ކުރީގެ ނައިބު ރައީސް އަހުމަދު އަދީބު ފުލުސް އޮފީހުން ނުކުމެވަޑައިގަންނަވަނީ: ޓެގް އަޅުވައި ރޭ ވަނީ ގޭ ބަންދަށް ބަދަލުކޮށްފައި. --- ފޮޓޯ: ނިޝާން އަލީ /މިހާރު
29 އޯގަސްޓް 2019 - 10:15
55 comments
ގޭ ބަންދުގައި ބަހައްޓާފައިވަނިކޮށް ކުރިން ފިއްލެވި ކުރީގެ ނައިބު ރައީސް އަހުމަދު އަދީބު، މޮނީޓާ ކުރެވޭގޮތަށް ޓެގް އެޅުވުމަށް ފަހު، ރޭ ގޭ ބަންދަށް ބަދަލުކޮށްފި އެވެ.
ޚިޔާނާތުގެ މައްސަލައެއްގައި ޝަރީއަތް ނިމެންދެން ޖަލުގައި ބަންދުކޮށްފައިވާ އަދީބު، ގޭ ބަންދަށް ބަދަލުކޮށްފައި މިވަނީ މާފުށީ ޖަލުގައި ލިބިވަޑައިގަތް އަނިޔާއަކާ ގުޅިގެން އައިޖީއެމްއެޗުގައި ފަރުވާ ދިނުމަށްފަހު އެވެ. އަދީބު އެޑްމިޓްކޮށް ފަރުވާ ދޭން ފަށާފައި ވަނީ މިދިޔަ ހަފުތާގަ އެވެ.
އަދީބު ގޭބަންދަށް ބަދަލުކުރިކަން ޔަގީންކޮށްދިނުން ފިޔަވައި އިތުރު މައުލޫމާތެއް ކަރެކްޝަނަލް ސާވިސް އިން ނުދެ އެވެ.
ޓެގް އެޅުވުމުން އަދީބު އުޅުއްވާ ތަންތަން ފުލުހުންނަށް މޮނީޓާ ކުރެވޭނެ އެވެ.
ޓޫރިޒަމް މިނިސްޓަރު ކަމާއި ނައިބު ރައީސްކަން ކުރެއްވި އަދީބާ ކުރިން ގާތްގުޅުމެއް އޮތް ކުރީގެ ރައީސް އަބްދުﷲ ޔާމީންގެ މައްޗަށް ދައުލަތުން އުފުލާފައިވާ މަނީ ލޯންޑްރިންގެ މައްސަލާގައި އަދީބު ވަނީ ދާދިފަހުން ހެކިބަސް ދެއްވައިފަ އެވެ. އަދީބު ވަނީ ޔާމީންގެ އެންގެވުމަށް ގާނޫނާ ހިލާފަށް އެތައް ކަމެއް ކުރެއްވި ކަމަށް އިއުތިރާފު ވެވަޑައިގެންފަ އެވެ.
Adeeb fili massalaigai dhauvaa ufulaifi
The most trusted news source in the Maldives
Mihaaru
އަދީބު ފިއްލެވި މައްސަލާގައި ދައުވާ އުފުލުން---
ތަހުގީގަށް އެއްބާރުލުންދޭން ޕްރޮސެކިއުޓާ ޖެނެރަލްގެ އޮފީހާ އެކު އެއްބަސްވުމެއް ހަދާފައިވާ ކަމަށް ކޯޓުގައި އަދީބު ކުރިން ވަނީ ވިދާޅުވެފަ އެވެ. ނަމަވެސް އެ އެއްބަސްވުމުގެ ތަފްސީލެއް އޭނާ ނުދެއްވަ އެވެ.
ސުޕްރީމް ކޯޓުގެ އަމުރަކުން ޕާސްޕޯޓް ހިފަހައްޓާފައި ވަނިކޮށް އަދީބު ފިއްލެވީ ޓަގެއްގައި މިމަހު ކުރީކޮޅު އެވެ. "ވާގޯ 9" ނަމަކަށް ކިޔާ، ޓަގުގައި ފިއްލަވައިގެން އިންޑިއާ އަށް ވަޑައިގެން މައްސަލާގައި އަދީބުގެ މައްޗަށް މިހާރު ވަނީ ދައުވާ އުފުލައިފަ އެވެ. އަދީބުގެ މައްޗަށް އުފުލީ، ގާނޫނު ހިންގުމަށް ހުރަސްއެޅުމުގެ ކުށުގެ ދައުވާ ކަމަށެވެ.
ފިއްލެވި މައްސަލައިގައި ބަންދުގެ މުއްދަތަށް ކްރިމިނަލް ކޯޓަށް ހާޒިރުކުރުމުން އަދީބު ވިދާޅުވެފައި ވަނީ، އެމަނިކުފާނު ފިއްލެވީ އެމްއެމްޕީއާރުސީގެ ތަހުގީގާ ގުޅޭ ގޮތުން ފުލުހުންނަށް ކިޔައިދެއްވާ ވާހަކަތާ ގުޅުން ހުރި ނުފޫޒު ގަދަ ބައެއްގެ ބިރުދެއްކުންތަކާއި އިންޒާރުތަކާ ހެދި ކަމަށެވެ. އެމްއެމްޕީއާރުސީގެ ފައިސާ ލޯންޑަކުރި ގޮތާއި އެ ފައިސާ އިން މަންފާ ލިބުނު މީހުންގެ ތަފްސީލް އަދީބު ގެންދަވަނީ ތަހުގީގަށް ކިޔައި ދެއްވަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކުޑަސޮރު
29 August 2019
ފޮލޯމީ ޑިވައިސްއެއް އަޅުވާފަ ޕަބްލިކަށް ފެންނަގޮތަށް ބަހައްޓާ. އެއިރުން އަހަރެމެނަށްވެސް ވާނުވާ އެނގޭނީ.
ޤައުމިއްޔަތު
29 August 2019
ތިގޮތަށް ކަންތައް ކުރެވެންޏާ، ތަހުގީގަށް ބަންދުކޮށްފައި ތިބި މީހުންނާއި ހުކުމް ތަންފީޒުކުރަމުންދާ އެންމެންވެސް ޓެގަ އަޅުވާފައި ގޭ ބަންދަށް ބަދަލުކުރަންވީނު. އޭރުން ޖަލުތައް ބަންދުކޮށްފައި ކިހާ ފައިސާއެއް ސަލާމަތް ކުރެވޭނެ. ދެން ޓެގް ތައް މޮނިޓަރކުރަން 12 ވަރަކަށް މީހުން ޝިފްޓް ޑިއުޓީގައި ބޭތިއްބީމައި ނިމުނީ.
ބޮޑުމީހާ
29 August 2019
ޓެގް އަޅުވާފަ ގޭގަ ބަހައްޓާ. ޔާމީނާއި އެއްވަރަށް މީނަގެ ޝަރީއަތްވެސް ހިގަންވާނެ އަދި ދެން ފައިސާގަ ޖެހުނު މީހުންނާއި އެކަމަށް މަގުފަހި ކުރުވި މީހުންގެ މައްސަލަތައްވެސް ބަލަންވާނެ. އޭރުން އިންސާފު ލިބުނު ކަމަށްވާނީ.
ލީމް
29 August 2019
މީނަގެ ޝަރީއަތް ނިންމާފަ މީނައާ މެދު ދެން ކޮންމެސް ގޮތެއް ނިންމަން ވެއްޖެއެއްނުން އަނެއްކާވެސް ފިލައިގެން ނުދަނީސް. ޓެގް އެޅުވިއްޔަސް ފިލަން ހުރި މީހަކު ފިލާނެ. އޭނައަށް އެހެންމިހުންގެ ތްރެޓްސް ތަކުންވެސް ސަލާމަތްވާނީ ޖަލުގަ ހުރެގެން ދޯ!!
އދިވެހިން
29 August 2019
މިގަ އުމު އަދިވެސް ހިތްވަރުދެނީ ވަ އްކަން ކުރުމަށް. މަކަރާ ހީލަތަށް. ލޫޓްވުމަށް. އަދުގެ ދަރިންނަށް މިނޫން ކޮން ދަރެސެ އް މިދެވެނީ. ދެން ފުލުހުން ދޭތެރެ އަކުން ( އެމީހުންވެސް މިކަމާ ކުރާނެ ކަމެ އްނެތް) ޓީވީ އަށް އަރާބުނާނެ މިދިޔަމަހު ފޭރުން ގިނަވެ އްޖެ އޭ ވަކި ވަ އްތަރެ އްގެ ވަ އްކަން ގިނަވެ އްޖެ އޭ. ބުނަން އޮތީ އެއ އްމެ އެއ އްޗެ އް. މީ ސަރުކާރާ މިނިވަން މުވަ އްސަސާތަ އް ކުރުވާ ކަންތަކެ އް.
އަރުމަޑޭ
29 August 2019
ފުލުހުންގެ ސިސްޓަމުގަވެސް އަޅުވަތި.
އިސްމާލްކަލޭފާނު
29 August 2019
މިކަމާ އުމަރު ބުނަނީ ކީކޭބާ؟
ރޯޒްސް
29 August 2019
ނިކަމެތި ރައްޔިތެއްނަމަ ދެން ދުވާލުގެ އަލިކަންވެސް ނުފެނުނީސް.. ގައުމަށް ހަރާންކޯރުވެ ޕޮލިޓީޝަނުން ވެއްޖިއްޔާ ރައްޔިތުންގެ ލޮލުގައި އަނދުނެއް އަޅުވާފައި އަރާމުގައި ގޭގަ
ިއިބްރާ
29 August 2019
މުޅި ރާއްޖެ ދުނިޔެއަށް ބަދުނާމް ކުރީމަވެސް ގޭބަންދަށް. މިއޮތީވާ ސަރުކާރެއް.
ފާތުމަ.
29 August 2019
ބޮޑު ޓެގް އަޅުވަން އެބަޖެހޭ ޔާމީނުގެ ހަތަރެސް ފައިގައި. 5 އަހަރުގެ ވެރިކަމެއް ކޮށްނިންމާލިއިރު މާލޭ އެންމެ ހިތްފަސޭހަ ހިސާބުން ބޮޑުސިންގާ ބިމެއްގައި 25 ބުރީގެ ގަނޑުވަރެއް ހަދާ ނިންމާލިއިރު އެއީ މީގެ ކުރިން ދިވެހި ތާރީޚުގެ އެންމެ ގިނަދުވަހު ވެރިކަންކުރި މައުމޫނަށްވެސް ނުކުރެވުނު ވަރެއް. އަދި އޭގެކުރިންވެސް އަދި ފަހުންވެސް އެވަރުކޮށްލަން ކެރުނު ރައީސެއް ނެތް
ފާތާނިކެ
29 August 2019
އެހެންމީހުންގެ ރިޒުގަށް ހަސަދަނުވެ ހަމަޔާ އިންސާފަށް ވާހަކަދައްކާ މާލޭގެ ކޮންމެތާކުން ބިމެހޯދިޔަސް ކުށެނެތި ތުހުމަތުކޮށް އިލްޒާމެ ނޭޅުވޭނެ.. ޔާމީންގެ ގެޔާމެދު ސުއާލެ އޮތްނަމަ ފާތުމަގެ ވެރިކަންމިއޮތީ އިބުރާހީމުގެ ބޭއިންސާފު ކޯޓުން ހުކެމެނެރެބަލަ.. ޅިޔަނު ހުރީ ފުލުހުންގެ ވެރިޔަކަށް.. ވެރިކަން ނިމުމުން އިބުރާހިމުގެ ހިސާބު ކިތާބުވެސް ބަލާލެވޭނެ ދުވަސްވެސް އަތުވެދާނެ.. އޭރުން ޓެގް އަޅުވަން އިބުރާހީމުގެ ދެފައިވެސް އޮންނާނެ...