އެހެން މީހެއްގެ ޕާސްޕޯޓުގައި ރާއްޖެ އެތެރެވާން އުޅުނު މީހަކު އަނެއްކާ ވެސް ހިފަހައްޓައިފި

ޝަހްސު އޮޅުވާލައިގެން ރާއްޖެ އެތެރެވާން އުޅުނު މީހާގެ ފޮޓޯ.

މުހައްމަދު ޔާމީން، މިހާރު

09 ސެޕްޓެމްބަރ 2019 - 20:24

އެހެން މީހެއްގެ ޕާސްޕޯޓުގައި، ޝަހުސު އޮޅުވާލައިގެން ރާއްޖެ އެތެރެވާން އުޅުނު އެހެން މީހަކު ވެސް މޯލްޑިވްސް އިމިގްރޭޝަނުން މިއަދު ހިފަހައްޓައިފި އެވެ. މިއީ މިދިޔަ 24 ގަޑިއިރުގެ ތެރޭގައި މިފަދަ މައްސަލައިގައި ހިފެހެއްޓި ދެވަނަ މީހާ އެވެ.

އިމިގްރޭޝަނުން މިރޭ ކުރި ޓްވީޓެއްގައި ބުނީ ވައްތަރު މީހެއްގެ ޕާސްޕޯޓު ބޭނުންކޮށްގެން، ޝަހުސު އޮޅުވާލައިގެން ރާއްޖެ އެތެރެވާން އުޅުނު މީހަކު ހިފަހައްޓާފައިވާ ކަމަށެވެ. އެކަމަކު، އެމީހާއާ ގުޅޭ އިތުރު އެއްވެސް ތަފްސީލެއް އިމިގްރޭޝަނުން އަދި ހާމައެއް ނުކުރެ އެވެ.

އިމިގްރޭޝަނުން ވަނީ ޕާސްޕޯޓުގައިވާ ފޮޓޯ އާއި އަސްލު މީހާގެ ފޮޓޯއެއް ވެސް އާއްމުކޮށްފަ އެވެ.

Vahtharu meehegge passport beynunkoh (imposter), shah’su olhuvaalaigen Raajje etherevumah masakkaiykuri faraatheh miadhuves Maldives Immigration in huttuvaifi. #RayyithungeKhidhumathuga #BorderSecurity pic.twitter.com/tmoP9ak46N
— Maldives Immigration (@ImmigrationMV) September 9, 2019

އިމިގްރޭޝަންގެ ޓުވީޓު

އެހެން މީހެއްގެ ޕާސްޕޯޓްގައި، އޮޅުވާލައިގެން ރާއްޖެ އެތެރެވާން އުޅުނު މީހަކު ހިފަހައްޓާފައިވާ ކަމަށް އިމިގްރޭޝަނުން ރޭ ވެސް ބުނެފައި ވެ އެވެ.

ރާއްޖޭގައި މަސައްކަތްކުރާ ބިދޭސީންގެ ތެރެއިން ގަވައިދާ ހިލާފުވެގެން ޑީޕޯޓު ކުރުމުން، ޝަހުސު އޮޅުވާލައިގެން އެ މީހުން އެނބުރި ރާއްޖެ އާދެ އެވެ. އަދި ބައެއް މީހުން ރާއްޖެ އެތެރެވެ، ޕާސްޕޯޓާއި އެހެން ލިޔެކިޔުންތައް ފޮރުވައި ގަސްތުގައި ގަވައިދާ ހިލާފުވެ އެވެ. އޭރުން އެ މީހުން ރާއްޖޭން ޑީޕޯޓު ކުރެވޭނެ ގޮތެއް ނޯވެ އެވެ.

މިކަންކަން ހުއްޓުވުމަށް އިމިގްރޭޝަނުން ވަނީ ރާއްޖޭގެ ބޯޑަރު ނިޒާމު ވަރުގަދަ ކުރުމަށް މަސައްކަތްތައް ފަށައިފަ އެވެ.

ގަވާއިދާ ހިލާފަށް އުޅޭ ބިދޭސީން ބިދޭސީން އިމިގްރޭޝަން މޯލްޑިވްސް އިމިގްރޭޝަން

11 ކޮމެންޓް, 28 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޒުވާނާ.

10 September 2019

ރާއްޖެ އެތެރެވާއިރު ކޮންމެ މީހެއްގެ ހަތަރެސްފައިން ފިންގަ ޕުރިންޓްނަގާ ރައްކާތެރިކަމައެކު މޮނިޓަރކޮއް ބަލންޖެހޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފް

10 September 2019

އާ ކުޅިއެއް ދޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޟަޚުސު

10 September 2019

ޓެރޯ ޓެރޯ ސިފައިންނާ ފުލުހުން މިކާމެދު ވިސްނާ އަވަސް ފިޔަވަޅުތަކެއް އަޅަން ފެނޭ. ދިވެހި ކޯސްޓު ގާރޑުން ރާއްޖޭގެ ކަނޑުގެ ސަރަހަށްދުގެ ސެކިއުރިޓީ ވަރުގަދަ ކުރޭ... ރިސޯޓު ތަކުގަ ސެކިއުރިޓީ ކަންތަށް ރިވިއުކޮށް ދޭންޖެހޭ ޓުރެއިނިން ތަށްދީ ފަތުރު ވެރިންގެ ސަލާމަތާއި ރަށްކާތެތި ކަމަށް އަޅަން ޖެހޭ ފިޔަވަޅުތަށް ލަސްނުކޮށް އަޅަން ފެނޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޚަރޫން

10 September 2019

މިދުވަސްކޮޅު ވަރަށް ސީރިއަލް ކިލާރސް ވެސް އެތެރެވާން މަސައްކަތް ކުރާނެ. ވަރަށް ބަލަންވާނެ. މިޒަމާނުގައި ބާރައި ނުފޫޒު ބޭނުންވެގެން މީހެއްގެ ލަގޮނޑި ދަމައިގަންނަން ފަސްވެސް ނުޖެހޭނެ. މި މުޖުތަމައު ސަލާމަތް ކުރުމަށް އެދި ދުއާކުރަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަބްދުﷲނާފިޒް

10 September 2019

"އަދި ބައެއް މީހުން ރާއްޖެ އެތެރެވެ، ޕާސްޕޯޓާއި އެހެން ލިޔެކިޔުންތައް ފޮރުވައި ގަސްތުގައި ގަވައިދާ ހިލާފުވެ އެވެ. އޭރުން އެ މީހުން ރާއްޖޭން ޑީޕޯޓު ކުރެވޭނެ ގޮތެއް ނޯވެ އެވެ". މިހެން މިކަން އޮންނަ ނަމަ، މީ ދައުލަތެއްގެ ހާދަ އުރައްޕެއް ނެތްކަމުގެ ދަލީލެކޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖަވް

10 September 2019

އެހެން އެކަން އޮތްނާނީ ކޮންމެ ގައުމެއްގަވެސް... ..ޑޮކިއުމަންޓު ނެތި މިތާހުރެފަ އެހެންގައުމަކައް ނުދެވޭނެ ނުވެސްފޮނުވޭނެ. ކޮނގައުމަކުންތޯ އެހެންދާމީހަކު ހަވާލްވާނީ. ބަގްލަދޭސްމީހަކު ވިއަސް ޑޮކިއުމެންޓް ނެތި އެގަުމުގެ އިމިގުރޭސަން އޮފިސަލުން ހަވާލުނުވެ އަބުރާ ފޮނުވާލާނީ އާކޮޅައް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހަރުމެންނަށް

09 September 2019

އަހަރުމެންނަށް މައުލޫމާތު ނުދެވިންގެދޯމިތިބެނީ، ބޭޒާރުވާންބޭނުންތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަޖުދާ

09 September 2019

ޓެރަރިސްޓު ޖަމާއަތްތަށް ނައްތާލާނެކަމަށް ދިވެހި ސަރުކާރުން އިއުލާނުކުރިތާ މަދު ދުވަސްތަކެއްގެ ތެރޭގައި އާދަޔާއި ޙިލާފަށް ޔަމަނުންނާއި، ސީރިޔާއިން މީހުންތަށް ވަގު ޕާސްޕޯޓުގައި އެތެރެވާ ޙަބަރު އެބަ އިވޭ. މިއީ ބިރުވެރިކަމެއް. އަނެއްކާ މިގައުމުގައި އުޅޭ ރަތްލާޖެހި ޑޮޓު، ހަރުކަށި މީހުންނާއި ގުޅިގެން ގޭސްގަނޑެއް އަނބުރާލަން އުޅެނީތަ؟ ދިފާއީ ބާރުތަކުން އެބަޖެހޭ ވަރަށް ބޮޑަށް ފާރަވެރިވާން އިނގޭ. ބިރުވެރި ވާހަކަތަކެއް މިއީ