ޕީޕީއެމްގެ އާ އޮފީސް ހުޅުވުމުގެ ރަސްމިއްޔާތުގައި ޕާޓީގެ އިސް ބޭފުޅުންނާއި އާއްމު މެމްބަރުން ބައިވެރިވަނީ: އެ ޕާޓީ ދަރަނިވެރިވެ ފޯނު ބިލްތައް ވެސް ނުދެއްކުނު. --ފޮޓޯ/މިހާރު
16 އެޕްރީލް 2019 - 10:54
94 comments
ދެ ވަނަ ދައުރަކަށް ކުރީގެ ރައީސް އަބްދުﷲ ޔާމީން ހޮވަން ޕީޕީއެމުން ކުރި ކެމްޕޭނާ ހެދި އެ ޕާޓީ ދަރަނިވެރިވެ، ފޯނު ބިލްތައް ވެސް ނުދެއްކުމުން ޚިދުމަތް މެދުކަނޑާލައިފި އެވެ.
އިދިކޮޅު ސިޔާސީ ޕާޓީގެ ގޮތުގައި މިހާރު އޮތް ޕީޕީއެމަށް ގުޅޭނެ ރަސްމީ ނަމްބަރެއް މިހާރަކު ނެތެވެ. ދިރާގުގެ 110 އަށް ގުޅުމުން ބުނީ ޕީޕީއެމްގެ ނަމުގައި އެއްވެސް ނަމްބަރެއް މިހާރު ލިސްޓުކޮށްފައި ނެތް ކަމަށެވެ. ފޯނު ލައިންތައް ކަނޑާލުމުގެ އިތުރުން ޕީޕީއެމްގެ ރަސްމީ ވެބްސައިޓަށް ވެސް ނުވަދެވެ އެވެ.
މިއީ، މިދިޔަ އަހަރުގެ ރިޔާސީ އިންތިޚާބާއި މި މަހުގެ ހަ ވަނަ ދުވަހު ބޭއްވި ރައްޔިތުންގެ މަޖިލިހުގެ އިންތިޚާބުގައި ބޮޑު ނާކާމިޔާބީއަކާ ކުރިމަތިލާން ޖެހުނު ޕީޕީއެމްގެ މިހާރުގެ ހާލަތެވެ.
މި މައްސަލައިގައި ކަންބޮޑުވުން ފާޅުކުރެއްވި އެ ޕާޓީގެ އިސް ބޭފުޅަކު ވިދާޅުވީ ފޯނު ބިލްތައް ނުދެއްކި ވަނީ ރިޔާސީ އިންތިޚާބަށް ކުރި ކެމްޕޭނާ އެކު ޕާޓީ ދަރަނިވެރިވެފައި އޮތުމުން ކަމަށެވެ. މިއީ ޖުލައި 31، 2018 ގެ ނިޔަލަށް 48،000 އަށް ވުރެ ގިނަ މެމްބަރުން ތިބި ޕާޓީގެ ހިންގުން ދޯދިޔާވުމުގެ ނަތީޖާ ކަމަށް ވެސް އޭނާ ގަބޫލު ކުރައްވަ އެވެ.
"މިއީ، ކޮންމެވެސް ބަޔަކު ޒިންމާ ނަގަން ޖެހޭ މައްސަލައެއް،" އޭނާ ވިދާޅުވި އެވެ.
ޕީޕީއެމުން ބުނެފައިވާ ގޮތުގައި، ދަތުރުތަކުގެ ފައިސާ ވެސް ނުދެއްކި ޕާޓީ ދަރަނިވެރިވީ، ދައުލަތުގެ ބަޖެޓުން ޕީޕީއެމަށް ކަނޑައެޅި ފައިސާ ދޫނުކޮށް ހިފެހެއްޓުމުންނެވެ. މެމްބަރުން ތިބި އަދަދަށް ބަލައި، ޕީޕީއެމަށް ދައުލަތުގެ ބަޖެޓުން 18 މިލިއަން ރުފިޔާ ކަނޑައެޅި އެވެ.
ރިޔާސީ އިންތިޚާބަށް ޕީޕީއެމުން ކުރި ކެމްޕޭން ދަތުރުތަކަށް އައިލެންޑް އޭވިއޭޝަނަށް ދައްކަން ޖެހޭ ގިނަ އަދަދެއްގެ ފައިސާ ވެސް އަދި ނުދައްކަ އެވެ. އެ ދަތުރުތަކަށް ޖުމްލަ 4.8 މިލިއަން ރުފިޔާ ހޭދަވި އެވެ. އެއްބަސްވުމާ އެއްގޮތަށް ޕީޕީއެމުން ފައިސާ ނުދެއްކި ކަމުގެ ޝަކުވާ އައިލެންޑް އޭވިއޭޝަނުން، އިލެކްޝަންސް ކޮމިޝަނަށް ހުށަހެޅުމުން މިލިއަނެއްހާ ރުފިޔާ ދެއްކި އެވެ.
ޕީޕީއެމުން ބުނެފައިވާ ގޮތުގައި، ދަތުރުތަކުގެ ފައިސާ ވެސް ނުދެއްކި ޕާޓީ ދަރަނިވެރިވީ، ދައުލަތުގެ ބަޖެޓުން ޕީޕީއެމަށް ކަނޑައެޅި ފައިސާ ދޫނުކޮށް ހިފެހެއްޓުމުންނެވެ. މެމްބަރުން ތިބި އަދަދަށް ބަލައި، ޕީޕީއެމަށް ދައުލަތުގެ ބަޖެޓުން 18 މިލިއަން ރުފިޔާ ކަނޑައެޅި އެވެ. އެކަމަކު އެ ފައިސާ ދޫނުކޮށް ހިފެހެއްޓީ ޕީޕީއެމްގެ ހިންގުމާ ގުޅޭ ގޮތުން ކޯޓަށް ހުށަހެޅި މައްސަލަތަކަކާ ގުޅިގެން ކަމަށް އިލެކްޝަންސް ކޮމިޝަނުން ވަނީ ބުނެފަ އެވެ.
ޕީޕީއެމުން ކުރިން ބުނެފައިވާ ގޮތުގައި އެ ޕާޓީގެ ދަރަންޏަކީ އަށް މިލިއަނެވެ. ދައުލަތުގެ ބަޖެޓުން އެ ޕާޓީ އަށް ކަނޑައެޅި ފައިސާ ދޫކުރުމާ އެކު ޕާޓީ އަރަނިވާނެ ކަމަށް ވެސް ޕީޕީއެމުން ވަނީ ބުނެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދިލް
18 April 2019
މީތޯ ލީޑަރޝިޕުން އެއްމެން ވަނ=ކީވާން ނިހާނުގޯވާލި ސަބަބީ، އަދި ލީޑަރޝިޕް ބޭނުން ނުވާހާލަތުގައި ކެޕްޓަންކަން ކުރާން ބޭނުންފުޅު ނޫން ކަމަށް ވިދާޅުވެ ޔާމީނު ޕާރޓީ އާ ފެޔައް ޖެހިވަޑައިގަނަންވަން މި އުޅުއްވާ ސަބަބަކީ. ކޮންމެ ކަމެއްގައިވެސް ހަމަ ރައްޔިތުންގެ ފައިސާ އިން ވައްކަންތޯ؟ ނޫނޭވާ ސާބަސް. އެއްމެ އެތިކޮޅެއްވެސް އުނިނުކޮށް ސީދާ އަދަދުން ހިސާބުދަނީ ލިޔުއްވަމުން އެނގޭތޯ. އަދުރޭ އެއް ނޫން އެކަން ކުރަނީ. ސީދާ އުޑުތަކުގެ ވެރި އިލާޙް!
ނަޖްވާ
18 April 2019
ކޮބައިތަ ކެމްޕޭނަށޭ ކިޔައިގެން ޔާމީނުގެ އަކައުންޓަށް ވައްދާފަ ހުރި ސަތޭކަ މިލިޔަން ރުފިޔާ؟ އެއޮށް އުޅުނު މުއާ އާ ލަޔާލު މަނިކުމެންވެސް އަމިއްލަ އަތުން ކޮފީ އަށާ އެއްޗިއްސަށް ޚަރަދު ކޮށްގެން ޔާމީނު ހޮވަން ވެގެން ކުރިހާ މަސައްކަތުން އެފަކީރުންނަށްވެސް ވީ ކަމެއް ހަމަ ހަރާން! ކީކޭ ދެން ބުނާނީ! ޕީޕީއެމްގެ ނަމުގަ ވިޔަފާރި ވެރިން އަތުން ބޮޑެތި އަދަދުގެ ފައިސާ ނަގައިގެން، އެ ޕާޓީގެ ވެރިންގެ ޖީބު ބަރުކުރީކަމަށް ބެލެވެނީ!
އެމްވައްޑެ
17 April 2019
"އަހަރެން އަތުގައިން އަނގޮޓި ގަނެލާނެ ފެންވަރުވެސް ނެތް." - ޝުކުރިއްޔާ -
ޢަބްދުﷲނާފިޒް
16 April 2019
ކަލްކިއުލޭޓަރުން ހިސާބު ޖަހަން ނޭގި ރޭގަނޑު ހަތަރުދަމު ޑިގުކުޅެން އިނުމުގެ ނަތީޖާ، ރީތި އުޅުމެއް ދަސްވެފަހުރި މީހެއް.
އުދުހޭ
16 April 2019
ސޮދަގާތް ފައުންޑޭޝަނުގެ އެހީއެއް މިކަމަށް ހޯދަންބަލާއިރު ބަހާލާނެ ކަދުރުކޮޅެއްވެސް ހިއެއްނުވޭ އޮތްހެނެއް
ޝަހީދު
16 April 2019
މިސަރުކާރަކީީ ޤާނޫނަށް އެއްވެސް ވަރަކަށް ބޯލަނބާ ބަޔަކު ތިބި ސަރުކާރެއް ނޫނެވެ. ޕީީ.ޕީ.އެމްއިން 5 އަހަރުގެ ވެރިކަމެއް ކުރިއިރު ދައުލަތުގެ ބަޖެޓުން ޕާޓީތަކަށް ދޫކުރަންޖެހޭ އެންމެ ފައިސާ ފޮއްޗެއްވެސް ހިފަހައްޓާފައި ނުވާއިރު، މިހާރުގެ ސަރުކާރުގެ އަނިޔާވެރިކަން ރައްޔިތުންނަށް މާބޮޑަށް ސާފުވެއްޖެއެވެ.
އަހުމަދު.
17 April 2019
މީ އަދި ކާކު، ތަނެއްދޮރެއް ނޭންގި ހުރެގެން ކޮމެންޓް ކުރަނީ. ޕީ.ޕީއެމް ސަރިކާރުގަވެސް އެމް.ޑީ.ޕީއަށް ދޭންޖެހޭ ފައިސާނުދީގެން އެތަށް ފަހަރަކު ކޯޓަށްވެސް ދިޔަ. އޭރު "ޝަހިދު" ދުނިޔެއަށް ނާނަނީ ތޯއެވެ. ؟ ތިބި ބައެއް ކުރެން އހާލައިގެން ކޮމެންޓް ކުރިނަމަ ތި ބެރާރެއް ނުވީސް.
ޝަހީދު
16 April 2019
އަހަރެންނަކީ ޕީ.ޕީ.އެމްގެ ފަޚުރުވެރި މެންބަރަކީމުއެވެ. މިހާރު ނޫހުން ފިތުނަ އުފައްދަން ނޫޅޭށެވެ. ޕީ.ޕީ.އެމްގެ ފައިސާތައް ހިފެހެއްޓީ އެއްވެސް ޤާނޫނީ ސަބަބެއް ނެތިއެވެ. އެކަމުގެ ސަބަބުން މަޖިލީހުގެ އިންތިޚާބަށްވެސް އަސަރު ކުރިއެވެ.
މިލީ
17 April 2019
ތިއީ ފަޚްރުވެރި ވުމެއް ނޫން! ތިޔައީ ކިބުރުވެެރި ކަމާއި ބޮޑާކަން. ތިވަރު ވާއިރު ވެސް ހަމަ ބިމަށް ފައިބައިގެން ކަންކަން ރަނގަޅު ކުރުމުގެ ވިސްނުމެއް ނެތް.
؟؟؟؟؟؟
16 April 2019
ޔާމީން 2018 ޖަހައިގެން ޓީޝާޓް ލައިގެން މީހުންނާ ދެކޮޅަށް ހަޅޭއްލެވުނީތީ ދެރަވަން. އެނގެން ބޭނުންނުވިޔަސް މިހާރު މިދަނީ ވިސްނަން މަޖުބޫރުވަރަށް ތިލަވަމުން. އެކަމަކު އަދިވެސް އަހަރެން ބޭރުފުށަށް ޕީޕީއެމް.
falcon_autho
16 April 2019
ކޮބައިތަ ހެޔޮއެދޭ ފަރާތްތަކުން ޕާޓީގެ ހިންގުމަށް ޖަމާކުރި 100މިލިއަން ރުފިޔާ. އެފައިސާ ކާކު ކާލީ؟
ދިވެހިމީހާގެވާހަކަ
16 April 2019
ތިޔައީބަލަންޖެހޭ މައްސަލައެއް. ދިވެހިދައުލަތުން ހަރަދުކުރަން ފައިސާދިނުމުން ޕާޓީ އުފައިދައި ފައިސާނަގައިގެން ކުރީ ކޮންކަމެއްތޯ. ހިތައްއެރުމުން ދަރަނިވެރިކަން އިއުލާކޮށް ގެއަށްދެވިދާނެތޯ ބަލަންޖެހޭ. ދިވެހިންގެ ތަރައްގީއަށް ހިތްވަރާއި އަޒުމާއި އެކު ގަވާއިދުތަކުގެމަތިން ތެދުވެރިކަމާއިއެކު މަސައްކަތްކުރާނެ ބުންވަރު ހުރި އިދިކޮޅުޕާޓީތައް ބޭނުން. އެހެންނޫނީ އެމްޑީޕީ ވާނީ ޑިކޮޓޭޓަރަކަށް