ރައީސްގެ ހުށަހެޅުއްވުން: އުއްތަމަ ފަނޑިޔާރަކަށް މުއުތަސިމް ފަނޑިޔާރުންނަށް ސުއޫދާއި ރައޫފް

އުއްތަމަ ފަނޑިޔާރު ކަމަށް އައްޔަންކުރަން ހުށަހެޅުއްވި މުއުތަސިމް އަދުނާން (މ) އާއި ސުޕްރީމް ކޯޓުގެ ފަނޑިޔާރު ކަމަށް އައްޔަންކުރަން ފޮނުއްވި ހުސްނުއްސުއޫދު (ކ) އަދި އަބްދުއްރައޫފް އިބްރާހިމް

މުއިއްޒު އިބްރާހިމް، މިހާރު

28 ނޮވެމްބަރ 2019 - 18:46

73 comments

އުއްތަމަ ފަނޑިޔާރަކަށް ކުރީގެ ފަނޑިޔާރު އަހުމަދު މުއުތަސިމް އަދުނާން އައްޔަން ކުރުމަށާއި ސުޕްރީމް ކޯޓުގެ ފަނޑިޔާރު ކަމަށް ކުރީގެ ބަންޑާރަ ނައިބު ހުސްނުއް ސުއޫދާއި ހައި ކޯޓުގެ ފަނޑިޔާރު އަބްދުއްރައޫފް އިބްރާހިމް އައްޔަން ކުރުމާ މެދު ޖުޑީޝަލް ސާވިސް ކޮމިޝަން (ޖޭއެސްސީ) ގެ ލަފައަކަށް ރައީސް އެދިވަޑައިގެންފަ އެވެ.

ސުޕްރީމް ކޯޓުގެ ފަނޑިޔާރުންގެ ބެންޗުން ތިން މަގާމެއް ހުސްވީ އުއްތަމަ ފަނޑިޔާރަކަށް ހުންނެވި ޑރ. އަހުމަދު އަބްދުﷲ ދީދީ އާއި ފަނޑިޔާރު އާދަމް މުހައްމަދު މަގާމުން ވަކިކުރަން ރައްޔިތުންގެ މަޖިލީހުން ފާސް ކުރުމުންނާއި އެ ކޯޓުގެ ފަނޑިޔާރަކަށް ހުންނެވި އަބްދުﷲ އަރީފް ރިޓަޔާ ކުރެއްވުމުންނެވެ.

ސުޕްރީމް ކޯޓުގެ ކުރީގެ ފަނޑިޔާރު މުއުތަސިމް އުއްތަމަ ފަނޑިޔާރަކަށް އައްޔަން ކުރުމަށާއި އަދި ރިޔާސީ ކޮމިޝަންގެ ރައީސަކަށް ހުންނެވި ސުއޫދާއި ހައި ކޯޓުގެ ފަނޑިޔާރު އަދި ޖޭއެސްސީގެ މެމްބަރު ރައޫފް ސުޕްރީމް ކޯޓުގެ ފަނޑިޔާރު ކަމަށް އައްޔަން ކުރުމާ މެދު ޖޭއެސްސީގެ ލަފައަކަށް އެދިވަޑައިގެންކަން ރައީސް ހާމަކުރެއްވީ ދެންމެ ކުރެއްވި ޓްވީޓެއްގަ އެވެ.

ސުޕްރީމް ކޯޓަށް ތިން ބޭފުޅަކު އައްޔަން ކުރުމާ މެދު ޖޭއެސްސީގެ ލަފައަކަށް ރައީސް އެދިވަޑައިގަތްއިރު، ޖޭއެސްސީން ވެސް އެ މަގާމުތަކަށް ކުރިމަތިލުމުގެ ފުރުސަތު ހުޅުވާލި އެވެ. އެ މުއްދަތު މިއަދު ހަވީރު ވަނީ ހަމަވެފަ އެވެ.

ގާނޫނު އަސާސީ ބުނާގޮތުން ސުޕްރީމް ކޯޓުގެ ފަނޑިޔާރު ކަމަށް ބޭފުޅުން އައްޔަން ކުރާނީ ޖޭއެސްސީގެ ލަފާގެ މަތިން މަޖިލީހަށް ރައީސް ފޮނުއްވާ ނަންފުޅުތަކަކަށް ބިނާކޮށް މަޖިލީހުންނެވެ.

ސުޕްރީމް ކޯޓުގެ ފަނޑިޔާރުން ބެންޗުގައި މިހާރު ތިއްބެވީ ފަނޑިޔާރު ޑރ. އަޒްމިރަލްދާ ޒާހިރާއި ފަނޑިޔާރު އައިޝާ ޝުޖޫން މުހައްމަދުގެ އިތުރުން ފަނޑިޔާރު މަހާޒް އަލީ ޒާހިރު އަދި ފަނޑިޔާރު އަބްދުލްޣަނީ މުހައްމަދެވެ. އޭގެ ތެރެއިން ފަނޑިޔާރު ޣަނީ ވެސް ވަކިކުރަން މަޖިލީހަށް އޮތީ ފޮނުވައިފަ އެވެ.

ސުޕްރީމް ކޯޓް ޖުޑީޝަލް ސާވިސް ކޮމިޝަން ހުސްނުއް ސުއޫދު (ސުޕްރީމް ކޯޓުގެ ފަނޑިޔާރު) އަހުމަދު މުއުތަސިމް އަދުނާން (އުއްތަމަ ފަނޑިޔާރު)

73 ކޮމެންޓް, 161 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޏާދު

29 November 2019

ސުއޫދު ކަމަކު ނުދޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަނަމަނަ

29 November 2019

މުހުތަސިމް އަދުނާން އަކީ ވަރައްގާބިލް ބޭފުޅެއް މިމީހުން ބުނާހާގޮތަކައް ނެއެބުރިއްޖެއްޔާ ކިތައްމެހާވެސް މިހާރު މިގައުމުގެ ސްޕުރިމް ކޯޓަކީވެސް ޖޭއެއްސީ ބޭނުންވާ ގޮތައް ހިންގަން ޖެހިފަ ވާތަނެއް ޝަރުއީކޯޓްތައް މިއިތީ ހައިޖެކްކޮއްފަ ވަރައް އުދަގުވާނެ އިންސާފް ހޯދަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަނބިލި

29 November 2019

މި ސަރުކާރު ނޫން އެހެން ސަރުކާރަކުން ޕާޓީގެ އެކްޓިވިސްޓަކު ސުޕުރީ މު ކޯޓްގެ ފަނޑިޔާރު ކަ މަށް ޢައްޔަން ކުރަން ހުށަހެޅު މުން ހާދަ ވާހައެއް ދައްކާ ރިޕޯޓްތަކެއް ކިޔާ މުޒާހަރާ ތަކެއް ކުރާނޭ. އެހެންވެ އެއްވެސް ލީޑަރެއްގެ ނެތޭ ޖުޑިޝަރީ އިސްލާހުކުރު މުގެ ވިސްނު މެއް. ކޮން މެ ބަޔަކުވެސް ބޭނުންވަނީ އެބަޔަކު ބޭނުންވާ ގޮތައް ހުކު މްނެރޭ އިދިކޮޅުގައި ތިބޭ މީހުންނަށް ދޯކާ ދޭ ފަނޑިޔާރު ގެއެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

29 November 2019

ޑރ މުޙައްމަދު މުނައްވަރުއަށް ބަންޑާރަނައިބްކަންދެއްވެވި ރައީސް މައުމޫނު އަބުދުލް ޤައްޔޫމަށާއި، ޑރ މުނައްވަރުގެވެސްޙިއްސާއާއިއެކު ރާއްޖޭގައި ޑިމޮކްރަސީޤާއިމްކޮށް ބޭއްވި ފުރަތަމައިންތިޙާބުން ކާމިޔާބުހޯއްދަވާ ރައީސްކަން ކުރެއްވި މުޙައްމަދު ނަޝީދު އަދި ރައީސް ޔާމީން އަބުދުލް ޤައްޔޫމް ގެއިތުރުން މަޖިލިސްމެންބަރު އަދި ޖޭޕީގެލީޑަރ ޤާސިމް އިބްރާހިމްއަށް ރަނގަޅަށްއެގިވަޑައިގަންނަވާނެ ޑރ މުނައްވަރަކީ އިސްފަނޑިޔާރަކަށް ނުހަނު ރަނގަޅުބޭފުޅެއްކަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

29 November 2019

މުއުތަސިމް އަދުނާނު އާއި ޑރ މުޙައްމަދު މުނައްވަރު އަޅުވާކިއުއްވަނީ ޒާތީގޮތަކަށްނޫން. # އީޕީއެސް، މަޖީއްދީއްޔާ އަދި ސީއެޗްއެސްސީން އެއްވަނަދަރަޖައިގަފާސްވެ ރަޝިޔާ، ކެނަޑާއިންކިޔަވާވިދާޅުވެ ޒުވާންއުމުރުގައި ޤާނޫނީދާއިރާއިން ޕީއެޗްޑީޙާސިލްކުރެއްވި. # މުނައްވަރަކީ ލޮކްޝަބާގައި އަމަލީގޮތުންމަސައްކަތްކުރައްވާ 10 އަހަރު ރާއްޖޭގެ ބަންޑާރަނައިބަކަށްހުންނެވި، ކަމާއިގުޅުންހުރި އެންމެމަތީދަރަޖައަށްތަޖުރިބާހުރި ޙިޔާނާތުގެރިކޯޑެއްނެތް މިކަމަށްރަނގަޅުބޭފުޅެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލޮކީ

29 November 2019

މުނައްވަރު ޕްރޮމޯޓް ކުރާއިރު ހާމަކޮށްލަންޖެހޭ 1993 އިން 2003 އަށް އެޓާރނީޖެނެރަލްކަން ކުރިއިރު މައުމޫނު ސަރުކާރުގެ ހުރިހާ ނުރަނގަޅުކަންކަން ރަގަޅަށް ދިފާއުކުރި. ޤާނޫނު އަސާސީގައި ޕާޓީ ހެދޭނެކަމަށް އޮތީ މައުލޫދު ޕާޓީކަމަށް ބުނި. ޤާނޫނީ ވަކީލުންނަށް ހަމައެކަނި ދެވޭނީ އެހީކަމަށާއި ވަކާލާތް ނުކުރެވޭކަމަށް ބުނި. ވެލާވަރު ރިސޯޓް ލިބި އެރަށް ޗަމްޕާއަށް ވިއްކާލި. އެނަރޖީ ޓުއަރސް އާއި އައްޑޫ ވިލިގިލި ކަންތައްގަނޑު. އެއީ ތިބުނާވަރު ރަގަޅު ބޭކަލެއް ނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

29 November 2019

ލޮކީއަށް: ބަންޑާރަނައިބް އެކަންއެގޮތަށްކުރައްވާފައިވަނީ ދައުލަތުގެ ދުސްތޫރުއޮތްގޮތުންކަން ޤަބޫލުކުރާންޖެހޭ. ބަންޑާރަ ނައިބަކީ ވަޒީރުންގެ މަޖިލިސް މެންބަރެއް. # ބަންޑާރަނައިބްގެ ޙައިސީއްޔަތުން "ލަފާދެއްވާފައިވަނީ" ޤާނޫނުއަސާސީއޮތްގޮތުން "ސިޔާސީޕާޓީ ފަންގްޝަންނުކުރެވޭނެ" ކަމަށް. # ތިދެންނެވި ވިޔަފާރީގެ އެއްވެސް މުއާމަލާތެއްގައި "ޤާނޫނާއި ޙިލާފު، މަކަރާއި ހީލަތުގެ" އެއްވެސްއަމަލެއް ހިމެނިފައިވޭތޯ ސާފުބަހުން ބުނެލަން ލޮކީއަށް ކެރިވަޑައިގަންނަވާނެތޯ؟