ހޯމް މިނިސްޓަރު އިމްރާން އަބްދުﷲ. ބައެއް ގައިދީންގެ ބޯ ތުނިކޮށް ކޮށާލި ކަމަށް އޭނާ ވިދާޅުވި. --- ފޮޓޯ: މިހާރު
22 ޖޫން 2019 - 15:58
32 comments
މާފުށީ ޖަލުގެ ދެ ގޮޅިއަކުން މިދިޔަ ބުރާސްފަތި ދުވަހުގެ ރޭ ގައިދީން ނެރެ އެ މީހުންގެ ގައިގައި ތަޅައި އަނިޔާ ކުރުމުގެ ސަބަބުން ލިބުނު ގެއްލުންތަކަށް މޯލްޑިވްސް ކަރެކްޝަނަލް ސާވިސް އިން ފަރުވާ ނުދީ ލަސްވި ކަމަށް ހޯމް މިނިސްޓަރު އިމްރާން އަބްދުﷲ މިއަދު ވިދާޅުވެއްޖެ އެވެ.
ޖަލުގައި ހިނގި ހަމަނުޖެހުންތަކާ ގުޅިގެން އެތަނުގެ ހާލަތު ބައްލަވާލެއްވުމަށް ފަހު އެނބުރި މާލެ ވަޑައިގެން ނޫސްވެރިންނާ ބައްދަލު ކުރައްވައި އިމްރާން ވިދާޅުވީ ޖަލުގައި ހިނގި ހަމަނުޖެހުމުގައި ހަ ގައިދީ އަކަށް އެކިވަރުގެ އަނިޔާތައް ލިބުނު ކަމަށެވެ. އެކަން ހިނގި ކަމުގެ މައުލޫމާތު ލިބިވަޑައިގަތުމާ އެކު އެ ގައިދީންނަށް ލަސްނުކޮށް ފަރުވާ ދިނުމަށް ކަރެކްޝަނަލް ސާވިސް އަށް އެންގެވި ކަމަށް އިމްރާން ވިދާޅުވި އެވެ.
"މިކަމުގައި އިހުމާލުވާ، ފަރުވާ ކުޑަކޮށްފައި ހުރި ހުރިހާ ކަމެއް ދެނެގަތުމަށް ފަހު ފިޔަވަޅު އަޅާނަން،" މިނިސްޓަރު ވިދާޅުވި އެވެ.
"ގައިދީން ބައެއް ފަހަރު ހުރޭ ބައެއް ހާލަތްތައް ހިންގާފައި. ހާލަތު އުފެއްދުމަށް. އެހެންވީމަ ރަނގަޅަށް ބެލުމަށް ފަހު ފިޔަވަޅު އެޅުމަކީ އެންމެ ރަނގަޅު ގޮތް،"
ޖަލުގައި ހިނގި ހަމަނުޖެހުން ކޮންޓްރޯލްކުރަން ބޭނުން ކުރަން ޖެހޭ ވަރަށް ވުރެ ގިނައިން ޕެޕަ ސްޕްރޭ ބޭނުން ކުރުމާއި ބިޑި އަޅުވަން ޖެހޭ ގޮތަށް ވުރެ ބާރަށް ނުވަތަ އަޅުވަން ނުޖެހޭ ގޮތަކަށް ބިޑި އެޅުވި ކަން ފާހަގަ ކުރެއްވިފައިވާ ކަމަށް ވެސް މިނިސްޓަރު ވިދާޅުވި އެވެ. ބައެއް ގައިދީންގެ ބޯ ޓްރިމަރަކުން ތުނިކޮށް ކޮށްފައިވާ ކަމަށް ވެސް އިމްރާން ވިދާޅުވި އެވެ.
ގައިދީން ޖަަލުގައި ހަމަނުޖެހުން ހިންގައިފި ނަމަ މީގެކުރިން ވެސް ބޯ ތުނިކޮށް ޓްރިމް ކުރާ ކަމަށާއި އެއީ ކޮށްގެން ވާނެ ކަމެއް ނޫން ކަމަށް އިމްރާން ވިދާޅުވި އެވެ.
"ބޯ ބާލާފައެއް ނޫން ހުރީ، ބޯ ތުނިކޮށް ޓްރިމަރުން ކޮށާފައި ހުރީ، އަޅުގަނޑުމެން ގަބޫލުކުރާ ގޮތުގައި އެ ފޯސް އެގޮތަށް ބޭނުން ކޮށްގެންވާނެ ކަމަށް ގަބޫލެއް ނުކުރަން، އެހެން މި ދެންނެވީ އެކަންކަން އެގޮތަށް ބަލާފައި އެކަން ކުރީ ކާކު ބުނެގެންތޯ ބަލާފައި ފިޔަވަޅު އަޅާނަން،" އިމްރާން ވިދާޅުވި އެވެ.
ޖަލުގައި ހިނގި ކަންކަމާ ގުޅިގެން އެތަނުގެ ކޮމާންޑަރަކު ވަނީ ތަހުގީގު ނިމެންދެން ސަސްޕެންޑްކޮށްފަ އެވެ.
އެނގިފައިވާ ގޮތުގައި ޖަލު އޮފިސަރުން ގައިދީން ގައިގައި ތަޅައިގަތީ، އެހެން ގޮޅިއަކުން އެއްޗެއް ގެނެސްދޭން ގައިދީއަކު އެދުމުން ހިނގި ޒުވާބެއްގައި އޮފިސަރަކަށް ހަމަލާ ދިނުމުންނެވެ. އެ ހަމަނުޖެހުން ހުއްޓުވަން ހާލަތާ ނުބައްދަލު ބާރުގެ ބޭނުންކޮށްފައިވާ ކަމަށް އިމްރާން މިއަދު ވެސް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
777777
23 June 2019
ރާއްޖޭގައި ޖަލުތަކުގެ އަނިޔާއާ މެރުމާ މިނޫނަސް އެތައް ފަހަރަކު ހިނގައިފި. މިފަހަރާ އެފަހަރުތަކާ ތަފާތަކީ ހޯމް މިނިސްޓަރ ޒިންމާ ނަގައިފި. މަޖިލިސް ހިލިގަނެއްޖެ. ބަޔަކު ސަންސްޕެންޑްވެ ވަގުތުން އެމައްސަލަތައް ބެލެން ފަށައިފި. ދައުލަތެއް އެބަ އޮތްކަމުގެ އިހްސާސް ރައްޔިތުންނަށް ލިބިއްޖެ. ދިވެހިންގެ ހަށިގަނޑާ ފުރާނައިގެ އަގު ދަންނަ ބަޔަކު ސިޔާސީތަނަކަށް ލެވިއްޖެ ކަމުގެ އިހްސާސްވެސް ވެއްޖެ! ޝުކުރިއްޔާ އިމްރާން އެންޑް ޓީމް! އަދި އިބޫ.
55555
23 June 2019
ކަލޯ މަށަށް އަޑުއިވިފައި އޮތީ ސަރުކާޜު ވެއްޓުމުގެ ކަމެއް ފަށަން އުޅޭކަމަށް މަގުމަތިން. އަވަހޭނު. މައިތިރި ނާރާތި. މިގައުމު ނޭވައެއް ލިއަ ނުދޭތި. ކަމެއް ނެތިއްޔާ އަމިއްލަ ދުފާ...
ސަނި
23 June 2019
ސަރުކާރު ހިންގުމާ އަދާލަތު ބައިވެރި ކުރަންވީ އެއްވެސް ހައިސިއްޔަރެއް ނެތް، މީނަ މަގާމުން ދުރު ކުރަންޖެހޭ.. އަދާލަތަކީ 0 ގޮނޑި ޕާރޓީ އެއް.. އާންމުންގެ އިތުބާރު ގެއް ލިފަވާ ބައެއް
ސަނީމް
23 June 2019
އިމުރާނު އިސްތިއުފާ ދޭންޖެހޭ
ޖަމަލުއްޒަމާން
23 June 2019
އެމީހުންނަށް މަހަކު 15000 ރުފިޔާ ބޭކާރު ގޮތުގަ ހަރަދުކޮށްފާ ވީއައިޕީ ފެންވަރުގަ ބޭސްފަރުވާ ދޭންވީތަ ؟ މާ ހައްޤު ބޮޑު ބަޔެކޯ ދެން
ގުޑުގުޑާ
23 June 2019
އެއްމެފުރަތަމަ ޖަލުގައިތިބިމީހުއްގެ އައްޑިހަޕަސައްޓުމީހުއްނީ ރޯނުއެދުރު އިމްރާނުސަބަބުއް ޖަލައްވައްނައްޖެހުނުމީހުއް ދެއްމީނާރަގަޅުކުރެވޭނީކޮއްކަމެއްތަ?
ނިިބޫ
23 June 2019
ވަރަށް ސާފުކޮށް އެނގެން އޮތް ހަގީގަތަކީ ސަރުކާރުގެ އިސްވެރިންވެސް ތިބީ ގޭންގްތަކުގެ ދަށުވެފަ...
ވިސްނުން
23 June 2019
މިހާރު މިިއީ އަނިޔާވެރި ސަރުކާރެއް
ސަލްމާން
23 June 2019
ގައިދީންނަކީ ނުކިޔަމަންތެރި އަދި ނުރައްކާތެރިބަޔަކު ކަމުގައިވާނަމަ އެމީހުން ހިންގަފާނެ ޖަރީމާއަކައްޓަކައިވެސް ހަރުކަށި އަދަބު ދޭންޖެހޭ. ޖަލު ބަލަހައްޓަނަ ތިބޭ މުއައްޒަފުންނައް ޖިސްމާނީ އަނިޔާއެއް ގައިދީންގެ ކިބައިން ލިބިއްޖެނަމަ އެއީ ކުޑަކަމަކައް ހަދާލާފަ އެފަދަގައިދީން ދޫކޮއްލެވިގެންނުވާނެ. އެފަދަ ގައިދީންނައް ހަރުކަށިއަދަބު ދެންތިބި ގައިދީންނައް ފެންނާނޭހެން ދޭންޖެހޭ.
އިބުރާހީމޫ
23 June 2019
ތިތާ ހިނގާ ކަންތައްތައް ވަގުތުންރެކޯރޑުކުރެވިމޮނިޓަރ ކުރެވޭނެ ކެމެރާގަޑެއްވެސް ނެތީތަ؟ ކުރީއްސުރެ ހުންނަންޖެހޭނެ...24ގަޑިއިރު ހުރިހާކަމެއް ވަގުތުން މޮނިޓަރ ކުރެވެންޖެހޭނެ ދެއްތޯ؟........ވަގުތުން ހާދިސާ ދިގުނުލާގޮތަށް ކޮންޓްރޯލު ކުރެވެންޖެހޭނެ ދެއްތޯ؟......