ޗައިނާގެ ޒުވާނެއްގެ ހާއްސަ ޝުކުރު ދިވެހި ޑްރައިވަރަކަށް

ފަންގް އަށް އެހީތެރިވި ދިވެހި ޑްރައިވަރު ސާމީ.--- ފޮޓޯ: ފަންގް ޓްވިޓާ

އަހުމަދު ސާއިލް އަލީ، މިހާރު

11 ސެޕްޓެމްބަރ 2019 - 16:21

ދިވެހި ބަސް ދަސް ކުރުމަށް ރާއްޖެ އައިސް އުޅޭ ޗައިނާގެ ޒުވާން އަންހެނަކަށް، ދިވެހި ޓެކްސީ ޑްރައިވަރަކު ދިން އެހީތެރިކަން ފާހަގަކޮށް ހާއްސަ ޝުކުރެއް މިއަދު އަދާކޮށްފި އެވެ.

ފަންގް ފަންގް، ނަމަކަށް ކިޔާ އެ ޒުވާނާ ޝުކުރު އަދާކޮށް، ޓްވީޓް ކުރީ އޭނާ ފުރަން ދިޔަ ޓެކްސީގައި ހަނދާން ނެތިގެން ބެހެއްޓުނު ލަގެޖް، އެ ޑުރައިވަރު ގެންގޮސް ދިނުމުންނެވެ. އޭނާ އަށް އެހީތެރިވީ އޮންލައިންކޮށް ކާރު ހޯދާ "އަވަސް ރައިޑް" ގެ ޑްރައިވަރެއް ކަމަށްވާ އާދަމް ސާމީ އެވެ.

This morning I took a @AvasRide taxi and left my luggage in the backseat. After calling, the driver was in hulhumale and came to send my luggage back right away. He didn’t charge me any money. That’s why I love Male’. Thank you Adam Saami! pic.twitter.com/RMGasd3FDJ
— Fang fang (@Fangfang21_) September 11, 2019

ފަންގް ކޮށްފައިވާ ޓްވީޓް--

އެ ޒުވާން އަންހެން ކުއްޖާ މިއަދު ކުރި ޓްވީޓެއްގައި ބުނީ ލަގެޖް ނެތްކަން ހަނދާންވެގެން ގުޅިއިރު، ޑްރައިވަރު ހުރީ ހުޅުމާލޭގައި ކަމަށާއި ކުޑައިރުކޮޅެއް ފަހުން އަނބުރާ ލަގެޖް ގެނެސްދިނީ އެއްވެސް އިތުރު އަގެއް ނެގުމަކާ ނުލައި ކަމަށެވެ.

"އެހެންވެ އަހަރެން މާލެ ދެކެ ލޯބިވަނީ،" ޑްރައިވަރުގެ ފޮޓޯއާ އެކު ކޮށްފައިވާ ޓްވީޓްގައި ޗައިނާގެ ޒުވާނާ ބުންޏެވެ.

ފަންގް "މިހާރު" އަށް ބުނީ އޭނާ އަށް އެ ޓެކްސީ ޑްރައިވަރު އެހީވީ ވަރަށް ކަންބޮޑުވެފައި ހުއްޓާ ކަމަށެވެ.

"އޭރު ފުރަން 10 ވަރަކަށް މިނިޓަށް ވެއްޖެ. އަވަސް ރައިޑް އޮފީހަށް ގުޅައިގެން ޑްރައިވަރަށް ގުޅުނީ،" އޭނާ ބުންޏެވެ.

ފަންގްގެ އެ ޓްވީޓާ އެކު ގިނަ ބަޔަކު އަންނަނީ ޑްރައިވަރުގެ ހިދުމަތް އަގު ވަޒަން ކުރަމުންނެވެ. ޓްވިޓާގައި ޑްރައިވަރަށް ޝުކުރު އަދާކޮށް އެތައް ބަޔަކު ޓްވީޓް ކޮށްފައިވެ އެވެ.

ފަންގް އަކީ އެކި ބަސްތައް ދަސް ކުރާ މީހެކެވެ. އޭނާ ވަނީ ސިންހަޅަ ބަހުން ޑިގްރީ ހަދައިފަ އެވެ.

ޓެކްސީ ހިދުމަތް ރާއްޖެ-ޗައިނާ ޓެކްސީ ޑްރައިވަރުން ޗައިނާ

27 ކޮމެންޓް, 192 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ފަންގި ފިލާ

13 September 2019

ވަރަށް ސަޅި ޚަބަރެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަޖްވާ

12 September 2019

މި ކަހަލަ ޑްރައިވަރުން އަހަރުމެން ބޭނުންވަނީ! އެއްބައި ޑްނރައިވަރުން އުޅޭ ދާ މަގުމަތީގަ ހުއްޓާލިޔަސް ހަމަ ފުލް ދަތުރެއްގެ ފީ އަތުލާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަލީމް

12 September 2019

އަވަސް ރައިޑް ވަރަށް ރަގަޅު. ލަވް އިޓް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބްދުއްالله

12 September 2019

އިންޑިޔާ މީހަކު ދުވަހަކުވެސް މިގޮތަށް ދިވެއްސަކަށް ޝުކުރުވެރިއެއް ނުވާނެ. އިނާޑިޔާގަ އޮންނަ ކާސްޓް އިމްތިޔާޒުގަ ދިވެހިން ހިމެނެނީ ސުދުރާ އިންގެ ގޮތުގަ. އެމީހުން ބަލަނީ ސުދުރާ އިންނަކީ އެންމެ ދެރަސޮޑާ މީހުނަށްވުރެން ކުޑަތަންކޮޅެއް ދަރަޖަ މަތި ބައެއްކަމުގަ. ސިނައިންގެ އެކަހަލަ މައްސަލައެއް ނޯވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އމުޞްލިޙު

12 September 2019

ނަމޫނާ ޑްރައިވަރެއް. ހެޔޮ ޖަޒާ ދެއްވާށި. އާމީން. މަކަރުވެރިކަން ބޮޑު މިޒަމާނުގައި ތިޔަ ފަދަ ހިތްހެޔޮ އިޚްލާޞްތެރިން މަދުން ނަމަވެސް ފެންނާތީ ކަންކަން ރަނގަޅުވަމުންދާނޭ ކަމުގެ ހިތްހަމަޖެހުން ހިތަށް ލިބޭ. ތިގޮތުގައި ސާބިތުވެ ލައްވާ މަގޭ އަޚާ.