އޭޓީއެމުން މީހަކު ފައިސާ ނަގަނީ: ދެ މީހެެއްގެ އަތުން މިރޭ ވަނީ ފޭރިގެންފައި.
15 އޯގަސްޓް 2019 - 21:58
47 comments
މާލޭ މަގުމަތީގައި ހުރި ޒުވާނަކަށް ބިރު ދެއްކުމަށް ފަހު، އޭނާގެ އެކައުންޓުން މިރޭ ފައިސާތަކެއް ފޭރިގެންފި އެވެ.
ފުލުހުން ބުނީ ދެ މީހަކު ވެގެން ބިރު ދެއްކީ ޖަމާލުއްދީން ސްކޫލް ކައިރީގައި ހުރި 18 އަހަރުގެ ޒުވާނަކަށް ކަމަށެވެ. އޭނާ ގޮވައިގެން އެ ދެ މީހުން ދިޔައީ މަޖީދީމަގު، އޮލިމްޕަސް ކައިރީގައި ހުންނަ އޭޓީއެމަށެވެ. އެ ޒުވާނާގެ އެކައުންޓުން އެ މީހުން 1،700 ރުފިޔާ ނަގައިފައިވާ ކަމަށް ފުލުހުން ބުންޏެވެ.
އެ ޒުވާނާއަށް ބިރު ދެއްކީ ކިހިނެއް ކަމެއް އަދި އޭޓީއެމާ ހަމައަށް އޭނާ ގެންދިޔަ ގޮތެއް ވެސް ފުލުހުން ނުބުނެ އެވެ.
އޭޓީއެމްތަކުގައި ސީސީޓީވީ ކެމެރާ ހުރެ އެވެ. އެކަމަކު މި ޒުވާނާ އަށް ބިރު ދެއްކި މައްސަަލައިގައި އަދި މީހަކު ހައްޔަރެއް ނުކުރެ އެވެ.
މީގެ އިތުރުން ސްޓެލްކޯ ކައިރީގައި ހުރި ބިދޭސީއެއްގެ ފޯނު މިރޭ ވަނީ ފޭރިގެންފަ އެވެ. ފުލުހުން ބުނިގޮތުގައި ފޯނު ފޭރިގަތީ ސައިކަލެއްގައި ދިޔަ ދެ މީހެކެވެ. މި މައްސަލައިގައި ވެސް އަދި މީހަކު ހައްޔަރު ނުކުރާ ކަމަށް ފުލުހުން ބުންޏެވެ.
ފޭރުމުގެ މި ދެ ހާދިސާ ފުލުހުން އަންނަނީ ތަހުގީގު ކުރަމުންނެވެ.
ކޮންމެ އަހަރަކު ވެސް އީދު ބަންދާ ދިމާކޮށް، ވައްކަމާއި ފޭރުން އިތުރުވާ ކަމަށް ފުލުހުންގެ ހިސާބުތަކުން ދައްކަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޮންދު
18 August 2019
މައްސަލަދަނީ ބަލަމުންނެވެ. ނިމޭނެ އިރެއް ދެނެވޮޑިގެންވާނީ ﷲ
ސަލީމް
17 August 2019
މާލޭގެ ކެމެރާ ތަކަކަކީ ކަން ދައްކަން ބަހައްޓާފަ ހުންނަ އެއްޗެއް ބާވައެވެ. އެހެން ގައިުމުތަކުގައި ލާހިކެއް ނޫން މިކަހަލަ ކަންކަން ވާކަށް.
ހަބީބާ
17 August 2019
ޕޮލިސް ކަމިޝަނަރުގެ ނާގާބިލްކަން! އޭނާގެ ކަމަކީ ސޯޝަލް މީޑިޔާގަ ފޮނިކެނޑުން.
ރަދީފް
17 August 2019
ގޮޅި ޖެހި ސާންތިން ހެދުން ތުރުކުރައްވައިގެން ޖީއެން ސައިކަލްގަ ތިބޭ ގައުމުގެ ފަހުލަވާނުންގެ ތެރެއިން މީހަކު ކުރިކަމެކޭ ނުބުނަން މަމެން ނެތިން.
އަލިފުތާ
16 August 2019
މިކަންކަމުން އެގޭ އެއްޗަކީ މުޖުރިމުން އިތުރުވެ މަގުގެއްލިފައިވާ އިންސާނުންތައް މިމިޖުތަމައުގައި ގިނަވަމުންދާކަން...
ބަނާނާ ސަރުކާރު
16 August 2019
މިސަރުކާރު އައިފަހުން މިފަދަ ކަމެނުހިގާ ހަފްތާއެ މަދުވާނެ. މަގުފޭރުން މިއީ ކޮންފަދަ ނުރައްކާކަމެ މިއޮއް ކުޑަކުޑަ ރަށުގަ އެތައްހާސް ބަޔަކުދިރިއުޅޭ ރަށެއްގަ. މިއީ އާދުބާގާގެ މީހުންތަ؟ފޭރޭ އެއްޗެ ހޯދެނީކީނޫން ފޭރުނުބަޔަކު އަތުލެވެނީކީނޫން ފޭރުން ހުއްޓުވެނީކީނޫން ކޮބާ ހޯމްމިނިސްޓަރު ހުރިހާ ބާރަކާ ހަތިޔާރެވަނީ މިނިސްޓަރަށް ދީފަޔޯ މިކަން ހުއްޓުވަން ކީއްބާކުރެވުނީ ބަހެނުބުނެ ފިލާތިބައްސް ރައްޔިތުންގެ މުދަލާ ނަފްސު ސަލާމަތެނުކުރެވޭ.. ޒިންމާއަދާ ނުކުރެވޭ
ބޮޑުތަކުރު
16 August 2019
ޕޮލިހުންގެ ތެރެއިން ނޭދެވޭ ހަރުކަށިކަމެއް ފެންނައިރަށް މުޅި އެދާއިރާގެ އިހުތިރާމާ ހައިބަތު ގެއްލޭވަރަށް އެއްޗެހި ކިޔާ ހެދީމާ ވާނެގޮތް މިފެންނަނީ! މުޖުރިމުން ހަރުތަކުން ނިކުމެ ހިއްވަރާ ފަންވަރުގައި ރަށުތެރޭ ރަސްކަންކުރުން. ނުހުއްޓުވޭ ގަޔަކު އަތެއްނުލެވޭ، ކޯޓިތަކުގައި އެމީހުންގެ ހަށިފާރަވެރިންނަށް ތިބޭނީ ދައުލަތުގެ ފައިސާއިން ކިޔަވާދިން ވަކީލުން. ގައުމުގައި އެންމެ ގަދަރުވެރީ ޕޮލިހުންނަށް އެންމެ ކުޑާމިސްކުރާ މީހާ، މީ ހާލަތު..!
ހަސީނާ
16 August 2019
ފޮލިހުންގެ ތެރޭގައި އޮތީ ކުޑަ ނޭދެވޭ އަދި ހުތުރު ކަމެއްތޯ؟ ޒަމާންވީ ހުދުމުހުތާރުކަމާއި ޑްރަގް އަދި ބޮޑެތި މާރާމާރީ ހިންގާ މީހުންނާއި ސިޔާސީ މީހުންގެ ފައިސާއަށް ގަނެވޭ ފޮލިހުން ރާއްޖޭގަ ގިނަ!
ފިލާވަޅު
16 August 2019
އަދުލު އިންސާފް ޤާއިމް ނުކުރެވުމުގެ ނަތީޖާ، ގަވަނަނަސް އެގޭ ވެރިން ނެތުމާއި ރައްޔިތުންވެސް ލިބްރަލް ޑިމޮކުރަސީ ބޭނުން ވަތީވާގޮތް ފުރީޑްމް އޮފް އެވްރިތިންގް ލައިކް ސަދޫމް،
900 ޑިގުރީ
16 August 2019
މިހާރު މުގައުމުގައި ތަހުގީގެއްކުރިޔަސް މައްސަލައެއް ބެއްޔަސް އެކަން ކުރެވޭނީ މަޖިލީހުން ކަމަށް ދައްކަމުން އަންނަނީ އު
ދިވެހިމީހާގެ ދަރި
16 August 2019
މައްސަލައެއް އޮތްކަމަކަށް ނުފެނޭ. މުޅި ރަށުގައި ކެމެރާ ހަރުކޮށްފައި ހުރި ރަށެއްގައި ތިޔަ ޒާތުގެ ކުށެއް ކޮށްފައި 24 ގަޑިއިރުވާއިރު އެމީހާ، ނުވަތަ އެމީހާ ހުރި ހިސާބެއް ހޯދައި ނުލެވޭ ކަމަށްވަންޏާ ތިޔަ ކަމުގައި ގޯހެއް އެބައޮތްތަ! ދިވެހިރާއްޖޭގެ ކޮންމެ މީހެއްގެ ފޮޓޯ އައިޑީ ކާޑު އޮފީހުގައި ހުންނާނެ. ކެމެރާއިން ފެންނަ މީހާއާ ފޮޓޯތަކާ އަޅައިބަލައި 24 ގަޑިއިރުގެ ތެރޭގައި މީހާ ދެނެނުގަނެވޭނަމަ ދެން ކީއްކުރާ ފޮޓޯއެއްޖެހި އައިޑީ ކާޑެއް؟