ޓްރާންސްޕޯޓް މިނިސްޓަރު ނަހުލާ: ރައްޔިތުންނަށް ޚިދުމަތް ދިނުން ރަނގަޅު ކުރަން ޖެހޭ ކަމަށް އޭނާ ދެއްކެވި ވާހަކަ އަށް ގިނަ ބަޔަކު އަންނަނީ ތައުރީފް ކުރަމުން.
01 އޮކްޓޯބަރ 2019 - 13:46
102 comments
ސަރުކާރުގެ ބައެއް މިނިސްޓްރީތަކުން ދޭ ޚިދުމަތުގެ ފެންވަރު ދަށެވެ. ޚިދުމަތް ހޯދަންދާ މީހާގެ ގިނަ ވަގުތު ބޭކާރުވެ ޝަކުވާކުރަން ޖެހެ އެވެ. އެ މީހުން މުއާމަލާތްކުރާ ގޮތް ވެސް ބަދަލުކުރަން ޖެހެ އެވެ.
މުވައްޒަފުންނާ ބައްދަލު ކުރައްވައި ޓްރާންސްޕޯޓް މިނިސްޓަރު އައިޝަތު ނަހުލާ ދެއްކެވީ އިސްލާހު ކުރަން ޖެހިފައި އޮތް މި މައްސަލައިގެ ވާހަކަ އެވެ. އެކަމަކު މިނިސްޓަރު ވާހަކަ ދެއްކެވި ރާގު ކަމުނުދިޔައީ އެވެ. ނުވަތަ ދެއްކި ވާހަކަތަކާ މެދު ބައެއް މުވައްޒަފުން ހިތްހަމަނުޖެހުނީ އެވެ.
އެހެންވެ، އެ އޯޑިއޯ އާންމުކުރީ ނަހުލާއާ ދެކޮޅަށެވެ؛
ބޭނުމަކީ މަގާމަށް ގާބިލް ނޫން ކަމާއި މުވައްޒަފުންނާ ދޭތެރޭގައި ގޯސްކޮށް އަމަލުކުރައްވާ ކަން ދެއްކުމެވެ. އެކަމަކު އޯޑިއޯ އާއްމުވުމުން ގިނަ ބަޔަކު ކުރީ ތައުރީފެވެ!
"ސާބަސް މިނިސްޓަރު، ވަރަށް ސާބިތު އަދި ކެރޭ،" ބުނެ ގިނަ ބަޔަކު ދިނީ ފަސްޖެހިވަޑައިނުގެން މަގާމުގެ ޒިންމާ އަދާކުރެއްވުމުގެ ހިތްވަރެވެ.
މުވައްޒަފުންނާ ބައްދަލު ކުރައްވައި ނަހުލާ ކަންބޮޑުވުން ފާޅުކުރެއްވީ ޓްރާންސްޕޯޓް މިނިސްޓްރީގެ ހާލަތާ މެދުގަ އެވެ. ރައްޔިތުންނަށް ޚިދުމަތް ދޭންޖެހޭ ތަނެއްގެ ހާލަތު ދަށް ފެންވަރެއްގައި އޮތް ވާހަކަ އެވެ. ހާޒިރީ އަށް ފަރުވާ ކުޑަކުރުމާއި އޮފީހުގައި ވަގުތު ހޭދަނުކޮށް ކޮފީގައި ތިބުން ގަބޫލު ނުކުރެއްވޭ ކަމަށް ވިދާޅުވި އެވެ.
މަސައްކަތަށް ފަރުވާ ކުޑަކޮށް، މަސައްކަތުގެ ފެންވަރު ދަށް ކުރާނަމަ، ޒިއްމާ ނަގަންޖެހޭ މީހަކާމެދު ފިޔަވަޅު އެޅުމަކީ، މިނިސްޓަރު ގެ ވާޖިބެއް! މިނިސްޓަރ @aishath_nahula ގެ ހިތްވަރަށް ސާބަސް. pic.twitter.com/hiy5xa36Tt
— Muhammadh Adhuham (@M_Adhuham) September 30, 2019
ޓްރާންސްޕޯޓް އޮތޯރިޓީގެ މުވައްޒަފުންތަކެއް ސަންގު ޓީވީ މެދުވެރިކޮށް އެ އޯޑިއޯ އާއްމުކުރީ، އެތަނުގެ ހާޒިރީ ރިޕޯޓެއް ނަގައި ސިވިލް ސާވިސް ކޮމިޝަނަށް ފޮނުވާފައި ވަނިކޮށެވެ. އެއީ، ގިނަ މުވައްޒަފުންތަކެއް ވަޒީފާ އިން ވަކިކުރުމުގެ ޕްލޭންގެ ދަށުން މިނިސްޓަރު ކުރެއްވި ކަމެއްގެ ތުހުމަތާ އެކު ރައީސް އިބްރާހިމް މުހައްމަދު ސޯލިހަށް ވަނީ ޕެޓިޝަނެއް ވެސް ހުށަހަޅައިފަ އެވެ.
އެ ޕެޓިޝަންގައި އެދިފައި ވަނީ ނުހައްގުން ވަޒީފާ އިން ވަކިކުރުން ހުއްޓުވައި ދިނުމަށެވެ.
މި ޕެޓިޝަންގައި މުވައްޒަފުން ކަންބޮޑުވުންފާޅުކޮށްފައި ހުރި ވާހަކަތަކަށް ބާރުދޭން އޯޑިއޯ އާއްމުކޮށް، މިނިސްޓަރު ނަހުލާ އަށް މުވައްޒަފުންގެ އިތުބާރު ގެއްލިފައިވާ ކަމަށް ބުންޏެވެ. އޭނާ އަކީ މި ސަރުކާރުގައި މުވައްޒަފުންގެ އިތުބާރު ގެއްލުނު ފުރަތަމަ ވަޒީރު ކަމަށް ވެސް ސިފަކުރި އެވެ.
އެކަމަކު އެ އޯޑިއޯ އާއްމުވުމާ އެކު ހިޔާލުފާޅުކުރި ގިނަ ބަޔަކަށް ނަހުލާގެ ވާހަކަ މައްސަލައަކަށް ނުވި އެވެ. އެއީ، "ބަރާބަރު ވާހަކައެއް" ކަމަށް ބުނެ ތައުރީފް އޮއްސާލީ އެވެ.
ނަހުލާ މުވައްޒަފުންނާ ބައްދަލުކުރައްވައި ދެއްކެވީ ޓްރާންސްޕޯޓް އޮތޯރިޓީން ޚިދުމަތް ހޯދަން ދާ ގިނަ ބައެއްގެ ހުރި ކަންބޮޑުވުންތަކެވެ. ސަރުކާރުގެ އިދާރާތަކުގެ ތެރެއިން އެންމެ ދަށްފެންވަރުގައި ޚިދުމަތް ދޭ އެއް ތަނުގެ ގޮތުގައި ޓްރާންސްޕޯޓް އޮތޯރިޓީ ލޭބަލްވެފައި އޮންނަތާ ކިތަންމެ ދުވަހެކެވެ.
މިނިސްޓަރު އައިޝާ ދެއްކެވި ވާހަކަތައް ގިނަ ބަޔަކަށް ކަމުދިޔަ އެއް ސަބަބަކީ އެއީ ކަމަށް ވެދާނެ އެވެ.
މުވައްޒަފުން މަސައްކަތަށް ފަރުވާކުޑަކުރާތީ ހިތްހަމަޖެހިވަޑައިނުގެން ވާހަކަ ދައްކަވަމުން މިނިސްޓަރު ވިދާޅުވި ގޮތުގައި އެ މިނިސްޓްރީގައި ވެސް މަސައްކަތްކުރަން ޖެހޭ ވަގުތު މުވައްޒަފުންނަށް އޮޅިފައެއް ނޯންނާނެ އެވެ. ކޮންމެ މިނިސްޓްރީއެއްގައި ވެސް ވަޒީރު ފިޔަވައި އެހެން އެއްވެސް މުވައްޒަފަކަށް ބޭނުން ގަޑިއަކު އޮފީހަށް ވަދެ، ނުކުމެ އުޅުމުގެ ފުރުސަތެއް ނޯންނަ ކަމަށް ވިދާޅުވެ އެވެ.
އާއްމުކުރި އޯޑިއޯގައި، މިނިސްޓަރު ވިދާޅުވަނީ ކިތަންމެ ގިނަ ބަޔަކަށް ފިޔަވަޅު އަޅަން ޖެހުނަސް އެކަން ކުރައްވާނެ ކަމަށެވެ. މަގާމާ ހަވާލުވެ ވަޑައިގަތީ ރައްޔިތުންނަށް ޚިދުމަތްކުރަން ކަމަށާއި އެކަމުގައި ފަސްޖެހިވަޑައިނުގަންނަވާނެ ކަމަށް ސާފުކޮށް ވިދާޅުވެ އެވެ.
"މި ސަރުކާރަށް އަދި އައިޝަތު ނަހުލާ އަށް ވެސް ސަޕޯޓެއް ނުކުރަން. އެކަމަކު ނަހުލާ ދެއްކި ވާހަކަ އަށް 100 ޕަސެންޓް ތާއީދުކުރަން،" ޓުވިޓާގައި އެކަކު ލިއެފައިވެ އެވެ.
"ޓްރާންސްޕޯޓަށް ކަމަކު ދިޔައީމަ އެނގޭނީ އެތާނގެ މުވައްޒަފުން ފަރުވާކުޑަ ވަރު. ކައުންޓާތައް ހުންނަނީ އަބަދު ހުހަށް. ކަމެއް ރަނގަޅު ކުރަން އުޅޭ ނަމަ ސަޕޯޓް ދީގެން ރަނގަޅުވާނީ."
She is being frank.. I totally support min @aishath_nahula on this matter.. They only work 6hrs aday..and if they started to come and go when ever they feel. Specially such a min wonder how they can service the public.. Salute to @aishath_nahula
— Jaxbath (@Jaxbaath) October 1, 2019
ނަހުލާގެ ވާހަކަ ކަމުނުދިޔައީ ހަގީގަތް އޮޅުވާނުލައި ސާފުކޮށް ވިދާޅުވުމުންތޯ އެކަކު ސުވާލުކޮށްފައިވެ އެވެ. އެތަނުގައި ތިބި ކޮރަޕްޝަން ހިންގާ ކަމަށް ތުހުމަތު ކުރެވޭ މީހުން ވެސް ބޭރުކުރަން އެއް ބަޔަކު ގޮވާލާފައިވެ އެވެ.
މިނިސްޓަރު އެ ވިދާޅުވާ ވާހަކަ ބަރާބަރު. ޓްރާންސްޕޯޓް މިނިސްޓްރީގެ ހާލަތު އެތަނުން ޚިދުމަތް ހޯދަން ދާ ދިވެހިންނަށް އެނގޭނެ. އަމުދުން މި އޯޑިއޯ ލީކުކޮށް މިނިސްޓަރު ބޭޒާރު ކުރާނަމޭ ހިތާ އުޅޭ އުޅުމުން މިނިސްޓަރު @aishath_nahula ގެ ޒިންމާ އަދާކުރެއްވުމުގަ ހުރި ހިތްވަރު ސާފު. ސާބަސް 👏 https://t.co/mSJ75i89as
— Moosa Ali Manik 🇲🇻 (@VMookey) September 30, 2019
"އަޅުގަނޑަށް، ހަމައެކަނި މުސާރައާ އެއްވަރަށް މަސައްކަތް ކުރާ ކެބިނެޓުގައި އިންނަ މިނިސްޓަރު ތީ،" އައިޝަތު ލުބްނާ ލިއެފައިވެ އެވެ.
ނަހުލާ ހިތްހަމަޖެހިވަޑައިނުގަތީ އޭނާއާ ހަވާލުކޮށްފައިވާ މިނިސްޓްރީ އޮތް ހާލަތުންނެވެ. އެކަމަކު މިއީ ސަރުކާރުގެ ގިނަ އިދާރާތަކުގެ ހާލަތު ކަމަށް، އޯޑިއޯ އާއްމުވުމާ އެކު ގިނަ ބަޔަކު ދަނީ ބުނަމުންނެވެ.
ނަހުލާގެ ވާހަކަ އަށް ތާއީދުކުރީ ސިވިލް ސާވިސް އިން ރައްޔިތުންނަށް ދޭ ޚިދުމަތްތައް އިސްލާހުކުރަން ބޭނުންވެފައި ތިބި މީހުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނާޖް
03 October 2019
ނަހުލާ އަށް އައްސަރިބަހާއި ސާބަސް.
ޖާނު
02 October 2019
ނސހޫ އެކަންޏެއް ނޫން. ހަވީރު ނޫހަށް ވެސް ސާބަސް. ހަވީރު ނޫސް ކަހަލަ މީހުން ތައުރީފު ކުރާނެ. ތެދުވާހަކައެއްކަން ނޭނގެ އެ ބުނީ، ނަށަން އެހެން މީހުން ގާބިލު ނުވެދާނެ ތޯއްޗެ
ރަބަރު
02 October 2019
ޑިމޮކްރެސީއޭ ބުނީމަ ގިނަމީހުނަށް ހީވެފަ މިއޮންނަނީ ކޮންމެ މީހަކު ކޮންމެ ތަނެއްގަ ބޭނުންގޮތަކަށް އުޅެންވީކަމެވެ. ހުރިހާ އޮފީސްތަކުން މި މަންޒަރު ފެނެއެވެ. ފިޔަވަޅު އަޅަން އުޅެފިއްޔާ މަގުމައްޗަށް ނިކުންނަނީއެވެ. މިފަދަ މީހުނަށް ހައްޤު އަދަބުދޭންކެރޭވަރުގެ ހިތްވަރުހުރި ވެރިޔަކުނެތެވެ. އިދިކޮޅޭ ކިޔާ މުސީބާތް މިފަދަ މީހުނަށް ހިމާޔަތްދެއެވެ. މިއީ މިމީހުންގެ ޑިމޮކްރަސީއެވެ.
ފިނރުޓޭ
02 October 2019
މި އޯޑިއޯ އަޑުއަހާލީމާ ހީވަނީ އެއްކަ ސުކޫލު ދޮށަސް ގޮސް ތިބޭ އަންހެންވެރިން ދައްކާ ޒާތުގެ ވާހަކަ އެއްހެން! ވާނެ ކަމެއް ނޯންނާނެޔޯ، މަދުވާނެ އެއްޗެއްވެސް ނޯންނާނެ ޔޯ! މީކީ ވެރިން މި ޒަމާނުގަ މުވައްޒަފުންނާ ވާހަކަ ދައްކާ ގޮތް ކަމެއް ނުދެނެ ހުރިން! އެހެންނުވާނީ، އީގޯ ގެ ބޮނޑު ކަމުން ދޭފަތުން ފިރިމީހާގައިގަ ސައްޕު އަޅާ މީސްމީސްމީހުންގެ ރާނގާ، ކަންކަން ކުރުމުގެ ވައްޓަފާޅި ހުންނާނީ އެކަހަލަ ގޮތަކަށް!
ޒީރޯ
02 October 2019
ނަހުލާ ދެއްކީ ވާހަކައަކީ އެންމެ ރަގަޅު ވާހަކަ ކަމަކަށް ނުބުނެވޭނެ. ހުރިހާ މުވައްޒަފުންނަކީ ފަރުވާކުޑަ މުވައްޒަފުންނެއްނޫން. ފިޔަވަޅު އަޅަންޖެހޭނީ ނަސޭހަތްދީ އެކަން އިސްލާހު ނުކޮށްފިނަމަ. 1 އަހަރުވެގެން ދިޔައިރު ކީއްވެތަ ފިޔަވަޅު ނޭޅި. ވަރަށް ކިބުރުވެރި ބޮޑާ އައިސާއަށް ފެންވަރު އޮޅިފަހުރީ
ކަލޭ
02 October 2019
ތީ މިބުނާ ލިސްޓުގަ ފަރުވާ ކުޑަކަމަށް ލޭބަލް ކުރެވުނު މީހެއްކަން ޔަގީން
މަލަމަސް
02 October 2019
އަޅުގަނޑު މިހާތަނަށްދިޔަ އެންމެ ރޫޑު އެންމެ ތަނެއްދޮރެއް ނޭގޭ މޫނުމަތީގެ އަލިކަންގެއްލި ކުނި މޫނަކާއިގެން މީހުންތިބި ކައުންޓަރަކީ ޓްރާސްޕޯޓް އޮތޯރިޓީގެ ކައުންޓަރު، ނަހުލާ އެދެއްކީ ހަމަ ބަރާބަރު ވާހަކައެއް، އެދެއްކި ރާގަކީ އެއްކަލަ ރޫޑު މުވައްވިފުންނަށް ލިބުނު އަގުހުރި ފިލާވަޅެއް ކަމުގައި ނޫނީ ނުވާނެ، މިއަދު އެމީހުންނަކަސް ހަޖަމެއްނުވި އެހެންމީހަކު ރޫޑުވީމަ، މި އޮތް ހުރިހާ ދުވަހު ކޮންމެ މީހަކާ ދިމާލަށް ހުތުހުރި އެއްޗެއް ކީ ކައުންޓަރަށް ވިސްނޭނެ..
އިހުސާނާ
02 October 2019
މި އޯޑިއޯ އަޑު އަހާލުމުން ދޭހަވަނީ، މީހުން ގެންގުޅުމުގެޔާ ކަންކަން ކުރުމުގެ ތަޖްރިބާ ނެތް ކަން! ޓާގެޓްތައް އެޗީވް ނުވެގެން ޕްރެސަރަށް ވެއްޓުނީމަ ރިއެކްޓް ކުރަނީ! އެއީކީ ވެރިޔަކު، އަދި އަމްދުން ސިޔާސީ ގޮތުން އިސްކޮށްފައި ހުރި މިނިސްޓަރަކު، މުވައްޒިފުންނާ މުޚާތަބު ކުރަންވާނެ ގޮތެއް ނޫން! މި ޒަމާނަކު، ޕްރައިމަރީ، ކީއްކުރަން ސެކަންޑްރީ ސްކޫލުގެ ދަރިވަރުންނާ ޓީޗަރަކުވެސް އެޒާތަކަށް މުޚާތަބު ނުކުރާނެ!
ނެޝަނަލިސްޓް
02 October 2019
މިނިސްޓަރ ގެ ވާހަކަ ރަގަޅު! ސިވިލް ސާވިސް މުވައްޒަފުން ވަރަށް ފަރުވާކުޑަ!
ޖާނު
02 October 2019
އެހެން ވީމާ ތި ބުނީ ރައްޔިތުންނަށް ޚިދުމަތް ދެނީ 19 މިނިސްޓަރުނޭތަ؟
ނބހތ
02 October 2019
ތިޔަތާ ތިބި ގިނަވެރިންނަކީ ވަރަށް ކޮރަޕްޓް ބައެއް. ކާރާ ސައިކަލާ ބޮޑެތި ވެހިކަލްތަކުގެ މައުލޫމާތު އޮޅުވައިލާގެން ރަޖިސްޓްރީ ކޮށްދެނީ. ނަހުލާ ގަޓު ހުރިއްޔާ އެމީހުން ހޯދާފަ ނިކަން ބޭތުކޮށްބަލަ.
އިިސްމާލު
02 October 2019
ކެބިިނެޓަށް ނަހުލާ އައްޔަންކުރުންވީ އަޅުގަނޑު ފުރުތަމަ ނުރުހުނުކަމަކަށެވެ. ސަބަބަކީ ސިިޔާސީ ދައިިރާއަށް ނަހުލާ އައުވުމާއިި އަދިި އިިދާރީ ހިިނގުމުގެ އެދެވޭ ތަޖުރިބާއެއް ނެތުމެވެ. އެކަމަކު މިި އޯޑިިއޯއިން ނަހުލާއަކީ ދުރުވިިސްނޭ އަދިި ޤާބިިލް ބޭކަނބަލެއްކަން ހާމަވެއްޖެއެވެ. ސިިވިިލް ސާރވިިސްގެ މުވައްޒުފުންނަށް އެނގޭ ހަމައެކަނިި އެއްޗަކީ އެމީހުންގެ ހައްޤުތަކެވެ. ޒިިންމާގެ ވާހަކަ ދައްކަންޏާމުން، އެވާހަކަ ދައްކާ މީހާ ގޯސްވެއެވެ.