ރ. އުނގޫފާރު: ރޯދަ މަހު ކަރަންޓުގެ ހިދުމަތް ހިލޭ ފޯރުކޮށްދޭން އެ ރަށު ކައުންސިލުން ފެށީ 2016 ގައި -- ފޮޓޯ: މިހާރު ފައިލް
22 އެޕްރީލް 2019 - 11:39
10 comments
ރޯދަ ހަދިޔާއެއްގެ ގޮތުގައި ރ. އުނގޫފާރު ރައްޔިތުންނަށް މި ރޯދަ މަހު ވެސް ކަރަންޓުގެ ހިދުމަތް ހިލޭ ދޭން އެ ރަށު ކައުންސިލުން ނިންމައިފި އެވެ.
އެ ރަށު ކައުންސިލް މެމްބަރު ހުސެއިން އާސިފް މިއަދު "މިހާރު" އަށް ވިދާޅުވީ މިއީ ކަރަންޓުގެ ހިދުމަތް ރޯދަ މަހު އެ ރަށުގައި ދޭ ތިން ވަނަ އަހަރު ކަމަށެވެ. އަދި މިއީ އެ ރަށު ރައްޔިތުން ވަރަށް ތާއީދުކުރާ އަދި އެކަމަށް އިންތިޒާރު ކުރާ ކަމެއް ކަމަށް ވެސް އޭނާ ވިދާޅުވި އެވެ.
"އިންޖީނު ގެއަކީ ރައްޔިތުންގެ ނަމުގައި ހިންގާ ތަނެއް. އެހެންވެ ރައްޔިތުންނަށް ދޭ އިނާޔަތެއްގެ ގޮތުގައި ރޯދަ މަހު ކަރަންޓުގެ ހިދުމަތް ހިލޭ ކުރަނީ،" އާސިފް ވިދާޅުވި އެވެ.
އަންނަ މަހުގެ ހަ ވަނަ ދުވަހުން ފެށިގެން ޖޫން މަހުގެ ނިޔަލަށް ކަރަންޓުގެ ހިދުމަތް ހިލޭ ކުރުމުން އޭގެ ހަރަދަކީ ގާތްގަނޑަކަށް އަށް ލައްކަ ރުފިޔާ އެވެ. ފަންސާސް ފަސް ދުވަހަށް ދޭ މި އިނާޔަތުގައި އެ ރަށުގައި އުޅޭ ބިދޭސީންން ވެސް އެ ކައުންސިލުން އެކަހެރިއެއް ނުކުރެ އެވެ. މި އިނާޔާތް ދޭން ނިންމާފައި ވަނީ އެ ރަށުގައި ހުރި ގޭބިސީތަކަށް އެކަންޏެވެ. ދައުލަތުން ހިންގާ ހޮސްޕިޓަލާއި ސްކޫލް ފަދަ ތަންތަނުންނާއި އެހެން މުއާސަސާތަކުން ކަރަންޓު ބިލް ދައްކަން ޖެހޭނެ ކަމަށް އާސިފް ވިދާޅުވި އެވެ.
"އަންނަ މަހުގެ ފަސް ވަނަ ދުވަހު މީޓަރުގެ ރީޑިން ބެލުމަށް ފަހު ދެން އަޅުގަނޑުމެން އަލުން ފަށާނީ ޖޫން މަސް ނިމުމުން. މިއީ ކައުންސިލުން ރައްޔިތުންނަށް ދޭ އިނާޔަތެއް. މިކަމާ ދޭތެރޭ ރައްޔިތުން ވަރަށް ހިތްހަމަ ޖެހޭ،" އޭނާ ވިދާޅުވި އެވެ.
ބައެއް ރަށްތަކުން ރޯދައާ ދިމާކޮށް އެ ރަށުގެ ރައްޔިތުންނަށް މިފަދަ ރޯދަ ހަދިޔާތައް ދެ އެވެ. ގާތްގަނޑަކަށް 1800 އެއްހާ މީހުން އުޅޭ އުނގޫފާރަށް މި ހަދިޔާ ދޭން އެންމެ ފުރަތަމަ ފެށީ 2016 ގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މާމިގިލި
22 April 2019
މާމިގިލީ ގެ ކައުންސިލަރުންވެސް ވަރަށް ރަނގަޅު ވާނެ، ކޮންމެ ފަހަރަކުވެސް ބައިވަރު ކަންތައް ކޮށްދޭނެ ރޯދައަށް ރައްޔިތުންނަށް، ވަރަށް ހެޔޮފުޅު ބައެއް
ސުވާލު
22 April 2019
ކޮރަޕްޝަން ހިމެނޭ ގޮތަށް ނުހައްގުން ފްލެޓް ބެހި މީހުންނާ ދޭތެރޭ ފިޔަވަޅު އަޅައި ފްލެޓް ދޫކުރުމުގައި އިންސާފުވެރި ނިޒާމެއް ގާއިމްކުރުމަކީ، ރައީސް އިބްރާހިމް މުހައްމަދު ސޯލިހްގެ ވެރިކަމުގެ މަސައްކަތުގެ ފުރަތަމަ 100 ދުވަހުގެ ތެރޭގައި ފުރިހަމަ ކުރައްވަން ވެވަޑައިގަތް ވައުދެއ
ޙިލޭ
22 April 2019
ހިލޭ ކިހިނެއްބާވަނީ. ޢިންޖީނަ އަޅާ ތެޔޮހިލޭ ލިބުނީތަ، އަޑީ ތެޔޮ ހިލޭ ލިބުނީތަ، މުވައްޒަފުން ހިލޭ މަސެއްކައި ކޮއްދޭން އެއްބަސްވީތަ.
ކަނބާއައިސަާ
22 April 2019
ބަލަ އަހަރުގެ އެހެން މަސް މަހު ލިބޭ ފައިދާ އޮންނާނެތާ އެއްޗެކޭ ބުނާއިރު ބޯމައްޗަށް ނަގާ ވިސްނާލަބަލަ
ބޮސްގެ ބޮސް
22 April 2019
ކޮންތާކުން ހޯދާހާ ފައިސާއެއް؟
ރަށުމީހާނ
22 April 2019
ތީ ދިވެހި ރައްޔިތުންގެ ޓެކްްސް ފައިސާ، ހިލޭބަހަން ހެޔޮ ނުވާނެ. ބޭނުންޖެހިފައި ތިބި ފަޤީރުންނަށް ދިނަސް އޯކޭ.
900 ޑިގުރީ
22 April 2019
މިހެންވެ 1000 މީހުންނަށްވުރެން ބޮޑަތި އާބާދީތަށްކުގެ އިންޖީނުގެ ތަކާއި ނަރުދަމާ އާއި ފެނުގެ ނިޒާމް ކައުންސިލްތަކާއި ހަވާލުކުރަންވީ
ފަތިސްދަން
22 April 2019
އެއީ އެންމެ ރަނގަޅު ގޮތްބާ އެއަށްވުރެ މާރަނގަޅު ހާލުގަ ޖެހޭ ދުވަހު އެހީވާ ފަންޑަކަށް ތި ފައިސާ ޖަމާކުރާނަމަ އެފަދަ ދުވަހަކަށް އެއްޗެއް ފޮރުވިފަ އޮތީސް
6666
22 April 2019
ރާއްޖެއަށް ލިބޭ ލާރިއާ ބަލާފައި މުޅީރާޢްޖެއަށް ހިލޭ ކަރަންޓް ދެވޭނެ. އެކަމަކެ އެލާރި ޓެކްސް ހެވަން ހަދައިގެން ރާއްޖެ ނުވަންދަންޏަކާ ނުލިބޭނެ
ކައްދާފުޅުދޮންތު
22 April 2019
ކުރެވޭ ކަމެއް ވިއްޔާ ހުރިހާ ކައުންސިލުންވެސް ކުރަންޖެހޭނެ . ނުކުރެވޭ ކަމެއްވިއްޔާ އެއްވެސް ކައުންސިލަކުން ކޮށްގެން ނުވާނެ ! ސަރުކާރުގެ ފައިސާ ސަރުކާރުގެ ޚިދުމަތް އެއްވަރު ކުރަންޖެހޭ ! ލާމަރުކަޒީ ކޮށް ނުހިގާ އިރު ފައިސާ ލިބޭނީ ހަމަ އެއްގޮތަކަށް !