ޚަބަރު / މެމްބަރު އަބްދުﷲ ޖާބިރު (ކާށިދޫ)

މެމްބަރު ޖާބިރު ޑީއާރުޕީއާ ގުޅިވަޑައިގަންނަވަނީ

ކާށިދޫ ދާއިރާގެ މެމްބަރު ޖާބިރު.-- ފޮޓޯ: ހުސެއިން ވަހީދު/ މިހާރު

އާސިމާ ނިޒާރު، މިހާރު

12 ޖުލައި 2019 - 18:55

42 comments

ރައްޔިތުންގެ މަޖިލީހުގެ ކާށިދޫ ދާއިރާގެ މެމްބަރު އަބްދުﷲ ޖާބިރު ޑީއާރުޕީއާ ގުޅިވަޑައިގަންނަވަން ނިންމަވައިފި އެވެ.

އަމިއްލަ ގޮތުން ވާދަކުރައްވައި ހޮވިވަޑައިގެންނެވި ޖާބިރު "މިހާރު" އަށް ވިދާޅުވީ ޑީއާރުޕީއާ ގުޅެން ނިންމެވީ ސިޔާސީގޮތުން ކުރިއަރައި ދިއުމަށް ކަމަށެވެ. އެހެންވެ އެމްޑީޕީ ދޫކުރައްވައި، މި މަހުގެ 26 ވަނަ ދުވަހު އޭނާ ޑީއާރުޕީއާ ގުޅިވަޑައިގަންނަވާނެ އެވެ. އެއީ ޑީއާރުޕީގެ 14 ވަނަ އަހަރީ ދުވަހެވެ.

ކާށިދޫ ދާއިރާގެ އެމްޑީޕީގެ ޕްރައިމަރީގައި ވާދަކުރައްވައި ޖާބިރު ވަނީ ނާކާމިޔާބުވެވަޑައިގެންފަ އެވެ. ނަމަވެސް ފަހުން އެ މައްސަލަ ސުޕްރީމް ކޯޓަށް ހުށަހަޅައިގެން، ޕްރައިމަރީން ބަލިވާ މީހުންނަށް ވެސް ވާދަކުރެވޭނެ ކަމަށް އެންމެ މަތީ ކޯޓުން ނިންމުމުން ކާށިދޫ ދާއިރާއަށް ވާދަކުރައްވައި އޭނާ ވަނީ ގޮނޑި ކާމިޔާބުކުރައްވައިފަ އެވެ.

ޖާބިރު ވިދާޅުވީ އެމްޑީޕީގެ މެމްބަރަކަށް ވިއަސް ޕާޓީގެ ޕާލިމަންޓް ގްރޫޕު (ޕީޖީ) އިން އޭނާއަށް ފުރުސަތު ނުދޭ ކަމަށެވެ.

ޑީއާރުޕީގެ ލީޑަރު މުހައްމަދު ނަޝީދު (ކާނަލް) ވިދާޅުވީ ޖާބިރާއެކު މަޖިލީހުގެ އިތުރު ދެ މެމްބަރަކު ވެސް އެ ޕާޓީއާ ގުޅިވަޑައިގަންނަވާނެ ކަމަށެވެ. ނަމަވެސް އެ މެމްބަރުންނާ ގުޅޭ ތަފްސީލެއް ނުދެއްވި އެވެ.

"އެމަނިކުފާނު [ޖާބިރު] ދެން ޕާޓީ ލީޑުކުރައްވާނީ. ސިޔާސީ ބުރަދަނެއް ހުރި ބޭފުޅަކު ނޫންތޯ، މަޖިލީހުގައި ތަމްސީލުކުރައްވާ ބޭފުޅަކު ނޫންތޯ ޕާޓީ ހިންގަވަން ވާނީ،" ކާނަލް ވިދާޅުވި އެވެ.

މިއީ 19 ވަނަ މަޖިލީހުގެ މެމްބަރުންގެ ތެރެއިން، މެންބަރަކު ޕާޓީ ބަދަލު ކުރައްވާ ފުރަތަމަ ފަހަރެވެ.

އެމްޑީޕީ ޑީއާރުޕީ މެމްބަރު އަބްދުﷲ ޖާބިރު (ކާށިދޫ)

42 ކޮމެންޓް, 122 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މުޙައްމަދު ޗ

14 July 2019

ލައްބަ! ޑަސްޕިނަކީ ކުނިއަޅަން ހުންނައެޗެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވާނެބާ

13 July 2019

ޑީއާރްޕީ ކަހަލަ ހުސް ތޮށިގަނޑެއް އަދި ނަމެއްގައި އޮތް ޕާޓީއަކަށް ގޮސްގެން ކޮންކަމެއްބާ ވާނީ.. ޕާޓީއެއްގެ ލީޑަރެއްގެ ލަގަބު ލިބުނަސް ވާނެ ފައިދާއެއް ނެތް. ކެސީނޯ އަޅަން ބޭނުންވާ މީހެއްގެ ފަހަތަށްވެސް އެކަމު މީހުން އަރާފާނެކަން އެނގެނީ އަދީބުގެ ޕާޓީއަށްވެސް މީހުން ސޮއިކުރީތީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަަދަނަ

13 July 2019

ވެލެންސިޔާ މިހާރު އޮތް ވަޅުގަނޑުގައި އެއޮތީ މީނަގެ ސަބަބުން . ދެން ޑީއާރުޕީ މިހާރުވެސްަ އެއޮތީ ވަޅުގަނޑެއްގަ ދޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝެލަރީ

13 July 2019

ޖާބިރު ބުނަން މީ އެޖެންޑާ 19 ކިތަންމެބަރަކަށް ފޫ ކަހާލިޔަކަސް މިސަރުގެ ވިސްނުމެއްނެތް ފަހަތުން ދުވެ އާދޭސްކުރާކަށް މީ ރަށްޔިތުންގެ ބޮޑު 19 ދެން ލަލަލާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަޅުކަޅު ދޮނޭ

13 July 2019

މަޖިލީހުގެ ގިނަމެމްބަރުން ތަކެއް ކެޑިނޭޅި ޖާބިރަށް ފާޑުކިޔަމުންދާތަން ގިނައިްނ ފެނޭ،، ޖާބިރަކީ މާ ތައުލީމީ މީހަކަށް ނުވުމާއެކު، އެކަން ހަޖަމް ނުކުރެވި މަޖިލީހުންލިބޭ ބަހުސްގެ ވަގުތުކޮޅުވެސް ދާއިރާގެ މީހުންމަތީ ހަދާން ނެތި އެފަދަ މެމްބަރުންނަށް ރައްދުދިނުމުގަ ބޭކާރު ކޮއްލާތަން ފެންނަނީ.. ހިތާމަ ހުރިކަމެއް..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޜެއިންބޯ

13 July 2019

ޑީއާރުޕީ އާއި ގުޅުމުން ކުރެވޭނެ އެއްކަމެއްވެސް ނުވިސްނޭ. ސޫޓް ލުމުން ކޟެއ ކުރެވެންޏާ ކުރެވިދާނެ. ކާށިދޫ ދާއިރާގެ ރައްޔިތުންަނަށް މީނަ ވަކިކުރަން ފުރުޞަތު ލިބޭނެ ނަމަ ރަގަޅު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޮނިޓައްޕު ހަސަނު

13 July 2019

ރާއްޖޭގެ ސިޔާސީ އުދަރަހުގައި ޖާބިރުގެ ބަސް ވިކުނު ޒަމާން މާޒީވެ ހިނގައްޖެ. ޖާބުރު ވޯޓު ދިނަސް ނުދިނަސް އެމްޑީޕީން ފާސް ކުރަން ބޭނުންވާ ބިލެއް ފާސް ކުރާނެ. ޖާބިރު ރުއްސަން ދައުލަތުގެ ފަޅު ރައްތަކާއި، ފަޅުތަކެއް މިސަރުކާރަކުން ނުދޭނެ. ޖާބިރުގެ ތިޔަ ނިންމުން ވަރަށް ރަނގަޅު.