އަރީފް ރިޓަޔާކުރައްވައި ސުޕްރީމް ކޯޓް ހިންގުން އަޒްމިރަލްދާ އަށް

ސުޕްރީމް ކޯޓު: އެ ކޯޓުގައި މިހާރު މަސައްކަތްކުރައްވާނީ އެންމެ ފަހުން އައްޔަންކުރި ތިން ފަނޑިޔާރުން. -- ފޮޓޯ: މިހާރު

20 ނޮވެމްބަރ 2019 - 22:06

ސުޕްރީމް ކޯޓު ހިންގެވުމާ ހަވާލުވެ ހުންނެވި ފަނޑިޔާރު އަބްދުﷲ އަރީފް ރިޓަޔާ ކުރައްވައި، ސުޕްރީމް ކޯޓު ހިންގުން ފަނޑިޔާރު ޑރ. އަޒްމިރަލްދާ ޒާހިރާ ހަވާލުކޮށް އަދި އެ ކޯޓުގެ ފަނޑިޔާރު އަބްދުލްޣަނީ މުހައްމަދު މަގާމުން ވަކިކުރަން ޖުޑީޝަލް ސާވިސް ކޮމިޝަން (ޖޭއެސްސީ) އިން މިރޭ ނިންމައިފި އެވެ.

އަރީފް ރިޓަޔާކުރެއްވީ އެމަނިކުފާނާއި ފަނޑިޔާރު އަބްދުލްޣަނީގެ މައްސަލަތަކެއް ޖޭއެސްސީ އިން ބަލަމުން އަންނަނިކޮށެވެ. ނަމަވެސް ޖޭއެސްސީން ބުނީ އަރީފް ރިޓަޔާކުރެއްވީ ސިއްހީ ސަބަބުތަކަށްޓަކައި ކަމަށެވެ.

މައްސަލަތައް ބެލުމަށް ފަހު ޣަނީ މަގާމުން ވަކިކުރަން ރައްޔިތުންގެ މަޖިލީހަށް ފޮނުވަން މިރޭ ވަނީ ނިންމައިފަ އެވެ. އަރީފް އިޚްތިޔާރު ކުރެއްވީ ރިޓަޔާކުރެއްވުމަށެވެ.

ސުޕްރީމް ކޯޓު ހިންގެވުމާ ހަވާލުކުރި ފަނޑިޔާރު ޑރ. އަޒްމިރަލްދާ ޒާހިރު. -- ފޮޓޯ: ރައީސް އޮފީސް

ޣަނީ މަގާމުން ވަކިކުރަން މަޖިލީހަށް ފޮނުވަން ނިންމައި، އޭނާ ވަނީ ގާނޫނުގައި ބުނާ ގޮތަށް، 60 ދުވަހަށް ވުރެ އިތުރުނުވާ ގޮތަށް ސަސްޕެންޑް ވެސް ކޮށްފަ އެވެ.

އަރީފާއި ޣަނީގެ އިތުރުން އުއްތަމަ ފަނޑިޔާރު ޑރ. އަހްމަދު އަބްދުﷲ ދީދީ އާއި ފަނޑިޔާރު އާދަމް މުހައްމަދު އަބްދުﷲގެ މައްސަލަތަކެއް ވެސް ޖޭއެސްސީން ބެލި އެވެ. އެ ބޭފުޅުންގެ މައްސަލަތައް ބެލުމަށް ފަހު، ގާނޫނުގައި ކަނޑައަޅާފައިވާ، ފަނޑިޔާރުންނާ އެކަށީގެން ނުވާ އަމަލުތައް ކުރައްވާފައިވާ ކަމަށް ނިންމައި އެ ބޭފުޅުން ވެސް ވަނީ މި ހަފުތާގައި މަގާމުން ވަކިކޮށްފަ އެވެ.

ސުޕްރީމް ކޯޓުގެ ފަނޑިޔާރުކަމުން ރިޓަޔާކުރެއްވި އަބްދުﷲ އަރީފް. -- ފޮޓޯ: މިހާރު

މި ދެ ފަނޑިޔާރުން ވަކި ކުރުމުން ސުޕްރީމް ކޯޓުގައި މިހާރު ތިއްބަވާނީ އެންމެ ފަހުން އެ ކޯޓުގެ ފަނޑިޔާރު ކަމަށް އައްޔަންކުރެއްވި ތިން ބޭފުޅުންނެވެ. އެއީ އަޒްމިރަލްދާގެ އިތުރުން ފަނޑިޔާރު އާއިޝާ ޝުޖޫން މުހައްމަދާއި ފަނޑިޔާރު މަހާޒް އަލީ ޒާހިރެވެ. ފަނޑިޔާރުންގެ ބެންޗު ފުރިހަމަކުރުމަށް އަލަށް ހަތަރު ފަނޑިޔާރުން އައްޔަންކުރަން ޖެހެ އެވެ.

އުއްތަމަ ފަނޑިޔާރު މަގާމުން ވަކިކުރުމުން، ސުޕްރީމް ކޯޓު ހިންގުމާ ހަވާލުކުރެއްވި އަރީފް ސުޕްރީމް ކޯޓުގެ ފަނޑިޔާރު ކަމަށް އައްޔަންކުރެއްވީ ސެޕްޓެމްބަރު 18، 2008 ގަ އެވެ. އަރީފް ފުރުއްވާފައިވާ މަގާމުތަކުގެ ތެރޭގައި، 2010 އިން 2014 އަށް ސުޕްރީމް ކޯޓުގެ ޗެމްބަ ފަނޑިޔަރުކަމާއި، 2005 އިން 2008 އަށް ޖިނާއީ ކޯޓުގެ އިސް ގާޒީކަމާއި 1998 އިން 2005 އަށް އެކޯޓުގެ ގާޒީކަން ހިމެނެ އެވެ. ރިޓަޔާކުރެއްވި އިރު އުމުރަކީ 51 އަހަރެވެ.

ސުޕްރީމް ކޯޓް ޖުޑީޝަރީ ޑރ. އަޒްމިރަލްދާ ޒާހިރު ފަނޑިޔާރު އަބްދުﷲ އަރީފް އަބްދުލްޣަނީ މުހައްމަދު

86 ކޮމެންޓް, 278 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކޮބާ..ކޮބާ

21 November 2019

ތިޔަ އަރީފުގެ މައްސަލަ ބަލާ ތަހުގީގު ކުރުމަށް ފަހު ގޮތެއް ނިންމާ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަހީމާއިބުރޭ

21 November 2019

ސްޕްރީމް ކޮޓުގެ މަޝްހޫރު ފެބްރުއަރީ މަހުގެ އަމުރަށް ފަހު ސީޕީއާއި ޗީފް އޮފް ޑިފެންސް ފޯސް ، ސްޕްރީމް ކޮޓުގެ އެއްވެސް އަމުރަކަށް ބޯނުލަނބާނެކަމަށާ އަދި ބަންޑަރ ނައިބަށް ބޯލަނބާނެކަމަށް ލައިވްކޮށް ބުނުމުންވެސް ސުވާލުތަކެއް އުފެދުނެވެ. ފުރާޅުން ޓިނުނަގައިން ދެ ފަނޑިޔާރުން ހައްޔަރުކުރީމަވެސް އިތުރު ސުވާލު އުފެދުނެވެ. މިފަހަރު މުޅި ބެންޗް ބަދަލުވަނީއެވެ. އާ މުޑުވަކެއް ސްޕްރީމްކޯޓަށް ފާޅުވަނީއެވެ. އަދުލުއިންސާފަށް މީ ހެޔޮ ފާލަކަށް ވާނެބާއެވެ.ބަލަމާދޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޔާނާ

21 November 2019

އަދި 4 މަގާމް ހުސްކޮށް އޮތީމަ އެބަ އޮތް ޗާންސެއް އަދިވެސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަތް

21 November 2019

ކޯޓުތަކަށް އަތް ބާނަނީ ނޫންބާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފާމްދޭރި

21 November 2019

ރަގަޅެއްނުވާނެ. އިސްލާހުވާނީ ދިވެހި ރާއްޖޭގެ ރައިއްޔަތުންގެ ސީދާވޯޓަކުން ހޮވާ ރައީސުލްޖުމްހޫރިއްޔާގެ އިތުބާރުނެތްކަމުގެވޯޓް ރައިއްޔަތުންގެ ރިފރެންޑަމަކަށް ގޮސްގެން ނަގާގޮތަށް ޤާނޫނު އަސާސީ އިސލާހުކޮއްގެން. އަދި ސްޕްރީމް ކޯޓުން ނެރޭ ބަޔާނަކުންވެސް ރާއީސްގެ މަޤާމުގެ ސައްޙަކަން ގެއްލިގެންނުވާގޮތަށް ޤާނޫނު އަސާސީ އިސްލާހުކޮއްގެން. ރިސްވަތުދެނީ ވެރިކަމާތޮޅެން. ޢެރުން އެމަގު ބަންދުވީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކެޔޮގަސް

21 November 2019

ދެން ފެންނާނީ ސްޕްރީމް ކޯޓަށް ސަރުކާރުން އޭ ރިޕޯޓް ދޭތަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަކީމް

21 November 2019

ވަރަށް ބޯ ރަނގަޅު މީހެއް. ކޮންމެ ގޮތެއް ވިޔަސް މީއަންނާނެ ، އަންނަން ޖެހޭ ދުވަހެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮސްގޮވާ

21 November 2019

ސުޕްރީމް ކޯޓްގައި ހުއްނެވި ޕީސްފުލް ބޭފުޅާއަށް ރިޓަޔަރ ކުރަން ފުރުސަތު ދެއްވީތީ ހައިރާންވޭ. މިބޭފުޅާ ގެ ރައުޔަ އަބަދުވެސް ބިނާވަނީ ތަނުގައި ދެންތިބި ފަޑިޔާރުންގެ ހިޔާލަށް ބިނާކޮއްގެން. އެހެންވީމާ ކޮންރަގަޅެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހާހާ

21 November 2019

އަރީފް އަށް ތުހުމަތު ކުރެވުނު އުއްތަމަ ފަނޑިޔާރަށް ތުހުމަތު ކުރެވުނު ގިނަ ކަންކަން. ނަމަވެސް އަރީފް އެއިން ސަލާމަތްވި ގޮތެއް ޖޭއެސްސީން ބުނެއެއް ނުދޭ. ޖޭއެސްސީން އެކަން ހާމަކުރައްވަން ޖެހޭ އެބަ. ނޫނިއްޔާ އެއީ ސުވާލުމާކެއް!