ. އޭސީސީން ހަމަ ރަނގަޅަށް އެބަޖެހޭ ތަހުގީގުކުރަން. މެމްބަރުންގެ ބޭންކް ސްޓޭޓްމަންޓްތަކާ އެއްޗެހިވެސް ބަލަން. އެބުނާ ގަވާއިދުގެ ތެރެއިން ކުރި "ވިޔަފާރި" އަކީ ކޮބައިތޯވެސް ބަލަން.
ދޯހަޅި
31 August 2016
ކޮންމެ އިއުތިރާފެއް ވިޔަސް ތިޔަ ކޮމިސަނުން ކުރާ ތަހުޤީގަކުން ކުރެވޭ އެއްވެސް ކަމެއް ނޯންނާނެ... ހަމަ ހުސް ދަޅަ....
ރެހެންދި ލުތުފީ
31 August 2016
މިއީ ބަޔަކަށް މަޤާމާއި، މުސާރައާއި ނާޖާއިޒް އިނާޔަތްތައް ރައްޔިތުންގެ ފައިސާއިން ދިނުމަށް ހަދާފައިވާ ކޮމިޝަނެއް، ކޮންމެ ކަމެއް ކުރިޔަސް ހަމަ އޯކޭ، ނަމަކަށް ތަހުޤީޤުކުރަނީ، ވާކަމެއް ނެތް
ޖާން
31 August 2016
ހާދަ ބިރެއްވެސް ގަނެއޭދޯ. މޭފުއްޕާލާފަ މާގަޓު ހުންނަމީހަކަށްވެގަނެގެން ނިޒާމީނިކުތާއެއް ނަގައިގެން އަމިއްލަޔަށް އިއުތިރާފްވީ. އެތެރެއް ބޭރެއް އޮވޭތޯ ޕީޕީއެމްގެ އިސްލާމްދީނުގަ ދޮގުހަދަންވީމާ. ކަލޭމެން ތިޔަތަނުން ނުކުމެ ވަޑައިގަންނަވަންވީނޫންތޯ ރުކުއަޅަން.