ރައީސް ޔާމީންގެ ބިލްބޯޑަކަށް ކަޅުތެޔޮ ޖެހި މީހާ ހޯދަން ވީޑިއޯއެއް އާއްމުކޮށްފި

ރައީސް ޔާމީން ޕްރޮމޯޓް ކުރުމަށް ހަރުކޮށްފައިވާ ބިލްބޯޑަށް ކަޅުތެޔޮ ޖެހި ކަމަށް ފުލުހުން ތުހުމަތުކުރާ މީހާ ފެންނަ ވީޑިއޯ. --ފޮޓޯ: ޕޮލިސް

ފަޒީނާ އަހުމަދު، މިހާރު

06 ސެޕްޓެމްބަރ 2016 - 11:54

62 comments

ރައީސް އަބްދުﷲ ޔާމީން ޕްރޮމޯޓްކުރުމަށް އާޓިފިޝަލް ބީޗް ސަރަހައްދުގައި ހަރުކޮށްފައި ހުރި ބިލްބޯޑަކަށް މިދިޔަ މަހު ކަޅު ތެޔޮ ޖެހި މައްސަލައެއްގައި މީހަކު ހޯދަން ފުލުހުން މިއަދު ވީޑިއޯއެއް އާއްމުކޮށްފި އެވެ.

ވީޑީއޯ އާއްމުކޮށް ތަފްސީލް ނުދީ، ފުލުހުން ބުނެފައި ވަނީ އެ މީހާ ހޯދަނީ ތަހުގީގުކުރަމުން އަންނަ މައްސަލައެއްގައި ކަމަށެވެ. އެކަމުގައި އާއްމުން އެހީތެރިވެދޭން ފުލުހުން ވަނީ އެދިފަ އެވެ.

އެ ވީޑިއޯ އިން ފެންނަނީ އާޓިފިޝަލް ބީޗް ސްޓޭޖުގެ ފުރަގަހުން މަޖީދީމަގަށްވާ ގޮތަށް ހަރުކޮށްފައިވާ ބިލްބޯޑު ކައިރި އަށް މަޖީދީ މަގުން ސައިކަލެއްގައި ދެ މީހަކު ގޮސް މަޑުކުރާ ތަނެވެ. އޭގެ ތެރެއިން އެކަކު ސައިކަލުން ފައިބައި ބިލްބޯޑާ ދިމާލަށް ދާ މަންޒަރު ފެނެ އެވެ. އެނގިފައިވާ ގޮތުގައި ފުލުހުން ތުހުމަތުކުރަނީ ކަޅުތެޔޮ ޖެހީ އެ މީހާ ކަމަށެވެ.

Fuluhun thahuqeeq kuramundhaa massala akaai gulhigen meehaku hoadhanee https://t.co/YDCxmKU8tX pic.twitter.com/me1B2fg5lV
— Maldives Police (@PoliceMv) September 6, 2016

މީހަކު ހޯދަން ފުލުހުން އާއްމުކޮށްފައިވާ ވީޑިއޯ

އެ މީހާ ބެހޭ އެއްވެސް މައުލޫމާތެއް ލިބިފައިވާ ނަމަ ފުލުހުންގެ ހޮޓްލައިން 3322111 ނުވަތަ 9631696 އަށް ގުޅައި މައުލޫމާތު ހިއްސާކޮށްދޭން ފުލުހުން އެދެ އެވެ.

އާޓިފިޝަލް ބީޗް ސަރަހައްދުގައި ހުރި ބިލްބޯޑަށް ބަޔަކު ކަޅު ތެޔޮ ޖެހުމުން އެމްއާރުޑީސީ އާއި ފުލުހުން ގުޅިގެން ސާފުކުރަނީ.

މަގުތަކުގައި ހަރުކޮށްފައި ހުންނަ ބިލްބޯޑުތަކަށް ދޭތެދޭތެރެ އިން ކަޅުތެޔޮ ޖަހަ އެވެ.

ރާއްޖޭގެ ވިޔަފާރި ކުންފުނިތަކުން މަގުމަތީގައި ޖަހާފައި ހުރި ބިލްބޯޑުތައް ނެގުމަށްފަހު، މާލޭގެ މުހިންމު ގިނަ ސަރަހައްދުތަކެއްގައި ވަނީ ރައީސް ޔާމީން ކޮށްދެއްވާފައިވާ ކަންތައްތަކުގެ ފޮޓޯ އާއި ލިޔުން ހިމެނޭ ބިލްބޯޑުތަކެއް ހަރުކޮށްފަ އެވެ.

ކުށްކުރުން ފުލުހުން ދިވެހި ސަރުކާރު ރައީސް އަބްދުﷲ ޔާމީން

62 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

08 February 2017

ތީދެން ބޮޑުވަރު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަބްދުﷲނާފިޒު

13 November 2016

ފުލުހުން މީ ކިހިނެއް ވަފާ ތިބޭބައެއްތަ އަޅެފަހެ، މިމީހުނަށް ބޮޑު މުސާރައާ އިނާޔަތާ ދެންވެސް ހުރި ހުރިހާ އެއްޗެއް ދީގެން ރައްޔިތުން މިތިބެނީ ތަލިން ކުޅުހުކިފަ، އެކަމަކު މިވަރުކަމެއް ކުރަންވީމަވެސް ރައްޔިތުން މިޖެހެނީ އެމީހަކު ހޯދަން ނުކުންނަން، ނުވާނެ ތިކަމެއް ކަލޭމެން އަމިއްލަޔަށް ހޯދާ ނުވަންޏާ ޔުނީފޯމް ބާލަފަ ގެއަށް ކަނޑާލާ، ތިމީހަކާ ބެހޭ މައުލޫމާތު އަހަރުންނަކަށް ދުވަހަކުވެސް ނޭގޭނެ، އާނފަހެ.