އައްޑޫގައި ފެންބޮޑުވާ މައްސަލަ ހައްލު ކުރުމަށް ފެން ހިންދާ ނިޒާމުގެ މަސައްކަތް އަވަސްކޮށްދީ: ޝަރީފް

އަހުމަދު އަދްޝަން, މިހާރު

13 އޮކްޓޯބަރ 2019

5 comments

ވާރޭ ވެހޭ އިރަށް އައްޑޫގެ ރަށްރަށުގެ މަގުތަކުގައި އާދަޔާ ޚިލާފަށް ފެންބޮޑުވެ، ގޭގެ އަށް ފެން ވަންނަ މައްސަލަ ހައްލު ކުރުމަށްޓަކައި، ފެން ހިންދާ ނިޒާމުގެ މަސައްކަތް އަވަހަށް ނިންމައި ދިނުމަށް ރައްޔިތުންގެ މަޖިލީހުގެ އައްޑޫ މަރަދޫ ދާއިރާގެ މެމްބަރު އިބްރާހިމް ޝަރީފް (މަވޯޓާ) އެދިވަޑައިގެންފި އެވެ.

އައްޑު އަށް މިދިޔަ ހުކުރު ދުވަހާއި ހޮނިހިރު ދުވަހު ކުރި ވިއްސާރައިގައި ފެންބޮޑުވެ ގެއްލުންތަކެއް ލިބުމާ ގުޅިގެން، މި ސަރުކާރު ހިންގާ އިއްތިހާދުގެ މައި ޕާޓީ އެމްޑީޕީގެ މަޖިލިސް މެމްބަރު ޝަރީފް ކުރެއްވި ޓްވީޓްތަކެއްގައި ވިދާޅުވީ ފެންބޮޑުވާ މައްސަލަ ހައްލުނުވެ ކުރިއަށް ދިއުމަކީ ކަންބޮޑުވެވަޑައިގަންނަވާ ކަމެއް ކަމަށެވެ.

"ސްޓޯމް ވޯޓާ ޑްރައިނޭޖް ސިސްޓަމެއް ގާއިމުކުރުމަށް މި އަހަރު ބަޖެޓްކުރެވިފައި އޮތް ނަމަވެސް އެ މަސައްކަތް އަދިވެސް ފެށިގެން ކުރިއަށް [އެކަށީގެންވާ ގޮތަކަށް] ނުދާތީ ކަންބޮޑުވޭ. މިކަން އަވަސްކޮށްދިނުން އެދެން،" ޝަރީފް ވިދާޅުވި އެވެ.

Addu City ge fen boduvaa masala akee avas halle beynun vaa kameh.emmenah ves ingey.Mi aharu Budget ga vaa gothah storm water drainage system ge masakkaiy feshun avas Koh dhevvumah sarukaaruge kamaabehey idhaaraathakuga dhannavan @AslamAslamtey @AdduCityCouncil @iameeru @ibusolih
— Ibrahim Shareef (@AdduShareef) October 12, 2019

އޭނާ ކުރެއްވި އިތުރު ޓްވީޓެއްގައި ވިދާޅުވީ ފެންހިންދާ ނިޒާމު އަވަސްކޮށް ދިނުމަށް ސަރުކާރުގެ ކަމާބެހޭ އިދާރާތަަށް ދަންނަވަން ކަމަށެވެ.

Fenboduvumuge massala hallu kurumah Maradhoo Keeranma Goalhi adhi Karanka Goalhi mi dhe magugai fen hindhaa nizaam gaaimu kurumuge masahkaiy kuriyah dhany pic.twitter.com/dYuI8gSrs8
— Addu City Council (@AdduCityCouncil) September 9, 2019

އައްޑޫގައި ފެންބޮޑުވާ މައްސަލަ ހައްލުކުރަން މަސައްކަތްތަތެއް ކުރެވެމުން އަންނަނީ 2015 އިން ފެށިގެންނެވެ.

Addu City ge Magu thakugai fenboduvaa massala ah dhaaimy halleh hoadhumuge masahkaiy Addu City Council in dhany kuramun pic.twitter.com/408qjUEaP8
— Addu City Council (@AdduCityCouncil) December 17, 2018

އެގޮތުން ފެންބޮޑުވާ މައްސަލަ ވަކިން ބޮޑު ސަރަހައްދުތަކަށް ހާއްސަކޮށްގެން މަސައްކަތްތަކެއް ކުރެވެމުންދާތާ ދުވަސްތަކެއްވެއްޖެ އެވެ. އޭގެ ތެރޭގައި އައްޑޫގެ ގުޅިފައިވާ އަވަށްތައް ކަމަށްވާ ފޭދޫ، މަރަދޫފޭދޫ މަރަދޫ އަދި ހިތަދޫ ހިމެނެ އެވެ.

Link roaduge kaanuthah saafukoh fen hindhumuge nizaamu rangalhu kurumuge masahkathuge therein pic.twitter.com/Qz0CM6A8E6
— Addu City Council (@AdduCityCouncil) June 17, 2019

ނަމަވެސް މި މަސައްކަތް އެއްކޮށް ނުނިމި ދިގުލައިގެންދާތީ އައްޑޫގެ ރައްޔިތުންނަށް ބޮޑެތި ތަކުލީފުތަކެއް އުފުލަން ޖެހިފައި ވެ އެވެ. ހާއްސަކޮށް ގުޅިފައިވާ އަވަށްތަކުގެ ބޮޑުމަގުގައި ފެންބޮޑުވާ މައްސަލަ އަކީ ހައްލުނުކުރެވި ވަރަށް ބޮޑަށް ދިގުލައިގެން ގޮސްފައިވާ ކަމެކެވެ.

Link road gai fenboduvaa massala hallu kurumuge masahkaiy kuriyah dhany pic.twitter.com/T3cY7IKjxb
— Addu City Council (@AdduCityCouncil) June 12, 2019

އެންވަޔަރަމަންޓް މިނިސްޓަރު ޑރ. ހުސައިން ރަޝީދު ހަސަން މިދިޔަ ހަފުތާގައި އައްޑު އަށް ކުރެއްވި ދަތުރުގައި ވެސް މަސައްކަތްތައް ކުރިއަށްދާ ގޮތް ބައްލަވާފައިވެ އެވެ.

މިދިޔަ ހުކުރާއި ހޮނިހިރު ދުވަހު އައްޑު އަށް ކުރި ވިއްސާރައިގައި، ބައެއް ގޭގެ އަށް ފެން ވަނުމުން، އެ ގެތަކުގައި ދިރިނޫޅެވޭ ވަރަށް ހާލަތު ވަނީ ގޯސްވެފަ އެވެ. އެހެންވެ، ވަގުތީ ގޮތުން އެ ގެ ތަކުގެ މީހުން އެހެން ތަންތަނަށް ބަދަލުކުރަން ޖެހުނެވެ.