އަނިޔާކުރި ފުލުހުން ޑީމޯޓުކުރުމުން މައްސަލަ އިސްތިއުނާފަށް ހުށަހަޅައިފި

ފުލުހުންތަކެއް މުޒާހަރާއެއް ކޮންޓްރޯލްކުރަނީ: އަނިޔާ ކުރި ފުލުހުންގެ މައްސަލަ އަދި ނުނިމޭ

އާމިނަތު ޝިފްލީން، މިހާރު

15 ސެޕްޓެމްބަރ 2019 - 21:45

ހައްޔަރުކުރި މީހަކަށް އަނިޔާކުރި، ޑްރަގް އެންފޯންސްމަންޓް ޑިޕާޓްމަންޓުގެ ފުލުހުން ޑީމޯޓުކުރަން އެ އިދާރާގެ ޑިސިޕްލިނަރީ ބޯޑުން ނިންމާފައިވަނިކޮށް، ކޮމިޝަނަރު އޮފް ޕޮލިސް މުހައްމަދު ހަމީދު އެ މައްސަލަ ފުލުހުންގެ އިސްތިއުނާފް ކޮމިޓީ އަށް ހުށަހަޅުއްވައިފި އެވެ.

މަސްތުވާތަކެއްޗާ ދެކޮޅަށް ފުލުހުން މިދިޔަ ޖުލައި މަހު ހިންގި އޮޕަރޭޝަނެއްގައި މީހަކަށް އަނިޔާކުރި މައްސަލައިގައި ހަތް ފުލުހަކު ސަސްޕެންޑް ކުރި އެވެ. އެ މީހުން ސަސްޕެންޑް ކުރި މުއްދަތު މިހާރު ހަމަވެފައި ވިޔަސް އެ މީހުން ވަޒީފާއަށް އަދި ނުނެރެ އެވެ.

Bidheysee akah aniyaakuri fuluhunge massala duty prosecution ah

The most trusted news source in the Maldives

Mihaaru

ފުލުހުންގެ ޕްރޮފެޝަނަލް ސްޓޭންޑަޑްސް ކޮމާންޑުން އެ މައްސަލަ ތަހުގީގު ކުރުމަށް ފަހު، މައްސަލައިގައި ގޮތެއް ނިންމުމަށް ހުށަހެޅީ ޑިސިޕްލިނަރީ ބޯޑަށެވެ. އެތަނުން ވަނީ އެ ފުލުހުން ޑީމޯޓުކޮށް، ޑިޕާޓްމެންޓު ބަދަލުކޮށް އަދި އަހުލާގީ ކުލަ އާއި މެޑަލް އަތުލުމަށް ނިންމާފަ އެވެ.

ނަމަވެސް ބޯޑުގެ އެ ނިންމުން ބަދަލު ކުރުމަށް މިދިޔަ ބުދަ ދުވަހު ކޮމިޝަނަރު ހަމީދު ވަނީ އިސްތިއުނާފް ކޮމެޓީއަށް ހުށަހަޅުއްވާފަ އެވެ.

ފުލުސް އޮފީހުން ބުނިގޮތުގައި "ޑިސިޕްލިނަރީ އަދި އިދާރީ ކުށްތަކަށް އަދަބު ކަނޑައަޅާ ގަވައިދު"ގެ ދަށުން ކޮމިޝަނަރަށް ލިބިވަޑައިގަންނަވާ ބާރުގެ ދަށުން އެ މައްސަލަ އިސްތިއުނާފަށް ހުށަހެޅުއްވީ މައްސަލަ އިތުރަށް ބަލައި މުރާޖައާ ކުރުމުގެ ގޮތުންނެވެ.

ޖުލައި މަހުގެ ކުރީކޮޅު މ. އުޖާލާގެ ބަލައި ފާސް ކުރުމުގެ ތެރޭގައި ފުލުހުންތަކެއް ބިދޭސީއެއްގެ ގައިގައި ތަޅައި އަނިޔާކުރާ ވީޑިއޯއެއް ސޯޝަލް މީޑިއާގައި އާންމުވި އެވެ. އެ ވީޑިއޯއިން ފެންނަ ގޮތުގައި އެ ކަމުގައި ހައެއްކަ ފުލުހުން ބައިވެރިވި އެވެ. ނަމަވެސް އެ އޮޕަރޭޝަނުގައި ނުވަ ފުލުހުން އުޅުނެވެ. ފުލުހުން އެ ގެ އަށް ވަނީ މަސްތުވާތަކެތީގެ ވިޔަފާރިކުރާ ކަމުގެ މައުލޫމާތަކާ ގުޅިގެންނެވެ. މަސްތުވާތަކެތީގެ މައްސަލާގައި އެ ގެއިން 36 އަހަރުގެ ބަނގުލަދޭޝް ފިރިހެނަކު ހައްޔަރުކޮށްފައިވެ އެވެ. އަދި އެ ގޭގައި ދިރިއުޅޭ އުމުރުން 28 އަހަރުގެ ދިވެހި ފިރިހެނަކު ވަނީ އޭނާ ހުރި ކޮޓަރީގެ ކުޑަދޮރުން ބޭރަށް ފުންމާލައިގެން ފިލަން މަސައްކަތް ކުރަނިކޮށް ހައްޔަރުކޮށްފަ އެވެ.

ފުލުހުން ޕޮލިސް ކޮމިޝަނަރު ފުލުހުންގެ އަނިޔާ

39 ކޮމެންޓް, 63 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހެމާނު

16 September 2019

ޑުރަގުމީހަކަށް އަނިޔާކުރީމަ މިވަރުވީކަންވެސް ބުނަންޖެހޭނީ ރަނގަޅޭ. މިބުނީ މާލޭމަގުމަތީގަ މީސްމީހުންގެގައިގަތަޅާ ތަޅާޗިސްއެރުވި ފުލުހުންނަށް ވީކަމެއްނުފެންނާތީއެވެ. އެމީހުންގެ މައްސަލައެއްނެތެވެ! މިއީވެސް އިންސާފު!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބްދުﷲ

16 September 2019

ސަސްބެންޑްކޮށް، ޑިމޯރޓް ކޮށް އަދި ކުލައާއި މެޑަލް އަތުލުމަކީ މާބޮޑުވަރެއް. އެވަރުގެ އަނިޔާއެއްތޯ ކުރީވެސް ސާފުވާން ބޭނުން. އަބަދުވެސް ޑްރަގް ޑީލަރުންނަށް މޮޅުގޮތް...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުޙައްމަދުފުޅު

16 September 2019

ޑްރަގް ޑީލްކުރީމާ ދޭންޖެހޭ އަދަބު ޤާނޫނުގައި އޮންނާނެ.. ޑްރަގް ޑީލަރަކަސް އޭނާ ހިފަހަށްޓާ ބަހައްޓާއި، އެތަން މިތަނުގައި ތަޅާކަށް ނުޖެހޭ.. ގާބުރިއަކުން އަތުގައި ތަޅައި ޗިސްކޮށްލާކަށް ނުޖެހޭ.. ފުލުހުންނަކީ، ހުކުމް ކުރާ ބައެއް ނޫން..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހިތްވަރުނުދީ

16 September 2019

މީސް މީހުން ކުށްކުރީމަ އަދަބު ދިނުމުގައި ބަލަނީ ހަމައެކަނި ކުރި ކަމަށް އަދަބު ދިނުމެއް ނޫން. އޭގައި އެހެން މީހަކު އެފަދަ ކުށެއް ތަކުރާރު ކުރުމަށް އޮވެދާނެ ހިތްވަރު މެރުމަށްވެސް ބެލޭ. ހާއްސަކޮށް ފުލުހުން ފަދަ ގާނޫނީ ބޮޑު ޒިންމާއެއް އަދަ ކުރާ ފަރާތްތަށް ކުރާ ކުށްކުށުގައި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަދާލަތު

16 September 2019

އަދަބު ދޭންވީ ފުލުހުންނަކަށްނޫން. ފުލުހުން އަދާކުރީ، އެމީހުންކުރި ހުވާގެ ވާޖިބު. މި ޤައުމުގައި ހިންގާ ހުރިހައިނުބައި ނުލަފާ ޖަރީމާތަކެއް ހިންގަނީ، ޤާނޫނާިއ ޚިލާފަށް ރާއްޖޭގައި ގެންގުޅޭ ލައްކަޔަކަށްވުރެންގިނަ ބަންގާޅީން. ދަޢުވާކޮށް އަދަބުދޭންވީ، އެމިގްރޭޝަންގެ އިސްވެރީންގެމައްޗަށް. ފުލުހުންގެ މައްޗަށް މި މައްސަލާގައި ދަޢުވާއެއް ހުށަހަޅާފައިވާނަމަ، އެ ދަޢުވާ އަނބުރާ ގެންދިއުމަށް ކަމާއިބެހޭފަރާތްތަކަށް،ފަރުދީ ޙައިސިއްޔަތުން ގޮވާލަން.ޑިމޯޓްގެންދަވާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބުޖިވާ

16 September 2019

ވާޖިބު އަދާ ކުރުމުގައިވެސް ވަކި ހަމަތަކާއި މިންގަނޑުތަކެއް އޮވޭ. މާދަމާ އެއިން މީހަކު ވާޖިބޭ ކިޔާ ހުރެ އައިސް އާއިލާ މީހަކަށް 'ވާޖިބު' އަދާ ކޮށްލީމަވެސް ހަމަ ތިބަސް ބުނާނަންތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުޙައްމަދުފުޅު

16 September 2019

ފުލުހުން ހުވާކުރީ، ކުށްވެރިޔަކު ފެނުނީމާ ތަޅާ މަރަންތޯ؟ ޑްރަގް ޑީލް ކުރާ މީހުންނާ މެދު ޢަމަލު ކުރާނެ ގޮތުގެ ޤާނޫނެއް އޮވޭ.. އޭގަ ނޯވޭ އަތުގައި ގަލުން ތަޅާ ޗިސްކުރާކަށް.. އެންކަލް ބޫޓުން ބުރަކަށީ ޖަހައި ބުރަކަށި ބިންދާލާކަށް.. ފުލުހުންގެ ކޮންޓްރޯލުގައި ހުރި މީހަކަށް، އަނިޔާ ދޭކަން ނުޖެހޭ.. އޭނައަށް ކަނޑައެޅިފައިވާ އަދަބު ދިނީމާ އެވީ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަޙްމަދު ޒަކީ

16 September 2019

އެހެން ބަޔަކު އަނިޔާކުރިނަމަ، ޖިނާއީ ކުށަކަށް ހަދާ ކުޑަ ގޮޅިއަށް. ފުލުހުން ވީމަ....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސިކުނޑި

16 September 2019

މިފެންނަނީ މީސްމީޑިއާގައި އަޑެއް ކިޔާއިރަށް މުއައްސަސާތަކުން އެކަންތައްތަކަށް ފިޔަވަޅު އަޅަން އުޅޭތަން! ރައްޔިތުން ވެރިއަކު ހޮވާފަ އަނެއްކާ ވެރިކަން ކުރަންވީގޮތް ކިޔައިދޭނަމަ އެދެވޭގޮތެއްގައި އެކަމެއް ނުވާނެ! ވެރިކަން ކުރަނީ ރަނގަޅަށްތޯ ބަލަން ދައުލަތުގެ މުއައްސަސާތައް އެބަހުރި! ރައްޔިތުން ޖެހޭނީ އެއްބާރުލުންދޭން! އެކްޓިވިސްޓުންގެ ވިސްނުން ދޫކޮށް ޑިމޮކްރަސީއެއްގައި ޒިންމާދާރުކަމާއެކު މަސައްކަތްކުރަން ރައްޔިތުންވެސް ދަސްކުރަންޖެހޭ! 2/2

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސިކުނޑި

16 September 2019

ފުލުހުން ގައުމީ ވާޖިބު އަދާކުރުމުގައި ދިމާވާ މިފަދަ ހާލަތްތަކުގައި، ފިޔަވަޅު އެޅޭނެ އުސޫލުތަކެއް ހެދިފައި ހުންނާނެކަމަށް ބެލެވޭ! ކޮންމެ ކަމަކީ، މީޑިއާއަށް ތިލަވެ ފާޑުކިއުން އަމާޒުވީމާ ކުރާކަމަކަށް ވެގެންނުވާނެ! އިޚްލާޞްތެރިވާން ޖެހޭނީ ގައުމަށާއި މުއައްސަސާއަށް! މީސްމީޑިއާގައި ތިލަވިޔަސް ނުވިޔަސް މުއައްސަސާތަކުގައި ހިނގާ މިފަދަ ނޭއްގާނި ކަންތައްތަކަށް އެކަށީގެންވާ ފިޔަވަޅު އަޅާނެ ކަމުގެ އިތުބާރާއި ޔަގީންކަން އުފައްދަންޖެހޭ! 2/1

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވާލުސޮރު

16 September 2019

ޝުކުރިއްޔާ އެމްސީ. މަސްތުވާތަކެތީގެ ބޮޑުންނަށް އެއްވެސް ދޫދީގެން ނުވާނެ. އިންސާނީ ހައްގު އަންނާނީ އޭނާ ވިއްކާ ޑްރަގް ކަންތައް ހުއްޓާލާ އުމުރު ދުވަހުގެ ޖަލުގެ ހުކުމްގަ ހުންނަ ދުވަހު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖުނައިދު

16 September 2019

މަސްތުވާ ތަކެތީގެ ބޮޑުން ޖަލަށް ލާންޖެހެންޏާ ޖަލަށް ލާންވީ.. އެކަމަކު، އަތުލައިގަނެ، ކޮންޓްރޯލުގެ ދަށަށް ގެނެސް، ފައިންނާއި ގަލުން ތަޅާކަށް ނުޖެހޭ.. އަމިއްލަ މީހާއަށް އެހެން ހަދާލާ ދުވަހު ހިތަށް އަރާނެ، މިއީ އިންސާފު ހޭ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަރޭ

16 September 2019

ޑުރަގުގެމައްސަލާގައި އެއްވެސް ޝައްްކަކާއިނުލައި އެމީހާއަކީ ޑުރަގު ވިއްކާމީހެއްކަމުގައިތުހުމަތުކުރެވޭނަމަވެސް ޤާނޫނެއްގެދަށުން ބަޑިޖަހައި މަރަން އޮންނަކަމުގަވާނަކަމަ، އެކަންކުރުމާއިމެދު ޝަކުވާއެއްނެތެވެ. އެކަމަކު ފުލުހުންވިޔަސް އަދި އެހެންމީހަކަށްވީނަމަވެސް މިފަދަގޮތަކަށް އަނިޔާކޮށްގެން ނުވާނެއެވެ. ވަކިޑުރަގުގެމީހެއްވީމަ ތަޅާމަރައިގެނެއްނުވާނެއެވެ. އެހެންކަމުގަވާނަމަ ޢަދީބާއި ޔާމީނު އިތިބީ ތަޅާމަރަންވެފައެވެ. ތަޅާއަނިޔާކޮށްގެން ބުނުވަބަލާށެވެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

16 September 2019

ޑްރަގް އެތެރެ ކުރަނި ކޮށް ރެޑްހޭންޑް ކޮށް ހައްޔަރު ކުރަނި ކޮށް އަނިޔާވީމަ ފުލުހުން ގެ ދުވަސް ދުއްވާލަނީއެވެ. މިދައްކަނީ އާދައިގެ ކުށެއްގެ ވާހަކަ އެއް ނޫނެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޤަރީބު

16 September 2019

ތިމީހުން ވަޒީފާއިން ވަކިވުމާއި އެކު އެތައް ސަތޭކަ ޑްރަގު ޑީލަރުންނެއް މިނިވަންވެގެން ދާނެ، މިހާރުވެސް ކޮންމެ ދުވަހަކު ދަނީ ތި ފުލުހުން ކޯޓްގައި ތެދުވެރި ކަމާއި އެކު ޑްރަގް ޑީލަރުންނާއި ދެކޮޅަށް ހެކިބަސްދެމުން. ޑްރަގު ވިއްކާ މީހެއް (އެތައް ޒުވާނުންނެއް ހަލާކު ކުރާމީހެއް) ގައިގާ ޖަހައިގެން އަހަރެމެން ނުޖެހޭ އެމީހުން ވަޒީފާއިން ވަކިކޮށް ބިކަކޮށްލާކަށް، އެމް.ސީ ހަމީދު ވިސްނާ، ފިލިޕީންސް އިން މިސާލު ނަންގަވާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޫޢި

16 September 2019

ރަނގަޅު ވާހަކައެއް. އެހެނަސް ހަމަތަކެއް އޮވެ، އެ ހިފެހެއްޓެންވާނެ. އަދި އެޔާއި ހިލާފު ވީމަ އަދަބުވެސް އޮންނަންވާނެ. ނޫނީ މާދަމާ އޭގެ ތެރެއިން އެއް އޮފިސަރަކު އެކަމުގެ ނާޖާއިޒް ފައިދާ ނަގާ ހިތު ހުރި ގޮތެއް ހަދާތަން ފެންނާނީ